11
1 अस्के येसु तनाङ बळयिर, बारा मांदतुन इव अडोङ वेहतनाङ मारिह कीतस्के, तना कबुरतुन पोकुर कीयलाहि, ओरिन लोहतोग़. लोहचि, ओग़ अग्डाहि पेसिस, अग्डाङ नाह्कने देवुळता कबुर वेहचोरे, काग़्हचोरे अतोग़.
योहनना लोप्पा येसुनाङ गोटिङ
(लूकाल 7:18-35)
2-3 देवुळता पेदिरते एते मीहवाल योहन जेलते मनेके, देवुळ लोहतोग़ येसुराजानाङ कबस्किन केंजतोग़. केंजिसि वेग़ तनाङ कग़यवालोरिन इतोग़, “येसुनगा अन्जि इद्रम ताल्ह्किस वाटु, ‘बोग़ देवुळ लोहवाल पिसिह केवाल राजाल वावाल मतोग़, ओग़ बह निमानेया? बार माटु दुस्रोना अग़ ऊळकोमा?’ ” इन्जि ओरिन येसुनगा लोहतोग़. 4 वेर कग़यवालोर येसुनगा वासि अह ताल्ह्कतस्के, येसु वेरिन इतोग़, “मीट बाताङ केंजिह्निर, ऊळिह्निर, अविने मल्स अन्जि योहनिह्क वेहाट: 5 नाक देवुळ ईतद लावते गुडिर तोवयलाह आतोर,✡11:5 यशायाह 29:18; 35:5; 42:7; योहन 9:7 कूटालोर ताकलाह आतोर, मोंडरोगमतोर सव्रेम आस्तोर, एव्डालोर वेनदलाह आतोर, हातोर बार तेग़्किह्तोर, गरिबतोरिह्क बेसता कबुर केंजलाह दोर्किह्ता. ✡11:5 यशायाह 61:1; लूकाल 4:18-19 6 नना बोनन आंदन इन्जि, बोर उन्क-मन्क आयोर, ओर देय्वातोरे, इह इनजोर योहनिन वेहाट,” इन्जि येसु वेहतोग़.
7 योहननाङ कग़यवालोर अग्डाहि पेसिस अनेके, येसु मुडोरा संगे पया योहनना लोप्पा वेहता बोटटोग़, “पेळ्ह्कल बूमते मीटु योहननाङ केंजलाह अतिर अस्के, बेद्रमता मन्कन ऊळलाह अन्जि? वळ्यते विग़्कु-वग़्कु आयनद काग़रोंडालेह्का, तना पोल्लोतुन मिळ्हच-मिळ्हच वेहवान ऊळलाह अन्जिया? 8 अद्रमतोन आयवेके पया, बोन ऊळ अन्ज मतिर? रेसेम गेंदेङ उहतोग़ मन्कनुया? केंजाटु, रेसेम गेंदेङ उहतोर मन्कलोर पेळ्ह्कल बूमतगा मनोर, राजमिदेनगान मन्ह्तोर. 9 पया बाराह्क अन्ज मतिर, रा? देवुळता कबुरतोन ऊळलाह, आयोया? मीक नना वेहतह्नन, मुनेतोर देवुळता कबुरतोरा सेवातुह्क वीळिस, योहनना सेवा मता, अद्रमतोने मीट अन्जि ऊळतिर. 10 ओनाय लोप्पा देवुळि मुने तना लोहवाल पिसिह केवान वेहच मता,
‘ऊळा, नना नावा बळयिन नीवा मुने लोहतह्नन.
निमा लोकुरा जीवातगा वायना इन्जि, नीवा अग़दुन ओग़ तीर्ह्कनोग़.’✡11:10 पेसमुळि 23:20; मलाकी 3:1
इदे सास्त्रमते रासतद मन्ह्ता. (ओग़ बळयि इतेके योहनिये.) 11 इह केंजाट, नना सेतेम वेहतह्नन इतेके, देवुळताङ पाळ्नाङ अडोने ताकवालोरगा, देवुळता पेदिरते एग़ मीहवाल योहनिह्काय वीळिस, बोग़े बेरोग़ पुटोग़ आसि. मतिंगा बोरगा देवुळ राजेम कीस्ता, ओरग्डाहि सबेटोरिह्क उड्लोग़ वने योहनिह्काय बेरोग़. 12 देवुळता पेदिरते एग़ मीहवाल योहन, कबुर वेहचोर वाताङ दियानाहि नेंड एवनाह्जोम, देवुळ तना राजेमतुन जोरतेने निल्पिह कीसोर मन्ह्ता, अह आसि लोकुर तान पोयतलाह, दोबेङ-नूकेङ कीसोरे लोप्पा नेङिह्तोर.*11:12 देवुळता पेदिरते एग़ मीहवाल योहन, कबुर वेहचोर वाताङ दियानाहि नेंड एवनाह्जोम, देवुळ तना राजेमतुन जोरतेने निल्पिह कीसोर मन्ह्ता, अह आसि लोकुर तान पोयतलाह, दोबेङ-नूकेङ कीसोरे लोप्पा नेङिह्तोर. मोदुल कागिदतुन ऊळतेके, इद अर्तम वने अरयह्ता: “देवुळता पेदिरते एते मीहवाल योहन, कबुर वेहचोर वाताङ दियानाहि नेंड एवनाह्जोम, देवुळता राजेमता अडमि लळय आसोर मन्ह्ता, अहे लळय केवालोर तान एहतलाह ऊळिह्तोर.” 13 इतेके योहन वानाह्जोमु, देवुळताङ सबेटोर कबुरतोरा सास्त्रम ओसो मोसानाङ अडोङ†11:13 देवुळताङ सबेटोर कबुरतोरा सास्त्रम ओसो मोसानाङ अडोङ इतेके येसु वायनामुने रासतदु पूरा पाळ्ना सास्त्रमि., मुनेने देवुळ लोहवाल राजाल वायनदिना लोप्पा वेहच मताङ.✡11:12-13 लूकाल 16:16 14 मुनेतोर कबुरतोर बेस्के ‘(देवुळ लोहवाल राजाना मुने), एलियाल कबुरतोग़ इद बूमते मल्स वायनोग़,’ इनजोर इंदुर,✡11:14 मलाकी 4:5; मार्कल 9:11 अस्के ओरु योहनना लोप्पाने वेहन्दुर. इदिन पुनदलाह मीवा विचर मन्ह्ता इतेके पुन्ह्टु: योहन इतेके एलियाललेह्काडोग़े! 15 मियग्डाहि बोरिह्कु पुनदलाह गिर्दा मन्ह्ता, नावा पोल्लोतुन बेस केंजाटु!✡11:15 तोहचीतव पोल्लोङ 2:7,11
16-17 “मीट योहननाङ केंजवोरिर, नावाङ इंका केंजवोरिर, मीट बेद्रमतोरिर इनदना, तेन केंजाट. बोर पेकोर बजरतगा कग़्सलाह उदिसि, तमाङ गोतयालोरिन केयिह्तोर. केयसोर ओर इन्ह्तोर,
‘मीक इनजोर माटु तुरुस्कने रेला पाटाता रेगा ऊरतोम, तेला मति मीट एंदविर.
पया माट हामुर रेगाताङ पाटाङ ओतोम,
तेला मति मीट मोरो-मोरो इनजोरे,
अळसोरे अर्युल पायविर.’
18 अद्रमे योहन लोकुरा संगे उदसोर बेस तिनजोर-उनजोर वावोग़, अदिह्क इसि ओनगा देयम मन्ह्ता, इद्रम ओन इन्ह्तोर. 19 मति माने-मन्कना नडुम पुटटोनन बेस तिनजोर-उनजोर वाताह्क इसि, नाक वळ्ह्किह्तोर, ‘ओन ऊळाट, ओग़ उळ्बे, ओचे, सिद्वा एनवालोरा, पाप्यहलोरा गोतयाल!’ इद्रम नाक इन्ह्तोर. (योहन अह मताह्क वने मीक अरवोये, नना इह मताह्क वने मीक अरवोये.) मति बोर देवुळता बुदते ताकिह्तोर, ओराङ कबस्क सेतेम दिसनुङ,” इनजोर येसु इतोग़.
येसुनाङ केंजवोराङ नाह्किह्क दुकमि
(लूकाल 10:13-15)
20 पया बेव नाह्कने येसु तनाङ बेह्रा डीसाताङ वेल्लाङे कबस्क कीतोग़, अग्डोरु पापमताहि मिळ्न्दवाह्कु, ओरिन ओग़ु इहलेह्का तप तोहता बोटटोग़: 21 “ए कोराजिन नाटेनोरिर! ए बेत्सेदा नाटेनोरिर! देवुळि मीक सिक्सा ईयग़ा. बाराह्क इतेके मियगा बेव बेरा डीसाताङ कबस्क कीतन, अवु सोर, सिदोन इव लाग्वाङ नाह्कने✡11:21 यशायाह 23; यहेजकेल 26—28; आमोस 1:9-10; योएल 3:4; जकर्याह 9:2-4 कीस मतेके, अग्डोरु अस्केन बेस्कोटे निटमे केंजेर; पोता-गेंदेङ उहचि, तलातगा नेग़ दोसिसि, मावा पापमताहि मिळ्न्दतोम इन्जि, ओर तोहेर. (मति मीट इतेक मीवा पापमताहि मिळ्न्दविर!) 22 करल इदे मन्ह्ता, सोर, सिदोन इव नाह्िकह्काय वीळिसि, मीक नेयमता आक्रि दियाते देवुळि वेल्ला सिक्सा ईयग़ा. 23 ओसो ए कापेर्नाटेनोरिर! मीट देवुळदीपतगा पोग़ोन एवयकोम इह्निरा? आयो, देवुळि मीक इळ्ने हानादीपतगा पोहचीयग़ा!✡11:23 तोहचीतव पोल्लोङ 6:8 मियगा नना बेव बेरा डीसाताङ कबस्क कीतन, अव कबस्क सोदोम नाटे तेला कीस मतेके, अद नाटेनोर तमा पापमताहि मिळ्न्देर, अह आसि सोदोम नेंड एवनाह्जोम पिसालि, देवुळि तान बूळे केवो आवालि.✡11:23 पुटमुळि 19; 2 पत्रु 2:6(मति मीट इतेक मीवा पापमताहि मिळ्न्दविर!) 24 नना मीक वेहतह्नन, सोदोमतुह्काय वीळिसि, मीकु नेयमता आक्रि दियाते, देवुळि वेल्ला सिक्सा ईयग़ा,” इनजोर इतोग़.
मोतातोरिह्कु आरम
(लूकाल 10:21-22)
25 अस्के येसु देवुळतुन जोहर कीस इतोग़, “ए बाबा! इळ्ता, पोग़ोटा बूमता सामिनिन!✡11:25 व्यवस्थाविवरण 10:14; बळयिर 17:24 नना नीक जोहर कीय्ह्नन, बाराह्क इतेके निमा इव सेतेम पोल्लोनु, बुदतोरोम, पका तेळियतोरोम इनवालोरिह्क तोहवालेवा, उड्लोरोम, बुदलेवोरोम इनवालोरिह्क तोहतिन.✡11:25 1 कुरिंततोर 1:20,26; 2:8-10 26 निटमे बाबा, नीवा विचर इद्रमे कीयनद मता.”
27 पया येसु इतोग़, “नावा बाबाल नाकु सबे पुनदलाह ईतोग़.‡11:27 नावा बाबाल नाकु सबे पुनदलाह ईतोग़. मोदुल कागिदते “नावा बाबाल नावा कयदे कतमे ईतोग़.”✡11:27 योहन 3:35 देवुळबाबान विळ्सिस, बोग़े बार देवुळता मग़िन पुनोग़. ओसो बाबान सिरप नना, ओना मग़नन, पुह्नन, ओसो बाबान तोहतलाह बोरिन नना आचिह्नन, ओर वने बाबान पुनदनुर.
28 “एय कह्टेम कीसोर बागतोरिर, (वेल्लाङे अडोङ-उतुर्कना) मोता कांजतोरिर, मीट सबेटोरिर नयके वाटु, अस्के नना मीवाङ जीवाह्कु आरम ईकन. 29 नना पेदातनम केवानन आयोन, ओसो जीवाते कुलुल मह्नन.✡11:29 2 कुरिंततोर 10:1; पिलिपितोर 2:5,8 अदिह्क (मीवा पूहतद जुवातुन पोहचि,) मीट नावाये जुवा कांजाटु. ओसो नावाङ कग़याटु, अहे कीम्ह्टु, अस्के मीवाङ जीवाह्कु आरम दोर्कग़ा.✡11:29 यिर्मयाह 6:16; इपिसुसतोर 4:20; 1 पत्रु 2:21 30 बाराह्क इतेके नावा जुवा पूहो, नावा मोता अल्को मन्ह्ता!✡11:30 1 योहन 5:3”
✡11:5 11:5 यशायाह 29:18; 35:5; 42:7; योहन 9:7
✡11:5 11:5 यशायाह 61:1; लूकाल 4:18-19
✡11:10 11:10 पेसमुळि 23:20; मलाकी 3:1
*11:12 11:12 देवुळता पेदिरते एग़ मीहवाल योहन, कबुर वेहचोर वाताङ दियानाहि नेंड एवनाह्जोम, देवुळ तना राजेमतुन जोरतेने निल्पिह कीसोर मन्ह्ता, अह आसि लोकुर तान पोयतलाह, दोबेङ-नूकेङ कीसोरे लोप्पा नेङिह्तोर. मोदुल कागिदतुन ऊळतेके, इद अर्तम वने अरयह्ता: “देवुळता पेदिरते एते मीहवाल योहन, कबुर वेहचोर वाताङ दियानाहि नेंड एवनाह्जोम, देवुळता राजेमता अडमि लळय आसोर मन्ह्ता, अहे लळय केवालोर तान एहतलाह ऊळिह्तोर.”
†11:13 11:13 देवुळताङ सबेटोर कबुरतोरा सास्त्रम ओसो मोसानाङ अडोङ इतेके येसु वायनामुने रासतदु पूरा पाळ्ना सास्त्रमि.
✡11:13 11:12-13 लूकाल 16:16
✡11:14 11:14 मलाकी 4:5; मार्कल 9:11
✡11:15 11:15 तोहचीतव पोल्लोङ 2:7,11
✡11:21 11:21 यशायाह 23; यहेजकेल 26—28; आमोस 1:9-10; योएल 3:4; जकर्याह 9:2-4
✡11:23 11:23 तोहचीतव पोल्लोङ 6:8
✡11:23 11:23 पुटमुळि 19; 2 पत्रु 2:6
✡11:25 11:25 व्यवस्थाविवरण 10:14; बळयिर 17:24
✡11:25 11:25 1 कुरिंततोर 1:20,26; 2:8-10
‡11:27 11:27 नावा बाबाल नाकु सबे पुनदलाह ईतोग़. मोदुल कागिदते “नावा बाबाल नावा कयदे कतमे ईतोग़.”
✡11:27 11:27 योहन 3:35
✡11:29 11:29 2 कुरिंततोर 10:1; पिलिपितोर 2:5,8
✡11:29 11:29 यिर्मयाह 6:16; इपिसुसतोर 4:20; 1 पत्रु 2:21
✡11:30 11:30 1 योहन 5:3