3
तिमोति पोलुनगा तिसलुनितोरा कबुर ततह्तोग़
1 अदिनेनाह्क ताना पया मीक ऊळवालेवा मनदा पग़वाह्के, नना ओसो सीलास एतेंस सहरते मन्जि,*3:1 पोलुन तिसलुनि सहरताहि पूंडटापया, ओग़ बिरिया सहरते अतोग़, ताना पया एतेंस सहरते वातोग़. सीलास, तिमोति इर्वुर आसि अगा वासि, ओन कलियतोर. (बळयिर 17:10-15) 2-3 मावा तोळतोग़ तिमोतिन मियगा लोहतलाह विचर कीतोम. ओग़ किर्स्तुना बेसता कबुर पोकुर कीयनद कबळते, मावा ऐंगेटोग़ देवुळता सेवा केवाल आंदोग़; इंजेके किर्स्तुनेनाह्क वायनव तिपल्कनेनाह्कु, बोग़े पेग़्के-मुनेह आयमाकेग़ इनजोर, मीवा विस्वसतुन मेग़्किह कीसीयलाह, मीवा जीवातुन सितुर कीसीयलाह, ओन लोहतोम. माट विस्वसिरल किर्स्तुनेनाह्क तिपल आयना इन्जि, देवुळता विचर मन्ह्ता इनजोर, मीट पुतिरे.✡3:2-3 बळयिर 9:16; 14:22 4 माट मियगा मनदह्पा, माक तिपल वायना मन्ह्ता इनजोर, मुनेन मीक वेहचोर मतोम,✡3:4 2 तिसलुनितोर 2:5 अद्रमलेह्काने आता,✡3:4 2:14 इदिन मीट पुतिरे. 5 अदिनेनाह्क मीट विस्वसते मह्निरो, इलविरो इनजोर, नावा जीवा गाबर आताह्कु, तान पुनदलाहि, तिमोतिन मियगा लोहतन. लोकुरगा पापमता विचर पुटिह कीयनद देयह्कना मुक्याल, मीक वने विस्वस विळ्सनाह कीता बहे, माट पका कह्टेम कीस, मीक देवुळता पोल्लो काग़्हतद कबळ उगसिन आता बहे इनजोर, रेयिस मतन.✡3:5 2 कुरिंततोर 11:3; पिलिपितोर 2:16
6 मति इंजेके तिमोति मियग्डाहि मलतोग़, ओसो मीट विस्वसतुन विळ्सविर, इंजेके वने लोकुरिन जीवा कीसोर मह्निर इनजोर,✡3:6 1:2-3; पिलेमोन 4-5 बेसता कबुर ततोग़. मीक ऊळलाह पकाय मावा जीवा पर्ह्कना लेह्कान, माक ऊळलाह पकाय मीवा वने जीवा पर्ह्किह्ता इनजोर वेहतोग़, अद्रमलेह्का मीट बेस-नेह्ना मावा सीता कीसोर मह्निर.✡3:6 1 कुरिंततोर 11:2 7 अदिनेनाह्क मावोर विस्वसिरिर! मीट विस्वस विळ्सवदिन ऊळिस मन्जि, मावा तिपलते ओसो दुकमते वने, मावा जीवातुह्क सुकम आता. 8 इंजेके मीट सामिन मेग़्किस विस्वस कीताह्कु,✡3:8 1 कुरिंततोर 16:13 मावा जीवातगा जीवा वातप लेह्कान आता. 9 मीवा लोप्पा देवुळता मुनेह बेस-नेह्ना गिर्दा आतोम, अद माक बेस-नेह्ना गिर्दा आनाह कीताह्कु, माट तान बेचोन जोहर कीतेके वने आलो!✡3:9 1:2-3 10 मुने मियग्डाहि दरिमरिते पेसतोम, मीक विस्वसता लोप्पा काग़्हतलाह, वेल्लाङे पोल्लोङ पिसिस मताङ.✡3:10 2 कुरिंततोर 13:9 अदिह्क मीक ओसो ऊळलाहि इनजोर, माट नग़्का पिळ्विळ पियल-पोळ्दु, देवुळतुन पका पार्तना कीयलाह आतोम.✡3:10 2:17-18; 2 तिमोति 1:3
11 इंजेके मियगा वासि मीक कलियलाहि, मावा देवुळबाबाल ओसो मावा येसुसामि, वेर इर्वुर माक अग़ दोर्किह कीयिर.✡3:11 2:17-18 12-13 माट मीक जीवा कीतप लेह्का, मीट वने विस्वसिरिर, ओर्विह्क-ओर्वोग़ जीवा कीयनद, ओसो सबेटोर मन्कलोरिन वने जीवा कीयनद पका वीळसोर अनि, बेर्ससोर अनि इनजोर, पार्तना कीयलाह आतोम.✡3:12-13 पिलिपितोर 1:9; 1 तिसलुनितोर 4:1 मावा सामि येसु तनाङ सबे पवित्र देवतुल्कना संगे†3:12-13 सबे पवित्र देवतुल्कना संगे “सबेटोर पवित्र लोकुरा संगे,” इद अर्तम वने आया पग़यह्ता. ओसोवने वायह्पा,✡3:12-13 जकर्याह 14:5; 1 तिसलुनितोर 2:19 मावा देवुळबाबाना मुनेह मीट बाताले कसुरलेवा, पापमलेवा मनदना, अद्रम मनदलाहि, येसुसामि मीवा जीवातुन मेग़्किह कीयेग़✡3:12-13 1 कुरिंततोर 1:8; 2 तिसलुनितोर 2:17; याकुब 5:8 इनजोर वने, पार्तना कीयलाह आतोम.
*3:1 3:1 पोलुन तिसलुनि सहरताहि पूंडटापया, ओग़ बिरिया सहरते अतोग़, ताना पया एतेंस सहरते वातोग़. सीलास, तिमोति इर्वुर आसि अगा वासि, ओन कलियतोर. (बळयिर 17:10-15)
✡3:2-3 3:2-3 बळयिर 9:16; 14:22
✡3:4 3:4 2 तिसलुनितोर 2:5
✡3:4 3:4 2:14
✡3:5 3:5 2 कुरिंततोर 11:3; पिलिपितोर 2:16
✡3:6 3:6 1:2-3; पिलेमोन 4-5
✡3:6 3:6 1 कुरिंततोर 11:2
✡3:8 3:8 1 कुरिंततोर 16:13
✡3:9 3:9 1:2-3
✡3:10 3:10 2 कुरिंततोर 13:9
✡3:10 3:10 2:17-18; 2 तिमोति 1:3
✡3:11 3:11 2:17-18
✡3:12-13 3:12-13 पिलिपितोर 1:9; 1 तिसलुनितोर 4:1
†3:12-13 3:12-13 सबे पवित्र देवतुल्कना संगे “सबेटोर पवित्र लोकुरा संगे,” इद अर्तम वने आया पग़यह्ता.
✡3:12-13 3:12-13 जकर्याह 14:5; 1 तिसलुनितोर 2:19
✡3:12-13 3:12-13 1 कुरिंततोर 1:8; 2 तिसलुनितोर 2:17; याकुब 5:8