10
Iesus 72plan gumaziba amangizɨ me ghua an ingangarim gami
1 Mt 10:1, Mk 6:7Matyu 10:1; Mak 6:7Egha bizir kabar gɨn Ekiam 72plan gumazir igharaziba mɨsevegha pumuning pumuning faragh nguibar ekiaba ko danganir a mangasa nɨghnɨzibar me amadi.*Fofozir gumazir avɨriba kamaghɨn nɨghnɨsi, gumazir Iesus amadazibar dɨbobonim, a 72 puvatɨ. Me ghaze, men dɨbobonim 70ra. Eghtɨ namba 70, a Luk 10:1ɨn ikɨtɨ, eghtɨ Luk 10:17 uaghan, namba 70 an ikɨ. 2 Mt 9:37-38, Jo 4:35, 2 Te 3:1Matyu 9:37-38; Jon 4:35; 2 Tesalonika 3:1Egha a kamaghɨn me mɨgei, “Dagher bar avɨrim anigha gɨvagha azenimɨn iti. Ezɨ ingangarir gumazamizir da iniamin avɨriba puvatɨ. Kamaghɨn amizɨ, ia azenir kamɨn ghuavimɨn azangsɨghtɨ, a ingangarir gumazamizibar amangɨtɨ, me an azenimɨn mangɨ dagheba iniam. 3 Mt 10:16Matyu 10:16Ia mangɨ! Kɨ sipsipɨn nguziba afiar atiabar torimɨn iti moghɨn ia amadazɨ ia zui. 4 2 Kin 4:292 Atriviba 4:29Matyu 10:7-14; Mak 6:8-11; Luk 9:3-5Egh dagɨaba azuir mɨtarim ko beghiam ko dagarir asuaba inian markɨ. Eghtɨ gumazitam tuavimɨn ia batoghɨva dughiam ia danɨngtɨ, ia a ikaraghan markɨ.
5 “Egh ia dɨpenitamɨn aven mangɨ egh faragh kamaghɨn mɨkɨm suam, navir amɨrizim ia ko iti. 6 Eghtɨ gumazir navir amɨrizim kagh ikɨtɨ, ia navir amɨrizim an ikɨ. Puvatɨghtɨ, ian navir amɨrizim ua ia bagh izegham. 7 Mt 10:10-11, 1 Ko 9:14, 10:27, 1 Ti 5:18Matyu 10:10-11; 1 Korin 9:14; 10:27; 1 Timoti 5:18Guizbangɨra, ingangarir gumazamiziba uan ivezim isi. Kamaghɨn amizɨ ia dɨpenir kamɨn aven ikɨ, dagheba ko dɨpar tizir me ia ganɨdiba, ia dar amɨ. Egh dɨpenir mamɨn ikegh mamɨn mangan markɨ.
8 1 Ko 10:271 Korin 10:27“Egh ia nguibar ekiamɨn aven mangɨghtɨma, me ia inigh tizim ia danɨngtɨ, ia puram anemɨ. 9 Egh ia arɨmariaba itir darazir amightɨ me ghuamagheghtɨ, ia kamaghɨn me mɨkɨm, God Bizibagh Ativamin Dughiam roghɨra ize. 10-11 Ap 13:51Matyu 10:14; Luk 9:5; Aposel 13:51; 18:6Egh ia nguibar ekiatamɨn aven mangɨtɨma, me ia inighan koghtɨma, ia tuavir dozibar aven mangɨ mɨkɨm suam, ‘Ian nguibar ekiamɨn nguaziba en dagaribar poghezɨ, e da dɨsi, eghtɨ ia kamaghɨn ganigh fogh suam, ia amizir arazir kam, a derazir puvatɨ. Egh ia fogh suam, God Bizibagh Ativamin Dughiam roghɨra ize.’ 12 Stt 19:24-28, Mt 10:15, 11:24Jenesis 19:24-28; Matyu 10:15; 11:24Ezɨ kɨ ia mɨgei, Godɨn Kotɨn Dughiamɨn, osɨmtɨzir nguibar kam iniamim, an osɨmtɨzir Sodom inizim gafiragham.”
Gumazamizir navim gɨrazir puvatɨziba bar ikuvigham
(Matyu 11:20-24)
13 Ais 23:1-18, Ese 26:1-28:26, Jo 3:4-8, Amo 1:9-10, Mt 11:21-23, Sek 9:2-4Aisaia 23:1-18; Esekiel 26:1--28:26; Joel 3:4-8; Amos 1:9-10; Sekaraia 9:2-4; Matyu 11:21-23Egha Iesus ua kamaghɨn uan 72plan gumazibav gei, “Ia Korasinɨn nguibamɨn itir gumazamiziba, iavzika! Ia kuram iniam. Ia Betsaidan nguibamɨn itir adarasi, Iavzika! Ia bar ikuvigham. Gumazitam Tairɨn nguibam ko Saidonɨn nguibamɨn ghua, mirakelɨn kɨ amiziba men tongɨn dagh amighai, Tair ko Saidonɨn itir darazi ti fomɨra navibagh iragha, azir adiariba aghuigha, averenim gapiava a gurua, egha uan arazir kamɨn uari akakagha ghaze, me uan arazir kuraba ataki. 14 Godɨn Kotɨn Dughiamɨn, osɨmtɨzir ia iniamim, an osɨmtɨzir Tair ko Saidon iniamim gafiragham. 15 Ais 14:13-15Aisaia 14:13-15Ezɨ ia Kaperneamɨn nguibamɨn itir darasi, ia ghaze, ia uari fegh Godɨn Nguibamɨn ikiam, a? Bar puvatɨ, God ia akunightɨ ia Gumazamizir Oveaghuezibar Nguibamɨn magɨram.
16 Mt 10:40, Mk 9:37, Lu 9:48, Jo 5:23, 13:20Matyu 10:40; Mak 9:37; Luk 9:48; Jon 5:23; 13:20“Tina ia barasi a uaghan na barasi, tina ia barazir puvatɨ a uaghan na barazir puvatɨ. Egha tina na barazir puvatɨ, a nan Afeziar na amadazim uaghan a barazir puvatɨ.”
72plan gumaziba uamatenge
17 Ezɨ 72plan gumaziba ua iza bar akuegha kamaghɨn mɨgei, “Ekiam, e nɨn ziam dɨborima duar kuraba en akabar mɨrara zui.”
18 Jo 12:31, 16:11, MAA 9:1, 12:8-9Jon 12:31; 16:11; Akar Mogomem 9:1; 12:8-9Ezɨ a me mɨgɨa ghaze, “Kɨ Satanɨn garima a ira onɨmarimɨn mɨn Godɨn Nguibamɨn tagha gɨfa. 19 Sng 91:13, Mk 16:18, Ap 28:5Onger Akaba 91:13; Mak 16:18; Aposel 28:5Ezɨ kɨ gavgavim ia ganigha gɨfa, eghtɨ ia kuruziba ko tuighakabagh isɨn daruva da dɨkɨva, egh uan apanibar gavgavim a gɨvagham. Eghtɨ me bizir kuratam ia damuan iburagham. 20 Kis 32:32, Ais 4:3, Dan 12:1, Mt 7:22, Fl 4:3, Hi 12:23, MAA 3:5, 21:27Ua Me Ini 32:32; Aisaia 4:3; Daniel 12:1; Matyu 7:22; Filipai 4:3; Hibru 12:23; Akar Mogomem 3:5; 21:27Eghtɨ duar kuraba ian akam mɨrara ghuzir bizim bagh akongan markɨ. God uan Nguibamɨn ian ziaba osirizir bizim baghɨva ia akong.”
Iesus bar akuegha uan Afeziam mɨnabi
(Matyu 11:25-27; 13:16-17)
21 Ezɨ dughiar kamra, Godɨn Duam Iesus gamima a bar akongegha kamaghɨn mɨgei, “Afeziam, nɨ nguazim ko overiam gativazir Ekiam! Nɨ fofozim ko nɨghnɨzir aghuiba itir gumazamiziba bizir kaba men modo, egha boribar mɨn itir gumazamizibar aka. Kamaghɨn amizɨ kɨ nɨ mɨnaba. Guizbangɨra Afeziam, nɨ uan ifongiamɨn kamaghɨn ami.”
22 Mt 28:18, Jo 1:18, 3:35, 10:15, 17:2Matyu 28:18; Jon 1:18; 3:35; 10:15; 17:2Egha Iesus ua kamaghɨn mɨgei, “Nan Afeziam biziba bar da isa nan dafarim gatɨ. Ezɨ gumazitam Otarim gɨfozir puvatɨ. Afeziam uabɨra a gɨfo. Egha tav Afeziam gɨfozir puvatɨ. Otarim uabɨra, ko gumazir Otarim ifuegha Afeziam isa men akaziba, merara Afeziam gɨfo.” 23-24 Matyu 13:16-17; 1 Pita 1:10Egha a ragha uan suren gumazibar gara kamaghɨn me mɨgei, “Kɨ guizbangɨra ia mɨgei, fomɨra Godɨn akam inigha izir gumazir avɨriba ko gumazamizir aghuir avɨriba, me ia datɨrɨghɨn garir bizibar ganamin ifongiar bar ekiam ikia, me dar ganizir puvatɨ. Egha ia datɨrɨghɨn orazir akar kaba, me da baraghan ifongiar bar ekiam ikia, me tam baraghizir puvatɨ. Ezɨ ia, ian damaziba bizibar gari, kamaghɨn amizɨ ia bar akongegh!”
Samarian gumazim Judan mavɨn akurazir eghaghanim, Iesus a gami
25 Mt 19:16, Lu 18:18Matyu 19:16; Luk 18:18Matyu 22:35-40; Mak 12:28-34Ezɨ dughiar mamɨn, Judan Arazibagh fozir gumazir mam dɨkavigha Iesus gifarasa purama an azara, “Tisa, kɨ manmaghɨn damighɨva zurazurara itir ikɨrɨmɨrir aghuarim iniam?”
26 Ezɨ Iesus a ikaragha ghaze, “Akar Gavgavir manam Moses Osirizir Arazibar akamɨn aven iti? Nɨ manmaghɨn an gari?”
27 Wkp 19:18, Lo 6:5Ofa Gami 19:18; Godɨn Araziba 6:5Ezɨ an a ikaragha ghaze, “Nɨ uan Ekiam, a nɨn God, nɨ bar uan navir averiam ko uan duam ko uan nɨghnɨzim ko uan gavgavim sara bar a gifongegh. Egh uaghan, nɨ uabɨra uabɨ gifongezɨ moghɨn, uan namakabagh ifongegh.”
28 Wkp 18:5, Neh 9:29, Ese 20:11-13, Ro 10:5, Ga 3:12Ofa Gami 18:5; Nehemia 9:29; Esekiel 20:11-13; Rom 10:5; Galesia 3:12Ezɨ Iesus an akam ikaragha ghaze, “Nɨ bar deragha mɨgei. Nɨ mamaghɨra damigh zurara itir ikɨrɨmɨrir aghuarim iniam.”
29 Lu 16:15Luk 16:15Ezɨ a gumazamizibar damazimɨn deraghasa, kamaghɨn a Iesusɨn azara, “Ezɨ tina nan namakaba?”
30 Ezɨ Iesus an akam ikaragha ghaze, “Gumazim Jerusalem ateghava Jerikon uaghira, egha gumazir kuraba batozɨma, me an korotiaba suegha, puvɨram a mɨsueghava are, egha anetaghizɨma a mɨkɨrɨgha irɨghav iti. 31 Ezɨ ofa gamir gumazim tuavir kamra uaghira egha an gara a gitagha zui.
32 “Kamaghɨra Livain gumazim uaghan iza danganir kamnaghɨra an gara a gitagha zui.
33 Jo 4:9Jon 4:92 Eghaghaniba 28:15“Ezɨma Samarian gumazir mam iza danganir gumazir kam itimra izava, an apighava bar an apangkufi. 34 Egha a bagha ghua wain ko borem an duaba ruegha da nomke. Egha a gumazim isa uan donki gisɨn anefagha, a inigha ghua daguir dɨpenir mamɨn aven ghugha, deravɨram a gami. 35 Egha amɨmzaraghan a dagɨar pumuning dɨpenir ghuavim ganigha ghaze, ‘Nɨ deragh an gan, eghtɨ dughiar kɨ uamategh izamim, kɨ izɨ bizir tizir nɨ uam a gamiziba, kɨ da ikaragham.’
36 “Ezɨ nɨ manmaghɨn nɨghnɨsi, gumazir pumuning ko mɨkezir kabar manam gumazir kuraba mɨsoghezir gumazimɨn namakam?”
37 Ezɨ Judan Arazibagh fozir gumazim a ikaragha ghaze, “Gumazir an apangkuvizim.”
Ezɨ Iesus a mɨgɨa ghaze, “Nɨ mangɨva kamaghɨra damu.”
Iesus Maria ko Martan dɨpenimɨn iti
38 Jon 11:1Iesus uan suren gumaziba ko tuavimɨn ghua nguibamɨn oto. Ezɨ amizir mam, an ziam Marta, a Iesus inigha uan dɨpenimɨn ghu. 39 Jo 12:2-3Jon 12:2-3Ezɨ an afumimɨn ziam Maria. A Iesusɨn dagarimɨn boroghɨra aperaghav ikiava a barazima a mɨgei. 40 Ezɨ Marta ingangarir avɨrim an nɨghnɨzimɨn izi, ezɨ an osɨmtɨzim sara dagher me damamibagh ami. Egha a Iesus bagha iza an azara, “Ekiam, nan afumim na ataghizɨma kɨ uabɨra ingangaribagh ami, ezɨ nɨ na gɨnɨghnɨsi, o? A mɨkemeghtɨma a nan akuragh!”
41 Ezɨ Ekiam a ikaragha ghaze, “Marta, Marta, nɨ bizir avɨribagh nɨghnɨgha da bagha muriam nɨ dɨghori. 42 Sng 27:4, Mt 6:33Onger Akaba 27:4; Matyu 6:33Nɨ bizir vamɨra bagh nɨghnɨgh. Maria a bizir aghuimra mɨsefe. Ezɨ bizir kam, gumazitam a dama a inighan kogham.”
10:1: Mt 10:1, Mk 6:7
10:1: Matyu 10:1; Mak 6:7
*10:1: Fofozir gumazir avɨriba kamaghɨn nɨghnɨsi, gumazir Iesus amadazibar dɨbobonim, a 72 puvatɨ. Me ghaze, men dɨbobonim 70ra. Eghtɨ namba 70, a Luk 10:1ɨn ikɨtɨ, eghtɨ Luk 10:17 uaghan, namba 70 an ikɨ.
10:2: Mt 9:37-38, Jo 4:35, 2 Te 3:1
10:2: Matyu 9:37-38; Jon 4:35; 2 Tesalonika 3:1
10:3: Mt 10:16
10:3: Matyu 10:16
10:4: 2 Kin 4:29
10:4: 2 Atriviba 4:29
10:4: Matyu 10:7-14; Mak 6:8-11; Luk 9:3-5
10:7: Mt 10:10-11, 1 Ko 9:14, 10:27, 1 Ti 5:18
10:7: Matyu 10:10-11; 1 Korin 9:14; 10:27; 1 Timoti 5:18
10:8: 1 Ko 10:27
10:8: 1 Korin 10:27
10:10-11: Ap 13:51
10:10-11: Matyu 10:14; Luk 9:5; Aposel 13:51; 18:6
10:12: Stt 19:24-28, Mt 10:15, 11:24
10:12: Jenesis 19:24-28; Matyu 10:15; 11:24
10:13: Ais 23:1-18, Ese 26:1-28:26, Jo 3:4-8, Amo 1:9-10, Mt 11:21-23, Sek 9:2-4
10:13: Aisaia 23:1-18; Esekiel 26:1--28:26; Joel 3:4-8; Amos 1:9-10; Sekaraia 9:2-4; Matyu 11:21-23
10:15: Ais 14:13-15
10:15: Aisaia 14:13-15
10:16: Mt 10:40, Mk 9:37, Lu 9:48, Jo 5:23, 13:20
10:16: Matyu 10:40; Mak 9:37; Luk 9:48; Jon 5:23; 13:20
10:18: Jo 12:31, 16:11, MAA 9:1, 12:8-9
10:18: Jon 12:31; 16:11; Akar Mogomem 9:1; 12:8-9
10:19: Sng 91:13, Mk 16:18, Ap 28:5
10:19: Onger Akaba 91:13; Mak 16:18; Aposel 28:5
10:20: Kis 32:32, Ais 4:3, Dan 12:1, Mt 7:22, Fl 4:3, Hi 12:23, MAA 3:5, 21:27
10:20: Ua Me Ini 32:32; Aisaia 4:3; Daniel 12:1; Matyu 7:22; Filipai 4:3; Hibru 12:23; Akar Mogomem 3:5; 21:27
10:22: Mt 28:18, Jo 1:18, 3:35, 10:15, 17:2
10:22: Matyu 28:18; Jon 1:18; 3:35; 10:15; 17:2
10:23-24: Matyu 13:16-17; 1 Pita 1:10
10:25: Mt 19:16, Lu 18:18
10:25: Matyu 19:16; Luk 18:18
10:25: Matyu 22:35-40; Mak 12:28-34
10:27: Wkp 19:18, Lo 6:5
10:27: Ofa Gami 19:18; Godɨn Araziba 6:5
10:28: Wkp 18:5, Neh 9:29, Ese 20:11-13, Ro 10:5, Ga 3:12
10:28: Ofa Gami 18:5; Nehemia 9:29; Esekiel 20:11-13; Rom 10:5; Galesia 3:12
10:29: Lu 16:15
10:29: Luk 16:15
10:33: Jo 4:9
10:33: Jon 4:9
10:33: 2 Eghaghaniba 28:15
10:38: Jon 11:1
10:39: Jo 12:2-3
10:39: Jon 12:2-3
10:42: Sng 27:4, Mt 6:33
10:42: Onger Akaba 27:4; Matyu 6:33