1 Nia aga ngising ti Leeme Silok keneng at levenmumuat tarak, la neni ga sep siam at lisingising tarak. 2 Leeme Silok, una lox asepsu ia basinge luvuttadi xaxarang la sosolo arup.

3 Nemi limixin kaxarang, lavanga salai mo ne Moroa naba lox i rinimi? La neni naba lox asongot nimi xereva? 4 Neni naba lox asongot nimi mi levesoso ing sengsen at luvuttadi esep la mi laxangkali kao iplivi aleng.

5 Axot kis avukat kantubu atnemi limixin kapmek. Nemi mi lok ngan limixin tongtonga viribang di nemen to Mesek la to Kedar. 6 A molo tik lok eburu minedi limixin ua dixo sisiam ka limila. 7 La do a paase rinedi mi limila, di vavara na vesep mun.