रोम सहरतोर विस्वसिरेनाह्कु, किर्स्तुना बळयि पोलु लोहतद सीटि
येसु डोलिसि ओसो जीवा अरतस्के, जोक-जोक 30 वर्साना पया, पोलु कुरिंत सहरते मतोग़. अस्के येसु किर्स्तुना बेसता कबुरतुन, सबेटोर लोकुरिह्क वेहतलाहि, पोलु मुचाकेपाते जेकताङ देसेह्कने तिरियसोर मतोग़. अद तूकने तना मुने बेस्केन अनवद, रोम सहरते दायलाह, विचर कीस मतोग़.
पोलु इद सीटटुन, रोम सहरतोर विस्वसिरिह्क बाराह्क रासतोग़ इतेके, पोलु मतद कुरिंत सहरता बाजेताङ नाह्कनके, सेवाता कबळ मारिह कीतोग़. ओसो वेल्लाङे वर्सानाहि, रोम सहरते दायलाह विचर कींदोग़. अदिनेनाह्क रोम सहरता अबरता बाजेता इस्पानिया देसेम दायह्पा, रोम सहरतोर विस्वसिरिन कलियिस, रेंड-मूंड दियाङ ओरा संगे मनदना मता; ओरा संगे मन्जि, पोलुह्कु ओसो ओर विस्वसिरिह्कु, देवुळता बर्कतता गिर्दा दोर्कग़ा इन्जि, ओना आसा मता. पया ओग़ अग्डाह दायह्पा, पय्नमतुह्क गर्ज अरयनद ओर ईयनुर इनजोर, पोलुना आसा मता. अदिह्के पोलु इद सीटटुन, अग्डोर विस्वसिरिह्क रासतोग़.
ओसो इद सीटटे देवुळि बेद्रम लोकुरिन पिसिह कीस्ता इन्जि, पोलु बेस-नेह्ना वेहतह्तोग़. देवुळता सेतेमि इव एयुङ पोल्लोनगा दिसिह्ता: (1) मन्कलोरा पापमता नेयम कीयनदिनगा (1:18—3:23); (2) पापि मन्कलोरिन किर्स्तुना मेटे, सेतेमतोर कीयनदिनगा (3:23—5:21); (3) देवुळता जीवाता तोळते, मन्कलोरिन तमा पापमता लावताहि विळ्सिह कीयनदिनगा (6-8); (4) तनाय विचरते मन्कलोरिन आचनदिनगा (9-11); (5) विस्वसिरा बद्लेम आतद ताकमुळतगा (12-15). देवुळता सेतेमता लोप्पाडाङ इव पोल्लोङ काग़्हतलाह, पोलु इद सीटटुन रासतोग़. रोम सहरतोर विस्वसिरगा उय्तुर यहुदि जाततोर मंदुर. देवुळि जात-कुलमतुन ऊळवालेवा, किर्स्तुना पोग़ोन विस्वस कीताह्के, सबे जातिनोर विस्वसिरिन पिसिह कीस्ता इन्जि पोलु काग़्हतोग़. अदिह्के यहुदिर आयिर, दुस्राङ जातिनोर आयिर, सबेटोर विस्वसिर गूनमते ऐंगेन मनदना इन्जि पोलु वेहतह्तोग़.
1
मुनेता पोल्लो
1 नना पोलुनन, येसु किर्स्तुना कय इळ्न मनवानन;✡1:1 गलातितोर 1:10; तीतुस 1:1-4 ओना बळयि आयलाह देवुळि नाक आचता.✡1:1 बळयिर 14:3; 1 कुरिंततोर 1:1; 9:1; 2 कुरिंततोर 1:1; गलातितोर 1:1; इपिसुसतोर 1:1; कुलुसितोर 1:1-2; 2 तिमोति 1:1-2 तना बेसता कबुर वेहतलाह नाक एग़िह कीता.✡1:1 बळयिर 9:15; 13:2; गलातितोर 1:15-16 2 अद कबुर निटम आयग़ा इन्जि, देवुळि वेल्लाय मुने तना कबुरतोरा मेटे, पोल्लो विळ्सिस मता,✡1:2 लूकाल 1:69-70; रोम सहरतोर 3:21-23; 16:26 अद माकु पवित्र सास्त्रमतगा दोर्किह्ता.*1:2 पोलु वेहतव इव पोल्लोङ, पूरा सीटटे पया दोर्किह्ताङ. 3-4 अद बेसता कबुर इतेके, निटम देवुळता मग़ि, मावा सामि येसु किर्स्तुना पोल्लो आंदु. मन्कना इसबते, ओग़ु दाविद राजाना कूळते पुट वातोग़.✡1:3-4 मत्याल 1:1; रोम सहरतोर 9:5; गलातितोर 4:4; 1 तिमोति 2:5 मति देवुळता पवित्र जीवा बार, तना लावते ओन हामुरतग्डाहि जीवा अर्हता, अह कीसि ओग़ देवुळता मग़ि आंदोग़ इन्जि तोहता.✡1:3-4 मत्याल 4:3; मार्कल 1:1; 2 कुरिंततोर 13:4 5 सबे जातिनोर ओना पोल्लोतुन विस्वस कीसि, ओनाङ केंजिर,✡1:5 16:26 अह कीसि ओना पेदिरतुन मान ईयिर इनजोर, देवुळि येसुना मेटे, नाक ओना बळयि आयलाहि देय्वा ईता.✡1:5 बळयिर 9:15; रोम सहरतोर 15:18-19 इव सबे पोल्लोङ मीट इतेके पुह्निरे. 6-7 रोम सहरतगा मनवालोर सबेटोर विस्वसिरिर! येसु किर्स्तुना पवित्र मन्कलोर आयलाहि, देवुळि सबे जातिनाहि लोकुरिन केयता.✡1:6-7 यहुदाल 1; तोहचीतव पोल्लोङ 17:14 अहे अद मुडगा, देवुळि मीक वने जीवा कीसि, कलियिह कीता. मावा देवुळबाबानाहि ओसो किर्स्तु येसुसामिनाहि, मीक सुकमि, देय्वा दोर्कि.✡1:6-7 1 कुरिंततोर 1:3; 2 कुरिंततोर 1:2; गलातितोर 1:3; इपिसुसतोर 1:2; पिलिपितोर 1:2; कुलुसितोर 1:1-2; 1 तिसलुनितोर 1:1; 2 तिसलुनितोर 1:1-2; 1 तिमोति 1:2; 2 तिमोति 1:1-2; तीतुस 1:1-4; पिलेमोन 3; 2 पत्रु 1:2; 2 योहन 3; तोहचीतव पोल्लोङ 1:4-5
रोम सहरतोर विस्वसिरिन ऊळलाह, पोलुना विचर
8 नना इद वेहतलाह आतन: मीट येसुन विस्वस कीतद पोल्लोतुन, पूरा दुनियामेटोर लोकुर केंजतोर.✡1:8 1 तिसलुनितोर 1:8 अदिह्क मीट येसु किर्स्तुना लोकुर आतिर इनजोरे, मावा देवुळतुन जोहर कीय्ह्नन.✡1:8 1 कुरिंततोर 1:4; इपिसुसतोर 1:15-16; 5:20; पिलिपितोर 1:3-5; कुलुसितोर 1:3-5; 1 तिसलुनितोर 1:2-3; 2:13; 2 तिसलुनितोर 1:3 9-10 देवुळता मग़ना बेसता कबुरतुन पोकुर कीसोरे, नना पूरा जीवाताहि ताना सेवा कीय्ह्नन. नना देवुळतुन पार्तना कीयह्पा, ऊक-ऊके मीवा सीता कीय्ह्नन इनजोर,✡1:8-10 इपिसुसतोर 1:16; 2 तिमोति 1:3; पिलेमोन 4-5 देवुळिये साक्सि मन्ह्ता. ओसो “ए देवुळबाबा, नीवा विचर मतेके, रोम सहरतोर विस्वसिरगा दायलाह, इद मल्का तेला नाक अग़ दोर्कि” इनजोर, इह वने पार्तना कीय्ह्नन.✡1:9-10 15:23,32 11 बाराह्क इतेके, नावा सेवाता मेटे, मीकु देवुळता जीवाताहि बुद दोर्किसि, मीवा विस्वस बेस मेग़्कना इन्जि, नना मियगा वायलाह ऊळिह्नन. 12 इतेके नना मीवा संगे मनदकन अस्के, मीवा विस्वसतुन ऊळिस, नना गिर्दा आयकन. अहे नावा विस्वसतुन ऊळिस मीट वने गिर्दा आयकिर. (इद्रम माट ऐंगेने गिर्दा आयकल.)
13 यहुदि आयवोरिन बेसता कबुरतुन वेहचि, उय्तुरिन विस्वसते ततन. अद्रमे मियग्डोर उय्तुर मन्कलोरिन वने, विस्वसते ततकन इनजोर, मियगा ऊक-ऊके वायलाह ऊळिंदन, मावोरिर;✡1:13 बळयिर 19:21 मति इचानाह बेदाय अडम आसोर मता.✡1:13 15:22-23 इद पोल्लोतुन मीट पुनदना इनजोर, नना वेहतलाह आतन. 14 सर्कर मन्कलोर आयिर, गेळा-माळातोर आयिर, कग़यतोर आयिर, कग़यवोर आयिर, सबेटोरिह्क किर्स्तुना बेसता कबुरतुन एव्सिह कीयनद मोता, नावा पोग़ोन मन्ह्ता.✡1:14 1 कुरिंततोर 9:16 15 अदिनेनाह्क मीक रोम सहरतोरिह्क वने, बेसता कबुरतुन वेहतलाह नावा गिर्दा मन्ह्ता.
16 मुने यहुदिरिन,✡1:16 बळयिर 3:26; रोम सहरतोर 2:9 पया यहुदि आयवोरिन, किर्स्तुन विस्वस केवालोर सबेटोरिन पिसिह कीयलाहि, इद कबुरतगा देवुळता लाव मन्ह्ता.✡1:16 1 कुरिंततोर 1:18,24 अदिनेनाह्क नना दीराते इदिन वेहतलाह पेग़्के-मुने आयोन.✡1:16 मार्कल 8:38; 2 तिमोति 1:8,12 17 देवुळि बेद्रम मन्कलोरिन तना लेह्का सेतेमतोर कीसीस्ता इनजोर, इद कबुर वेहतह्ता.✡1:17 2 कुरिंततोर 3:9 सुरुताहि मारेंगा एवनाह, अद पोल्लो विस्वसता लोप्पाडाये!✡1:17 3:21-23; 9:30; पिलिपितोर 3:9 देवुळता सास्त्रमते वेहतपु: बोर देवुळतुन विस्वस कीसि सेतेमतोर आयलाह ऊळिह्तोर, ओरे पिसनुर, ✡1:17 हबक्कूक 2:4; गलातितोर 3:11; इब्रितोर 10:38 इनजोर रासतद मन्ह्ता.
पापम केवालोरिन देवुळ ओङ कीस्ता
18 (किर्स्तुना बेसता कबुर सबेटोरिह्के गर्ज मन्ह्ता.) बह इतेके, देवुळतुन सीता केवोर लाग्वोरु बह कीस्तोर, तमा लाग्वा बुदते सेतेमतुन मिसिह्तोर. अद्रमतोरा पोग़ोन देवुळि पका ओङ आसि, देवुळदीपताह तना सिक्सा अर्हचीयग़ा इन्जि, तोहतलाह आता.✡1:18 5:9; इपिसुसतोर 2:3; 5:6; कुलुसितोर 3:6 19 बाराह्क इतेके, देवुळता लोप्पाडाङ पोल्लोङ ओरिह्क पोळ्क्ने दिसिह्ताङ. देवुळिये ओरिह्क इव पोल्लोङ बेस-नेह्ना पुन्पिह कीता.✡1:19 बळयिर 14:17; 17:24-29; रोम सहरतोर 2:14-15 20 इतेके देवुळ पंडटव सबेटव, बूम पुटटस्केडाहि लोकुरिह्क दिसिह्ताङ. देवुळता बेस्केन मारवद लावु, ताना बुदि, इद मन्कलोरिह्क दिसवेक तेला, देवुळ पंडटविन ऊळतेके, इव पोल्लोङ ओरिह्क बेस-नेह्ना पुनदनाह आस्ताङ.✡1:19-20 10:18 अदिनेनाह्क देवुळतुन पुनोम इनजोर, ओर इंजेक इनदा पग़वोर.✡1:20 अय्यूब 12:7-9; देवुळताङ पाटाङ 19:1-6; यिर्मयाह 5:21-22 21-22 ओर तान पुतोर निटमे, मति अद देवुळि इनजोर मानेम आयोर. ओसो देवुळ माक बेस ऊळिह्ता इनजोर, तान जोहर वने केवोर. मति (देवुळि इद्रमता, अद्रमता इनजोर,) उगसताङ विचर्क कीयलाह आतोर. माट बुदतोरोम, तेल्वतोरोम इन्ह्तोर, मति बुदलेवोर आतोर.✡1:21-22 यिर्मयाह 10:14; 1 कुरिंततोर 1:20 ओर बुदलेवोरा जीवातगा, गंगा पोयतप लेह्का आता.✡1:21-22 2 राजा 17:15; यिर्मयाह 2:5; इपिसुसतोर 4:17-18 23 अमेसा मनदनद देवुळतुन, निमान बेरा डीसातोनिन इनजोर मोळ्कना वाटो, रेंड दियाङ मनवालोर मन्कलोरा, पिटेना, जन्वर्कना, तरस्कना लेह्काडाङ बोमाङ पंडटोर; ओसो अविस्किन पेन्क इनजोर मोळ्किह्तोर.✡1:23 व्यवस्थाविवरण 4:16-18; देवुळताङ पाटाङ 106:20; यिर्मयाह 2:11; बळयिर 17:29 24-26 देवुळिये अमेसा-अमेसातुह्क जोहर कीयना लायकता मन्ह्ता, इंगो निटमे! मति ओर सबेटविन पंडटद देवुळतुन माळवा, देवुळ पुटिह कीतविन माळिह्तोर. अह कीसि, देवुळता सेतेमता अग़दुन विळ्सिसि, जोलता अग़दुन पोयतोर.✡1:24-26 यशायाह 44:20; यिर्मयाह 10:14; 13:25; 16:19
अदिनेनाह्क ओर ओर्विह्क-ओर्वोग़ तमाङ मेंदुस्कने लजालेवा करबताङ कबस्क कीयिर, ओर्विह्क-ओर्वोग़ साट्यालोरा लेह्का आसि, विचर वातप लेह्का कीयिर इनजोर, देवुळि ओरिन विळ्सिसीता.✡1:24-26 इपिसुसतोर 4:19; 1 तिसलुनितोर 4:5 बह इतेके वेल्लाङे आस्क वने, आळ इर्वुर उंजतप लेह्का, दुस्राङ आस्कना संगे उंजिह्ताङ. 27 अद्रमे वेल्लाटोर कोय्तोर वने, मुतेस्क ततना विळ्सिसि, आळ इर्वुर उंजतप लेह्का, लजालेवा दुस्रोर कोय्तोरा संगे उंजिह्तोर. इद्रमतोर आस्क-कोय्तोर तमा कीतव लाग्वाङ कबस्कना इसबते, देवुळ ईयनद सिक्सातुन दोर्किह कीस्तोर.✡1:27 लैव्यव्यवस्था 18:22; 20:13; 1 कुरिंततोर 6:9
28 ओरिह्क देवुळतुन सीता कीयलाह, मुर्तिय विचर वावो. अदिनेनाह्क ओरा बुद करबता मनि, ओप्पवव कबस्क कीयिर इनजोर, देवुळि ओरिन विळ्सिसीता.✡1:28 2 तिसलुनितोर 2:11 29-30 अदिनेनाह्क ओरु अमेसा सबे लाग्वाङ कबस्क कीस्तोर, कोटुल कीस्तोर, दुस्रोरिन कोंडा कीस्तोर, हव्किह्तोर, कूदिङ दास्तोर,✡1:29-30 2 कुरिंततोर 12:20 नाळेह कीस्तोर, जग्ळाङ पुटिह कीस्तोर, देवुळता अडम मन्ह्तोर, पका पोग़यिह्तोर, लाग्वाङ आय्डाङ पुटिह कीसोरेन मन्ह्तोर, तलोग़-तपेराङ पोल्लोङ केंजोर✡1:29-30 2 तिमोति 3:2. ओराङ जीवाङ लालुस, मोर्दोप, पोमाडेङ, कुळ्सा, इविस्कने निंदिस मन्ह्ताङ.✡1:29-30 तीतुस 3:3 31 ओर बुदलेवोरु, नाळेह केवालोरु, जीवा केवोरु, जीवा लोपवोरु.✡1:31 2 तिमोति 3:3 32 देवुळता अडो मतपु, इद्रमतोर हामुरता सिक्साता लायक मन्ह्तोर इनजोर, वेर तमा पुतोर.✡1:32 6:21-22 पुन्जाय मति तमाये अद्रम ताकिह्तोर. ओसो अद्रम ताकवालोरिन बेसतोर इनजोर वने गिर्दा आस्तोर.
✡1:1 1:1 गलातितोर 1:10; तीतुस 1:1-4
✡1:1 1:1 बळयिर 14:3; 1 कुरिंततोर 1:1; 9:1; 2 कुरिंततोर 1:1; गलातितोर 1:1; इपिसुसतोर 1:1; कुलुसितोर 1:1-2; 2 तिमोति 1:1-2
✡1:1 1:1 बळयिर 9:15; 13:2; गलातितोर 1:15-16
✡1:2 1:2 लूकाल 1:69-70; रोम सहरतोर 3:21-23; 16:26
*1:2 1:2 पोलु वेहतव इव पोल्लोङ, पूरा सीटटे पया दोर्किह्ताङ.
✡1:3-4 1:3-4 मत्याल 1:1; रोम सहरतोर 9:5; गलातितोर 4:4; 1 तिमोति 2:5
✡1:3-4 1:3-4 मत्याल 4:3; मार्कल 1:1; 2 कुरिंततोर 13:4
✡1:5 1:5 16:26
✡1:5 1:5 बळयिर 9:15; रोम सहरतोर 15:18-19
✡1:6-7 1:6-7 यहुदाल 1; तोहचीतव पोल्लोङ 17:14
✡1:6-7 1:6-7 1 कुरिंततोर 1:3; 2 कुरिंततोर 1:2; गलातितोर 1:3; इपिसुसतोर 1:2; पिलिपितोर 1:2; कुलुसितोर 1:1-2; 1 तिसलुनितोर 1:1; 2 तिसलुनितोर 1:1-2; 1 तिमोति 1:2; 2 तिमोति 1:1-2; तीतुस 1:1-4; पिलेमोन 3; 2 पत्रु 1:2; 2 योहन 3; तोहचीतव पोल्लोङ 1:4-5
✡1:8 1:8 1 तिसलुनितोर 1:8
✡1:8 1:8 1 कुरिंततोर 1:4; इपिसुसतोर 1:15-16; 5:20; पिलिपितोर 1:3-5; कुलुसितोर 1:3-5; 1 तिसलुनितोर 1:2-3; 2:13; 2 तिसलुनितोर 1:3
✡1:9-10 1:8-10 इपिसुसतोर 1:16; 2 तिमोति 1:3; पिलेमोन 4-5
✡1:9-10 1:9-10 15:23,32
✡1:13 1:13 बळयिर 19:21
✡1:13 1:13 15:22-23
✡1:14 1:14 1 कुरिंततोर 9:16
✡1:16 1:16 बळयिर 3:26; रोम सहरतोर 2:9
✡1:16 1:16 1 कुरिंततोर 1:18,24
✡1:16 1:16 मार्कल 8:38; 2 तिमोति 1:8,12
✡1:17 1:17 2 कुरिंततोर 3:9
✡1:17 1:17 3:21-23; 9:30; पिलिपितोर 3:9
✡1:17 1:17 हबक्कूक 2:4; गलातितोर 3:11; इब्रितोर 10:38
✡1:18 1:18 5:9; इपिसुसतोर 2:3; 5:6; कुलुसितोर 3:6
✡1:19 1:19 बळयिर 14:17; 17:24-29; रोम सहरतोर 2:14-15
✡1:20 1:19-20 10:18
✡1:20 1:20 अय्यूब 12:7-9; देवुळताङ पाटाङ 19:1-6; यिर्मयाह 5:21-22
✡1:21-22 1:21-22 यिर्मयाह 10:14; 1 कुरिंततोर 1:20
✡1:21-22 1:21-22 2 राजा 17:15; यिर्मयाह 2:5; इपिसुसतोर 4:17-18
✡1:23 1:23 व्यवस्थाविवरण 4:16-18; देवुळताङ पाटाङ 106:20; यिर्मयाह 2:11; बळयिर 17:29
✡1:24-26 1:24-26 यशायाह 44:20; यिर्मयाह 10:14; 13:25; 16:19
✡1:24-26 1:24-26 इपिसुसतोर 4:19; 1 तिसलुनितोर 4:5
✡1:27 1:27 लैव्यव्यवस्था 18:22; 20:13; 1 कुरिंततोर 6:9
✡1:28 1:28 2 तिसलुनितोर 2:11
✡1:29-30 1:29-30 2 कुरिंततोर 12:20
✡1:29-30 1:29-30 2 तिमोति 3:2
✡1:29-30 1:29-30 तीतुस 3:3
✡1:31 1:31 2 तिमोति 3:3
✡1:32 1:32 6:21-22