24
मंदिर बूळेम आयनालोप्पा कबुरि
(मार्कल 13:1-2; लूकाल 21:5-6)
1 पया येसु मंदिरताहि पेसिसि पलत अनेके, मंदिरताङ बंग्लाङ तोहतलाहि कग़यवालोर ओनगा वातोर. 2 अस्के येसु ओरिन इतोग़, “मीट इव सबेटविन बेस ऊळाटु. इह केंजाट, नना सेतेम वेहतह्नन, इव इचोन बूळेम आयनुङ इतेके, इविस्कनगा बंडाता पोग़ोन बंडा वने मनो आयग़ा, बूळे केवालोरु कतम अर्हतनुर,✡24:2 लूकाल 19:44; तोहचीतव पोल्लोङ 21:22” इतोग़.
विस्वसिराङ तिपल्कु
(मार्कल 13:3-10; लूकाल 21:7-19)
3 पया येसु जय्तुन मराना मेटातगा वग़ोग़े उदिस मनेके, कग़यवालोर ओनगा वासि ताल्ह्कतोर, “इव पोल्लोङ बेस्के बह आयनुङ, गूरु? नीवा वायनद वेला ओसो इद बूम मारनद वेला एवयनामुने, बेद्रमताङ सीनाङ आयनुङ?” इन्जि ताल्ह्कतोर.
4 येसु ओरिन इतोग़, “मीक बोग़ाय नाळेह कीयनायो इन्जि, उसरते मन्ह्टु. 5 बाराह्क इतेके वेल्लाटोरे नावा पेदिर पोस वासि, नना देवुळ लोहतोग़ राजानन आंदन इनजोर, वेल्लाटोरिन नाळेह कीयनुर.✡24:5 योहन 5:43 6 ईनाह-आनाह नालुङ मूलाङ आसि, लळय्क आस्ताङ इन्जि, मीक एर्का आयग़ा. अस्के मीट रेयमाटु. इव पोल्लोङ निटम इह आयनुङे, मति इचोट्के बूम मारो. 7 जातता पोग़ोन जाति तेदग़ा, राजेमता पोग़ोन राजेमि तेदग़ा. बेगा इतेक अगा दुकळ अरयग़ा, जागाङ-बूमिङ मेलियनुङ.✡24:7 तोहचीतव पोल्लोङ 6:12 8 मति इव सबे पोल्लोङ, वायनाङ पीळाना सिरप मुर्ङुल आयग़ा, ओसो इंका पका बेरा गोसा वायग़ा.
9 “अद तूकने मीवाङ कोंटेतोर मीक जेलते वाटनुर, तिपल कीयनुर, हव्कनुर वने. मीट नाक नमवालोरिर आताह्कु, सबे जातिनोर मीक कोंटेङ कीयनुर.✡24:9 10:22; मार्कल 13:13; योहन 15:19; 17:14 10 अस्के नाक नमवालोर वेल्लाटोर तमा विस्वसतुन विळ्सिसि, ओर्विह्क-ओर्वोग़ कोंटेतोरा कयदे पोसीयनुर, ओसो ओर्विह्क-ओर्वोग़ कोंटेङ कीयनुर. 11 ओसो वेल्लाटोर जोलहालोरु, जोल कबुर वेहचि, लोकुरिन लेसिह कीयनुर.✡24:11 7:15; 24:24; मार्कल 13:22; लूकाल 6:26; बळयिर 13:6; 2 पत्रु 2:1; 1 योहन 4:1; तोहचीतव पोल्लोङ 16:13; 19:20; 20:10 12 ओसो पापम पकाय वीळताह्कु, वेल्लाटोर लोकुर मुनेतलेह्का ओर्विह्क-ओर्वोग़ जीवा केवोर आयनुर.✡24:12 तोहचीतव पोल्लोङ 2:4 13 मति आक्रि एवनाह बोर दीरा पोस मन्ह्तोर, देवुळि ओरिने पिसिह कीयग़ा.✡24:13 इब्रितोर 10:36 14 ओसो देवुळता राजेम कीयनदिना लोप्पा, बेसता कबुरतुन सबे जातिनोर केंजना इन्जि, इद कबुर बूममेंड आबुर आयग़ा. अस्के कोनि पया बूम मारनद वेला वायग़ा.
येरुसलेमतगा वायनद गोसा
(मार्कल 13:14-20; लूकाल 21:20-24)
15 “दानियेल इनवाल मुनेतोग़ देवुळता कबुरतोग़ वेहच मतपु, देवुळतुह्क मंदिरतुन कळ्वोग़ कीयनदु, एग़्ङ वायनदु, मंदिरता पवित्र गूडटे निच मनदनदिन मीट ऊळकिर.✡24:15 दानिय्येल 9:27; 11:31; 12:11 (मीट अर्ववालोरिर इदिन सीताते तासाटु.) 16 अस्के यहुदा पटटे मनवालोर लोकुर, (कोंटेतोरग्डाह पिह्ट अरयलाह,) मेटानके रोमवा वितिर. 17 बोग़ाय लोता पोग़ोन मतेके, ओग़ तना लोता सामन ओयलाह, लोनलोप्पा नेङमाकेग़. 18 ओसो बोग़ाय मन्कल पोलमते मतेके, ओग़ तना कोटजगातुन ओयलाह, लोन मलमाकेग़.✡24:17-18 लूकाल 17:31 19 अव दियाने नेलाङ हव्कतव आस्किह्क ओसो पाल ऊहतनव तलिस्किह्क, बेचोटा गोसा आयग़ा! 20 माट मुसुर पेग़दस्के ओसो वारमता पोल्वादियाते वितनायो इन्जि, मीट देवुळतुन पार्तना कीम्ह्टु.*24:20 वारमता पोल्वादियाते यहुदिरिह्क जेक पय्नम दायलाह पोलो इन्जि, येसु इह इतोग़. 21 बाराह्क इतेके, अद वेलाते पका बेरा गोसा आयग़ा. अचोटा गोसा बूम पुटिह कीतग्डाह, बेस्केन आयो वने, ओसो बेस्केन आयो आयग़ा.✡24:21 तोहचीतव पोल्लोङ 16:18 22 अव वायनव गोसाताङ दियान देवुळि कमि केवेके, बोग़े मन्कल पिस पग़वोग़ आयनोग़. मति तनाङ आचतोर लोकुरिन पिसिह कीयनेनाह्कु, देवुळि अव दियान कमि कीयग़ा.
देवुळ लोहतोग़ राजाल डीसाते मल्स वायनोग़
(मार्कल 13:21-31; लूकाल 21:25-33)
23 “अद वेलाते बोग़ाय मीक इनदनोग़, ‘ऊळाट, देवुळ लोहतोग़ राजाल इगाडोग़!’, ‘देवुळ लोहतोग़ राजाल अगाडोग़!’, अस्के ओनाङ सेतेम पोयमाट.✡24:23 लूकाल 17:23 24 बाराह्क इतेके, नना देवुळ लोहतोग़ राजानन इनवालोर जोलहालोरु, ओसो देवुळता कबुरतोनन इनवालोर जोलहालोरु,✡24:24 7:15; 24:11; मार्कल 13:22; लूकाल 6:26; बळयिर 13:6; 2 पत्रु 2:1; 1 योहन 4:1; तोहचीतव पोल्लोङ 16:13; 19:20; 20:10 इद्रमतोर पुटनुर. ओर बेराङ-बेराङ बामिह कीयनाङ सीनाङ तोहचि,✡24:24 2 तिसलुनितोर 2:9; तोहचीतव पोल्लोङ 13:13 देवुळ आचतोर लोकुरिन वने लेसिह कीयलाह ऊळनुर. मति ओर अह कीया पग़वोर आयनुर. 25 ऊळाट, नना इतेके मीक मुनेन वेहतन, उसरते मन्ह्टु.
26 “अदिह्क मीकु बोराय इनदनुर बारा, ‘ऊळाट, देवुळ लोहतोग़ राजाल पेळ्ह्कल बूमते मन्ह्तोग़’ इतेक, अगा मीट ओन पर्ह्कलाह अनमाटु. ओसो मीकु ‘देवुळ लोहतोग़ राजाल लोप्पाडाङ अरानगा मन्ह्तोग़,’ इनजोर इनदनुर बारा, मीट अदिन वने सेतेम पोयमाटु. 27 बाराह्क इतेके, बेद्रमि किस-उळ्म मिळ्स्कसोरे, उंद बाजेताहि दुस्रा बाजेवनाह मिळ्स्किह्ता, अद्रमि माने-मन्कना नडुम पुटटोनन वायनस्के कतमतोर नाक ऊळनुर.✡24:27 लूकाल 17:24 28 बेगा हातद सेत्ता मनदग़ा, अगा गीदस्क निटमे जमा आयनुङ†24:28 बेगा हातद सेत्ता मनदग़ा, अगा गीदस्क निटमे जमा आयनुङ बेगा जन्वर्क डोलिह्ताङ, अगाने गीदस्क जमा आस्ताङ. अद्रमलेह्काने देवुळता जीवालेवोरु दुनियामेटोरा पोग़ोन, देवुळता नेयम उदग़ा इनजोर अर्तम आया पग़यह्ता. इलवेके गीदस्क जमा आयनदिना लेह्का, किर्स्तु मल्स वायनद वने सबेटोरिह्क दिसग़ा, इद अर्तम वने आया पग़यह्ता.. ✡24:28 लूकाल 17:37
29 “अव दियानाङ तिपल्क मारताहे,
पोळ्द मांजो आयग़ा, ✡24:29 तोहचीतव पोल्लोङ 6:12
नेला दींचो आयग़ा,
उकाङ पोग़ोटाह इळ्न रालनुङ, ✡24:29 तोहचीतव पोल्लोङ 6:13
इद्रम पोग़ोटा बूमतगा सबे मेलियनुङ.✡24:29 यशायाह 13:10; 34:4
30 अस्के माने-मन्कना नडुम पुटटोनन, नना मोयुदगा सीना तोहतकन. पया दुनियाताङ सबे जातिनोर मन्कलोर, अर्युल पासोर हामुर-रेगाङ अळयनुर. नना बेरा डीसाते मोयुलपोग़ोन वायनदिन✡24:30 दानिय्येल 7:13 ओर ऊळनुर. 31 अस्के पया नना नावाङ देवतुल्किन, अकुमता बेह्रा आल्काते, दुनियाता मूलाह्क-मूलाह्क लोहतकन.✡24:31 1 कुरिंततोर 15:51-52; 1 तिसलुनितोर 4:16 पया अवु इद बूमतगा सर्ने मनवालोर नावाङ आचतोर लोकुरिन जमा कीयनुङ.
32 “गेळाताङ मरान ऊळिसि इद पोल्लो कग़याटु. आकिङ रालिह्ताङ अस्के‡24:32 गेळाताङ मरान ऊळिसि इद पोल्लो कग़याटु. आकिङ रालिह्ताङ अस्के मोदुल कागिदते, “अंजिर मरातुन ऊळिसि इद पोल्लो कग़याटु. तेनाङ कांदाङ कोळ्सिह्ताङ अस्के”. डोय एरे एवता इनजोर मीट पुह्निर. 33 इद्रमलेह्का मीट वने इव पोल्लोङ आयनदिन ऊळकिर अस्के, सामि गट्नेन एवतप लेह्कान इनजोर पुन्ह्टु. 34 इह केंजाट, नना सेतेम वेहतह्नन, मीट सबेटोरिर हायनामुनेन, इव नना वेहतव गोटिङ§24:34 इव नना वेहतव गोटिङ इतेके येरुसलेमते आयनव गोसाताङ पोल्लोङ आंदुङ, बूम मारनव पोल्लोङ आयोङ. करल आयनुङ. 35 पोग़ोटा बूमि, इळ्ता बूमि मायनुङ, मति नावा पोल्लो मात्रमि बेस्केन मायो आयग़ा.✡24:35 2 पत्रु 3:10
येसुना वायनद वेला बोन्के तेळियो
36 “मति देवुळ लोहतोग़ राजाल मल्स वायनद दियातुन, वेलातुन बोग़े पुनोग़. देवुळदीपताङ देवतुल्क वने पुनोङ, नना इंका पुनोन, सिरपि नावा बाबाले पुन्ह्तोग़.✡24:36 मार्कल 13:32 37 मुनेतोग़ पेदामुय्तोग़ नोहानस्केडाङ दियाने बेद्रम आता, अद्रमलेह्का माने-मन्कना नडुम पुटटोनन वायनस्के वने आयग़ा. 38 अस्के बेद्रम नोहा मुय्तोग़ तना लोतोर बार ओडातगा नेङनाह्जोम, लोकुर तिनजोर-उनजोर मतोर, मर्मिङ आंदुर, मर्मिङ कीसींदुर, 39 ओसो ओरिनु बेरा उड्रा वासि सबेटोरिन पोळ्ह्च ओनाह्जोम, ओरिह्क मुर्तिय तेळियो आसि; अद्रमि माने-मन्कना नडुम पुटटोनन वायनस्के वने आयग़ा.✡24:37-39 लूकाल 17:26-27 40 अद तूकने, पोलमते इर्वुर मन्कलोर (ओर्वोग़ विस्वसि, ओर्वोग़ विस्वसलेवोग़) मनदनुर. नना वग़ोन (नयके पोस) ओयकन, दुस्रोन बारा (बूळेम आयलाह) अगान विळ्सकन. 41 अहे रेंड आस्कु (उंदि विस्वसि, उंदि विस्वसलेवदु) जेताते पिंड नोग़सोर मनेके, नना उंदतुन (नयके पोस) ओयकन, दुस्रदिन बारा (बूळेम आयलाह) अगान विळ्सकन.✡24:41 लूकाल 17:35
42 “अद्रमलेह्का सामि वायनद दिया बेदु, इद मीक तेळियो, अदिह्कु मीटु उसर आसोर मन्ह्टु. 43 इद उंद पोल्लो केंजाटु. नग़्का बेदो उंद वेलाते, कले वायना मन्ह्ता इन्जि, लोता माल्काल पुन्ज मतेके, ओग़ु उंजवा उसरते मन्जि, तना लोतुन कलेनु विर्हता एवोग़ आवेग़.✡24:43 तोहचीतव पोल्लोङ 3:3; 16:15-16 44 अद्रम मीट वने तयर मन्ह्टु, बाराह्क इतेके मीट नावा अग़ ऊळवा वेलाते नना, माने-मन्कना नडुम पुटटोनन वायकन.✡24:43-44 लूकाल 12:39-40; 21:34; 1 तिसलुनितोर 5:1-2; 2 पत्रु 3:10; तोहचीतव पोल्लोङ 3:3; 16:15-16
सेतेमतोग़ सेवक, लाग्वोग़ सेवक
(लूकाल 12:42-46)
45 “केंजाट, बोग़ मेटि लोता माल्काना ओर्युलतोरिह्क कगोत्क-कगो अडिया ईस्तोग़, ओग़े बेसता बुदतोग़ सेतेमते कबळ केवाल मेटि. मीट वने अहे मनदना. 46 पया माल्काल वानेके, इद्रमे बेस कबळ कीसोर मनवाल मेटि, पका देय्वातोग़ आयनोग़. 47 इह केंजाट, नना सेतेम वेहतह्नन, ओग़ माल्काल ओन मेटिनु, तना कतम सम्सरमतुन ऊळलाह तासनोग़.
48 “मति ओग़ मेटि लाग्वोग़ आस मतेके, ‘नावा माल्काल वायलाह आल्सेम आयनोग़ इन्जि, नना विचर वातप कीकन,’ इनजोर इनेग़.✡24:48 2 पत्रु 3:4 49-50 ओसो तना ऐंगेटोर सेवकिरिन नल्हतना-कोह्कना, ओसो कल लोटिरा संगे तिनदना-उनडना, इद्रम कीसोर मनेके, ओग़ु माल्काना अग़ ऊळवस्के, माल्काल वायनोग़. 51 मेटि इद्रम कीयह्पा कलियतेके, तना माल्काल ओन पका सिक्सा कीयनोग़. पया अळयना, केयना, मुडुर-मुडुर पल्क कोग़्कना जागातगा, ओन मेटिन सोङ केवालोरा संगे वाटिसीयनोग़,” इनजोर येसु इतोग़.
✡24:2 24:2 लूकाल 19:44; तोहचीतव पोल्लोङ 21:22
✡24:5 24:5 योहन 5:43
✡24:7 24:7 तोहचीतव पोल्लोङ 6:12
✡24:9 24:9 10:22; मार्कल 13:13; योहन 15:19; 17:14
✡24:11 24:11 7:15; 24:24; मार्कल 13:22; लूकाल 6:26; बळयिर 13:6; 2 पत्रु 2:1; 1 योहन 4:1; तोहचीतव पोल्लोङ 16:13; 19:20; 20:10
✡24:12 24:12 तोहचीतव पोल्लोङ 2:4
✡24:13 24:13 इब्रितोर 10:36
✡24:15 24:15 दानिय्येल 9:27; 11:31; 12:11
✡24:18 24:17-18 लूकाल 17:31
*24:20 24:20 वारमता पोल्वादियाते यहुदिरिह्क जेक पय्नम दायलाह पोलो इन्जि, येसु इह इतोग़.
✡24:21 24:21 तोहचीतव पोल्लोङ 16:18
✡24:23 24:23 लूकाल 17:23
✡24:24 24:24 7:15; 24:11; मार्कल 13:22; लूकाल 6:26; बळयिर 13:6; 2 पत्रु 2:1; 1 योहन 4:1; तोहचीतव पोल्लोङ 16:13; 19:20; 20:10
✡24:24 24:24 2 तिसलुनितोर 2:9; तोहचीतव पोल्लोङ 13:13
✡24:27 24:27 लूकाल 17:24
†24:28 24:28 बेगा हातद सेत्ता मनदग़ा, अगा गीदस्क निटमे जमा आयनुङ बेगा जन्वर्क डोलिह्ताङ, अगाने गीदस्क जमा आस्ताङ. अद्रमलेह्काने देवुळता जीवालेवोरु दुनियामेटोरा पोग़ोन, देवुळता नेयम उदग़ा इनजोर अर्तम आया पग़यह्ता. इलवेके गीदस्क जमा आयनदिना लेह्का, किर्स्तु मल्स वायनद वने सबेटोरिह्क दिसग़ा, इद अर्तम वने आया पग़यह्ता.
✡24:28 24:28 लूकाल 17:37
✡24:29 24:29 तोहचीतव पोल्लोङ 6:12
✡24:29 24:29 तोहचीतव पोल्लोङ 6:13
✡24:29 24:29 यशायाह 13:10; 34:4
✡24:30 24:30 दानिय्येल 7:13
✡24:31 24:31 1 कुरिंततोर 15:51-52; 1 तिसलुनितोर 4:16
‡24:32 24:32 गेळाताङ मरान ऊळिसि इद पोल्लो कग़याटु. आकिङ रालिह्ताङ अस्के मोदुल कागिदते, “अंजिर मरातुन ऊळिसि इद पोल्लो कग़याटु. तेनाङ कांदाङ कोळ्सिह्ताङ अस्के”.
§24:34 24:34 इव नना वेहतव गोटिङ इतेके येरुसलेमते आयनव गोसाताङ पोल्लोङ आंदुङ, बूम मारनव पोल्लोङ आयोङ.
✡24:35 24:35 2 पत्रु 3:10
✡24:36 24:36 मार्कल 13:32
✡24:39 24:37-39 लूकाल 17:26-27
✡24:41 24:41 लूकाल 17:35
✡24:43 24:43 तोहचीतव पोल्लोङ 3:3; 16:15-16
✡24:44 24:43-44 लूकाल 12:39-40; 21:34; 1 तिसलुनितोर 5:1-2; 2 पत्रु 3:10; तोहचीतव पोल्लोङ 3:3; 16:15-16
✡24:48 24:48 2 पत्रु 3:4