18
Zurara God ko mɨgeir arazimɨn akar isɨn zuim
1 Ro 12:12, Ef 6:18, Kl 4:2, 1 Te 5:17Rom 12:12; Efesus 6:18; Kolosi 4:2; 1 Tesalonika 5:17Egha Iesus akar isɨn zuir mamɨn uan suren gumazibav gei, egh men akaghtɨ, me zurara God ko mɨkɨm mamaghɨra ikiam. Egh amɨrvaghan kogham. 2 Egha a kamaghɨn me mɨgei, “Nguibar ekiar mamɨn aven jasɨn mam iti, a Godɨn atiatir puvatɨ. Egha gumazamizibagh nɨghnɨzir puvatɨ. 3 Ezɨ amuir odiarir mam uaghan nguibar ekiar kamɨn iti. Ezɨ gumazir mam pazava a gamua osɨmtɨziba a garɨsi. Ezɨ a jas bagha zurara izava a mɨgei, ‘Nɨ kotiamɨn nan akuragh.’
4 “Ezɨ dughiar avɨrir maba a bizitam gamizir puvatɨ. Egha abuan a uabɨra uabɨ mɨgei, ‘Kɨ Godɨn atiatir puvatɨ. Egha kɨ gumazamizibagh nɨghnɨzir puvatɨ. 5 Lu 11:7-8Luk 11:7-8Ezɨ amuir odiarir kam dughiar avɨribar na bagha izi. Kɨ bar amɨra. Kamaghɨn amizɨ, kɨ ua bagh zuamɨra an osɨmtɨzim akɨrigham, eghtɨ a ua izɨ na damutɨma kɨ bar amɨraghan kogham!’ ”
6 Egha Iesus ua mɨgɨa ghaze, “Ia jasɨn kuramɨn mɨgɨrɨgɨam baragh. 7 MAA 6:10Akar Mogomem 6:10God inabazir gumazamiziba, me dɨmagariba ko aruebar a bagha araima, a men osɨmtɨziba bagh izɨ da akɨram, o puvatɨgham? A me ataghɨraghtɨ me pura mangam? Bar puvatɨ. 8 Hi 10:37, 2 Pi 3:8-9Hibru 10:37; 2 Pita 3:8-9Kɨ ia mɨgei, a men osɨmtɨzibar ganɨva, zuamɨra men akuragham. Kamaghɨn amizɨma, Gumazamizibar Otarim uamateghamin dughiamɨn, a gantɨ, nguazimɨn itir gumazamiziba nɨghnɨzir gavgavim an ikiam, o puvatɨgham?”
Gumazir pumuning God ko mɨgeir akar isɨn zuim
9 Lu 10:29, 16:15Luk 10:29; 16:15Gumazamizir mabara uarira uan ziaba fa, egha igharaz daraziv gɨa ghaze, me derazir puvatɨ. Ezɨ Iesus kamaghɨn amir gumazamiziba bagha akar isɨn zuir kam gami, 10 “Gumazir pumuning God ko mɨkɨmasa Godɨn Dɨpenimɨn ghu, aningɨn mav Farisi, ezɨ mav dagɨaba isir gumazim. 11 Sng 135:2, Ais 1:15, 58:2, Lu 16:15, MAA 3:17Onger Akaba 135:2; Aisaia 1:15; 58:2; Luk 16:15; Akar Mogomem 3:17Ezɨ Farisin gumazim tugha ua bagha kamaghɨn God mɨgei, ‘Kɨ nɨ mɨnaba, kɨ gumazir mabar mɨn amir puvatɨ. Me biziba okɨava, arazir kurabagh amuava egha amizir paba itiba okɨa me koma akui. Egha kɨ uaghan dagɨaba isir gumazir kamɨn mɨn amir puvatɨ. 12 Stt 14:20, Ais 58:2-3, Mt 23:23Jenesis 14:20; Aisaia 58:2-3; Matyu 23:23Kɨ wighɨn vamɨran dughiar pumuningɨn nɨ ko mɨkɨmasa dagheba ataghɨrasi. Egha bizir kɨ isiba, kɨ 10plan pozibar da arɨgha, dar pozir vamɨra uaghan nɨ ganɨdi.’ 13 Sng 51:1Onger Akaba 51:1Ezɨ dagɨaba isir gumazim mong munamaghɨn tu. Egha a kogha overiamɨn gari puvatɨgha uan evarim mɨsogha kamaghɨn mɨgei, ‘Kɨ gumazir kuram, God nɨ nan apangkufigh!’ 14 Jop 22:29, Mt 23:12, Lu 14:11, Je 4:6, 1 Pi 5:5-6Jop 22:29; Matyu 23:12; Luk 14:11; Jems 4:6; 1 Pita 5:5-6Kamaghɨn amizɨ kɨ guizbangɨra ia mɨgei, gumazir dagɨaba isir kam, a Godɨn damazimɨn dera, egha dɨpenimɨn ghu. Ezɨ igharazim puvatɨ. Gumazamizir uan ziaba feba, God me abɨnam. Eghtɨ gumazamizir uari abɨriba, God me feghtɨ me ziar ekiaba iniam.”
Iesus ghaze, borir doziba na bagh izɨ
(Matyu 19:13-15; Mak 10:13-16)
15 Mt 19:13, Mk 10:13Matyu 19:13; Mak 10:13Ezɨ Iesus dafarimning borir dozibar arɨghasa, gumazamiziba me inigha izi. Ezɨ an suren gumaziba kamaghɨn ganigha men atara men anogorosi. 16 Mt 19:14, Mk 10:14, 1 Ko 14:20, 1 Pi 2:2Matyu 19:14; Mak 10:14; 1 Korin 14:20; 1 Pita 2:2Ezɨ Iesus borir dozibar diazɨ me a bagha zuima, a kamaghɨn me mɨgei, “Tina God Bizibagh Ativamin Dughiamɨn aven ikɨsɨ, a borir dozir kabar mɨn ikɨ. Kamaghɨn amizɨ, ia borir doziba ateghtɨ me na bagh izɨ, egh men anogoroghan markɨ. 17 Mt 18:3, Mk 10:15Matyu 18:3; Mak 10:15Kɨ guizbangɨra ia mɨgei, gumazitam borir dozir kabar mɨn God Bizibagh Ativamin Dughiam inighan koghɨva, egh an aven mangan bar iburagham.”
Gumazir dapanir biziba avɨrasemezim, Iesus ko mɨgei
(Matyu 19:16-30; Mak 10:17-31)
18 Mt 19:16, Mk 10:17, Lu 10:25Matyu 19:16; Mak 10:17; Luk 10:25Ezɨ Judabar gumazir dapanir mam Iesusɨn azara, “Tisan Aghuim, kɨ manmaghɨn damigh zurara itir ikɨrɨmɨrir aghuarim iniam?”
19 Ezɨ Iesus an akam ikaragha ghaze, “Nɨ manmaghsua gumazir aghuim na garɨsi? Gumazir aghuitam itir puvatɨ. God uabɨra gumazir aghuim. 20 Kis 20:12-16, Lo 5:16-20, Ro 13:9, Ef 6:2, Kl 3:20Ua Me Ini 20:12-16; Godɨn Araziba 5:16-20; Rom 13:9; Efesus 6:2; Kolosi 3:20Nɨ God Moses ganɨngizir arazim gɨfo, ‘Nɨ gumazim mɨsueghtɨ an aremeghan markɨ, nɨ poroghamiba uari bakeir arazim damuam markɨ, nɨ gumazamizir igharazimɨn biziba okɨman markɨ, nɨ bizibagh ifaran markɨ, nɨ ua bagh biziba inisɨ gumazamizibagh ifaran markɨ, nɨ uan afeziam ko amebamɨn apengan ikɨ aningɨn akaba baragh.’ ”
21 Ezɨ a kamaghɨn Iesus mɨgei, “Kɨ fomɨram aghɨrimra ikia, arazir kabagh amua iza datɨrɨghɨn ikia kati.”
22 Mt 6:19-20, 19:21, 1 Ti 6:19Matyu 6:19-20; 19:21; 1 Timoti 6:19Ezɨ Iesus kamaghɨn oregha a ikaragha ghaze, “Nɨ bizir vamɨra nɨ tɨghar a damuam. Bizir nɨ itiba bar, nɨ da amangighɨva dagɨaba inigh, egh gumazamizir biziba puvatɨzibar anɨngigh. Egh nɨ Godɨn Nguibamɨn bizir aghuariba iniam. Egh nan gɨn izɨ.” 23 Gumazir kam, biziba bar avɨriba iti, kamaghɨn amizɨma, a Iesusɨn akam baregha bar oseme.
24 Mt 19:23, Mk 10:23, Snd 11:28Aghuzir Akaba 11:28; Matyu 19:23; Mak 10:23Ezɨ Iesus an gara egha a mɨgɨa ghaze, “Gumazamizir bizir bar avɨriba itiba, me God Bizibagh Ativamin Dughiamɨn mangɨsɨ bar iburagham! 25 Kamelɨn tam iniba isair dɨkonir torimɨn aven mangɨsɨ ingangarir dafam damigh aven mangam. Eghtɨ gumazamizir biziba avɨrasemeziba, me God Bizibagh Ativamin Dughiamɨn mangɨsɨ guizbangɨra bar iburagham!”
26 Ezɨ marazi kamaghɨn oregha an azara, “Kamaghɨn damightɨma, tinara zurara itir ikɨrɨmɨrir aghuir kam iniam?”
27 Jer 32:17, Sek 8:6, Mt 19:26, Mk 14:36Jeremaia 32:17; Sekaraia 8:6; Matyu 19:26; Mak 14:36Ezɨ Iesus kamaghɨn me ikaragha ghaze, “Bizir kaba gumazimɨn bar osemegham. Bizir kaba Godɨn osemezir puvatɨ. A biziba bar dagh ami.”
28 Mt 4:19-20, 19:27, Mk 10:28Matyu 4:19-20; 19:27; Mak 10:28Ezɨ Pita kamaghɨn a mɨgei, “Nɨ ge, e uan biziba bar da ategha, nɨn gɨn ize.”
29 Lo 33:9, Mt 19:29, Mk 10:29-30Godɨn Araziba 33:9; Matyu 19:29; Mak 10:29-30Ezɨ Iesus kamaghɨn me mɨgei, “Kɨ guizbangɨra ia mɨgei, gumazitam God Bizibagh Ativamin Dughiam bagha uan dɨpenim, o uan amuim, o aveghbuaba, o ameboghfeziaba, o boriba ataki, 30 Mt 19:29, Mk 10:30Matyu 19:29; Mak 10:30egh datɨrɨghɨn itir dughiar kamɨn, God bizir avɨrir me faragha inizir bizibagh afiragh me danɨngam. Egh dughiar gɨn otivamim me zurara itir ikɨrɨmɨrir aghuarim iniam.”
Dughiar mɨkezim Iesus ua mɨgɨa ghaze, an aremegh ua dɨkavigham
(Matyu 20:17-19; Mak 10:32-34)
31 Sng 22, Ais 53, Mt 16:21, Mk 10:32, Lu 24:44Onger Akaba 22:1-31; Aisaia 53:1-12; Matyu 16:21; Mak 10:32; Luk 24:44Egha Iesus 12plan suren gumaziba inigha me uarira ikiava, a kamaghɨn me mɨgei, “Ia oragh! E nguibar ekiam Jerusalemɨn ghuavanadi. Eghtɨ Godɨn akam inigha izir gumaziba, Gumazamizibar Otarimɨn gun mɨkemezir osizirir biziba bar, guizbangɨra otogham. 32 Mt 27:2, Lu 9:22, 9:44, 23:1, Jo 18:28, Ap 3:13Matyu 27:2; Luk 9:22; 9:44; 23:1; Jon 18:28; Aposel 3:13Eghtɨ me a isɨ Kantrin Igharazibar Gumazamizibar dafaribar arɨgham. Eghtɨ me a dɨpova a mɨkɨmam. Egh aghumsɨzir arazibar a damuam. Egh a giparɨva, a ifozoregh a mɨsueghtɨ an aremegham. 33 Eghtɨ dughiar mɨkezimɨn a ua dɨkavigham.” 34 Mk 9:32, Lu 9:45, Jo 10:6, 12:16Mak 9:32; Luk 9:45; Jon 10:6; 12:16Ezɨ an suren gumaziba bizir katam gɨfozir puvatɨ, a bizir tizim mɨgei. Dar mɨngariba men monge, ezɨ me bar fozir puvatɨ.
Iesus gumazir damazir kuram gamizɨ a gari
(Matyu 20:29-34; Mak 10:46-52)
35 Iesus Jerikon boroghɨra izima, gumazir damazir kurar mam tuavir mɨriamɨn aperaghav ikia biziba bagha azangsɨsi. 36 Egha an orazima gumazamizir avɨrim iza zuima, a men azara, kar tizim. 37 Ezɨ me a mɨgɨa ghaze, “Nasaretɨn gumazim Iesus iza zui.”
38 Mt 15:22Matyu 15:22Ezɨ a dɨa mɨgei, “Iesus, Devitɨn Otarim, nɨ nan apangkufigh!” 39 Ezɨ gumazir faragha zuiba me an atara a mɨgɨa ghaze, nɨ nɨmɨra ikɨ.
Ezɨ a bar pamtem dɨa mɨgei, “Devitɨn Otarim, nɨ nan apangkufigh!”
40 Ezɨ Iesus tugha akar gavgavim gumazibav gɨa ghaze, “Ia gumazir munam inigh na bagh izɨ.”
Ezɨ a roghɨra izima, Iesus an azara, 41 “Kɨ tizim nɨ bagh a damuasa, nɨ ifonge?”
Ezɨ an a ikaragha ghaze, “Ekiam, kɨ ganasa ifonge.”
42 Lu 7:50, 17:19Luk 7:50; 17:19Ezɨ Iesus a mɨgɨa ghaze, “Nɨ gan. Nɨn nɨghnɨzir gavgavim nɨn akurazɨ nɨ dera.” 43 Ezɨ a zuamɨra gari. Egha Iesusɨn gɨn ghua Godɨn ziam fe. Ezɨ gumazamiziba an ganigha, uaghan Godɨn ziam fe.
18:1: Ro 12:12, Ef 6:18, Kl 4:2, 1 Te 5:17
18:1: Rom 12:12; Efesus 6:18; Kolosi 4:2; 1 Tesalonika 5:17
18:5: Lu 11:7-8
18:5: Luk 11:7-8
18:7: MAA 6:10
18:7: Akar Mogomem 6:10
18:8: Hi 10:37, 2 Pi 3:8-9
18:8: Hibru 10:37; 2 Pita 3:8-9
18:9: Lu 10:29, 16:15
18:9: Luk 10:29; 16:15
18:11: Sng 135:2, Ais 1:15, 58:2, Lu 16:15, MAA 3:17
18:11: Onger Akaba 135:2; Aisaia 1:15; 58:2; Luk 16:15; Akar Mogomem 3:17
18:12: Stt 14:20, Ais 58:2-3, Mt 23:23
18:12: Jenesis 14:20; Aisaia 58:2-3; Matyu 23:23
18:13: Sng 51:1
18:13: Onger Akaba 51:1
18:14: Jop 22:29, Mt 23:12, Lu 14:11, Je 4:6, 1 Pi 5:5-6
18:14: Jop 22:29; Matyu 23:12; Luk 14:11; Jems 4:6; 1 Pita 5:5-6
18:15: Mt 19:13, Mk 10:13
18:15: Matyu 19:13; Mak 10:13
18:16: Mt 19:14, Mk 10:14, 1 Ko 14:20, 1 Pi 2:2
18:16: Matyu 19:14; Mak 10:14; 1 Korin 14:20; 1 Pita 2:2
18:17: Mt 18:3, Mk 10:15
18:17: Matyu 18:3; Mak 10:15
18:18: Mt 19:16, Mk 10:17, Lu 10:25
18:18: Matyu 19:16; Mak 10:17; Luk 10:25
18:20: Kis 20:12-16, Lo 5:16-20, Ro 13:9, Ef 6:2, Kl 3:20
18:20: Ua Me Ini 20:12-16; Godɨn Araziba 5:16-20; Rom 13:9; Efesus 6:2; Kolosi 3:20
18:22: Mt 6:19-20, 19:21, 1 Ti 6:19
18:22: Matyu 6:19-20; 19:21; 1 Timoti 6:19
18:24: Mt 19:23, Mk 10:23, Snd 11:28
18:24: Aghuzir Akaba 11:28; Matyu 19:23; Mak 10:23
18:27: Jer 32:17, Sek 8:6, Mt 19:26, Mk 14:36
18:27: Jeremaia 32:17; Sekaraia 8:6; Matyu 19:26; Mak 14:36
18:28: Mt 4:19-20, 19:27, Mk 10:28
18:28: Matyu 4:19-20; 19:27; Mak 10:28
18:29: Lo 33:9, Mt 19:29, Mk 10:29-30
18:29: Godɨn Araziba 33:9; Matyu 19:29; Mak 10:29-30
18:30: Mt 19:29, Mk 10:30
18:30: Matyu 19:29; Mak 10:30
18:31: Sng 22, Ais 53, Mt 16:21, Mk 10:32, Lu 24:44
18:31: Onger Akaba 22:1-31; Aisaia 53:1-12; Matyu 16:21; Mak 10:32; Luk 24:44
18:32: Mt 27:2, Lu 9:22, 9:44, 23:1, Jo 18:28, Ap 3:13
18:32: Matyu 27:2; Luk 9:22; 9:44; 23:1; Jon 18:28; Aposel 3:13
18:34: Mk 9:32, Lu 9:45, Jo 10:6, 12:16
18:34: Mak 9:32; Luk 9:45; Jon 10:6; 12:16
18:38: Mt 15:22
18:38: Matyu 15:22
18:42: Lu 7:50, 17:19
18:42: Luk 7:50; 17:19