1 Aleluya!

Mu ke kembila Yave na ntima ya munu nyonso.

Mu ke kembila Yave na kati ya lukutakanu ya bantu ya kusungama mpe na kati ya mukangu.

2 Mambu ya Yave kele ya nene,

bayina ke zolaka yawu ke sosaka yawu.

3 Mambu yina yandi ke salaka ke talanaka na nkembo nyonso,

ludedomo ya yandi ke zingilaka bantangu nyonso.

4 Yandi ke zolaka ti ba bambuka moyo na bimangu ya yandi,

Yave ke na bumbote mpe na kyadi.

5 Yandi ke pesaka madya na bayina ke zitisaka yandi,

Nzambi ke bambukaka moyo konso ntangu na ngwisani ya yandi.

6 Yandi ke lakisaka na bantu ya yandi lulendo ya mambu yina yandi ke salaka,

na kupesa na bantu ya yandi mvwilu ya bayinsi ya nzenza.

7 Mambu yina yandi ke salaka kele ya tsyelika mpe ya kusungama,

bantumunu ya yandi nyonso kele ya mbote,

8 yawu ke soba ve, samu na bantangu nyonso,

yawu kele ya tsyelika mpe ya kusungama.

9 Yandi pesaka kimpwanza na bantu ya yandi,

yandi salaka ngwisani ya yandi samu na bantangu nyonso,

Nkumbu ya yandi kele ya longo mpe ya nsisi.

10 Kuzitisa Yave kele mbandukulu ya ndwenga,

bayina ke na mayela ni bawu ke tumamaka na yawu,

nzitusu ya Yave ke zingila bantangu nyonso.