Hill Madia तोहचीतव पोल्‍लोङ 14

गोरेपिला ओसो ताना मन्कलोर

1 अद्रमलेह्‌काने नना येरुसलेमता सियोन मेटातगा,✡ गोरेपिला निच मतदिन✡ ऊळतन. ताना संगे उंद लाक रेंड वीसाङ नालुङ अजर्क (1,44,000) मन्कलोर निच मतोर. ओराङ तला-कपरानगा गोरेपिलाता पेदिर, ओसो ताना बाबाना (इतेके देवुळबाबाना) पेदिर रासतव मताङ.✡ 2 पया देवुळदीपताहि उंद लेङ केंजतन. अद लेङु, एताङ राल्क नेकना लेह्‌कान, गुळ्न्जना लेह्‌कान नेकिस मता.✡ ओसो जेतुर एचना लेह्‌का वने नेकिस मता.✡ 3-4 पया ओर उंद लाक रेंड वीसाङ नालुङ अजर्क (1,44,000) मन्कलोरु, देवुळता राजकुर्सता मुनेह, नालुङ दिंचिना मुनेह,✡ पेदल्कना मुनेह, पूना पाटा वाग़तोर.✡ ओरिन विळ्सिस, बोरे अद पाटातुन कग़य पग़वोर.✡ पूरा बूमतोर मन्कलोरग्डाहि, देवुळि ओरिने कर्सा ईसि, विळ्सिह कीस मता.✡ ओर देवुळतेनाह्‌क ओसो गोरेपिलातेनाह्‌क अलग आतोर.✡ बेस्केन साट्याल कबळ केवोर कोय्तोरा लेह्‌का, ओर गोरेपिलातुन विळ्सिसि बेदिने मोळ्कोर*. ओर गोरेपिला तोहतद अग़देने ताकिंदुर.✡ 5 ओराङ तोडिनाहि बेस्केन जोल पोल्‍लो पेसो. ओर बाताले कसुरलेवोर मतोर.✡

मूंड देवतुल्क मूंड कबुर्क ततह्‌ताङ

6 पया नना उंद देवतुलतुन मोयुदगा पग़ियनदिन ऊळतन. तानगा बूमतगा मनवालोर सबे जातिनोर, कूळिनोर, दुस्राङ-दुस्राङ बासाङ वळ्ह्‌कवालोर, सबे देसेह्‌कनोर मन्कलोरगा पोकुर कीयलाहि, बेस्केन मिळ्न्दवद बेसता कबुर मता.✡ 7 अद जोरते इद्रम इता: “देवुळि नेयम कीयनद दिया एवता. अदिनेनाह्‌क तान्क रेयाटु, तान्क मान ईम्ह्‌टु.✡ पोग़ोटा बूमि, इळ्ता बूमि, सम्दुर ओसो एताङ कनिर्क, इविस्किन पंडटद देवुळतुन मोळ्काट,”✡ इनजोर इता. 8 अद अतापया दुस्रा देवतुल वाता, वासि इद्रम इता: “बूळेम आता, बूळेम आता, पका बेरा बेबिलोन इनदनद सहर✡ बूळेम आता✡.† बेद्रम बोगे आस्कु, तमगा वावालोर कोय्तोरिन, साट्या बुदता रिमा वानाह कीस्ताङ, अहलेह्‌का बेबिलोन सहरतोर सबे जातिनोरिन काग़्हचि, ओरिन सेतेम देवुळतुन विळ्सिसि, बोमान मोळ्कनद गिर्दा वानाह कीतोर,”✡ इता.

9 अद अतापया, ओसो उंद देवतुल वाता. वासि जोरते इता, “बोर बोर रकसतुन ओसो ताना बोमातुन मोळ्किसि, ताना सीनातुन तमा तला-कपरातगा आयि, कयदगा आयि, तासिह्‌तोर,✡ ओरा इद्रम आयग़ा: 10 ओर देवुळतग्डाङ देवतुल्कना मुनेह, गोरेपिलाता मुनेह,✡ किसतगा ओसो किसतळ्मिनगा पकाय तिपल आयनुर.✡ देवुळि तना पूरा मळ्गनद ओङतुन, इचुन तेला तक्‍वा केवालेवा, ओरा पोग़ोन अर्हचीयग़ा.✡ 11 ओर रकसतुन ओसो ताना बोमातुन मोळ्कतोर, ताना पेदिरता सीना तासतोर.✡ अदिनेनाह्‌क ओर नग़्का पिळ्‍विळ पियल-पोळ्‍द आरमलेवा, तिपल आसोर मनदनुर. ओरिन तिपल कीयनद किसु बेस्केन पिवो आयग़ा.✡ 12 अदिनेनाह्‌क इद पोल्‍लोतुन सीता कीसि, देवुळताङ अडोङ वेहतप माळसोरे,✡ येसुन विस्वस कीयनदिन विळ्सवोर, देवुळता पवित्र मन्कलोर तमा तिपलते दीरा पोस मनदना,✡” इनजोर इता. 13 पया देवुळदीपताहि उंद लेङ इद्रम वेहतनद केंजतन: “इद्रम रासा: ‘इंजेटाहि सामिन विस्वस कीसोर डोलतोर मन्कलोरिह्‌क सुकम दोर्कग़ा’ इनजोर रासा,” इता. देवुळता जीवा वने इद्रम इन्ह्‌ता:✡ “इंगो! निटमे! ओर कीतव बेसताङ कबस्किन, देवुळि अमेसा सीताते तासग़ा.✡ अदिनेनाह्‌क ओर डोलतस्के, तिपललेवा ओरिह्‌क आरम दोर्कग़ा,✡” इनजोर इता.✡

बूमता पंटा कोयवालोर

14 पया नना उंद पांड्रि मोयुल मतदिन ऊळतन. अद मोयुदगा ओर्वोग़ उदिस मतोग़. ओग़ माने-मन्कना नडुम पुटटोना✡ लेह्‌का दिसिंदोग़. ओग़ तना तलातगा बंगरता राजटोपि केग़्स मतोग़.✡ ओना कयदगा, पका ओळतद एटळ मता. 15 अस्के उंद देवतुलि मंदिरतग्डाहि पेसता,✡ पेसिसि मोयुदगा उदिस मतोन जोरते इद्रम इता: “बूमतग्डा पंटा अयता.✡ पंटा कोयनद वेला एवता. अदिनेनाह्‌क नीवा एटळ पोस कोय्म,✡” इता. 16 इतस्के पया, मोयुदगा उदिस मतोग़, तना एटळते बूमतग्डा पंटातुन कोयतोग़.‡ 17 अस्के ओसो उंद देवतुलि, देवुळदीपतग्डा मंदिरतग्डाहि पेसता.✡ तानगा वने ओळतद एटळ मता. 18 अस्के दूपम बोळ्सलाह अदिकर मनदनद उंद देवतुलि, दूपम बोळ्सनद मेजाताहि पेसता.✡ पेसिसि, एटळ पोयतद देवतुलतुन जोरते इता: “बूमतग्डाङ अंगुर पंडिङ पंडटाङ.✡ नीवा ओळतद एटळते, अव अंगुर गुतिन कोय्म,” इनजोर इता. 19 इतस्के, अद देवतुलि बूमतग्डाङ अंगुर गुतिनु, तना एटळते कोयता. कोसि (अंगुर पंडिन काल्कने ओय्ह्‌किस,) जोमा पेग़नद बेरा बोंदातगा वाटटा. अद बोंदाता पेदिरि देवुळता ओङु इनजोर मन्ह्‌ता.✡ 20 सहरता पलते मतद अंगुर्क ओय्ह्‌कनद बोंदातगा, अव अंगुर गुतिन ओय्ह्‌किस पेग़तोर.✡ पेग़तस्के, पूरा डेडा नूर कोस्क एवनाह इतप, नेतुर पोळ्ङता. अद नेतुर जोक-जोक डेडा मिटरता निल्क एवनाह निंदिस अता.

✡14:1 14:1 देवुळताङ पाटाङ 2:6; इब्रितोर 12:22

✡14:1 14:1 5:6

✡14:1 14:1 यहेजकेल 9:4; तोहचीतव पोल्‍लोङ 3:12; 7:3-4

✡14:2 14:2 1:15; 6:1

✡14:2 14:2 5:8

✡14:3-4 14:3-4 4:6

✡14:3-4 14:3-4 7:4

✡14:3-4 14:3-4 2:17

✡14:3-4 14:3-4 5:9-10

✡14:3-4 14:3-4 इब्रितोर 12:23; याकुब 1:18

*14:3-4 14:3-4 बेस्केन साट्याल कबळ केवोर कोय्तोरा लेह्‌का, ओर गोरेपिलातुन विळ्सिसि बेदिने मोळ्कोर मोदुल कागिदते “ओर कुव्रा मन्कलोर आंदुर, बेविस्कनाये संगे आंचाळ-कोय्तोग़ आयवालेवा, कळ्‍वोग़ आयोर.” दुस्राङ देवुळ्कना, पेन्कना संगे जोळेम आयनदु इतेके, देवुळता मुनेह साट्या पापमलेह्‌का आंदु, इद्रम पवित्र सास्त्रमते ऊक-ऊके वेहतद मन्ह्‌ता.

✡14:3-4 14:3-4 2 कुरिंततोर 11:2; तोहचीतव पोल्‍लोङ 3:4; 7:16-17; 17:14

✡14:5 14:5 देवुळताङ पाटाङ 32:2; सपन्याह 3:13; मलाकी 2:6; योहन 1:47; इब्रितोर 9:14; 1 पत्रु 1:18-19; 2:22; यहुदाल 24

✡14:6 14:6 1 पत्रु 1:24-25; तोहचीतव पोल्‍लोङ 5:9-10

✡14:7 14:7 11:13; 15:4

✡14:7 14:7 4:11

✡14:8 14:8 दानिय्येल 4:30; तोहचीतव पोल्‍लोङ 16:19; 17:5; 18:10

✡14:8 14:8 यशायाह 21:9; यिर्मयाह 51:8; तोहचीतव पोल्‍लोङ 18:2-3

†14:8 14:8 अद कालमते बोर बोर रोम सहरतुन, बेबिलोन इनजोर इंदुर.

✡14:8 14:8 यिर्मयाह 51:7; तोहचीतव पोल्‍लोङ 17:1-2,4; 18:2-3

✡14:9 14:9 7:3; 13:12,15-16; 16:2

✡14:10 14:10 मार्कल 8:38

✡14:10 14:10 पुटमुळि 19:24; यहेजकेल 38:22; 2 तिसलुनितोर 1:8; तोहचीतव पोल्‍लोङ 19:20; 20:10,14-15; 21:8

✡14:10 14:10 देवुळताङ पाटाङ 75:8; यशायाह 51:17; यिर्मयाह 25:15-16,27; तोहचीतव पोल्‍लोङ 16:19; 18:6; 19:15

✡14:11 14:11 13:12,16,17

✡14:11 14:11 यशायाह 34:10; तोहचीतव पोल्‍लोङ 18:9,18; 19:3

✡14:12 14:12 12:17

✡14:12 14:12 1 योहन 2:3; तोहचीतव पोल्‍लोङ 2:13; 13:10

✡14:13 14:13 22:17

✡14:13 14:13 1 तिमोति 5:25

✡14:13 14:13 इब्रितोर 4:9-10; तोहचीतव पोल्‍लोङ 20:6

✡14:13 14:13 1 कुरिंततोर 15:18

✡14:14 14:14 दानिय्येल 7:13; तोहचीतव पोल्‍लोङ 1:13

✡14:14 14:14 6:2

✡14:15 14:15 11:19; 15:6; 16:17

✡14:15 14:15 यिर्मयाह 51:33; मत्याल 13:38-41

✡14:15 14:15 योएल 3:13; मार्कल 4:29

‡14:16 14:16 मार्कल 4:26-29, लूकाल 10:2, योहन 4:35-38, इद्रमलेह्‌काडाङ वचन्किन ऊळिसि, इद अद्‍ययते वचन 14-16 सेतेमतोरा लोप्पा वेहतह्‌ता इन्जि, उय्तुर इन्ह्‌तोर. वचन 17-18 बारा लाग्वोरा सिक्साता लोप्पा वेहतह्‌ता. मति दुस्रोरा विचरते, इव सबे वचन्क लाग्वोरा नेयमता लोप्पा मन्ह्‌ताङ.

✡14:17 14:17 11:19; 15:6; 16:17

✡14:18 14:18 6:9; 8:3; 16:7

✡14:18 14:18 योएल 3:13

✡14:19 14:19 यशायाह 63:2-3; तोहचीतव पोल्‍लोङ 19:15

✡14:20 14:20 यशायाह 63:3; विलापगीत 1:15; तोहचीतव पोल्‍लोङ 19:15