14
Iesus mɨkarzim buizir gumazim gamizɨ a ua dera
1 Lu 11:37Luk 11:37Sabatɨn dughiar mam Iesus ghua Farisibar gumazir ekiamɨn dɨpenimɨn api. Ezɨ dughiar kam gumazamiziba bar deravɨram an gari. 2 Ezɨ an guamɨn gumazir mɨkarzim buizir mam iti. 3 Mt 12:10, Lu 6:9Matyu 12:10; Luk 6:9Ezɨ Iesus Farisiba ko Judan Arazibagh fozir gumazibar azara, “Moses Osirizir Araziba, da Sabatɨn gumazamizibar arɨmariaba ghuamaghasa amamangatɨz, o puvatɨ?” 4 Ezɨ me nɨmɨra itima a gumazimɨn suiragha a gamizɨma a dera. Egha anemadazɨ a ghu.
5 Kis 23:5, Lo 22:4, Mt 12:11, Lu 13:15Ua Me Ini 23:5; Godɨn Araziba 22:4; Matyu 12:11; Luk 13:15Egha a men azara, “Ian tavɨn otaritam o bulmakaun tam Sabatɨn dughiamɨn mozirpamɨn magɨrɨghtɨma, ia ti mangɨ uam a gekuigham, o?” 6 Mt 22:46Matyu 22:46Ezɨ me mɨkɨmamin akabagh asa.
Iesus ghaze, ia uarira uari fan markɨ
7 Mt 23:6Matyu 23:6Dughiar kam Iesus gari, gumazir gighamiziba me dabirabir danganir ekiaba dagher dakozimɨn da isi. Ezɨ Iesus akar isɨn zuir kamɨn me mɨgei, 8 Aghuzir Akaba 25:6-7“Gumazitam amuir ikɨzimɨn isam bagh diaghtɨ, nɨ mangɨ dabirabir danganir ekiar faragha itim dapian markɨ. Me, gumazir ziar ekiar nɨn ziam gafirazim, a bagha a ginaba. 9 Eghtɨ, isar ghuavir vɨrara guan diazim izɨ kamaghɨn nɨ mɨkɨmam, ‘Nɨ uan mɨsiam gumazir kam danɨngigh.’ Eghtɨ nɨ bar aghumsɨghɨva, danganir bar gɨn itim inigham. 10 Kamaghɨn amizɨ dughiar me nɨn diazim, nɨ danganir apengan itim inigh, eghtɨ isar ghuavim izɨ suam, ‘Roroam, nɨ danganir aghuir pɨn itimɨn mangɨ.’ Eghtɨ nɨ ziar aghuarim nɨ ko itir darazir tongɨn a iniam. 11 Snd 29:23, Mt 23:12, Lu 18:14, Je 4:6, 1 Pi 5:5Aghuzir Akaba 29:23; Matyu 23:12; Luk 18:14; Jems 4:6; 1 Pita 5:5Gumazamizir uan ziaba feba, God me abɨnam. Eghtɨ gumazamizir uari abɨriba, God me feghtɨ me ziar ekiam iniam.”
Godɨn ikarvazim,
o gumazibar ikarvazim?
o gumazibar ikarvazim?
12 Egha Iesus ua isar ghuavim mɨgei, “Nɨ isam damuva, uan roroaba ko aveghbuaba, o anababa, o nɨn namakar biziba bar avɨrasemeziba, nɨ men dɨman markɨ. Nɨ men diaghtɨ, me uamategh nɨn diaghtɨ, nɨ kamaghɨn uan ikarvazim uamategh a inigham. 13 Lo 14:29, Neh 8:10-12Godɨn Araziba 14:29; Nehemia 8:10-12Ezɨ nɨ isam damuamin dughiam, nɨ onganarazibagh amiba, soroghafariba ikuviziba, suer kurar aruir puvatɨziba, ko damazir kurabar diagh. 14 Jo 5:29Jon 5:29Eghtɨ God arazir aghuimɨn nɨ damuam. Gumazir kaba nɨn dagheba ikaraghan kogham. Kamaghɨn amizɨ, nɨ uan ikarvazim dughiar gumazir Godɨn damazimɨn deraziba ua dɨkavamimɨn a iniam.”
Isar ekiamɨn akar isɨn zuim
(Matyu 22:1-10)
15 Lu 13:29, MAA 19:9Luk 13:29; Akar Mogomem 19:9Egha Iesus ko dakozimɨn itir gumazibar mav Iesusɨn akaba baregha, kamaghɨn Iesus mɨgei, “Gumazir God Bizibagh Ativamin Dughiamɨn isar ekiam amamim, a bar akongegham.”
16 Ezɨ Iesus kamaghɨn a ikaragha ghaze, “Dughiar mam gumazir mam isar ekiam bagha biziba akɨrava gumazamizir avɨrimɨn dia. 17 Snd 9:2, 9:5Aghuzir Akaba 9:2; 9:5Isam azuir dughiamɨn, isar ghuavim a gighamiziba bagha uan ingangarir gumazim me mɨkɨmasa anemaga ghaze, ‘E biziba bar ada akɨrigha gɨfa, kamaghɨn amizɨ ia izɨ.’
18 “Ezɨ me bar moghɨra mangan aghuagha uan dɨmdiam avaghboava mɨgɨrɨgɨar ifavaribagh ami. Egha men mav faragha kamaghɨn mɨgei, ‘Kɨ datɨrɨghɨra nguazim givese, egh mangɨva an ganasa. Noka, kɨ izan kogham.’ 19 Ezɨ igharazim ghaze, ‘Kɨ 10plan bulmakaubagh ivese, egha kɨ da ingangarim gatɨgha dar ganasa zui. Noka, kɨ izan kogham. Ga uaning, nɨ nan gun isar ghuavim mɨkemegh.’ 20 1 Ko 7:331 Korin 7:33Ezɨ gumazir mɨkezim kamaghɨra a mɨgei, ‘Kɨ amuim ini, kamaghɨn amizɨ, kɨ izan kogham.’
21 “Ezɨ ingangarir gumazim uamategha izava akar kabar gun uan ekiam mɨkeme. Ezɨ isar ghuavim atara kamaghɨn mɨgei, ‘Nɨ zuamɨra azenan mangɨva nguibar ekiamɨn itir tuavir ekiaba ko afeghtiabar mangɨva onganarazibagh amiba, ko soroghafariba ikuviziba, ko damazir kuraba, ko suer kurar aruir puvatɨziba, me inigh izɨ.’ 22 Ezɨ ingangarir gumazim kamaghɨn a mɨgei, ‘Ekiam, nɨ mɨkemezɨ moghɨn kɨ amigha gɨfa, ezɨ danganir maba ikiavɨra iti.’ 23 Ezɨ isar ghuavim uan ingangarir gumazim kamaghɨn a mɨgei, ‘Nɨ mangɨ tuavir ekiaba ko tuavir dozibar itiba bar me mɨkɨmtɨ, me izɨ, eghtɨ nan dɨpenim izɨvaka. 24 Mt 21:43, 22:8, Ap 13:46Matyu 21:43; 22:8; Aposel 13:46Ezɨ, kɨ nɨ mɨgei, gumazir kɨ faragha diaziba men tav isar kamɨn daghetam ameghan kogham.’ ”
Ia faragh deravɨra nɨghnighɨva
Iesusɨn gɨn mangɨ
Iesusɨn gɨn mangɨ
(Matyu 10:37-38)
25 Ezɨ gumazamizir bɨzir dafam Iesus koma arui. Ezɨ a ragha men gara kamaghɨn mɨgei, 26 Lo 33:9, Mt 10:37, Lu 18:29, Jo 12:25, MAA 12:11Godɨn Araziba 33:9; Matyu 10:37; Luk 18:29; Jon 12:25; Akar Mogomem 12:11“Tina na bagh izɨva, egha uan afeziam ko amebam, o amuim ko boriba, o aveghbuaba, o amezamebaba ko buaramiziba bar men aghuaghɨva, egha uaghan uan ikɨrɨmɨrim ateghan koghɨva, egh nan suren gumazim o amizimɨn otoghan kogham. 27 Mt 10:38, 16:24, Mk 8:34, Lu 9:23, 2 Ti 3:12Matyu 10:38; 16:24; Mak 8:34; Luk 9:23; 2 Timoti 3:12Egh tina uan ter ighuvir an ovengamim a gupugh, egh nan gɨn izan koghɨva, nan suren gumazim o amizimɨn otoghan kogham.*Nɨ akar Matyu 10:38ɨn itimɨn gan.
28 “Ian tina dɨpenir ekiamɨn ingarasa, a ti faragh daperagh nɨghnighɨva, egh suam, kɨ dagɨaba manmaghɨra dɨpenir kam agɨvagham? 29-30 Egh ian tina dɨpenir ekiamɨn ingarsɨ, a faragh daperagh nɨghnɨgh suam, ‘Kɨ dagɨaba manmaghɨra dɨpenir kam a gɨvagham?’ Puvatɨghtɨma, a ghuriamra damighɨva, egh anegɨvaghan koghtɨma, me bar an ganɨva dɨbovir mɨgɨrɨgɨabar a damu, suam, ‘Gumazir kam dɨpenimɨn ingara bar anegɨvazir puvatɨ.’
31 “O, kɨ kamaghɨn mɨkɨm suam, atrivir mam atrivir igharazim ko mɨdorozir ekiam damuasa. A ti faragh daperagh uabɨra uabɨn azangsɨgh suam, ‘Kɨ ti 10 tausenɨn mɨdorozir gumaziba ko mangɨ, na bagha izir atrivimɨn 20 tausenɨn mɨdorozir gumazibagh afiragham, o puvatɨgham?’ 32 A mɨsoghan iburaghɨva, egh atrivim saghuiamra ikɨtɨma, an abuir gumaziba mangɨ suam, mɨdorozim markɨ. 33 Fl 3:7-8Filipai 3:7-8Ezɨ kamaghɨra, ian tina bizir a itiba bar moghɨra a da ateghan koghɨva, egh nan suren gumazim o amizimɨn otoghan kogham.”
Amangsɨzir kuramɨn akar isɨn zuim
(Matyu 5:13; Mak 9:50)
34 Mt 5:12, Mk 9:50Matyu 5:13; Mak 9:50Egha Iesus ua kamaghɨn mɨgei, “Amangsɨzim a dera, egh a uan isɨngtɨzim ateghtɨ, ia manmaghɨn a damightɨ a ua sɨngigham? 35 An obarir nguazim ko bulmakaubar buariba uaghan dar akuraghan kogham. Kamaghɨn amizɨ, me a makuni. Tina kuarimning iti, an oragh.”
14:1: Lu 11:37
14:1: Luk 11:37
14:3: Mt 12:10, Lu 6:9
14:3: Matyu 12:10; Luk 6:9
14:5: Kis 23:5, Lo 22:4, Mt 12:11, Lu 13:15
14:5: Ua Me Ini 23:5; Godɨn Araziba 22:4; Matyu 12:11; Luk 13:15
14:6: Mt 22:46
14:6: Matyu 22:46
14:7: Mt 23:6
14:7: Matyu 23:6
14:8: Aghuzir Akaba 25:6-7
14:11: Snd 29:23, Mt 23:12, Lu 18:14, Je 4:6, 1 Pi 5:5
14:11: Aghuzir Akaba 29:23; Matyu 23:12; Luk 18:14; Jems 4:6; 1 Pita 5:5
14:13: Lo 14:29, Neh 8:10-12
14:13: Godɨn Araziba 14:29; Nehemia 8:10-12
14:14: Jo 5:29
14:14: Jon 5:29
14:15: Lu 13:29, MAA 19:9
14:15: Luk 13:29; Akar Mogomem 19:9
14:17: Snd 9:2, 9:5
14:17: Aghuzir Akaba 9:2; 9:5
14:20: 1 Ko 7:33
14:20: 1 Korin 7:33
14:24: Mt 21:43, 22:8, Ap 13:46
14:24: Matyu 21:43; 22:8; Aposel 13:46
14:26: Lo 33:9, Mt 10:37, Lu 18:29, Jo 12:25, MAA 12:11
14:26: Godɨn Araziba 33:9; Matyu 10:37; Luk 18:29; Jon 12:25; Akar Mogomem 12:11
14:27: Mt 10:38, 16:24, Mk 8:34, Lu 9:23, 2 Ti 3:12
14:27: Matyu 10:38; 16:24; Mak 8:34; Luk 9:23; 2 Timoti 3:12
*14:27: Nɨ akar Matyu 10:38ɨn itimɨn gan.
14:33: Fl 3:7-8
14:33: Filipai 3:7-8
14:34: Mt 5:12, Mk 9:50
14:34: Matyu 5:13; Mak 9:50