1 Pues te'i. Inen aj Pablojo. Chen u men u c'ati a Jesucristo ti que'enen ti presojil, que'enen ti presojil ta woc'lale'ex a ma' Israele'exe.*Hch 21:33; 2 Ti 2:10 2 A wu'yaje'ex wal biqui'il u wich in meyaj. Tücaa'been in wadü' u pectzil a Dios te'ex a ma' Israele'exe.*Ro 1:5; Hch 9:15 3 Le'ec a Dioso, u ye'aj ten a c'u' a tan u betic ala'aji. Muca'an biq'uin ado'o. Ac in tz'iibtaj tun yoc'ol c'u' a tan u betic a Dioso. 4 Tanil a xoquique'ex a carta ada'a, chica'an cuchi te'ex ti le'ec inene, in weel c'u' a muca'an yoc'ol a Cristo biq'uin ado'o. 5 Ma' tz'abi ti'ijoo' a cristiano uchi ca' u ch'aa'oo' u tojili. Aleebe u Püsüc'al a Dioso, u tz'aj ti'ijoo' u yaj xa'num a Cristo ca' u ch'a'oo u tojil yoc'ol u pectzil a Dioso. Tz'abi ilic ti'ijoo' u chucaan a walacoo' u yadic u t'an a Dios ca' u ch'a'oo' u tojil u men u Püsüc'al a Dioso.*Hch 10:28 6 Le'ec u pectzil Dios a tan in wadiqui, le'ec biqui ti quet ca' c'ümbücoo' aj Israel eteloo' a ma' Israele. Le'ec ca' u c'ümoo' u pectzil a Dioso, jun muuch'oo' ilic tu bajil etel a Cristojo. Quet ti beloo' u cu c'ümü' a qui' u yadaj u tz'eec a Dioso.*Ga 3:14 7 Tz'abi ten ca' in wadü' u pectzil Dios abe'e, chen u men u qui'il a Dioso. Tz'abi ilic ten u muc' in t'an.*Ro 15:18 8 Inene, jabix ma'ax c'u' aj beelen cuchi tu yaamoo' tulacal boon a hermanojo. C'u' betiqui, tz'abi ten jun p'eel a qui'ili. Le'ec a qui'il abe'e, le'ec ca' xiquen in wadü' u pectzil a Cristo ti'ijoo' a ma' Israele. Top mani tu pach u yaabil a qui' a yan etel a Cristojo.*Sal 31:19; Jn 1:16; Fil 4:19; Col 1:27 9 Le'ec a Dioso, u laj betaj tulacal a ba'ala. Tz'abi ten ca' in wadü' ti'ijoo' tulacal mac u pectzil a muca'an biq'uin ado'o.*Mt 13:17; Lc 10:24; Ro 16:25; 1 Co 2:7; Sal 33:6; Jn 1:3; Col 1:16 10 Ich ca'an yanoo' a nucuch u wichil. Yanoo' ilic a yanoo' u muc' u yanili. Etel c'u' a tan u betic a Dios eteloo' a hermanojo, chica'an ti'ijoo' a que'en ich ca'an ti top patal a Dioso.*1 P 1:12; 1 P 3:22; 1 Co 2:7 11 Uchi u c'atiinte u yee' u patalil. Chiclaji u patalil etel c'u' u betaj etel ti Noochil a Jesucristojo. 12 Chen u men que'en ti wool tu pach a Cristojo, ma' yan ti ca' p'eel u yool ti tucul ti tan ti c'aatic c'u' ti c'ati ti'i a Tattzili. 13 U men ma' yan ti ca' p'eel u yool ti tuculu, ma' a saactale'ex etel ti que'enen ti presojil. Que'enen ti presojil u men in wadaj te'ex u pectzil a Cristojo. Tan u joc'ol te'ex ti mas qui' u men que'enen wa'ye'.

14-15 Pues te'i. Tulacalo'on a hermanojo'ono, ca'ax ti ca'an ca'ax ti lu'um, ti wet'oc ti bajil. Jun tuul ilic ti Tat, le'ec a Dioso. Walaque'ex a c'ümbül jabix ilico'on aj Israelo'on, mentücü, walac in xontal in c'ajes a Dios ta woc'ole'ex.*Fil 2:9 16 Top yaab u qui'il ala'aji. Walac in c'aatic ti'i ca' u chichcunte'ex a wool etel ilic u Püsüc'al a que'en ichile'ex a püsüc'al.*Fil 4:19; Job 23:6; Sal 28:8; Is 40:29-31; Col 1:11; Ro 7:22 17 Walac ilic in c'aatic ti'i ca' u tz'aa' te'ex ti mas que'enaque'ex a wool tu pach a Cristo ti'i ca' u mas bete' a qui' ichile'ex a püsüc'al. Jabix ilic ti ma' ta'ach u peec a che' a tam bini u cana, baalo' ilic inche'exe. Chiche'ex cuchi a wool a yacunte'ex tulacaloo' a maca.*Jn 14:23; 1 Jn 4:4 18-19 Walac ilic in c'aatic ti'i ca' u tz'aa' ca' a weelte'ex biqui ti top yaj u yubo'on a Cristojo. Ma' jadi' inche'exi, in c'ati ilic cuchi tulacaloo' u chucaan a hermano ca' u yeeltoo' biqui ti top yaj u yubo'on a Cristojo. Tane'ex cuchi a weeltic boon u yaabil ti yaj u yubo'on a Cristo jabix cuchi tane'ex a p'isic u taan, u wa'an, u ca'nalil, u tamil ti yaj u yubo'on. Ma' yan biqui u na'tabül tulacal a boon u yaabil ti yajtzilo'on. Tanil ti weeltic ti top yajtzilo'on, bel ti ca ti c'ümü' tulacal u qui'il a Dioso.*Ro 10:3*Jn 1:16; Col 2:9

20 Pues te'i. Le'ec tulacal boon a patalo'on ti c'aatic ti'i a Dioso, jede'ec u paatal u betic abe' ti manal tu jajil. Jede'ec ilic u paatal u betic ti manal c'u' a patal ti tuclic xan. Jede'ec u paatal u betic abe' etel u muc' a tan u betic u meyaj ichil ti püsüc'al. 21 Tanac u yaalbül u qui'il a Dios jumpul u menoo' boon tuul a que'enoo' u yool tu pach a Jesucristojo. Toj abe'e.*1 Ti 1:17