1 मीट मुने देवुळताङ अडोनु बूळे कीसोर मतिर, ओसो पापम कीसोर मतिर. अदिनेनाह्‌क डोलतप लेह्‌का मतिर.✡2:1 4:18; कुलुसितोर 2:13-14 2 देवुळतुन पुनवोर ताकिह्‌तोर, अदे अग़दे मीट मुने ताकिंदिर.✡2:2 5:6; कुलुसितोर 3:7 पोग़ोन वळ्‍दे मनदनव देयह्‌कना मुक्याल बह ताकिह कींदु, अद्रमलेह्‌काने ताकिंदिर. इंजेक वने देवुळताङ पोल्‍लोङ केंजवोरिन, अवे देयह्‌कना मुक्याल ताकिह कीस्ता.✡2:2 योहन 12:31; इपिसुसतोर 4:17; 6:11-13; 1 पत्रु 4:3 3 निटमे माट सबेटोरल वने, ओरा लेह्‌काने ताकिंदल. मावा लाग्वा बुदि बेद्रम लालुस कींदु, अद्रमे कींदल.✡2:3 1 योहन 2:15-16 मावा मेंदुलि ओसो मावा बुदि बेद्रम ओसोर मंदु, अद्रमे लाग्वाङ कबस्क कीसोर मंदल.✡2:2-3 1 कुरिंततोर 6:11; गलातितोर 5:16-17 लाग्वाङ कबस्क कीसोर मनाह्‌कु, देवुळि लाग्वोर सबेटोरिह्‌क निटम सिक्सा ईयना लेह्‌का, माक वने सिक्सा ईस मनालि.✡2:3 रोम सहरतोर 1:18; कुलुसितोर 1:21; 2 पत्रु 2:14

4 मति मावा पोग़ोन देवुळ वेल्‍लाय वीळिस जीवा लोपता.✡2:4 1:7; तीतुस 3:4-5 माक अद पका जीवा कीताह्‌कु,✡2:4 योहन 3:16 5 बह कीता इतेके, मावा पापमते माट डोलतोरा लेह्‌कान मतल, मति माक पूना पिसमुळ ईसि, किर्स्तुना संगे माक वने जीवा अर्हता. देवुळि दया कीताह्‌के, मीट पिसतिर.✡2:5 बळयिर 15:11 6 किर्स्तु येसुना संगे माक जोळे कीसि, ओना संगे माक वने जीवा अर्हता,✡2:6 कुलुसितोर 2:12 अर्हचि पोग़ोन देवुळदीपतगा किर्स्तु उदिस राजेम ताकिह कीयनद जागातगा,✡2:6 1:19-20 माक उदिह कीता. 7 किर्स्तु येसुन लोहचि, माक पका जीवा कीसि, माक वेहता वावप वेल्‍लाय दया कीता इनजोर,✡2:7 रोम सहरतोर 2:4; इपिसुसतोर 1:7 वायनद कालमते सबेटोरिन तोहतलाह, अद्रम कीता.✡2:7 1 तिमोति 1:16; तीतुस 3:4-5 8 देवुळि मीक दया कीताह्‌कु, मीट किर्स्तुन विस्वस कीतिर, अदिनेनाह्‌क मीक पिसिह कीता.✡2:8 बळयिर 15:11; रोम सहरतोर 5:2; 1 पत्रु 1:4-5 देवुळता पिसमुळतुन दोर्किह कीयलाह, मीट बाताले केविर; इद पूरा देवुळता दर्मम आंदु.✡2:8 रोम सहरतोर 3:24; इब्रितोर 6:4-6 9 अदिनेनाह्‌क नना बेसताङ कबस्क कीताह्‌कु, देवुळि नाक पिसिह कीता इनजोर, मियगा बोग़े बह पोग़यमाकेग़.✡2:9 रोम सहरतोर 3:28; 1 कुरिंततोर 1:29; 2 तिमोति 1:9 10 निटमे देवुळिये माक किर्स्तु येसुना संगे जोळे कीसि, माक पूना पुटमुळ, पूना जीवा ईता.✡2:10 गलातितोर 6:15 किर्स्तुना संगे जोळेम आसि, माट बेसताङ कबस्क कीसोर ताकना इनजोर, ताना विचर मता.✡2:10 1:4; 4:1,24; 2 तिमोति 2:21; तीतुस 2:14 अव कबस्किन अद मुनेन तयर कीता.

11 पुटटग्डाहि मीट यहुदि आयवाह्‌कु, डायना रिवज केविर. डायना रिवज कीतोम इनजोर इनवालोरु, यहुदि मन्कलोर आंदुर. मीक डायना रिवज केवोर इनजोर, वेर यहुदिर पास्किह्‌तोर. (डायना रिवज वने तमा मेंदुलतगा, मन्कना कयदे कीयनद कबळ आंदु.)✡2:11 रोम सहरतोर 2:26,28 किर्स्तुन विस्वस केवस्के, मीट बेद्रम मतिर, अदिन सीता कीस ऊळाटु.✡2:11 5:8 12 अस्के मीट किर्स्तुना संगे कलियवा मतिर; इस्रयेल मन्कलोरा मुल आयवा मताह्‌कु, मीक देवुळता सास्त्रम दोर्को.✡2:12 रोम सहरतोर 9:4; कुलुसितोर 1:21 देवुळि इस्रयेल मन्कलोरिन वेल्‍लाङे मल्काङ तना पोल्‍लो करल कीस मता,✡2:12 गलातितोर 3:17; इब्रितोर 8:6 मीट अव करल्कनगा कलियविर आस मतिर. इद बूमतगा आसालेवा, देवुळलेवा मतिर.✡2:11-12 1 कुरिंततोर 12:2; गलातितोर 4:8; इपिसुसतोर 4:18; 1 तिसलुनितोर 4:13 13 मुने देवुळतग्डाहि मीट जेक मतिर. मति इंजेके किर्स्तु येसुना मेटे, देवुळि मीक तना एरे तता.✡2:13 यशायाह 57:19; बळयिर 2:39 किर्स्तु तना नेतुर पोहच डोलताह्‌कु, देवुळ अद्रम कीता.✡2:13 रोम सहरतोर 3:25-26; कुलुसितोर 1:20 14 यहुदिरिन ओसो यहुदि आयवोरिन ओग़ कलियिह कीसि, माक उंदिय मुल कीतोग़. मावा नडुम गूरे अडम आतप लेह्‌का, माट रेंड तुंगाङ आसि, कलियवा मतल. मति किर्स्तु तना डोलिसि, मावा नडुम गूरेता लेह्‌का, अडम मतद कोटुलतुन पिळ्हपळ कीतोग़.✡2:11-14 यशायाह 9:6; रोम सहरतोर 11:17; 1 कुरिंततोर 12:13; गलातितोर 3:28; कुलुसितोर 3:11,15 15 यहुदिरिन ओसो यहुदि आयवोरिन, पूना मन्कन पुटिह कीतप लेह्‌का, कतमतोरिन उंदिय कीतोग़. इद्रम रेंड आसि तुंगाना मुडुन कलियिह कीतोग़.✡2:15 गलातितोर 3:28; 6:15; कुलुसितोर 1:21-22; 3:10-11 अद्रम काल्ह्‌पलाहि, मोसानाङ अडोना रीतरिवज्किन मायिह कीतोग़. इद्रम यहुदिर ओसो यहुदि आयवोरिन कलियिह कीतोग़.✡2:15 कुलुसितोर 2:13-14 16 हव्कनागुटातगा डोलताह्‌कु, रेंड आस तुंगाना मुडोर ओर्विह्‌क-ओर्वोग़ पोस मतद कोटुलतुन मायिह कीतोग़. अद्रम डोलताह्‌कु, इकेडा-अकेडा मुडुन, देवुळता संगे कलियिह कीस, उंदिय मेंदुलतोर कीसीतोग़.✡2:16 2 कुरिंततोर 5:18; इपिसुसतोर 3:5-6; 4:4; कुलुसितोर 1:20,22; 3:15 17 किर्स्तु वासि, देवुळता संगे कलियनद कबुरतुन पोकुर कीतोग़.✡2:17 बळयिर 10:36 तानग्डाहि जेक मतोरिर, मीक वने अदे कबुर पोकुर कीतोग़. ताना एरे मतोरिह्‌क वने अदे कबुरतुन पोकुर कीतोग़.✡2:17 यशायाह 57:19 18 बह इतेके, इंजेके देवुळतग्डा जीवा, यहुदिरगा ओसो यहुदि आयवोरगा वने मन्ह्‌ता. अदिनेनाह्‌क इंजेके माट रेंड आस तुंगाना मन्कलोरल, किर्स्तुना मेटे देवुळबाबानगा दाया पग़यह्‌नल.✡2:18 रोम सहरतोर 5:2; 1 कुरिंततोर 12:13; इपिसुसतोर 3:12; 4:4; इब्रितोर 4:16; 7:25; 10:19-20,22

19 यहुदि आयवोरिर, मीट मुने देवुळतुन पुनवालेवा, ताना मन्कलोरगा कलियवा मतिर.✡2:19 1 पत्रु 2:11 इंजेके ओरा संगे देवुळता मन्कलोरिर आतिर, ओरा संगे ताना लोतोरिर वने आतिर.✡2:19 पिलिपितोर 3:20; इब्रितोर 12:22-23 20 जोता दोहचि ताना पोग़ोन लोन पंडटप लेह्‌काने, किर्स्तुनाङ बळयिर ओसो देवुळता जीवाते वळ्ह्‌कवालोर काग़्हतव पोल्‍लोनाहि, देवुळ वने मीट विस्वसि मुडुन निल्पिह कीयलाह आता.✡2:20 मत्याल 16:18; 1 कुरिंततोर 3:10; इपिसुसतोर 3:5-6 किर्स्तु येसुये ताना मूलाता आदर बंडालेह्‌का आतोग़.✡2:20 देवुळताङ पाटाङ 118:22; लूकाल 20:17; 1 कुरिंततोर 3:11 21 (मीट विस्वसि मुलु ओना संगे जोळेम आस मह्‌निर.) लोन पंडिह्‌पा, पूरा लोतुन बेस जोळे कीसोर अतप लेह्‌का, मीट सामि मनदनद पवित्र लोन आयलाहि, किर्स्तु मीक तग़्हचोर दायलाह आतोग़.✡2:21 4:15-16; कुलुसितोर 2:19 22 किर्स्तुना संगे मीट जोळेम आताह्‌कु, ओग़ मीक वने दुस्रोर विस्वसिरा संगे, जोळे कीसोर दायलाह आतोग़. ओसो मीट देवुळता जीवा मनदनद जागा आयलाहि,✡2:22 3:17 मीक विस्वसि मुडुन पंडसोर दायलाह आतोग़.✡2:20-22 1 कुरिंततोर 3:9,16