Mu ke yangalalaka ntangu ba ke tubaka na munu ti:

«Beto kwenda na Yinzo ya Yave!»

2 Beto me tambula, beto me kwiza suka

na mantwala ya myelo ya nge, Yelusalemi!

3 Yelusalemi, nge kele ya kutungama,

nge kele mbanza ya kutungama mutindu kima kaka mosi.

4 Ni na sika ya nge, bifumba ya Isayeli,

bifumba ya Yave ke kwizaka,

samu na kukembila Nkumbu ya Yave,

ni mutindu yina kele ntumunu na Isayeli.

5 Ya tsyelika, bakiti ya kintinu samu na lufundusu kele ni na sika ya nge,

bakiti ya kintinu samu na dikanda ya Davidi.

6 Beno sambila samu na kizunu ya Yelusalemi:

«Bika ti bayina ke zolaka nge, bawu kuzinga na kizunu.

7 Bika ti kizunu kuvwanda na bibaka ya nge,

luvundulu kuvwanda na kati ya bayinzo ya kintinu!

8 Samu na bampangi ya munu, mpe samu na bandiku ya munu, mu ke na kutuba:

“Bika ti kizunu kuvwanda na nge!”

9 Samu na Yinzo ya Yave, Nzambi ya beto,

mu ke na lomba buyenge ya nge!»