PETER-NA
I-ba Anisuba Chithi
Wahoudok
2 Peter-gi chithi asi Pakhonchatpa Peter-na i-bani haina yaori adubu ngasigi akhang ahei kaya amanadi madu achumba oiroi haina khalli. Peter-gidamak kanagumba amana i-ramba yaibagi oithokpa lei. A-ibana mahak Jisuna hinglamba amadi maru oina Ibungona sakwong hongkhiba (1:17-18) adubu uhouba amani haijei. Karigumba chithi asi Peter-na i-ramba tarabadi mahakna sidringei, Christtana poklaba matung chahi 65 dagi 69 phaobagi manungda Rome sahardagi i-ba oiramba yai. Peter-na chithi asibu mahakki anisuba chithi haina kouri (3:1) aduga masi 1 Peter-gi matungda i-bani haiduna i-bagi matam adu takli. Chithi asi Christian pumnamakta i-bani haina palli.
Thajabasingna aphaba punsi ama hingnabagi pukning thougatnaba amadi aranba tambibasinggi (2) matung indanaba cheksin wa hainaba Peter-na chithi asi i-bani. Jisuna amuk lakkadaba adu matam kuimankhre haiba mising adu thousadanaba thajabasingbu pukning thougatli. Adubu Tengban Mapuna thinthaba natte adubu Ibungona mi pumnamakpu kanbiba pambani (2 Peter 3:8-9) haiba adu utli. Asina maram oiraga aphaba punsi ama hinggadabani (3:14).
Yaopham Takpa
1. Peter-na masabu sak takpa amadi chithi asi paba misinggi maramda khara haiba (1:1-2)
2. Aphaba punsi ama hingnaba mahakna makhoida ningsingbi maramdi Tengban Mapuna eikhoina adugumba punsi ama hingba ngamhanbi (1:3-21)
3. Aranba tambibasinggi maiyokta mahakna cheksin wa amasung aroibada aranba tambibasingda kari oigani haiba (2:1-22)
4. Madu hairaba tungda Jisuna amuk lakkadaba adugidamak semsaba oina aphaba punsi hingnaba thougatlaga Peter-na chithi asi loisilli (3:1-17)
1
1 Jisu Christtagi manai amadi pakhonchatpa Simon Peter,
Eikhoigi Tengban Mapu amasung Kanbiba Mapu Jisu Christtagi achumba chatpa adugi mapanna eikhoina phangbagumna mamal yamlaba thajaba phanglaba makhoisingda:
2 Tengban Mapu amasung eikhoigi MAPU IBUNGO Jisu Christtabu khangbagi mapanna thoujal amasung ingthaba nakhoida marang kaina leiba oirasanu.
Tengaban Mapugi koubiba amasung khandokpiba
3 Ibungo mahak masamakki oiba matik mangal amasung aphaba magun adugi maramna eikhoibu koubiraba mahakpu khangjaba adugi mapanna eikhoina Tengban Mapu ningba punsi ama hingbada changba pumnamak adu Tengban Mapugi oiba panggal aduna eikhoida pibire. 4 Matik mangal amasung aphaba magun asising asigi maramna mahakna henna chaoba amadi mamal yamlaba mahakki wasaksing eikhoida pibire, maram aduna wasaksing adugi mapanna phattaba apambasingna thok-hanba taibangpanda leiba amangba adudagi nanthoklaga Tengban Mapugi oiba mahousa aduda saruk yaba phangjananabani. 5 Maram asigidamak nakhoina ngambamakhei hotnaduna nakhoigi thajabada aphaba gun hapchinnaba hotnou aduga aphaba gunda khangba; 6 nakhoigi khangba aduda nasa khudum chanjaba; nakhoigi nasa khudum chanba aduda khaangheiba; khaangheiba aduda Tengban Mapu ningba; 7 Tengban Mapu ningba aduda nachin nanao oibagi channaba hapchillu; aduga nachin nanao oibagi channaba aduda nungsiba hapchillu. 8 Hairiba gunsing asi nakhoida leiduna hen-gatlabadi, eikhoigi Mapu Ibungo Jisu Christtabu khangbada kanadaba amadi mahei yalhandaba oihalloi. 9 Adubu hairibasing asi leitaba makhoi adudi athappa uba ngamdaba amasung mittangbasingni, makhoina mamaangda langjakhra papsing adudagi sengdokpikhre haiba makhoina kaokhre.
10 Maram aduna eigi ichil inaosa, Tengban Mapuna nakhoibu koubiba amadi khandokpiba adu henna chetsinhannaba ngambamakhei hotnou. Maramdi nakhoina asising asi tourabadi, nakhoina keidounungdasu nakhoigi thajaba thadokloi.*nattraga “papta taroi” 11 Asumna oirabadi eikhoigi Mapu Ibungo amasung Kanbiba Mapu Jisu Christtagi lomba naidaba leibak aduda nakhoibu taramna okpigani.
12 Maram aduna nakhoina maram pumnamaksing asi hanana khanglaba oirabasu amasung nakhoida leiraba achumba aduda chetna leirabasu, matam pumnamakta eina hiramsing asigi maramda nakhoida ningsingbigani. 13 Eina hinglibamakhei masigi hiramsing asi nouna nakhoida ningsinghanba haibasi chummi haina eina khalli. 14 Maramdi eikhoigi Mapu Ibungo Jisu Christtana eingonda sengna takpikhibagumna, thunamak eigi hakchang asi thadoklani haiba eihak khang-i. 15 Eina leikhidraba matungda nakhoina hiramsing asi matam pumbada ningsingduna leiba yananaba lambi ama semnaba ngambamakhei eina kanna hotnagani.
Christtagi matik mangalbu mitna ujahoubasing
16 Mapu Ibungo Jisu Christtana panggalga loinana lengbirakkadaba adugi maramda eikhoina nakhoida haiba matamda, hei-singna semjin sajinba wari sijinnaduna haikhide, adubu eikhoidi mahakki matik chaoba adugi mitna uhouba sakhisingni. 17 Mat 17:1-5; Mrk 9:2-7; Luk 9:28-35 “Masi eigi nungsiraba Ichanupani, mangonda Ei yamna pelle!” haina Khuwaidagi Chaoba Matik Mangalgi khonjel aduna Ibungogi maphamda lakpada Mapa Ibungo Tengban Mapudagi ikai khumnaba amadi matik mangal Ibungona phangjaba matam aduda eikhoi mapham aduda leirammi. 18 Eikhoina asengba ching aduda Ibungoga loinana leiringeida swargadagi lakkhiba khonjel adu eikhoi isamakna takhi.
19 Maram aduna maichousingna laothokpiramba paojel adubu amukka henna eikhona chetna thajare. Maduda nakhoigi pukning chingsinba haibasi nakhoigi aphabani maramdi nongngandriba phaoba amasung ayukki sajik thabana nakhoigi thamoida ngandriphaoba madu amambada nganba thaomeigumba amani. 20 Pumnamak asigi mathakta Puyagi wa phongdokpa amata maichou amagi masagi khangjaba adudagi haidokpa natte haibasi nakhoina khanggadabani. 21 Maramdi Tengban Mapudagi phongdokpa wa amata mioibagi aningbadagi khak lakpa natte, adubu maichousing adu mioiba oijarabasu, Thawai Asengbana makhoibu chingbiduna makhoina Tengban Mapudagi lakpa wa adu ngang-i.