1 Ntangu Isayeli basikaka na yinsi ya Ngipiti,

ntangu bana ya Yakobi bikaka yinsi ya bantu yina ke zonzaka ndinga ya nzenza,

2 Yuda kumaka Yinzo ya longo ya Nzambi,

Isayeli kumaka mvwilu ya yandi.

3 Mubu talaka yawu mpe yawu kimaka,

nzadi ya Yolodani talaka yawu mpe yawu vutukaka manima.

4 Myongo vwandaka duzumuka mutindu mameme ya mbakala,

myongo ya fyoti vwandaka duzumuka mutindu bana ya bankombo mpe ya mameme.

5 Nge mubu, samu na yinki nge me kima?

Nge nzadi ya Yolodani, samu na yinki nge me vutuka manima?

6 Myongo samu na yinki beno ke na duzumuka mutindu mameme ya mbakala?

Myongo ya fyoti samu na yinki beno ke na duzumuka mutindu bana ya bankombo mpe ya mameme?

7 Nge ntoto, tekita na mantwala ya Yave!

Tekita na mantwala ya Nzambi ya Yakobi.

8 Yandi ke kitulaka ditadi ya nene na kizinga ya maza,

yandi ke kitulaka ditadi ya nene na yinto ya maza.