9
A Jesusu, u tücaa'tajoo' u yaj cambal a doce tuuloo' tu bajili.
Pues te'i. Le'ec a Jesusu, u püyajoo' u yaj cambal a doce tuul tu tzeele. U tz'aj ti'ijoo' u patalil ti'i ca' u joq'uesoo' a c'ac'asba'al ichil u yool a maca, y ti'i u ch'anesicoo' a c'oja'ana.* Mt 10:1; Mr 3:13; Mr 6:7; Jn 14:12; Hch 3:6 Bel u cu tücaa'too' ca' xicoo' u yadü' ti'ijoo' a cristiano biqui ti tan tun u tücaa' a Dioso. Beloo' ilic u ca'a u ch'anesoo' a c'oja'ana.* Mt 10:7,8; Mr 6:12; Lc 10:1,9; Tit 1:9; Tit 2:12,14 —Ma' a bensique'ex a ma'ax c'u'i ti tane'ex a beele. Ma' a bensique'ex a xoolte'e, ma'ax a salbeque. Ma' a bensique'ex a janala, ma'ax a taq'uini. Ma'ax a bensique'ex ulaac' a noc',— cu t'an a Jesusu.* Sal 37:3; Mt 10:9; Mr 6:8; Lc 10:4; Lc 22:35; 2 Ti 2:4 —Le'ec tuba ca' ocoque'ex ti posado, te'i yane'ex a jedel. Le'ec ti tane'ex a joc'ol ichil a caja, ichil ilic a naj abe' a joc'ole'ex,— cu t'an a Jesus ti'ijoo'o.* Mt 10:11; Mr 6:10 —Tuba ma' a c'ate'ex c'ümbülü, le'ec ti tane'ex a joc'ol te'i, liijte'ex u ta'lu'umil a woc ca' c'axüc. Le'ec abe' u p'is ti ma' qui' u betajoo' te'exe,— cu t'an a Jesusu.* Mt 10:14; Hch 13:51 Joc'oo' te'i u yaj cambal a Jesusu. Binoo' ichil a caj tulacal tuba. U yadajoo' u pectzil a Dios te'iji. U ch'anesajoo' a c'oja'ana.* Mr 6:12
Le'ec ada' biqui ti quimsabi aj Juan aj tz'aj ocja'a.
Pues te'i. Le'ec aj Herodese, que'en ti gobernadoril cuenta Galilea. U yubaj tulacal a c'u' a tan u betabül tu cuenta ala'i u men a Jesusu. Sa'ti u yool ala'i u men yan a tanoo' u yadic ti ca' cuxlaji aj Juan aj tz'aj ocja'a.* Mt 14:1; Mr 6:14 Yanoo' ulaac' a tanoo' u yadic ti chiclaji aj Eliasa, le'ec jun tuul u yadaj u t'an a Dios uchi. Yanoo' ulaac' a tanoo' u yadic ti ca' cuxlaji jun tuul a uchben winic u yadaj u t'an a Dios uchi. —Inen in tücaa'taj ca' ch'ücbüc u cal aj Juan biq'uin ado'o. ¿Mac winiquil abe' a tan u betic a top yaab a tan in wu'yiqui?— cu t'an aj Herodese. U c'atiintaj cuchi u yila' a Jesusu.* Lc 23:8
Tzeenbi a cinco mil tuul ti winic u men a Jesusu.
10 Pues te'i. Le'ec ti jobi u beticoo' u xa'numbeeb u yaj cambal a Jesusu, ca' much'lajoo' etel. U yadajoo' ti'i a Jesus tulacal a c'u' u betajoo'o. Bensaboo' u men a Jesus ich tz'i' caj Betsaida u c'aba'.* Mr 6:30; Mt 14:13 11 Le'ecoo' u yaabil a cristianojo, u yubajoo' tuba bini a Jesusu. C'ochoo' u cüxte. C'ümboo' tu qui'il u men a Jesusu. Aalbi ti'ijoo' biqui ti tan tun u tücaa' a Dios u men a Jesusu. Ch'anesaboo' boon tuul a c'oja'an tu yaamoo'o.
12 Pues te'i. Watac u yocol a q'uini. Naatz'oo' etel a Jesus a doce tuul u yaj cambala. —Adü ti'ijoo' a cristiano ca' xi'icoo' u cüxtoo' u posado eteloo' u janal ichil tulacal a aldea a nütz'a'an wa'ye'e. Que'eno'on ich p'atal lu'um. Ma'ax c'u' a yan wa'ye'e,— cu t'anoo' u yaj cambal ti'i a Jesusu.* Mt 14:15; Mr 6:35; Jn 6:1,5 13 —Inche'ex ca' a tz'a'e'exoo' u janal,— cu t'an a Jesusu. —Jadi' cinco cuul pan etel ca' tuul aj ch'ilam a yan to'ono. Ma' yan ulaac'. ¿A c'ati wa ca' xico'on ti q'uex janal ti'ijoo' tulacaloo' a cristiano ado'o?— cu t'anoo' ti'i a Jesusu.* 2 R 4:42,43; Nm 11:22; Sal 78:19,20 14 Yan wal cinco mil tuul ti winic te'i. —Ade'ex ti'ijoo' a cristiano ca' tinlacoo' ich jujun muuch'oo'. Jabix wal cincuenta tuul ichil a jujun muuch'u,— cu t'an a Jesus ti'ijoo' u yaj cambala. 15 U yadajoo' ti'i a cristiano ti baalo'. Laj tinlajoo'. 16 Le'ec a Jesusu, u müchaj a cinco cuul a pan etel a ca' tuul aj ch'ilama. U cha'antaj a ca'ana. U c'ajsaj a Dios yoc'ol a janala. U meen xet'aj a pan etel aj ch'ilama. U tz'aj ti'ijoo' u yaj cambal ca' u t'oxoo' ti'ijoo' a cristianojo. 17 Laj janoo'. Na'ajnoo'. Le'ecoo' u yaj cambala, u tudesajoo' doce cuul a nucuch xac etel u yada' a janala.* Sal 145:15,16
—Inchech a Cristo,— cu t'an aj Pedrojo.
18 Pues te'i. Jun p'eel q'uin tu junaloo' que'en a Jesus u yet'ocoo' u yaj cambal. Tan u t'an a Jesus etel a Dioso. —¿Mac winiquilen ti walacoo' u yadic a cristiano tin woc'ol?— cu t'an a Jesus ti'ijoo' u yaj cambala.* Mt 16:13; Mr 8:27 19 —Yan a walacoo' u yadic ti le'ec inchech aj Juan aj tz'aj ocja'a,— cu t'anoo'. —Yanoo' ulaac' a walacoo' u yadic ti le'ec inchech aj Eliasa. Ulaac' tucaye' walacoo' u yadic ti le'ec incheche, jun tuul a uchben winic a ca' cuxlaji a walac u yadic u t'an a Dios uchi,— cu t'anoo' ti'i a Jesusu.* Mt 14:2 20 —Uxtun inche'exe, ¿mac winiquilen ti walaque'ex a wadic?— cu t'an a Jesus ti'ijoo'o. —Incheche, Cristojech, u yaj Sa'alilech a cristiano a tücaa'beech u men a Dioso,— cu t'an aj Pedro ti'iji. 21 —Ma' a wadique'ex abe' ti'i ma'ax mac,— cu t'an a Jesus ti'ijoo' tu jajil.* Mt 16:16; Mr 8:29; Mr 14:61; Jn 1:41,49; Jn 4:4,29,42; Jn 6:69; Jn 7:41; Jn 11:27; Jn 20:31; Hch 8:37; Hch 9:22; Ro 10:9; 1 Jn 4:14,15; 1 Jn 5:5; Mt 16:20
—Bel in ca'a quimsabül,— cu t'an a Jesusu.
22 —Pues te'i. Inene, yanajeen ti cristianojil. Yan in c'ümic ti yaab a yaja,— cu t'an ti'ijoo' u yaj cambal. —Bel in ca'a culpachbül u menoo' ti wetcaal a walacoo' u tücaa'. Bel ilic u ca'a u culpachteen u noochiloo' u yaj mansaj t'an a cristiano ti'i a Dioso. Baalo' ilic beloo' u cu bete' ten boon tuul u yaj ca'ansajil u ley aj Moisese. Yan in quimsabül. Yan ilic in ca' cuxtal tucaye'il ti'i u yox p'e q'uin,— cu t'an a Jesus ti'ijoo' u yaj cambala.* Mt 16:21; Mt 17:22; Mt 20:17; Mr 9:31; Lc 18:31; Lc 24:6,7
23 Pues te'i. Uchi u t'an a Jesus etel tulacaloo' a cristianojo. —Wa yan mac u c'ati u c'ümeen ti'i u noochili, yan u p'ütic u betic c'u' a qui' tu wich u betic wa'ye' yoc'olcab. Sansamal yan u muc'yajtic boon a yaj a tan u tz'abül ti'i u men tan u tz'ocsiquen. Ti baalo'o, tan u betic jabix a mac a tan u bensic u cruz ti'i ca' quimsabüc tuwich. Le'ec a jabix abe' a qui' ca' talac tin pacha,— cu t'an a Jesusu.* Mt 10:38; Mt 16:24; Mr 8:34; Lc 14:27 24 —Le'ec mac u c'ati u sa'alte u cuxtal wa'ye'e, sa'tül u ca'a u cuxtal ti ca'an. Uchac u sa'tül u cuxtal a mac yoc'olcab u men que'en u yool tin pach, bel u cu sa'alte u cuxtal ti ca'an,— cu t'an a Jesusu. 25 —¿C'u' aj beel ti'i a mac ca'ax u naalte cuchi tulacal a yoc'olcab y ca' quimic ti ma' c'üma'an u men Dios?— cu t'an a Jesusu.* Mt 16:26; Mr 8:36 26 —Wa yan mac a sudac tene, wa xan sudac ti'i in t'an, baalo' ilic le'ec ti ca' uduquen tucaye'ili, sudaquen ilic ti'i. Inene, yanajeen ti cristianojil. Ca' wataquen etel in muc' y etel u muc' a Tattzili, y etel u muc' u yaj xa'num a Dios ti ca'ana.* Mt 10:33; Mr 8:38; 2 Ti 2:12 27 Tan in wadic te'ex u jajil. Yan mac ta yaame'ex a ma' tu quimiloo' asto u yilicoo' biqui ti walac u tücaa' a Dioso,— cu t'an a Jesusu.* Mt 16:28; Mr 9:1
Jeeli u cha'an a Jesusu.
28 Pues te'i. Jabix wal ocho q'uin manüc a t'an abe' u yadaj a Jesusu, naq'ui tuwich witz ti t'an etel a Tattzili. U bensaj aj Pedro, aj Juan y aj Jacob tu pacha.* Mt 17:1 29 Le'ec ti tan u t'an a Jesus etel a Tattzili, jeeli u cha'an. Naach u sac u noc' tu jajil.* Ex 34:29,35 30 Te'i chiclaji ca' tuul a winiqui, aj Moises etel aj Eliasa. Tanoo' u tzicbal etel a Jesusu.* 2 R 2:11 31 Naachoo' ilic u sac a ca' tuulu. Tanoo' u tzicbaltic u pectzil u quimeeb a Jesusu. Uchul u ca'a abe' ich caj Jerusalen.* Fil 3:21
32 Pues te'i. Ca'ax top tan cuchi u yemel u wüyül aj Pedro eteloo' u yet'oc a ca' tuulu, ma' wiinoo'i. U yilajoo' u sac a Jesusu. U yilajoo' a ca' tuul a wa'an ti que'enoo' tzeel a Jesusu.* Dn 8:18; Dn 10:9 33 Le'ec ti cajoo' ti joc'ol a ca' tuul tu tzeel a Jesusu, uchi u t'an aj Pedrojo. —Maestro, qui' ti que'eno'on wa'ye'. ¿Ma' wa qui' ca' ti bete' ox cuul a tz'i' naj ti'i bo'oy? Jun cuulu, tech. Jun cuul ti'i aj Moises, y jun cuul ti'i aj Eliasa,— cu t'an aj Pedrojo. Chen u jan adaj abe'e. Ma' u yeel u tojil c'u' u yadaja. 34 Le'ec ti tan to u yadic abe' aj Pedrojo, emi a muyal yoc'oloo'o. Laj que'enoo' ich muyal. Saacajoo' u yaj cambal a Jesus ti tan u yemel a muyal yoc'oloo'o. 35 U yubajoo' a t'an ichil a muyala. —Le'ec ada'a, in Mejen. Yaj in wu'yi. U'ye'ex u t'an,— cu t'an a t'an ichil a muyala.* Mt 3:17; 2 P 1:16,17; Ex 23:21; Dt 18:15-18; Hch 3:22; He 2:3; He 12:25 36 Le'ec ti uchi a t'an abe'e, u yilajoo' a Jesusu. Tu junal que'en. Ma' u yadajoo' ti'i ma'ax mac c'u' u yilajoo'o, asto ti bini a Jesus ti ca'ana.* Mt 17:9
Ch'anesabi a ch'ajom a yan a c'ac'asba'al ichil u yoolo.
37 Pues te'i. Tu samalil to emoo' tuwich witz. C'ümbi u menoo' u yaabil a cristianojo.* Mt 17:14,21; Mr 9:14,17 38 Jun tuul winic a que'en tu yaamoo' a cristiano a much'a'anoo' te'iji, u c'aataj ti'i a Jesusu. —Maestro, bete ten jun p'eel qui'il. Ch'a'a u yotzilil in mejen. Jadi' ada' in mejene. Ma' yan ulaac',— cu t'an a winic abe' ti chich ti'i a Jesusu. 39 —Yan q'uin ti walac u yoc'ol a c'ac'asba'al ichil u yoolo. Walac u yawat. Walac u tz'eec a sücquimil ti'iji. Walac u yoom u chi'. Walac u yajcuntic in mejen. C'üs ma' ta'ach u p'ütic in mejen,— cu t'an a winiqui. 40 —In c'aataj ti'ijoo' a waj cambal ca' u joq'uesoo' a c'ac'asba'al a que'en ichil u yoolo. C'u' betiqui, ma' pataloo',— cu t'an ti'i a Jesusu. 41 —Top ma' que'ene'ex a wool tu jajil tu pach a Dioso. Top que'en to a woole'ex tu pach a uchbene,— cu t'an a Jesus ti'ijoo' u yaj cambala. —¿Boon q'uin to yan in cuntal ta yaame'ex y muc'yajte'ex?— cu t'an a Jesus ti'ijoo'o. —Tales a mejen,— cu t'an a Jesus ti'i a winiqui.* Dt 32:5; Sal 78:8; Mt 3:7; Mt 12:39,45; Mt 16:4; Mt 23:36; Hch 2:40 42 Tanil u naatz'ül u mejen a winiqui, c'atsabi u men a c'ac'asba'ala. Caji ti süquimil. Le'ec a Jesusu, u chichich chiitaj a c'ac'asba'ala. U ch'anesaj a tz'ubu. U c'ubaj ti'i u tat tucaye'il. 43 Sa'too' u yool tulacaloo' a cristiano ca' u yilajoo' u patalil a Dioso.
A Jesusu, u ca' adaj u pectzil u quimsabül.
Pues te'i. Le'ecoo' a cristiano abe'e, tanoo' to u tuclic tulacal a c'u' u betaj a Jesus ti uchi u t'an eteloo' u yaj cambal. 44 —Tz'a ta woole'ex c'u' a bel in quin wadü' te'exe. Inene, yanajeen ti cristianojil. Bel in ca'a c'ubbul tu c'ü'oo' a cristianojo,— cu t'an a Jesus ti'ijoo' u yaj cambala. 45 Ma' u ch'a'ajoo' u tojil u t'an. Muca'an u nu'cul a t'an abe' ti'ijoo'o, mentücü, ma' pataloo' u ch'a' u tojil. Saacoo' u yaj cambal u c'aate ti'i a Jesus c'u' u nu'cul a t'an abe'e.* Mt 16:22; Mr 8:16; Mr 9:32; Lc 2:50; Lc 18:34; Jn 12:16; Jn 14:5; 2 Co 3:14
¿Mac a mas nooch u wichil u meyaj?
46 Pues te'i. Le'ecoo' u yaj cambal a Jesusu, tanoo' u p'ujsic u bajil etel t'an yoc'ol mac a mas nooch u wichil u meyaj tu yaamoo'o.* Mt 18:1; Mr 9:34 47 Le'ec a Jesusu, u yeel c'u' a tanoo' u tucliqui. U püyaj jun tuul a tz'ubu. U tz'aj tu tzeel. 48 —Le'ec mac ca' u yaante a jabix tz'ub ada' a tan u tz'ocsiquen chen u men tan u tz'ocsiquene, tan ilic u yaantiquen. Tanil u yaantiquene, tan ilic u yaantic mac u tücaa'tajen. Ti baalo'o, le'ec mac ta yaame'ex a tan u betic jabix ma'ax c'u' u yeele, le'ec, aj ch'a'bej ta yaame'ex,— cu t'an a Jesus ti'ijoo' u yaj cambala.* Mt 10:40; Mt 18:5; Mr 9:37; Jn 12:44; Jn 13:20; 1 Ta 4:8; Mt 23:11,12
Le'ec a ma' tz'iic to'ono, le'ec ti wet'oc.
49 Pues te'i. Uchi u nuuc aj Juana. —Noochil, biq'uin ado'o, jun tuul a winiqui, etel ilic a c'aba' walac u joc'sic a c'ac'asba'al ichil u yool a maca. Ti wilaj abe'e. Ma' tücünac ala'i ta pach tiqui wetel, mentücü, ti wadaj ti'i ti ma' u betic ti baalo',— cu t'an aj Juan ti'i a Jesusu.* Mr 9:38; Nm 11:28 50 —Ma' a wet'ique'ex u betic abe'e. Le'ec mac a ma' tz'iic ta wetele'exe, ala'aji, qui' u yool ta wetele'ex,— cu t'an a Jesusu.* Mt 12:30; Mr 9:39-41; Lc 11:23; 1 Co 12:3
Tojquinboo' aj Juan etel aj Jacob u men a Jesusu.
51 Pues te'i. Le'ec ti tan u naatz'ül u q'uinil u beel a Jesus ti ca'ana, u tz'aj u yool ti beel ich caj Jerusalen.* 2 R 2:1; Mr 16:19; Jn 6:62; Hch 1:2; He 6:20 52 U tücaa'tajoo' u yaj xa'num ca' xi'ic taanil ich jun p'eel tz'i' caj. Que'en tu cuenta Samaria a caj abe'e. U c'atiintajoo' u paye' cüxte u posado a Jesusu. 53 C'u' betiqui, ma' u c'atiintaj tz'abül a posado ti'i a Jesus u men tan u beel ich caj Jerusalen.* Jn 4:4,9 54 Le'ec aj Jacob etel aj Juana, u yeeltaj c'u' a maniji. —Noochil, ¿ma' wa qui' ca' ti c'aate ca' c'axüc a c'aac' ti ca'an ca' quimsabücoo' jabix ilic u betaj aj Elias uchiji? Ala'aji, jun tuul u yadaj u t'an a Dios uchi,— cu t'anoo' ti'i a Jesusu.* 2 R 1:10,12; Hch 4:29,30; Rev 13:13 55 A Jesusu, u sutaj u bajil u tojquintoo'. —Ma' a weele'ex biqui'il u tucul u Püsüc'al a Dios a que'en ta wetele'exe,— cu t'an ti'ijoo'.* Nm 20:10-12; Job 2:10; Job 26:4; Ro 10:2 56 —Inene, yanajeen ti cristianojil. Ma' taleen ti'i in quimesoo' a cristianoji. Taleen ti'i in sa'alticaloo',— cu t'an ti'ijoo'. Joc'oo' te'i. Binoo' ich ulaac' caj.* Jn 3:17; Jn 12:47
Yanoo' mac u c'atiintajoo' cuchi u beel tu pach a Jesusu.
57 Pues te'i. Le'ec ti tanoo' u beele, baala' u yadaj jun tuul a winiqui. —Le'ec a tuba ca' xiqueche, bel in ca'a ta pach,— cu t'an ti'i a Jesusu.* Mt 8:19 58 —Le'ec a ch'umaca* fox, yan u cuuchil ich tunich. Le'ec a ch'iich'i, yan u c'u'. C'u' betiqui, inen a yanajeen ti cristianojili, ma' yan in cuuchil. Ma' yan ma'ax tuba u paatal in coytal ti jedel,— cu t'an a Jesus ti'iji. 59 —Co'ox tin pach,— cu t'an a Jesus ti'i ulaac' a winiqui. —Noochil, se' cha'a in beel tin wotoch. Quimic to in tata, ca' talaquen ta pach,— cu t'an a winic ti'i a Jesusu.* Mt 8:21 60 —Le'ec a ma' ta'achoo' u c'ajsic a Dioso, jabix quimenoo' ti'i a Dioso. Mas toj ca' culacoo' ala'oo' u mucoo' a quimene,— cu t'an a Jesus ti'iji. —Incheche, ca' xiquech a wadü' u pectzil a Dios ti'ijoo' a cristianojo,— cu t'an a Jesusu. 61 Baalo' u yadaj ulaac' a jun tuulu. —Noochil, bel in ca'a ta pach, pero se' cha'a in beel in wadü' a se' beel ti'ijoo' in familiaja,— cu t'an ulaac' a jun tuul ti'i a Jesusu.* 1 R 19:20 62 —Le'ec a caji ti meyaj a tan ti tan u cha'an tu pacha, chen tan u c'atiintic a uchben u p'ütaja. Ala'aji, ma'ax c'u' aj beel ti'i a Dioso,— cu t'an a Jesus ti'i a winic abe'e.* He 6:4

*9:1 Mt 10:1; Mr 3:13; Mr 6:7; Jn 14:12; Hch 3:6

*9:2 Mt 10:7,8; Mr 6:12; Lc 10:1,9; Tit 1:9; Tit 2:12,14

*9:3 Sal 37:3; Mt 10:9; Mr 6:8; Lc 10:4; Lc 22:35; 2 Ti 2:4

*9:4 Mt 10:11; Mr 6:10

*9:5 Mt 10:14; Hch 13:51

*9:6 Mr 6:12

*9:7 Mt 14:1; Mr 6:14

*9:9 Lc 23:8

*9:10 Mr 6:30; Mt 14:13

*9:12 Mt 14:15; Mr 6:35; Jn 6:1,5

*9:13 2 R 4:42,43; Nm 11:22; Sal 78:19,20

*9:17 Sal 145:15,16

*9:18 Mt 16:13; Mr 8:27

*9:19 Mt 14:2

*9:21 Mt 16:16; Mr 8:29; Mr 14:61; Jn 1:41,49; Jn 4:4,29,42; Jn 6:69; Jn 7:41; Jn 11:27; Jn 20:31; Hch 8:37; Hch 9:22; Ro 10:9; 1 Jn 4:14,15; 1 Jn 5:5; Mt 16:20

*9:22 Mt 16:21; Mt 17:22; Mt 20:17; Mr 9:31; Lc 18:31; Lc 24:6,7

*9:23 Mt 10:38; Mt 16:24; Mr 8:34; Lc 14:27

*9:25 Mt 16:26; Mr 8:36

*9:26 Mt 10:33; Mr 8:38; 2 Ti 2:12

*9:27 Mt 16:28; Mr 9:1

*9:28 Mt 17:1

*9:29 Ex 34:29,35

*9:30 2 R 2:11

*9:31 Fil 3:21

*9:32 Dn 8:18; Dn 10:9

*9:35 Mt 3:17; 2 P 1:16,17; Ex 23:21; Dt 18:15-18; Hch 3:22; He 2:3; He 12:25

*9:36 Mt 17:9

*9:37 Mt 17:14,21; Mr 9:14,17

*9:41 Dt 32:5; Sal 78:8; Mt 3:7; Mt 12:39,45; Mt 16:4; Mt 23:36; Hch 2:40

*9:45 Mt 16:22; Mr 8:16; Mr 9:32; Lc 2:50; Lc 18:34; Jn 12:16; Jn 14:5; 2 Co 3:14

*9:46 Mt 18:1; Mr 9:34

*9:48 Mt 10:40; Mt 18:5; Mr 9:37; Jn 12:44; Jn 13:20; 1 Ta 4:8; Mt 23:11,12

*9:49 Mr 9:38; Nm 11:28

*9:50 Mt 12:30; Mr 9:39-41; Lc 11:23; 1 Co 12:3

*9:51 2 R 2:1; Mr 16:19; Jn 6:62; Hch 1:2; He 6:20

*9:53 Jn 4:4,9

*9:54 2 R 1:10,12; Hch 4:29,30; Rev 13:13

*9:55 Nm 20:10-12; Job 2:10; Job 26:4; Ro 10:2

*9:56 Jn 3:17; Jn 12:47

*9:57 Mt 8:19

*9:58 fox

*9:59 Mt 8:21

*9:61 1 R 19:20

*9:62 He 6:4