14
विस्वसते मेग़्कतोरु, मेग़्कवोरु गूनमते मनदना
1 मियगा बोर बोर विस्वसिर, (इद तिनदलाह पोलिह्ता, अद तिनदलाह पोलो इनजोर नोमिह्तोर,) ओरु विस्वसते मेग़्कवोर आंदुर.✡14:1 15:1; 1 कुरिंततोर 8:9-12 ओरिन मीवा ऐंगे ओम्ह्टु, जेक तासमाटु.✡14:1 15:7 मीवाङ विचर्क, मावाङ विचर्क, कलियोङ इनजोर, ओरा संगे गिटोगटो आयमाटु.✡14:1 1 तिसलुनितोर 5:14 2 विस्वसते मेग़्कतोर विस्वसिरिह्क, बेदाय तिनदलाह पोलिह्ता इनजोर, विस्वस कीस्तोर. मति विस्वसते मेग़्कवोर विस्वसिर जाळिङ-जबाङे तिन्ह्तोर.*14:2 अद देसेमते, आटुमतगा दोर्कनव अविङ, पेन बोमाह्क मोक ईतविनग्डाहि मंदुङ. अदिह्क बोर बोर विस्वसिर अविन तिनोर आंदुर. 3 अविङ तिनवालोरु, तिनवोरिन मीवा विस्वस कमि मन्ह्ता इनजोर पास्कमाकिर.✡14:3 लूकाल 18:9 अहे तिनवोरु, तिनवालोरिन मीट तपतिर इनजोर, कसुर ओपमाकिर.✡14:3 कुलुसितोर 2:16 बह इतेके मीक सबेटोरिन, देवुळिये तना लोकुर कीता. 4 दुस्रोना सेवा-साकुर केवानगा, कसुर ओपनद कबळ मीवा आयो. ओग़ कसुर कीतद, केवद, ओनाय माल्काल वेहतनोग़. अद्रमलेह्काने बोग़ाय विस्वसि, कसुर कीतद, केवद, ओना माल्काल देवुळिये वेहतग़ा. देवुळिये ओना तोळ आताह्कु, ओग़ तना विस्वसताहि अरवालेवा, देवुळता मुनेह बेस नितनोग़. अदिह्क अद्रमतोन कसुर ओपनदायो.✡14:4 याकुब 4:11
5 अद्रमलेह्काने बोर बोर विस्वसिर, बेदो उंद दियातुन नोमिह्तोर.✡14:5 गलातितोर 4:10 बोर बोर बार, कतमे दियाङ बेसताङे इनजोर इन्ह्तोर. मति (आपुना नोमळि देवुळतुह्क विचर वास्ता इनजोर,) ओर्वोग़-ओर्वोग़ मन्कना विस्वस मनदना गावले. 6 दियाङ नोमवालोर, सामिनेनाह्क नोमिह्तोर, अहे सबेटविन तिनवालोर वने, देवुळतुन जोहर कीस तिन्ह्तोर. इद्रम ओर सामिह्क मान ईसि तिन्ह्तोर.✡14:6 1 तिमोति 4:3-4 अविङ तिनवोर वने, सामिह्क मान ईसि तिनोर आस्तोर. ओर वने सामिन जोहर कीसिये, (तम्क पोलनव जाळिङ-जबान तिन्ह्तोर. इतेके सामिह्क मान ईयना, इदे मोदुल पोल्लो आंदु.) 7-8 नना इद्रम बाराह्क इह्नन इतेके, माटु मावाय अदिकरते ताकवल, मति सामिनाये अदिकरता इळ्न मह्नल. हातेकाय पिसतेकाय, सामिनाये मन्कलोरल आंदल. हातेके, तान्के मान ईसि हायनल, पिसतेके तान्के मान ईसि पिसिह्नल.✡14:7-8 1 कुरिंततोर 6:18-20; गलातितोर 2:20; पिलिपितोर 1:20-21; 1 तिसलुनितोर 5:10 9 डोलतोर ओसो जीवात मनवालोर विस्वसिरा माल्काल आयलाहिये, किर्स्तु डोलिस ओसो जीवा अरतोग़✡14:9 पिलिपितोर 2:11; 1 तिसलुनितोर 4:14; तोहचीतव पोल्लोङ 1:18; 2:8.✡14:7-9 2 कुरिंततोर 5:15
10 उंद दिया देवुळ नेयम कीयनद जागाता मुनेह, माक सबेटोरिह्क नितना मन्ह्ता,✡14:10 2:16 इदिन पुनविरा? (अस्के मावा मनमुळ देवुळतुह्क ओप्पग़ाया, ओप्पो इनजोर, तान्के वेहतनद अदिकर मन्ह्ता.) अदिनेनाह्क इंजेके मीवा ऐंगेटोग़ विस्वसिन कसुरतोग़ इनजोर, बाराह्क मीट इह्निर? ओन उड्लोग़-बेरोग़ इनजोर बाराह्क पास्किह्निर?✡14:10 लूकाल 18:9 11 सामि वेहतद पोल्लो ताना सास्त्रमतगा मन्ह्ता, इदिन सीता कीम्ह्टु: “नना किरिया कीस वेहतह्नन, उंद दिया सबेटोर नावा मुनेह मिंडाङ कोटिस नाक मोळ्कनुर, सबेटोर नाकु देवुळि इनजोर कबुल आयनुर, इद निटम आयग़ा,”✡14:11 यशायाह 45:23; पिलिपितोर 2:10-11 इनजोर रासतद मन्ह्ता. 12 इतेके माट ओर्वोग़-ओर्वोग़ मन्कल देवुळता मुनेह निचि, आपुनाङ कबस्कना इसब ईकल, अदे मावा नेयम कीसीयग़ा.✡14:12 मत्याल 12:36; 16:27; गलातितोर 6:5; 1 पत्रु 4:5 13 अदिनेनाह्क मीवा ऐंगेटोग़ विस्वसिनगा कसुर ओपमाटु.✡14:13 मत्याल 7:13
दुस्रोरिन विस्वसतुन विळ्सनाह केमाट
मति ऐंगेटोर विस्वसिरिन विस्वसताहि लेसिह कीसि, पापमते अर्हतना लेह्का, बाताले कीयनद आयो इनजोर सीता कीम्ह्टु.✡14:13 1 कुरिंततोर 8:9,13 14 येसुसामिना जीवा नाक पुन्पिह कीताह्कु, नाक सबे तिनदलाह पोलिह्ता इनजोर नना पुतन.✡14:14 बळयिर 10:15 मति बोग़ मन्कल बेदाय तिनदनदिन पोलो इनजोर विचर कीस्तोग़, कीसि तान तिन्ह्तोग़ इतेके, ओग़ कळ्वोग़ आस्तोग़.✡14:14 1 कुरिंततोर 8:7 15 नावा विस्वस पका मेग़्कता, नना विचर वातद तिनदा पग़यह्नन इनजोर इह्निर, मति मीवा तिनमुळते मीवा ऐंगेटोग़ विस्वसिह्कु एग़्कुळ आतेके, इद बहु? ओन वने पिसिह कीयलाह, किर्स्तु तना जीवा ईतोग़, अदिनेनाह्क मीवा तिनदना तिंडटे, ओना विस्वसतुन बूळे केमाटु.✡14:15 1 कुरिंततोर 8:11 अद्रम कीतिर इतेके, मीट मीवा ऐंगेटोन निटमे जीवा केविर.✡14:15 इपिसुसतोर 5:2 16 इतेके नना बेसे कीय्ह्नन, मुर्तिय तपोन इनजोर इह्निर, मति (दुस्रोरा विचरते मीट तपिह्निर, अदिनेनाह्के) मीवा बद्नम आस्ता. अदिह्क मीवा तिनदनद तिंडटुन आव्रे कीम्ह्टु.✡14:16 1 कुरिंततोर 10:28-30 17 केंजाट, देवुळि मीवा नडुम राजेम कीयना इतेके, तिनदनव-उनडनव पोल्लोनेके अचोन सीता केमाटु.✡14:17 1 कुरिंततोर 8:8 सेतेमते ताकना, ओर्विना संगे ओर्वोग़ गूनमते मनदना, पवित्र जीवाता गिर्दाते निंदिस मनदना, इवे मोदुल पोल्लोङ आंदुङ.✡14:17 15:13; गलातितोर 5:22-23 18 इद्रम कीस किर्स्तुना सेवा कीतिर इतेके, मीवा ताकमुळ देवुळतुह्क विचर वायग़ा,✡14:18 2 कुरिंततोर 5:9 अहे मन्कलोर वने मीक कदर ईयनुर.✡14:18 लूकाल 2:52; 2 कुरिंततोर 8:21; पिलिपितोर 4:8; 1 पत्रु 2:12
19 अदिनेनाह्क माट ओर्विह्क-ओर्वोग़ गूनमते मन्जि,✡14:19 देवुळताङ पाटाङ 34:14; 1 कुरिंततोर 7:15; 2 तिमोति 2:22; इब्रितोर 12:14 ओर्विह्क-ओर्वोना विस्वसतुन मेग़्किह कीयलाह ऊळिङ.✡14:19 12:17-18; 15:2; 1 कुरिंततोर 8:1; 10:23; 14:2-3,26; 2 कुरिंततोर 12:19; इपिसुसतोर 4:11-12,29 20 देवुळि मीवा मुडगा बेद कबळ कीयलाह आता, तान मीवा तिनदनद पोल्लोतेनाह्क बूळे केमाटु. देवुळता मुनेह कतमे तिनदलाह पोलिह्ताङ निटमे,✡14:20 बळयिर 10:15 मति मीवा तिंडटेनाह्कु, ऐंगेटोर विस्वसिर पापमते अरयह्तोर इतेके, तान तितेके मीट तपिह्निर.✡14:20 1 कुरिंततोर 8:11-12 21 मीट अविङ, अंगुर जोमा तितेक-उटेक बाताल आयो, मति मीवा तिनमुळता मेटे, मीवा ऐंगेटोग़ विस्वसि विस्वसताह लेसतेक अचोन, मीट तान तिनवेकेन बेसु.✡14:21 1 कुरिंततोर 8:9,13 22 मीवा विस्वसता इसबते मीट तपविर, मति तान मीट देवुळता मुनेह मीवाय जीवातगा तासाटु, दुस्रोरा संगे गोटिङ केमाटु. बोग़ु नना तपोन इन्जि कसुरलेवप ताकिह्तोग़, ओग़ देय्वातोग़ु.✡14:22 1 योहन 3:21 23 मति नना बेद तिह्नन, अद देवुळता मुनेह पोलिह्ताया पोलोया इनजोर, रेंड विचर्क कीस तिनवाल मात्रम, निटमे देवुळता मुनेह तपिह्तोग़. बह इतेके, ओग़ देवुळतुन विस्वस केवाय तिन्ह्तोग़.✡14:22-23 1 कुरिंततोर 8:7 इद्रमलेह्का बेदाय कबळि देवुळतगा विस्वस केवाय कीतेके, अद पापम आस्ता.
✡14:1 14:1 15:1; 1 कुरिंततोर 8:9-12
✡14:1 14:1 15:7
✡14:1 14:1 1 तिसलुनितोर 5:14
*14:2 14:2 अद देसेमते, आटुमतगा दोर्कनव अविङ, पेन बोमाह्क मोक ईतविनग्डाहि मंदुङ. अदिह्क बोर बोर विस्वसिर अविन तिनोर आंदुर.
✡14:3 14:3 लूकाल 18:9
✡14:3 14:3 कुलुसितोर 2:16
✡14:4 14:4 याकुब 4:11
✡14:5 14:5 गलातितोर 4:10
✡14:6 14:6 1 तिमोति 4:3-4
✡14:7-8 14:7-8 1 कुरिंततोर 6:18-20; गलातितोर 2:20; पिलिपितोर 1:20-21; 1 तिसलुनितोर 5:10
✡14:9 14:9 पिलिपितोर 2:11; 1 तिसलुनितोर 4:14; तोहचीतव पोल्लोङ 1:18; 2:8
✡14:9 14:7-9 2 कुरिंततोर 5:15
✡14:10 14:10 2:16
✡14:10 14:10 लूकाल 18:9
✡14:11 14:11 यशायाह 45:23; पिलिपितोर 2:10-11
✡14:12 14:12 मत्याल 12:36; 16:27; गलातितोर 6:5; 1 पत्रु 4:5
✡14:13 14:13 मत्याल 7:13
✡14:13 14:13 1 कुरिंततोर 8:9,13
✡14:14 14:14 बळयिर 10:15
✡14:14 14:14 1 कुरिंततोर 8:7
✡14:15 14:15 1 कुरिंततोर 8:11
✡14:15 14:15 इपिसुसतोर 5:2
✡14:16 14:16 1 कुरिंततोर 10:28-30
✡14:17 14:17 1 कुरिंततोर 8:8
✡14:17 14:17 15:13; गलातितोर 5:22-23
✡14:18 14:18 2 कुरिंततोर 5:9
✡14:18 14:18 लूकाल 2:52; 2 कुरिंततोर 8:21; पिलिपितोर 4:8; 1 पत्रु 2:12
✡14:19 14:19 देवुळताङ पाटाङ 34:14; 1 कुरिंततोर 7:15; 2 तिमोति 2:22; इब्रितोर 12:14
✡14:19 14:19 12:17-18; 15:2; 1 कुरिंततोर 8:1; 10:23; 14:2-3,26; 2 कुरिंततोर 12:19; इपिसुसतोर 4:11-12,29
✡14:20 14:20 बळयिर 10:15
✡14:20 14:20 1 कुरिंततोर 8:11-12
✡14:21 14:21 1 कुरिंततोर 8:9,13
✡14:22 14:22 1 योहन 3:21
✡14:23 14:22-23 1 कुरिंततोर 8:7