Luke
2
Mary inyjalpay ja marryun
Luke 2:6-12
6-7 Kapa Bethlehem Joseph la Mary angpuyalmangung kunak ngapiwi awanawng, makiny la awuntpiny tuka mampulangung larlngalkpu. Wakapa inyjalkenang jita Mary la ilurrang ja warranyngiw. Ingamang ja warranyngiw ingawutikiny ja manpurra, kapin wera warramumpik kamin. Ingutpan yung tuka aputpangung walij larlngalkwu.
Wakapa wanyji kunak ta wupurrk, yara arrarrkpi awaning tuka warra mirlalk awunpayatantantung larlngalkpu. God inilangakanka ja arrarrkpi, ilatpanka kapa yurrng, animanyka wurluj. Ilarrajpany, la God aniyirrantiny kirrk wakapa, awurlpalangeny la amurntpiny.
10 La nakapa ja arrarrkpi iminypu, “Yunyi kurtputpin. Ngapi ngungmanyka numalal wurluj nuwurru, nuwurri amparrkamparrk. 11-12 Kayirrkapa ja warranyngiw ilurrang kapapa Bethlehem tuka, ta kunak tuka David imurranyminy. Kutpana wakapa la kurriwayan yanatapa. Iwuwutikiny ja manpurra la iwutpan tuka aputpangung walij larlngalk wu. Malany ta kurriwayan wakapa kurrungpawurrun ta tukapa ta wurluj ta aralpa mira. Yanatapa ja kurrunpanyatpijir nuwurri arrarrkpi. Yanat ja Kiwken God. Wularrut mira, God iminypu tuka inilanganganka ngarrurru ja iwanuken nuwurru.”