124
Moroa Neni Lurutu
See Pe At Limixin Teren
Mo do Leeme Silok gixo tu at lenep atdik, nedik limixin axap me Israel giba ekip tangarang mi lempanga salai?
Mo do Leeme Silok gixo tu at lenep atdik, limixin munepen midik giba esep tangarang midik. La lebelemamao atdi giba lok kapmek aleng tidik, la nedi giba linge bintoo nedik la di lok ngan ladanut giba vula pe nedik, la na vaxat ka nedik uto vetpes, la nedi di lok bok ngan laraan silok gibak mir axong nedik.
Ata tong avukat ti Leeme Silok atla goxo ke kepe limixin munepen midik kusu dina sele utut dik. Nedik tara sixiro vam kerekngan lapka i sixiro basinge lelixo, nai lelixo ira rexorop pam, la nedik na tara sepmus ta. Loklok tooro atdik ip tavasu boro at Leeme Silok, neni ga rudum li laxalibet mi lavatbung menemen.