1 अद इद्रम मन्ह्‌ता: नाक दुनियातोर मन्कलोर वळ्ह्‌कनव सबे बासाङ, ओसो पोग़ोटाङ देवतुल्क वळ्ह्‌कनव सबे बासाङ वळ्ह्‌कनद बुदि मनालि.✡13:1 12:10; 14:2-3; 2 कुरिंततोर 12:4 मति नना दुस्रोरिन जीवा केवोन इतेके, वेट किळिंगाळ इनाह, नेकनद गिनेता लेह्‌काडोनन, ओसो डेडेङ-डेडेङ नेकनद डपता लेह्‌काडोनन आवेनन. 2 नना देवुळता जीवाता दळ्मते वळ्ह्‌क पग़वेनन,✡13:2 मत्याल 7:22; बळयिर 13:1; 1 कुरिंततोर 12:10; 14:39 ओसो देवुळि इंजेक एवनाह पेसिह केवा तासतव सबे पोल्‍लोनु, अहे बुदताङ सबे पोल्‍लोन पुनेनन. मेटान इंका जर्गिह कीयनाह, अचोटा विस्वसते पार्तना केवेनन✡13:2 मत्याल 17:20; 1 कुरिंततोर 12:8-9. मति नना दुस्रोरिन जीवा केवेक अचोन, देवुळता मुनेह बाताले कबळतोनन आयोन आवेनन.✡13:2 2 कुरिंततोर 12:11 3 नावा जागा-बूमतुन वमिसि, लेवोरिह्‌क तीहेनन,✡13:3 मत्याल 6:2 ओसो किर्स्तुनेनाह्‌क मेंदुलते तिपल आय्ह्‌नन इन्जि, पोग़यसोर मनेनन.*13:3 नावा जागा-बूमतुन वमिसि, लेवोरिह्‌क तीहेनन, ओसो किर्स्तुनेनाह्‌क मेंदुलते तिपल आय्ह्‌नन इन्जि, पोग़यसोर मनेनन. बेव-बेव मोदुल काग्देह्‌कने इद पोल्‍लो दोर्किह्‌ता: “नावा जागा-बूमतुन वमिसि लेवोरिह्‌क तीहेनन, ओसो मन्कलोर नाक जीवात मनाह बोळ्सनुर इतेके, तानेनाह्‌क वने तयर आवेनन.” मति नना दुस्रोरिन जीवा केवेक अचोन, नावा बाताले पाय्दा इले आवालि.

4 दुस्रोरिन निटम जीवा केवाल, ओराङ तपुल्किन आपसोर मन्ह्‌तोग़,✡13:4 बुदताङ पोल्‍लोङ 10:12; 17:9; 1 तिसलुनितोर 5:14; 1 पत्रु 4:8 दुस्रोरिन गूनम तोहतह्‌तोग़, दुस्रोरिन कुळ्सा केवोग़,✡13:4 इपिसुसतोर 4:32 ननाय बेरोनन इनजोर वळ्ह्‌कसोर तिरियोग़,✡13:4 8:1 पोमाडेङ केवोग़.✡13:4 4:6 5 दुस्रोरा संगे ओप्पनद रीतते ताकिह्‌तोग़, तनाय पाय्दातुन ऊळोग़,✡13:5 10:24,33; पिलिपितोर 2:21 चट्पिट ओङ आयोग़,✡13:4-5 कुलुसितोर 3:12 दुस्रोरा तपतुन सीताते तासिस मनोग़.✡13:5 2 कुरिंततोर 5:19 6 लाग्वाङ कबस्कने गिर्दा आयोग़,✡13:6 2 तिसलुनितोर 2:12 मति सेतेमताङ कबस्कने गिर्दा आस्तोग़.✡13:6 2 योहन 4; 3 योहन 3-4 7 बेदे आतेकाय, बेस्केन आरेम आयोग़, सबे पोल्‍लोन नमसोर मन्ह्‌तोग़, आसा कीसोर मन्ह्‌तोग़, सबे तिपल्किन आपसोर मन्ह्‌तोग़.✡13:7 9:12

8 देवुळता जीवाता दळ्मते वळ्ह्‌कनद बुदि मायग़ा. तेळियवव बासाने वळ्ह्‌कनद बुदि मायग़ा. मुने पुनवव पोल्‍लोन पुनदनद बुदि मायग़ा. मति जीवा कीयनद बेस्केन मायो. 9 इद कालमते माक वेल्‍लाङे पोल्‍लोङ तेळियोङ. पोल्‍लोङ पुनदनद बुदि, अहे देवुळता जीवाता दळ्मते वळ्ह्‌कनद बुदि, माक वळ्गाय तोहतह्‌ताङ.✡13:9 8:2 10 मति इद कालमता मारेंगाते माक पूरा तेळियग़ा. अद तूकने वळ्गा तोहतनदिना गर्ज अरवो आयग़ा. 11 केंजाट, उड्लस्के, नना उड्लोर पेकोरा लेह्‌कान वळ्ह्‌किंदन, पेकोरा लेह्‌कान विचर कींदन, पेकोरा लेह्‌काडाय तेल्व मता. मति बेरोनन आतस्के, पेकोरा लेह्‌काडाङ पोल्‍लोन विळ्सिसीतन. अद्रमे माट वने इंजेके देवुळताङ कतम पोल्‍लोन पुनदा पग़वल. 12 अदमतगा ऊळना लेह्‌कान, माट इंजेके बग़ाङ-बग़ाङ ऊळिह्‌नल.†13:12 अस्केडाङ अदह्‌कु काचताहि पंडटव इलेङ, मति कचताहि, इतुळताहि पंडटव मताङ. अदिह्‌क ओरिह्‌क तमा मोकम बग़ाङ-बग़ाङ दिसिंदु. मति पया पिङम-पङम ऊळकल. इंजेक नना वळ्गाय पुतन. मति देवुळि नाक पुतप लेह्‌कान,✡13:12 8:3 पया सबेटविन पूरा पुनदकन. 13 इंजेके, विस्वस कीयनदु, आसा कीयनदु, जीवा कीयनदु, इव मूंड पोल्‍लोङ अमेसा मनदनव मन्ह्‌ताङ. मति इविस्कनग्डाहि जीवा कीयनदे, सबेट्क मोदुल पोल्‍लो आंदु.✡13:13 गलातितोर 5:6