Hill Madia इब्रितोर 9

इद बूमता रावुळि ओसो पोग़ोटा रावुळि

1 इस्रयेलतोरा संगे कीतद मुनेता करलतगा, देवुळतुन मोळ्कनव अडोङ मताङ. अव अडोन माळलाह, इद बूमतगा उंद रावुळ पंडटद मता.*✡ 2 अद रावुळि इद्रम मता: (उंद पळ्‍दा गेंदेतुन अडम वेळ्हच मन्जि,✡ अद रावुळतुन रेंड अराङ कीस मतोर.✡) मुनेहता अरातगा चिमलिना गुटा मता,✡ ओसो मेजा मता✡. मेजापोग़ोन देवुळतुह्‌क वाटटव आरिङ तासिस मताङ.✡ इद अरातुन पवित्र गूड इंदुर.✡ 3 पळ्‍दा गेंदेता पेग़्केडा अरातुन, सबेट्क पवित्र गूड इंदुर.✡ 4 तानगा बंगरते माचतद दूपम बोळ्सनद मेजा मता.✡ ओसो बंगरते माचतद संदुक वने मता, अदु देवुळता करलता सीना मता.✡ अद संदुकता लोप्पा बंगरता कोपा मता. कोपाता लोप्पा पोग़ोटाहि अरतद मना तिंडि मता.✡† ओसो संदुकता लोप्पा आरुनना डुडि मता. अद डुडि कोळ्सिस मता.✡ ओसो देवुळताङ अडोङ कोटिस मतव, रेंड तेप्ळे बंडाङ मताङ.✡ 5 संदुकता पोग़ोन (देवुळि अगा मनदनदिना सीना इनजोरे, रेंड) राका कीयनविस्कनाङ बोमाङ मताङ.‡ संदुकता पोग़ोन, पापमतुन मापि कीयनद जागातुन, तमाङ मारेने मुळ्हच मताङ.✡ अव पोल्‍लोन इंजेके ओर्कुलते वेहतलाह, पुर्सत इले.§

6 इद्रम देवुळता रावुळतुन तयर कीस मतोर. मुनेहता अरातगा, बूमयालोर अमेसा ओळियसोर, ओसो सेवा कीसोर मंदुर.✡ 7 मति पेग़्केडा अरातगा, (सबेटोर बूमयालोरा पोग़ोन मनवाल)पेर्माल ओग़े अंदोग़, वर्सातुह्‌क उंदिय मल्का.✡ ओळियिह्‌पा पया, तना कीता पापमतेनाह्‌क, ओसो इस्रयेल मन्कलोर चुकिस कीता पापमतेनाह्‌क वने,✡ मोकता नेतुर अग़्के अंदोग़.✡(अन्जि तान देवुळतेनाह्‌क वळ्ह्‌पिंदोग़.) नेतुरलेवा ओळियनद ओन्क पोलो आंदु. 8-10 देवुळता रावुळतगा मोळ्कनद पोल्‍लो उंदि सीना आंदु, इवटे देवुळता जीवा माकु, इद कालमता लोप्पा काग़्हतलाह ऊळिह्‌ता.✡ मोळ्कनस्के तिनदनव-उनडनव,✡ एडिह कीयनव रिवज्कनाङ✡ अडोङ मन्ह्‌ताङ. मति इवटे माट सिरप पलतेनाहे एडिह्‌नल. माटु कोडिङ वाटिह्‌नल, मोकिङ ईय्ह्‌नल,✡ मति इव मावा जीवातुन एडिह कीया पग़वोङ.✡ बाराह्‌क इतेके, इद रावुळताङ अडोङ मनाह्‌जोम, माटु सबेट्क पवित्र गूडटे ओळिय पग़वल.✡ मति देवुळता पूना करल निताह्‌कु, अव अडोङ इंजेक दल्गोङ.✡

11 मति इंजेके बह आता? पूना करलताङ बेसताङ पोल्‍लोन पोसि,✡किर्स्तु मावा पेर्माल आस वातोग़.✡ मन्कलोरा कयदे तयर आतद, इद बूमतगा मनदनद रावुळते✡ ओळियोग़; मति पोग़ोन मनदनद रावुळते ओळियतोग़. अद पोग़ोटा रावुळिये निटमता आंदु, बूमता रावुळतुह्‌काय ओसोय बेसतलि.✡ 12 मावोर बूमयालोर कीयना लेह्‌कान, एर्रे नेतुर, कोंदा पियोता नेतुर अग़्के✡ ओळियोग़; मति (तना हव्कनागुटातगाडोलताह्‌कु,) तनाय नेतुर अग़्के, उंदिय मल्का,✡ सबेट्क पवित्र गूडटगा ओळियतोग़.✡ ओसो अद इसबते, माक कतम पापमताहि, अमेसातुह्‌क विळ्सिह कीतोग़.✡ 13 डागिललेवा मनदनद एर्रेता नेतुर, कोंदाता नेतुर,✡ बोळ्सतद पडा पियोता नेग़ु,✡ इविस्किन इल्ह्‌कतेके, कळ्‍वोग़ आतोग़ मन्कल एडिह्‌तोग़ इनजोर मुनेता अडो इन्ह्‌ता. 14 अह इतेके, किर्स्तुना नेतुर बेचोन वीळिस एडिह कीया पग़यह्‌ता!✡ देवुळता अमेसा मनदनद जीवा, ओन तना जीवातुन देवुळतुह्‌क मुर्तिय डागिललेवद मोक ईयनाह कीता.✡ मावा जीवातुन हामुरतके ओसीयनव लाग्वाङ कबस्कनाहि, ओना नेतुर एडिह कीस्ता.✡ कीयनाह्‌कु, माट जीवात मनदनद देवुळतुन माळ पग़यह्‌नल.✡

15 देवुळि ईस मतद पाळ्ना करलतुन देहतोर पाप्यह्‌लोरिन विळ्सिह कीयलाह, किर्स्तु डोलतोग़.✡ डोलताह्‌कु, ओग़ देवुळि आचतोरगा पूना करल ततह्‌तोग़. देवुळि मुनेन पोल्‍लो विळ्सतपु, ताना अमेसा मनदनद बर्कतता तूस,✡ पूना करलते कलियवालोरिह्‌क दोर्किह्‌ता.✡ 16-17 बोग़ाय मन्कल तना डोलतापया, तना जागा-बूम बोन्क आयना इनजोर, रासिस तासेग़; ओग़ डोलतस्केन, अद कागिद ताकिह्‌ता. ओग़ जीवात मनदह्‌पा, अद ताको. देवुळ कीतद करल अद्रमलेह्‌काने मन्ह्‌ता. 18 अदिह्‌क देवुळ कीतद पाळ्ना करल वने, नेतुरतेने निल्पिह कीतद आंदु. 19 अदिनेनाह्‌क मोसाल इद्रम कीतोग़. अडोना इसबतव सबे उकुम्किन, सबेटोर इस्रयेल मन्कलोरिह्‌क वेहतोग़.✡ वेहचि कोंदा पियोता ओसो एर्रेता नेतुरतुन, एता संगे काल्ह्‌पिस, तुल्स* कोमातगा रेंगाल गोरे केल्क दोहचि,✡ अडोङ रासिस मतद सास्त्रमता पोग़ोन, ओसो सबेटोर मन्कलोरा पोग़ोन वने, नेतुर इल्ह्‌कतोग़.✡ 20 इल्ह्‌किसि, “देवुळि मीवा संगे कीतद करलतुन, इदे नेतुरता मेटे निल्पिह कीस्ता,”✡ इनजोर वेहतोग़. 21 इद्रमे रावुळता पोग़ोन, ओसो मोळ्कलाह काळ्ङनव कस्लाङ-कोपाना पोग़ोन वने, नेतुरतुन इल्ह्‌कतोग़.✡ 22 निटमे मोसानाङ अडोङ वेहतपु, जोक-जोक सबे मालु नेतुरतेने एडनदु. नेतुर पोववालेवा पापमता मापि आयो.✡

किर्स्तु डोलताह्‌कु पापमता मापि आस्ता

23 इद बूमतगा मोळ्कनव सबेटव, पोग़ोन देवुळता जागातगा मनदनविस्कना दळ्मलेह्‌काने मन्ह्‌ताङ.✡ इगा मनदनविस्किन जन्वरता नेतुरते एडिह कीयना गर्ज मन्ह्‌ता; मति पोग़ोन देवुळता जागातगा मनदनव निटमताङ. अविस्किन एडिह कीयलाहि (जन्वरता नेतुर ओप्पो;) तान्काय बेसताङ मोकिङ गावल आस्ताङ. 24 अदिनेनाह्‌क मन्कलोर पंडटद सबेट्क पवित्र गूडटगा, किर्स्तु ओळियोग़. मन्कलोर पंडटद जागा, पोग़ोन मनदनद सबेट्क पवित्र गूडटा वेट दळ्मि, अचोने!✡ निटमता सबेट्क पवित्र गूड इतेके देवुळदीपि, ओग़ अगाने ओळियतोग़.✡ मयेनाह वेहतलाहि,✡ देवुळता मुनेह नितलाहि ओळियतोग़.✡ 25 बूमतगा मनदनद रावुळता सबेट्क पवित्र गूडटगा, यहुदिरा पेर्माल वर्सा-वर्सातुह्‌क नेतुर पोस ओळियिह्‌तोग़, मति अद जन्वरता नेतुरि; तना कुदता आयो. ओग़ ओळियना लेह्‌कान, किर्स्तु वर्सा-वर्सातुह्‌क तना जीवाता मोक ईयलाह ओळियोग़. 26 अद्रम आस मतेके, ओग़ बूम पुटटस्केडाहि, वेल्‍लाङे मल्काङ तिपल आस डोलिस मनेग़. अद्रम आयो, पापमतुन मायिह कीयनेनाह्‌क,✡ तना नेतुर ईस मोक आयलाह, इद आक्रिता वेलाते,✡ उंदिय मल्का वातोग़.✡ 27 सबेटोर मन्कलोर उंदिय मल्का डोलनदु;✡ ताना पेग़्के देवुळि ओरा नेयम कीयग़ा.✡ 28 अद्रमे किर्स्तु उंदिय मल्का,✡ वेल्‍लाटोर मन्कलोरा पापमतुन ओयलाह,✡ तना नेतुर पोहच डोलतोग़.✡ ओग़ ओसोवने दिसनोग़;✡ इद मल्का पापमतुन ओयलाह वावोग़, मति तनेनाह्‌क केपतोरिन,✡ पूरा पिसिह कीयलाहि वायनोग़.

*9:1 9:1 अद रावुळ मोसाना कालमते पंडटद मता. इद सीटि रासनद कालमते, रावुळता बद्लाते येरुसलेम सहरतगा यहुदिरा मंदिर मता.

✡9:1 9:1 पेसमुळि 25:8; रोम सहरतोर 9:4; इब्रितोर 8:2; 9:24

✡9:2 9:2 पेसमुळि 26:31-33; 40:3; मत्याल 27:51

✡9:2 9:2 पेसमुळि 26:1-30

✡9:2 9:2 पेसमुळि 25:31-39

✡9:2 9:2 पेसमुळि 25:23-29

✡9:2 9:2 पेसमुळि 25:30; लैव्यव्यवस्था 24:5-9; मत्याल 12:4; मार्कल 2:26; लूकाल 6:4

✡9:2 9:2 पेसमुळि 40:22-25

✡9:3 9:3 पेसमुळि 26:33; इब्रितोर 6:18-19; 10:19-20

✡9:4 9:4 पेसमुळि 30:1-8; 37:25-26

✡9:4 9:4 पेसमुळि 25:10-22; 37:1-9; तोहचीतव पोल्‍लोङ 11:19

✡9:4 9:4 पेसमुळि 16:32-34

†9:4 9:4 इद मनाता लोप्पा पुनदना इतेके, पुस्तकता आक्रिते पुनवव पोल्‍लोना अर्तमि अगा ऊळाट.

✡9:4 9:4 गिनती 17:8-10

✡9:4 9:4 पेसमुळि 25:16; 31:18; 32:15; व्यवस्थाविवरण 9:9,11,15; 10:3-5

‡9:5 9:5 इविस्किन इब्रि पोल्‍लोते “करुबिम” इंदुर. अव उंद रीतताङ देवतुल्क मताङ.

✡9:5 9:5 पेसमुळि 25:17-22; लैव्यव्यवस्था 16:2; 1 राजा 8:7

§9:5 9:5 देवुळि पापमतुन मापि कीयनद जागा, संदुकता पोग़ोटा बाजे मता. तान बंगरते माचिस मता. देवुळता पेर्माल ताना पोग़ोन, मोक ईतव जन्वर्कना नेतुर इल्ह्‌किंदोग़; तान ऊळिस देवुळि तना मन्कलोरा पापमतुन मापि कींदु.

✡9:6 9:6 गिनती 18:2-6; इब्रितोर 7:11

✡9:7 9:7 पेसमुळि 30:10; लैव्यव्यवस्था 16:12-17,34; इब्रितोर 6:18-19; 10:3-4

✡9:7 9:7 गिनती 15:25; इपिसुसतोर 4:18

✡9:7 9:7 लैव्यव्यवस्था 16:11,14; इब्रितोर 5:2-3

✡9:8-10 9:8-10 3:7

✡9:8-10 9:8-10 लैव्यव्यवस्था 11:2-47; गिनती 6:3; कुलुसितोर 2:16; इब्रितोर 13:9

✡9:8-10 9:8-10 लैव्यव्यवस्था 11:25; गिनती 19:13; मार्कल 7:4

✡9:8-10 9:8-10 5:1; 8:3

✡9:8-10 9:8-10 10:1

✡9:8-10 9:8-10 7:18-19

✡9:8-10 9:8-10 योहन 14:6; इब्रितोर 7:12; 10:19-20

✡9:11 9:11 10:1

✡9:11 9:11 2:17; 3:1

✡9:11 9:11 मार्कल 14:58; 2 कुरिंततोर 5:1; इब्रितोर 9:1

✡9:11 9:11 8:2

✡9:12 9:12 लैव्यव्यवस्था 4:3; 16:6,15

✡9:12 9:12 7:27

✡9:12 9:12 13:12

✡9:12 9:12 5:9; 1 पत्रु 1:18-19

✡9:13 9:13 लैव्यव्यवस्था 16:15; इब्रितोर 10:3-4

✡9:13 9:13 गिनती 19:9,17-18

✡9:14 9:14 इपिसुसतोर 1:7; इब्रितोर 13:12

✡9:14 9:14 इपिसुसतोर 5:2; इब्रितोर 7:27; 10:9-10,12

✡9:14 9:14 रोम सहरतोर 3:25-26; इब्रितोर 1:3; 6:1-2; तोहचीतव पोल्‍लोङ 7:14; 14:5

✡9:14 9:13-14 10:29

✡9:15 9:15 रोम सहरतोर 3:24

✡9:15 9:15 बळयिर 20:32

✡9:15 9:15 गलातितोर 3:20; इब्रितोर 6:15; 8:6,8; 10:34,36; 11:39; 12:24

✡9:19 9:19 1:1

*9:19 9:19 तुल्स मराटिते “एजोब” इनजोर मन्ह्‌ता.

✡9:19 9:19 गिनती 19:6,18

✡9:19 9:19 10:22; 12:24

✡9:20 9:19-20 पेसमुळि 24:7-8; मत्याल 26:28; मार्कल 14:22-24; लूकाल 22:19-20

✡9:21 9:21 पेसमुळि 24:6; 40:9; लैव्यव्यवस्था 8:15,19; 16:14-16

✡9:22 9:22 लैव्यव्यवस्था 17:11; 1 योहन 1:7

✡9:23 9:23 8:5

✡9:24 9:24 9:1

✡9:24 9:24 2 कुरिंततोर 5:1; इब्रितोर 8:2

✡9:24 9:24 7:25

✡9:24 9:24 4:14-15; 1 योहन 2:1

✡9:26 9:26 1 योहन 3:5,8

✡9:26 9:26 1:2; 1 पत्रु 1:20; 4:7

✡9:26 9:26 7:27; 1 पत्रु 3:18

✡9:27 9:27 पुटमुळि 3:19

✡9:27 9:27 2 कुरिंततोर 5:10; इब्रितोर 10:27; 1 योहन 4:17-18

✡9:28 9:28 7:27; 1 पत्रु 3:18

✡9:28 9:28 यशायाह 53:12; 1 पत्रु 2:24

✡9:28 9:28 रोम सहरतोर 3:25-26; इब्रितोर 10:9-10

✡9:28 9:28 बळयिर 1:11

✡9:28 9:28 1 कुरिंततोर 1:5-7; तीतुस 2:13