2
Ikiavɨra Itir God dabirabir aghuim gumazamiziba bar me danɨngam
(Maika 4:1-3)
1 God, Judan kantri ko Jerusalemɨn nguibar ekiamɨn gumazamiziba mɨkɨmasa, irebamɨn mɨn garir bizimɨn aven uan akam isa Emosɨn otarim, Aisaian aka. 2 Onger Akaba 72:8; Aisaia 27:13A ghaze:
Gɨn otivamin dughiar tamɨn, mɨghsɨar Ikiavɨra Itir Godɨn Dɨpenim tughav itim,
ziar bar ekiam iniam.
Egh a pɨn mar ikɨ mɨghsɨar igharaziba bar dagh afiragham.
Eghtɨ Kantrin Igharazibar Gumazamiziba bar izɨ an uari akuvagh ikiam.
3 Kantrin avɨribar gumazamiziba izɨ suam,
“Ia izɨ e Saionɨn Mɨghsɨamɨn mavanangam, a Ikiavɨra Itir Godɨn mɨghsɨam.
Kar Jekopɨn Godɨn Dɨpenim.
E mangɨtɨ a uan arazir a ifongezibar en sure damuam.
Egh a uabɨ mɨsevezir tuavim, e an gɨn mangam.”
Moses Osirizir Araziba, Saionɨn Mɨghsɨamɨn ikegh mangɨtɨ gumazamiziba a iniam.
Guizbangɨra, Jerusalemɨn nguibam, kar danganir Ikiavɨra Itir God uan akam isɨ uan gumazamizibar anɨngamim,
eghtɨ me azenan mangɨ an akam akunam.
4 Onger Akaba 72:3; 72:7; Hosea 2:18; Joel 3:10; Sekaraia 9:10A jasɨn mɨn ikɨ kantriba bar dar gumazamizibar araziba tuisɨgh,
men osɨmtɨziba deragh da akɨrtɨ, me uari inigh deragh ikiam.
Egh me uan mɨdorozir sababa inigh, dav soghtɨ,
da baravigh nguazibagh tuir ainbar mɨn otivigham.
Egh me uan afuzibav soghtɨ, da ikɨzɨrigh sabar azenibar ingaribagh ami moghɨn, otivigham.
Egh danganiba bar dar itir gumazamiziba, uam uariv soghan kogh ikɨva,
ua mɨdorozir arazibar sure damuan kogham.
5 O Jekopɨn ovavir boriba, ia izɨ.
Ikiavɨra Itir God uan Akar Gavgaviba isa uan angazangarimɨn mɨn e ganɨdi.
Da angazangarim mɨn tuavim en akakasi, egha an Akar Gavgaviba, deravɨra tuavim en aka.
Eghtɨ e Akar Gavgavir kabar gɨn mangam.
Ikiavɨra Itir God uan ziar ekiam akagham
6 Asebar gɨn zuir arazir guar avɨriba, Jekopɨn ovavir boribagh izɨfa,
ezɨ me mati Filistian gumazamiziba.
Ezɨ kukunir gumazibar arazir kuraba,
me aruem anadi naghɨn itir kantriba dama da ini.
Ezɨ me datɨrɨghɨn Kantrin Igharazibar Gumazamizibar arazibar gɨntɨsi.
Kamaghɨn amizɨ, O Ikiavɨra Itir God, nɨn gumazamiziba, Jekopɨn ovavir boriba, nɨ akɨrim ragha me gasara.
7 Silva ko gol, Israelɨn nguazim bar a gizɨfa,
ezɨ me uan bizir aghuiba mengan ibura.
Me hosɨn bar avɨriba iti,
egha me uan karisba, bar da mengan iburagham.
8 Ezɨ men marvir guaba, men nguazim gizɨfa.
Ezɨ me uari uan dafaribar ingarizir godɨn ifavaribar nedaziba dar ziaba fa teviba apɨri.
9 O God, nɨ gumazamiziba bar me dɨkabɨraghtɨ me bar aghumsigham.
Egh nɨ gumazamizir kaba, men arazir kuraba gɨn amadagh ua me fan markɨ.
10 2 Tesalonika 1:9; Akar Mogomem 6:15Ia gumazamiziba, ia arɨ mangɨ dagɨar toribar mongegh.
Ia nguazibar moziba okoregh dar aven mongegh.
Guizbangɨra, ia Ikiavɨra Itir Godɨn gantɨ,
an atrivimɨn mɨn uan angazangarir ekiam ko gavgavim sara izɨtɨ,
ia akong bar atiatigham.
11 Ikiavɨra Itir God otivamin dughiamɨn,
a gumazamizir uarira uari feba bar me abɨragham,
eghtɨ me bar aghumsigham.
Eghtɨ a uabɨra dughiar kamɨn ziar ekiam iniam.
12 Ikiavɨra Itir Godɨn Gavgaviba Bar Itim uabɨ gumazamizir uarira uan ziaba feba abɨnasa dughiar kam amɨsefe.
Egh dughiar kamra, bizir ekiar gumazamiziba gara bar akuegha uan ziaba feba,
a bar dagh asɨghasɨgham.
13 A Lebanonɨn kantrin itir temer sidan ruarir diriba ko,
Basanɨn Distrighɨn itir temer okɨn gavgaviba saram asɨghasɨgham.
14-15 Egh a mɨghsɨar ekiabagh asɨghasɨgh,
egh tauan ruariba ko nguibar ekiamɨn dɨvazir mɨtiar bar gavgaviba saram asɨghasɨgham.
16 A Tarsisɨn nguibar ekiamɨn kurir aghuiba,
ko kurir ekiar bar dirir igharaziba, bar dagh asɨghasɨgham.
17-18 Ikiavɨra Itir God otivamin dughiamɨn,
a gumazamizir uarira uari feba bar me abɨragham, eghtɨ me bar aghumsigham.
Eghtɨ marvir guaba uaghan bar gɨvagham.
Eghtɨ Ikiavɨra Itir God uabɨra dughiar kamɨn ziar ekiam iniam.
19 Egh gɨn izamin dughiamɨn,
Ikiavɨra Itir God dɨkavigh nguazir kamɨn gumazamiziba ivezir kuram me danɨngɨsɨ izam.
Gumazamiziba bar an gantɨ, an atrivimɨn mɨn uan angazangarir ekiam ko gavgavim sara izɨtɨ,
me bar puvɨram atiating, arɨ mangɨ dagɨar toribar mongegh ikiam.
Tarazi nguazibar moziba okoregh dar aven mongam.
20 Dughiar kamɨn gumazamiziba marvir guar me gol ko silvan ingarigha dar ziaba feba, me da inigh mangɨ,
kuarziba ko aghunababa itir danganibar da makunam.
21 Dughiar kamɨn, Ikiavɨra Itir God, uan anɨngagharim ko angazangarir gavgavim sara gumazamizibar araziba tuisɨghsɨ izam.
Eghtɨ gumazamiziba atiatigh ivezir kuram gitaghsɨ, arɨ mɨghsɨar ekiabar ghuavanegh
mozir torir kuiziba ko dagɨar toribar aven mongegh ikiam.
22 Ia gumazir kɨniba kamagh me gɨnɨghnɨghan markɨ, egh suam, me ian akurvagham.
Puvatɨ. Me dughiar otevimra ikegh arɨmɨghiregham.
Mati gumazim abuan duam suasa uabɨ gekuigha gɨfa.