1 येसु पया ओर सबेटोरिन इतोग़, “मीवाङ जीवाङ कंद्रेम आयमाकिङ.✡14:1 14:27; 16:6,22 मति देवुळतुन नमिस मन्ह्‌टु, ओसो नाक वने नमिस मन्ह्‌टु. 2 नावा बाबाना लोतगा मनदलाह, वेल्‍लाङे अराङ मन्ह्‌ताङ. अद्रम इलवेके, नना मियेनाह्‌कु मनदलाहि जागा तयर कीयलाह दाय्ह्‌नन इनजोर वेहेनना?✡14:2 इब्रितोर 6:20; 1 पत्रु 1:4-5 3 नना अन्जि मियेनाह्‌क जागा तयर कीतन इतेके, मल्स वासि मीक नयगा ओयकन.✡14:3 14:18,28 बाराह्‌क इतेके बेगा नना मह्‌नन, अगा मीट वने मनदना इन्जि.✡14:3 12:26; 17:24; 2 कुरिंततोर 5:8; 1 तिसलुनितोर 4:17 4 नावा दायनद अग़ि मीक इतेक एर्काय मन्ह्‌ता,” इनजोर इतोग़. 5 अस्के तोमाल इनवाल कग़यवाल ओर्वोग़ येसुन इतोग़, “सामि, निमा बेगा दाय्ह्‌निन, अदिन वने माट पुनोम. इतेके पया, नीवा दायनद अग़ि माक बह एर्का आयग़ा?” 6 अस्के येसु ओन इतोग़, “अग़दन ननाने,✡14:6 10:9; इब्रितोर 9:8-10; 10:19-20 सेतेमतन ननाने,✡14:6 1:14 जीवातन वने ननाने आंदन,✡14:6 1:4; 5:26; 11:5; 1 योहन 5:20 तोमा. नावा संगे वावालेवा, बाबानेके बोग़े एवया पग़वोग़. 7 नना बोनन आंदन इन्जि, मीट इंजेके पुतिर इतेके, बाबान वने मीट पुनदकिर.*14:7 नना बोनन आंदन इन्जि, मीट इंजेके पुतिर इतेके, बाबान वने मीट पुनदकिर मोदुल पोल्‍लोताङ उचुक काग्देह्‌कने “नना बोनन आंदन, अदिन मीट पुन्ज मतेके, नावा बाबान वने पुनेरिर.”✡14:7 8:19; 14:9; 15:21; 16:3 इंजेटाहि मीट ओन पुह्‌निर, ओसो ऊळतिर वने.”✡14:7 1 योहन 2:14 8 अस्के पिलिप इनवाल ओन इतोग़, “सामि, बाबान माक तोहा, तोहतेके अदे माक बेचोनो आयग़ा,” इतोग़. 9 अस्के येसु ओन इतोग़, “पिलिप, नना इचोक दियाङ मीवा ऐंगे मन्ज तेला, निमा नाक पुनविना? बोग़ नाक ऊळतोग़, ओग़ बाबान ऊळतपे मन्ह्‌तोग़.✡14:9 1:14; 12:45; कुलुसितोर 1:15; इब्रितोर 1:3 इतेके निमा बाबान माक तोहा इनजोर, बेद्रम इह्‌निन? 10 बाबाल, नना, माट इर्वोम जोळेम आस मह्‌नोम इनजोर, निमा विस्वस केविना?✡14:10 10:38; 14:11,20; 17:21-23 मीक वेहतनाङ गोटिङ, नना नावा विचरते वेहोन मति, नयगा मनवाल बाबाल, ओग़े नावा मेटे तनाङ कबस्क कीस्तोग़.✡14:10 7:16; 14:24 11 बाबाल, नना, माट इर्वोम जोळेम आस मह्‌नोम, इद नावा गोटटुन सेतेम पोय्म्ह्‌टु. अह आयवेके, नावाङ कबस्किन तेला ऊळिसि सेतेम पोय्म्ह्‌टु.✡14:11 मत्याल 11:4-5; लूकाल 7:22; योहन 5:36; 10:25,38; 14:20; 15:24; 17:11,21,23 12 इह केंजाट, नना सेतेम वेहतह्‌नन, नना कीयनव बेरा डीसाताङ कबस्किन, नाक नमवालोर वने कीयनुर, ओसो अविस्किह्‌काय वीळिस बेह्‌राङ कबस्क कीयनुर.✡14:12 इब्रितोर 2:3-4 बाराह्‌क इतेके नना बाबानेके दाय्ह्‌नन इनजोरे.✡14:12 7:33; 14:28; 16:5,10,17,28; 17:11,13; 20:17 13 ओसो मग़ना लोप्पा बाबाना डीसा दिसना इन्जि, मीट बेव गोटिनु, माट नीवाङे लोकुरोम इन्जि ताल्ह्‌ककिर, अविन नना कीकन. 14 माट नीवाङे लोकुरोम इन्जि, मीटु बातालाय ताल्ह्‌कतिर इतेके, अदिन नना कीकन.✡14:13-14 15:7,16; 16:23-24; 1 योहन 5:14

15 “मीट नाक जीवा कीतेके, नावा पोल्‍लोतुन माळकिर.✡14:15 14:21,23; 15:9-10; 1 योहन 2:3; 5:3; 2 योहन 6 16 अस्के नना बाबान ताल्ह्‌ककन, पया ओग़ मीकु दुस्रा तोळ आयनद ईयनोग़, अद अमेसा मीवा संगे मनदग़ा.✡14:16 14:26; 15:26; 16:7; रोम सहरतोर 8:26 17 अद देवुळता सेतेम तोहतनद जीवा आंदु.✡14:17 15:26; 16:13; 1 योहन 4:6; 5:7 दुनियातोर तान पोयोर आयनुर, बाराह्‌क इतेके ओर तान ऊळोर, तान पुनोर वने.✡14:17 रोम सहरतोर 8:9; 1 कुरिंततोर 2:14 मति मीट इतेक तान पुह्‌निर, बह इतेके अद मीवा तोळ मन्ह्‌ता इनजोरे. ओसो मीवा लोप्पा पया जागा आयग़ा.✡14:17 पिलिपितोर 2:1-2; 1 योहन 3:24 18 दायनस्के, नना मीक पोरावेकोरा लेह्‌का विळ्सोन आयकन, मति (देवुळता पवित्र जीवातामेटे), मियके मल्स वायकन.✡14:18 14:3,28 19 उचुके दियाङ पिसताङ, दुनियातोर पया नाक ऊळोर आयनुर, मति मीट नाक ओसो ऊळकिर.✡14:19 7:33; 12:35; 13:33; 16:16,22 नना अमेसा जीवात मनदकन, अहे नावा लेह्‌का मीट वने अमेसा जीवात मनदकिर.✡14:19 6:57; तोहचीतव पोल्‍लोङ 20:4 20 अह आतस्के बाबाल, नना, माट इर्वोम जोळेम आस मह्‌नोम, ओसो मीट नयगा जोळेम आस मह्‌निर, ओसो नना मियगा जोळेम आस मह्‌नन इनजोरे, मीट पुनदकिर.✡14:20 10:38; 14:11; 15:24; 17:11,21-23 21 बोर नावा पोल्‍लोतुन माळिह्‌तोर, ओरे नाक जीवा केवालोर आंदुर. ओसो बोर नाक जीवा कीस्तोर, ओरिन नावा बाबाल जीवा कीस्तोग़.✡14:21 14:23; 16:27; 17:21-23 नना वने ओरिन जीवा कीकन,✡14:21 14:15,23; 15:9-10; 1 योहन 5:3; 2 योहन 6 अस्के नाक ननाने ओरिह्‌क पुनाह कीकन,” इन्जि येसु वेहतोग़.

22 पया दुस्रोग़ यहुदाल (इस्केर्योत आयोग़) इतोग़, “सामि, माक बार निमा दिसकिन, दुनियातोरिह्‌क बार निमा दिसविन आयकिन, इतेके इद बहु?” इन्जि ताल्ह्‌कतोग़.✡14:22 बळयिर 10:40-41 23 येसु ओन इतोग़, “बोर नाक जीवा कीयनुर, ओर नावा पोल्‍लोतुन माळनुर.✡14:23 1 योहन 2:5 बाबाल ओरिन जीवा कीयनोग़, पया माट इर्वोम ओरगा वासि, जागा पोयतकोम.✡14:23 14:15,21; 15:9-10; 16:27; रोम सहरतोर 8:9; 2 कुरिंततोर 6:16; इपिसुसतोर 3:17; 1 योहन 2:5; 5:3; 2 योहन 6; तोहचीतव पोल्‍लोङ 3:20; 21:3 24 बोर नाक जीवा केवोर, ओर नावा पोल्‍लोतुन माळोर. बेव पोल्‍लोङ मीट केंजिह्‌निर, अव नावाङ आयोङ, मति नाक लोहतोग़ बाबानाङ आंदुङ.✡14:24 7:16; 14:10

25 “नना मियगा मनेके, इव गोटिङ मीक वेहतन. 26 तेला मति बाबाल तना पवित्र जीवातुन मीक तोळ मनदलाह लोहतनोग़,✡14:26 लूकाल 24:49; योहन 15:26; 16:7; बळयिर 1:4-5; 2:33 अद जीवा नावा अदिकर पोसि मीक कतम काग़्हतग़ा. ओसो बेव गोटिङ नना मीक वेहतन, अविस्किन कतमे अदु सीता कीसि वेहतग़ा.✡14:26 15:26; 16:13-15; 1 कुरिंततोर 2:12-13; 1 योहन 2:20,27 27 नना मीवा जीवातुह्‌क सुकम ईसि तासिह्‌नन. बेद्रम इद दुनिया सुकम ईस्ता, अद्रम नना एवोन. मति बेद्रम नावा जीवाते सुकम आस्ता, अद्रमे मीवा वने जीवाते सुकम आयग़ा.✡14:27 16:33; पिलिपितोर 4:7; कुलुसितोर 3:15 अदिह्‌कु मीवा जीवा आल्सुळते मनमाकि, मति मीटु दीरा पोस मन्ह्‌टु.✡14:27 14:1; 2 तिमोति 1:7 28 ‘नना पेसिस दाय्ह्‌नन, पया पेग़्के मियके मल्स वायकन,’ इह इनजोरे मीक वेह्‌च मतन, अदिन मीट केंजतिर. नाक मीट पूरा जीवा कीतेके, नना बाबानेके दाय्ह्‌नन इतस्के, मीट गिर्दा आवेरिर, बाराह्‌क इतेके बाबाल नाकाय बेरोग़ आंदोग़.✡14:28 14:2-4,12,18 29 इव गोटिङ करल आयनुङ अस्के, मीट विस्वस कीयना इन्जि, इव आयनामुनेन नना मीक वेहतन. 30 इंजेटाहि नना मीवा संगे वेल्‍लाङ वळ्ह्‌कोन आयकन, बाराह्‌क इतेके दुनियातुन राजेम कीयनद वायलाह आता.†14:30 दुनियातुन राजेम कीयनदु इतेके देयह्‌कना मुक्याल.✡14:30 12:31; 16:11; 1 योहन 4:4 वास तेला, नावा पोग़ोन ताना बातय अदिकर इले.✡14:30 1 योहन 5:18 31 मति नना बाबान जीवा कीय्ह्‌नन इन्जि, दुनियातोर पुनदनेनाह्‌क, बाबाल नाक वेहतपु, अहे नना कीय्ह्‌नन.

“तेदाट, माट इग्डाह दाकल.”