Israelgo ogwa dabe nogi e dao
2
(Dąi 2:1–9:1)
Israelgo ogwa dabe augwaligo nogi dabe e dao, Ruben, me Simeon, me Livai, me Juda, me Isakar, me Sebulun, me Dan, me Josep, me Benjamin, me Naptali, me Gat, me Aser dao.
Judago hani
Judago ogwa dabe augwaligo nogi dao
Judago ogwa dabego nogi e tiwai, Er, me Onan, me Sela dao. Te sela bidigo augwa ida te Batsua, te Kenan hani we me deli da. Er, Judago gomunai ogwa, agai dwai kolesaga mu ebaso, te Genuai Bidigo aga ela muai dao. Tama Judago gasa ogwa si me elaluali, Peres me Sera. Augwali sigo ida Tamar da, Judago au we da. Judago ogwa a naga elaluai dao.
Peresgo ogwa dabego nogi e tama da, Hesron me Hamul dao. Te Serago ogwa dabe nogi e tama da, Simri, me Etan, me Heman, me Kalkol, me Darda. Serago ogwa a naga elaluai dao. Akan, * Akan te bidi aga nogi mu da. Tialima te po dage asęani bidi agai te nogi Akar asęani. Magi baso meni, te Hibru pode te nogi Akar te tiwai po pąde tiwai si elaluali, te po page e tama dao, “Dolali,” wali. te Kamrigo ogwa, aga te Serago hani da. Te Israel dabego Godiba sa muai nai dabe agai salio. Te tama tiali hagede Godigo te Israel we bidi genuai sęgę mawai dao. * Jos 7:1 Etango ogwa deli ame nai, te ogwa nogi te Asaria dao.
King Devit pedelali hani wąį
Hesron te Peresgo ogwago te ogwa dabe sela elaluai, augwa nogi e dao, Jeramel, me Ram, me Kalep dao. 10 Ram te Aminadapgo aya, tama Aminadap te Nasongo aya da, te Juda hani dabego polalubo tobolu bidi me deli dao. 11 Tama Nason te Salmongo aya, tama Salmon te Boasgo aya da, 12 tama Boas te Obetgo aya da, tama Obet te Jesigo aya dao.
13 Jesigo ogwa nogo a naga olama, me badu nogo si tama bidali. Gomunai ogwa Eliap, si wali ogwa Aminadap, sela ogwa wali Simea, aga gasa nogi me Sama dao. 14 Te me si me si wali ogwa Netanel, te a naga wali ogwa Radai. 15 Me badu nogo kibisa wali ogwa nogi da Osem, te nogo a naga olama, me badu nogo si wali ogwa da te Devit dao. 16 Tama me Jesigo wegi si elaluali, Seruia me Abigel. Seruiago ogwa sela ame nani, Abisai, me Joap, me Asahel. 17 Tama Abigel te Ismael hani bidi Jetergo selama, tama Abigelgo ogwa deli ame nani, aga nogi Amasa dao.
Te Hesrongo ogwa dabe hani meba nogi dao
18 Kalep, te Hesrongo ogwago, te we Asuba sali. Tama Asubago wegi me deli ame nai, aga nogi Jeriot. Tama Jeriotgo ogwa dabe nogi e tiwai, Jeser, me Sobap, me Ardon dao. 19 Te Asuba isibaso, Kalepgo te we Efrata salio. Tama nosali Efratago te ogwa me deli ame nai, aga nogi Hur dao. 20 Tama Hur te Urigo aya, tama Uri te Besalelgo aya dao.
21 Te Hesrongo kibu be bidi sese sela, 60 kibu be elalubadi, aga te bidi Makirgo wegi salio. Te we Gileatgo abe da. Tama te wego te ogwa deli ame nai, aga nogi Segup dao. 22 Segup te Jairgo aya da. Tama Jairgo te tǫ kantri Gileatde elaluali taun dabe te 23 taun te tonaluai dao. 23 Tialima te Gesur me Siria te hani dabego te boi hwįagaselama, te Jairgo taun dabe sobadi te taun Kenat dali te aga pąde elaluali taun dabe me salio. Augwaligo te 60 taun dabe salio. Te badu we bidi dabe augwali te Makirgo bulali wąį nǫų dabe da, te Gileatgo aya dao. 24 Te Hesron te taun Kalep Efrata tede isali sogo, aga we, Abiya, haliga elaluai. Tama nosali Abiyago ogwa ame nobaso, tama aga nogi te Asur poali. Tama Asurgo te taun Tekoa nigilama hodolai dao.
Jeramelgo ogwa dabe hanigo nogi dao
25 Jeramel, te Hesrongo gomunai ogwa da, agai a naga ogwa elaluai. Gomunai ogwa te Ram, te gasa ogwa dabego nogi e tiwai, Buna, me Oren, me Osem, me Ahiya dao. 26-27 Ramgo ogwa sela elaluai, Mas, me Jamin, me Eker dao. Tialima Jeramelgo gasa we me sali, agai nogi da Atara. Tama Atarago ogwa deli ame nani, aga nogi da Onam dao. 28 Tama Onamgo wai dabe nogi e tiwai, Samai me Jada. Te Samaigo wai dabe nogi da e tama, Nadap, me Abisur, si tama dao. 29 Abisurgo te we Abihail selama, tama Abihailgo te ogwa si ame nani, Aban me Molit si dao.
30 Te Nadapgo ogwa dabe nogi e tama, Selet me Apaim. Selet aga wai meni ebadi aga isai dao. 31 Tialima Apaimgo ogwa deli ame nani, aga nogi Isi dao. Tama Isigo ogwa deli elaluai, aga nogi da Sesan. Te Sesango ogwa deli bidali, aga nogi da Alai dao.
32 Jadago ogwa dabe nogi da e tama da, te Samaigo amago ogwa dabe e tiwai, Jeter me Jonatan. Jeter aga ogwa me ame nisąbadi aga isai dao. 33 Tialima Jonatango ogwa si bidali, Pelet me Sasa. Te hani bidi augwali da te Jeramelgo ogwa hani dabe dao.
34 Sesango ogwa me bidibeo. Agai wegi dabe naga bidali. Tama te Sesango olo sę ebo Isip bidi me deli bidai. Te olo sę iduali bidigo nogi da, te Jara dao. 35 Tama Sesango aga wegi me deli te Jarago somainu ilalio. Tama augwali sigo ogwa deli ame nani, aga nogi da Atai dao. 36 Tama Atai te Natango aya, tama Natan te Sabatgo aya dao. 37 Tama Sabat te Eplalgo aya, tama Eplal te Obetgo aya dao. 38 Tama Obet te Jehugo aya, te Jehu da Asariago aya dao. 39 Tama Asaria te Helesgo aya, te Heles Eleasago aya da. 40 Tama Eleasa te Sismaigo aya, tama Sismai te Salumgo aya dao. 41 Tama Salum aga Jekamiago aya, tama Jekamia te Elisamago aya dao.
Kalepgo ogwa dabe hanigo nogi dao
42 Kalep aga te Jeramelgo ama, te agai hasia gomunai ogwa, te Mesa dao. Tama Mesa te Sifgo aya da, tama Sif te Maresago aya, tama Maresa te Hebrongo aya dao. 43 Te Hebrongo ogwa dabego nogi e tama dao, Kora, me Tapua, me Rekem, me Sema dao. 44 Sema te Rahamgo aya, tama Raham te Jorkeamgo aya dao.
Rekem te Samaigo aya, 45 tama Samai aga te Maongo aya, te Maon te Betsurgo aya dao.
46 Te Kalepgo si wali we hani me deli nogi, te Efa. Te we Efago ogwa dabe nogi e tama dao, Haran, me Mosa, me Gases. Tama Haran te gasa Gasesgo aya dao.
47 Te Jadaigo ogwa dabe nogi e tiwai, Regem, me Jotam, me Gesan, me Pelet, me Efa, me Sap, te tama dao.
48 Te Kalepgo gasa si wali we hani me, te Maka dao. Te Makago ogwa dabe nogi e tiwai, Seber, me Tirhana, 49 me Sap, me Seva da. Sapgo te taun Matmana hodolobo sę yali, tama Sevago te taun Makbena hodolobo sę ebadi te taun Gibea me nigalio. Tama Kalepgo wegi deli bidali, aga nogi Aksa dao.
50-51 Tama Kalepgo gasa ogwa hani dabe me elaluali, Hur te Kalepgo we Efratago gomunai ogwa dao, tedu te gasa hani pedelali. Te Hurgo ogwa dabe nogi e tiwai, Sobal, me Salma, me Harep. Sobalgo te taun Kiriat Jearim nigali, te Salmago te taun Betlehem nigali, tama Harepgo te taun Betgader nigai dao.
52 Sobal, te Kiriat Jearim taun hodolali bidi da, aga te Haroe hani me Menuhot hani pedai bulali wąį nǫų da, 53 me te Kiriat Jearim hani dabe, te augwali Itra, me Put dabe, me Sumat dabe, me te Misra dabe da. Te Sora taun me Estaol taun te hani we bidi dabe augwaligo taun dao.
54 Salma te Betlehem taun we bidi dabego bulai wąį nǫų da, tama me te taun Netofa, me te bulu Atrot. Betjoap tama te Manahatgo hani pedai dabe, te augwali Sor dabe dao. 55 Tama gasa hani dabe augwali te taun Jabesde bidaluali, tama augwali te polobadu yali sę ripot po ma asębo sę, me te gasa naide po asębo sę page konea pai bidi dabe. Te hani dabe augwa nogi e tama dao, te Tira dabe, me Simea dabe, me Suka dabe, te tama bage bidali. Te hani dabe augwali te Kingo hani dao. Te augwali bulali wąį nǫų da, te Hamat. Hamat aga te Rekap dabego wąį nǫų me dao.

*2:7: Akan te bidi aga nogi mu da. Tialima te po dage asęani bidi agai te nogi Akar asęani. Magi baso meni, te Hibru pode te nogi Akar te tiwai po pąde tiwai si elaluali, te po page e tama dao, “Dolali,” wali.

*2:7: Jos 7:1