Iesus mɨzazim inigha
aremegha ua dɨkafi
aremegha ua dɨkafi
22
(Sapta 22--24)
Judas Iesus isa gumazir kurabar dafaribagh atɨ
(Matyu 26:1-5; 26:14-16; Mak 14:1-2; 14:10-11; Jon 11:45-53)
1 Kis 12:1-27Ua Me Ini 12:1-27Datɨrɨghɨn Yis Puvatɨzir Bretɨn Isam Damuamin Dughiam roghɨra izi. An ziam, God Israelia Gitazir Dughiam. 2 Sng 2:2, Lu 20:19, Ap 4:27Onger Akaba 2:2; Luk 20:19; Aposel 4:27Ezɨ ofa gamir gumazir ekiaba, ko Judan Arazibagh fozir gumaziba, me gumazamizibar atiati, kamaghɨn amizɨ me Iesus mɨsoghasa tuaviba buri. 3-4 Matyu 26:14; Mak 14:10; Luk 4:13; Jon 13:2; 13:27Iesusɨn 12plan suren gumazir mam Judas, an ziar mam Iskariot. Satan an navir averiamɨn ghu. Ezɨ a Iesus isava Godɨn Dɨpenimɨn garir gumazir ekiaba, ko ofa gamir gumazir ekiabar dafaribar arɨghasa ghua me koma mɨgɨrɨgɨabagh ami. 5 Sek 11:12Sekaraia 11:12Ezɨ me an mɨgɨrɨgɨam gifuegha ivezim a danɨngasa akabar kɨri. 6 Ezɨ Judas ivezim inian ifuegha Iesusɨn suiragh men dafaribar arɨghasa tuaviba buri. A ghaze, Iesus uabɨra ikɨtɨ, an an suiragh men dafarim darɨgham.
Suren gumazimning daghebar kɨri
(Matyu 26:17-25; Mak 14:12-21; Jon 13:21-30)
7 Kis 12:1-27Ua Me Ini 12:1-27Yis Puvatɨzir Bretɨn Isam Damuamin Dughiam datɨrɨghɨn oto. Ezɨ dughiar kamɨn me God Israelia Gitazir Dughiamɨn isam bagha sipsipɨn nguzim mɨsuegh anemɨ ikɨva, a gɨnɨghnɨghasa.*Nɨ, God Israelia Gitazir Dughiam koma Yis Puvatɨzir Bretɨn Isam Damuamin Dughiamɨn mɨngariba gɨfoghsɨ, nɨ akɨrangɨn itir Akar Mɨngaribar gan. 8 Ezɨ Iesus Jon ko Pita amadagha kamaghɨn aning mɨgɨa ghaze, “Gua mangɨva, e God Israelia Gitazir Dughiamɨn isam amamin daghebar kɨr.”
9 Ezɨ aning an azara, “Ga managh a bagh danganim akɨram?”
10 Ezɨ a kamaghɨn aning mɨgei, “Gua nguibar ekiamɨn aven mangɨtɨ, gumazitam mɨner dɨpam ater izɨ gua batoghtɨma, gua an gɨn a zuir dɨpenimɨn mangɨ. 11 Egh dɨpenimɨn ghuavim mɨkɨm suam, ‘Tisa kamaghɨn mɨgɨa ghaze, “Nan danganir kɨ uan suren gumaziba ko God Israelia Gitazir Dughiamɨn isam amamim mana?” ’ 12 Eghtɨ a ghuriamɨn aven danganir bar ekiatam guan akagham, dakoziba ko dapiagh damamin dabirabiba ko biziba bar ikɨtɨ, gua magh bizibar kɨr.”
13 Lu 19:32Luk 19:32Ezɨ aning ghua garima, biziba bar Iesus mɨkemezɨ moghɨrama otifi. Ezɨ aning God Israelia Gitazir Dughiam bagha dagheba ko bizibar kɨri.
Iesus bret ko wain uan aposelbagh anɨdi
(Matyu 26:26-30; Mak 14:22-26; 1 Korin 11:23-25)
14 Ezɨ damamin dughiam otozɨ, Iesus uan aposelba ko me dagher dakozimɨn mɨn apiaghav iti. 15-16 Luk 13:29; 14:15; Aposel 10:41; Akar Mogomem 19:9Egha a kamaghɨn me mɨgei, “Kɨ guizbangɨra ia mɨgei, kɨ ua God Israelia Gitazir Dughiamɨn isamɨn dagher katam ameghan kogh, kamaghɨra ikɨ mangɨ, God Bizibagh Ativamin Dughiamɨn otogham. Kamaghɨn amizɨma, kɨ ia ko isar kam amasa bar ifonge. Egh kɨ gɨn mɨzazim iniam.”
17-18 Egha Iesus wain apir kap inigha Ekiam mɨnabagha kamaghɨn mɨgei, “Kɨ ia mɨgei, kɨ uam wainɨn ovɨzimɨn dɨpar katam aman kogh, kamaghɨra ikɨtɨ God Bizibagh Ativamin Dughiam otogham. Kamaghɨn amizɨ, ia a inigh ia uari danɨng.”
19 Mt 26:26, Mk 14:22, Lu 24:30, 1 Ko 11:24Matyu 26:26; Mak 14:22; Luk 24:30; 1 Korin 11:24Egha a bret inigha, Ekiam mɨnabagha anebigha me ganɨga kamaghɨn me mɨgei, “Kar nan inivafɨzim, kɨ ia bagha anenɨngi. Ia anemɨ na gɨnɨghnɨgh.”
20 Jer 31:31-34, 1 Ko 10:16Jeremaia 31:31-34; 1 Korin 10:16Me amegha gɨvazɨma, arazir kamra a wain apir kap inigha kamaghɨn mɨgei, “Kavɨn aven itir wainɨn kam, an Akar Dɨkɨrɨzir Gavgavir Igiam, kɨ uan ghuzimɨn a gamizɨma, a ia bagha iri.†Fofozir gumazir maba kamaghɨn nɨghnɨsi, vezɨn kamɨn itir akaba, Luk uabɨ da osirizir puvatɨ. Gumazir igharazim gɨn a da osiri. 21 Sng 41:9, Mt 26:21-23, Mk 14:18, Jo 13:21-22, 13:26Onger Akaba 41:9; Matyu 26:21-23; Mak 14:18; Jon 13:21-22; 13:26Eghtɨ ia gan, gumazir na inighɨva gumazir kurabar dafarim darɨghamim, a kara na ko dakozim gaperaghav iti. 22 Mt 26:24, Ap 2:23, 4:28Matyu 26:24; Aposel 2:23; 4:28Eghtɨ Gumazamizibar Otarim tuavir Afeziam faragha a bagh atɨzimɨn gɨn mangam. Ezɨ gumazir a inigha gumazir kurabar dafarim gatɨzim, gumaka, a bar ikuvigham.”
23 Mt 26:22, Jo 13:22, 13:25Matyu 26:22; Jon 13:22; 13:25Ezɨ me akar kam baregha uarira uarir azangsɨsi, “Tina bizir kam damuam?”
Iesusɨn aposelba uari adogha mɨgei, tina faragham?
24 Mt 18:1, Mk 9:34, Lu 9:46Matyu 18:1; Mak 9:34; Luk 9:46Egha aposelba uari adogha ghaze, tinara en faragham? 25 Mt 20:25-27Mak 10:42-45Matyu 20:25-27; Mak 10:42-44Ezɨ Iesus kamaghɨn me mɨgei, “Kantrin Igharazir Gumazamizibar atriviba, me uan gavgaviba ko ziaba fava, arazir kurabar gumazamizibagh amua kamaghɨn mɨgei ‘E gumazamizibar akurvasi.’ 26 Mt 23:11, Mk 9:35, Lu 9:48, 1 Pi 5:3Matyu 23:11; Mak 9:35; Luk 9:48; 1 Pita 5:3Ia kamaghɨn damuan markɨ. Gumazir ian torimɨn ikia ian faragha zuim, a uabɨ apengan ikɨva, borimɨn mɨn uabɨ arɨgh. Ezɨ gumazir ian faragha zuim, ian ingangarir gumazimɨn mɨn ikɨ. 27 Mt 20:28, Lu 12:37, Jo 13:12-15, Fl 2:7Matyu 20:28; Luk 12:37; Jon 13:12-15; Filipai 2:7Tinara ekefe, gumazir pura dagher dakozimɨn aperaghav itim o gumazir dagheba anɨdim? Gumazir pura dagher dakozimɨn aperaghav itim. Ezɨ kɨ ian torimɨn ikia mati ian ingangarir gumazim.
28 2 Ko 1:7, 2 Ti 2:12, Hi 4:152 Korin 1:7; 2 Timoti 2:12; Hibru 4:15“Kɨ osɨmtɨziba aterima ia na ko iti. 29 Lu 12:32Luk 12:32Kamaghɨra, nan afeziam Atrivimɨn mɨn na atɨzɨma, kɨ uaghan atrivibar mɨn ia arɨghasa. 30 Sng 49:14, Mt 19:28, 1 Ko 6:2, MAA 3:21Onger Akaba 49:14; Matyu 19:28; 1 Korin 6:2; Akar Mogomem 3:21Eghtɨ nan atrivir dughiamɨn aven ia na ko atrivimɨn dabirabir aghuaribar apiaghɨva Israelian anabar 12plan ganam.”
Iesus kamaghɨn mɨgɨa ghaze, Pita akɨrim ragh a gasaragham
(Matyu 26:31-35; Mak 14:27-31; Jon 13:36-38)
31 Amo 9:9, 2 Ko 2:11, 1 Pi 5:8Amos 9:9; 2 Korin 2:11; 1 Pita 5:8Egha Iesus kamaghɨn mɨgei, “Saimon, Saimon, Satan nɨn nɨghnɨzir gavgavim tuisɨgh a gɨfoghasa Godɨn azara. 32 Sng 51:13, Jo 17:9-11, 17:15, 17:20, 21:15-17Onger Akaba 51:13; Jon 17:9-11; 17:15; 17:20; 21:15-17Ezɨ kɨ nɨ bagha Afeziar Ekiam ko mɨkemegha gɨfa, nɨn nɨghnɨzir gavgavim irɨghan kogham. Egh nɨ uamategh na bagh izɨ, egh gavgavim uan aveghbuabar anɨng.” 33 Lu 22:54Luk 22:54Ezɨ Pita kamaghɨn a mɨgɨa ghaze, “Ekiam, kɨ nɨ ko kalabusɨn mangam o aremeghasa ifuegha iti.”
34 Mt 26:34, Mk 14:30, Jo 13:38Matyu 26:34; Mak 14:30; Jon 13:38Ezɨ Iesus kamaghɨn Pitan akam ikaragha ghaze, “Kɨ nɨ mɨgei, nɨ datɨrɨghɨn dughiar pumuning ko mɨkezimɨn mɨkɨm suam, nɨ na gɨfozir puvatɨ, eghtɨ tuarim maghɨrama akam.”
Iesus ghaze, suren gumaziba uan dagɨar mɨtariba ko ruagha aruir mɨtariba ko mɨdorozir sababa ini
35 Mt 10:9-10, Mk 6:8-9, Lu 9:3, 10:4Matyu 10:9-10; Mak 6:8-9; Luk 9:3; 10:4Egha Iesus men azara, “Kɨ dughiar kamɨn ia amadagha bizir kataba sara ia amadazir puvatɨ, dagɨaba azuir mɨtariba ko ruagha aruir mɨtariba koma dagarir asuaba. Ezɨ ia bizitamɨn otevez, o puvatɨ?”
Ezɨ me kamaghɨn mɨgɨa ghaze, “Puvatɨ.”
36 Lu 22:49Luk 22:49Ezɨ a kamaghɨn me mɨgei, “Eghtɨ datɨrɨghɨn, gumaziba dagɨaba itir mɨtarir muziariba ikɨ da inigh, egh gumaziba ruagha aruir mɨtariba ikɨ, uaghan da inigh. Eghtɨ gumazir mɨdorozir sababa puvatɨziba, ia uan initam amadaghɨva tam givesegh. 37 Ais 53:12, Mk 15:28, Lu 22:52Aisaia 53:12; Luk 22:52Guizbangɨra Godɨn Akɨnafarim ghaze, ‘Gumazamiziba an gari, a mati gumazir kuram.’ Kɨ ia mɨgei, bizir kaba na bativam. Are, Afeziar Ekiamɨn Akɨnafarim osirizɨ moghɨn biziba na bativavɨra iti.”
38 Ezɨ me kamaghɨn a mɨgei, “Ekiam, nɨ gan. E mɨdorozir sabar pumuning kati.”
Ezɨ a kamaghɨn me mɨgei, “A gɨfa.”
Iesus Olivɨn Mɨghsɨamɨn God ko mɨgei
(Matyu 26:36-46; Mak 14:32-42)
39 Lu 21:37, Jo 18:1Luk 21:37; Jon 18:1Egha Iesus nguibar ekiam, Jerusalem ategha, Olivɨn Mɨghsɨam bagha zui. A zurara ami mokɨn. Ezɨ an suren gumaziba an gɨn zui. 40 Mt 6:13, 26:41, Mk 14:38, Lu 22:46Matyu 6:13; 26:41; Mak 14:38; Luk 22:46Me danganir kamɨn otivigha a kamaghɨn me mɨgei, “Ia uari bagh God ko mɨkɨm. Eghtɨ osɨmtɨzir ekiar kam ia damutɨ, ia ireghan kogham.”
41 Egha a me ategha, mati gumazim dagɨam akunizir tɨzimɨn ababanimɨn mɨn, mong saghon ghugha, tevimning apɨrigha kamaghɨn God ko mɨgei, 42 Mt 6:10, Jo 5:30, 6:38Matyu 6:10; Jon 5:30; 6:38“Afeziam, nɨ ifueghava na da osɨmtɨzir kam inigh. Egh nɨ nan ifongiamɨn gɨn mangan markɨ. Nɨ uan ifongiamɨn gɨn mangɨ.”
43 Ezɨ ensel mam Godɨn Nguibamɨn ikegha iza gavgavim a ganɨdi. 44 Jo 12:27, Hi 5:7Jon 12:27; Hibru 5:7Ezɨ Iesus nɨghnɨgha bar oseme, egha a pamtem Afeziam ko mɨgei. Ezɨ an doriba otivaghira mati ghuzim nguazim giri.‡Fofozir gumazir maba kamaghɨn nɨghnɨsi, vezɨn kamɨn itir akaba, Luk uabɨ da osirizir puvatɨ. Gumazir igharazim gɨn a da osiri. 45 An Afeziam ko mɨkemegha, dɨkavighava uamategha uan suren gumaziba bagha zui. Egha a men garima, me bar osemegha akuavɨra iti. 46 Ezɨ a kamaghɨn me mɨgei, “Ia tizim bagha akui? Ia dɨkavighɨva Afeziam ko mɨkɨm. Eghtɨ osɨmtɨzir ekiam ia damutɨ, ia ireghan kogham.”
Judas Iesus isava, gumazir kurabar dafarim gatɨ
(Matyu 26:47-56; Mak 14:43-50; Jon 18:3-11)
47 Matyu 26:47; Mak 14:43; Jon 18:3Egha Iesus mɨgɨavɨra itima maburan gumazir bɨzim oto. An 12plan suren gumazir mam Judas, a men faragha iza tuavim men aka. A Iesusɨn boroghɨra izegha an torasava ami. 48 Ezɨ Iesus kamaghɨn an azara, “Judas, kar nɨ Gumazamizibar Otarimɨn toreghɨva, a inigh gumazir kurabar dafarim darɨghasa?”
49 Lu 22:36Luk 22:36Ezɨ suren gumaziba Iesus ko ikia garima arazim otivasava amima, me kamaghɨn mɨgei, “Ekiam, e uan mɨdorozir sababar me mɨsogham o?” 50 Ezɨ men mav mɨdorozir sabam inigha, ofa gamir gumazibar ekiamɨn ingangarir gumazir mam mɨsogha, bar an kuarim anetuzɨ a irɨ.
51 Ezɨ Iesus kamaghɨn mɨgei, “Arazir kam atakigh!” Egha Iesus an kuarimɨn suirazɨ, a ua dera.
52 Lu 22:37, Jo 7:30, 8:20, Kl 1:13Luk 22:37; Jon 7:30; 8:20Ezɨ ofa gamir gumazibar ekiaba, ko Godɨn Dɨpenimɨn garir gumazir ekiaba, ko Judabar gumazir aruaba, me iza Iesusɨn suighasava amima, a kamaghɨn me mɨgei, “Ia mɨdorozir sababa ko asianiba inigha iza mati, ia okɨmakɨar gumazim o mɨdorozir gumazim buri? 53 Lu 19:47, 21:37, Jo 12:27Luk 19:47; 21:37; Jon 12:27; Kolosi 1:13Kɨ zurara ia ko Godɨn Dɨpenimɨn aven itima, ia dafarim na garɨzir puvatɨ. Ezɨ datɨrɨghɨn ian dughiam. Datɨrɨghɨn mɨtarmemɨn gavgavim oto.”
Pita ghaze, a Iesus gɨfozir puvatɨ
(Matyu 26:57-58; 26:69-75; Mak 14:53-54; 14:66-72; Jon 18:12-18; 18:25-27)
54 Sng 31:11, Lu 22:33Onger Akaba 31:11; Luk 22:33Ezɨ Iesusɨn apaniba an suigha a inigha ofa gamir gumazibar dapanimɨn dɨpenimɨn zui. Ezɨ Pita men gɨn ghua mong gɨrara iti. 55 Ezɨ me dɨpenimɨn dɨvazimɨn aven avim atɨgha apiaghav itima, Pita uaghan me koma aperaghav iti. 56 Ap 4:13Aposel 4:13Ezɨ ingangarir guivir mam avir angazangarimɨn an garima, a me koma aperaghav iti, ezɨ a mɨghɨgha an garava kamaghɨn a mɨgei, “Gumazir kam a ko ike.”
57 Ezɨ Pita kamaghɨn mɨgɨa ghaze, “Puvatɨ! Amizim, kɨ a gɨfozir puvatɨ.”
58 A mong ikezɨma, mav ua gɨn iza an apigha kamaghɨn a mɨgɨa ghaze, “Nɨ uaghan men mav.”
Ezɨ Pita kamaghɨn mɨgei, “Ai! Kɨ an suren gumazim puvatɨ!”
59 Dughiam mong ghugha gɨvazɨma, gumazir igharazim izava pamtem ghaze, “Guizbangɨra kav, a Galilin gumazimra. Kamaghɨn e guizbangɨra fo, a uaghan a ko ike.”
60 Ezɨ Pita kamaghɨn mɨgɨa ghaze, “Aiee! Nɨ tizim mɨgei? Kɨ bar fozir puvatɨ!” Egha a mɨgɨavɨra itima, tuarim ake.
61 Lu 22:34Luk 22:34Ezɨ Ekiam raghɨrɨgha mɨghɨgha Pitan garima, a mɨkemezir akabagh inɨrɨ, “Nɨ datɨrɨghɨn dughiar pumuning ko mɨkezimɨn mɨkɨm suam, Nɨ na gɨfozir puvatɨ, eghtɨ tuarim maghɨrama akegham.” 62 Egha Pita inɨrɨghava, azenan ghugha bar puvɨrama azi.
Me Iesus mɨsoghava a dɨpofi
(Matyu 26:67-68; Mak 14:65)
63 Ezɨ gumazir Iesusɨn suighiziba dɨbovir akabar a mɨgɨava a mɨsosi. 64 Egha me inir avɨzimɨn an damazimning ikegha kamaghɨn a mɨgei, “Godɨn akam inigha izir gumazim, nɨ e mɨkɨm! Tina nɨ mɨsoke?” 65 Egha me akar kurar avɨrir maba saram a mɨkeme.
Iesus gumazir apanibar damazimɨn tughav iti
(Matyu 26:59-66; Mak 14:55-64; Jon 18:19-24)
66 Ezɨ amɨnim tirazɨma, Judan kotɨn aven itir gumazir aruaba (ofa gamir gumazir ekiaba, ko Judan Arazibagh fozir gumaziba) me bar iza uari akuvaghav itima, me Iesus inigha men damazimɨn zui. 67 Jo 3:12, 8:45, 10:24Jon 3:12; 8:45; 10:24Ezɨ me kamaghɨn mɨgei, “Nɨ e mɨkɨm, kar nɨ Krais, God Uam E Iniasa Mɨsevezir Gumazim, o ti puvatɨ?”
Ezɨ a kamaghɨn me mɨgɨa ghaze, “Kɨ ia mɨkemeghtɨma, ia nɨghnɨzir gavgavim nan ikian kogham. 68 Eghtɨ kɨ ian azaraghtɨma, ia na mɨkemeghan kogham. 69 Ap 7:56, Hi 1:3, 8:1Aposel 7:56; Hibru 1:3; 8:1Eghtɨ datɨrɨghɨn ko gɨn izamin dughiaba, Gumazamizibar Otarim gavgaviba bar itir Godɨn agharir guvimɨn daperaghɨv ikiam.”
Ezɨ a me mɨgɨa ghaze, “Ia guizbangɨra mɨgei, kɨ an Otarimra.”
71 Egha me kamaghɨn mɨgɨa ghaze, “E tizim bagh uamategh gumaziba inightɨ me gumazir kamɨn arazibar gun e mɨkɨmam? A uabɨ bizir kam mɨkemezɨma, e an akatorim baregha gɨfa.”
22:1: Kis 12:1-27
22:1: Ua Me Ini 12:1-27
22:2: Sng 2:2, Lu 20:19, Ap 4:27
22:2: Onger Akaba 2:2; Luk 20:19; Aposel 4:27
22:3-4: Matyu 26:14; Mak 14:10; Luk 4:13; Jon 13:2; 13:27
22:5: Sek 11:12
22:5: Sekaraia 11:12
22:7: Kis 12:1-27
22:7: Ua Me Ini 12:1-27
*22:7: Nɨ, God Israelia Gitazir Dughiam koma Yis Puvatɨzir Bretɨn Isam Damuamin Dughiamɨn mɨngariba gɨfoghsɨ, nɨ akɨrangɨn itir Akar Mɨngaribar gan.
22:13: Lu 19:32
22:13: Luk 19:32
22:15-16: Luk 13:29; 14:15; Aposel 10:41; Akar Mogomem 19:9
22:19: Mt 26:26, Mk 14:22, Lu 24:30, 1 Ko 11:24
22:19: Matyu 26:26; Mak 14:22; Luk 24:30; 1 Korin 11:24
22:20: Jer 31:31-34, 1 Ko 10:16
22:20: Jeremaia 31:31-34; 1 Korin 10:16
†22:20: Fofozir gumazir maba kamaghɨn nɨghnɨsi, vezɨn kamɨn itir akaba, Luk uabɨ da osirizir puvatɨ. Gumazir igharazim gɨn a da osiri.
22:21: Sng 41:9, Mt 26:21-23, Mk 14:18, Jo 13:21-22, 13:26
22:21: Onger Akaba 41:9; Matyu 26:21-23; Mak 14:18; Jon 13:21-22; 13:26
22:22: Mt 26:24, Ap 2:23, 4:28
22:22: Matyu 26:24; Aposel 2:23; 4:28
22:23: Mt 26:22, Jo 13:22, 13:25
22:23: Matyu 26:22; Jon 13:22; 13:25
22:24: Mt 18:1, Mk 9:34, Lu 9:46
22:24: Matyu 18:1; Mak 9:34; Luk 9:46
22:25: Mt 20:25-27
22:25: Mak 10:42-45
22:25: Matyu 20:25-27; Mak 10:42-44
22:26: Mt 23:11, Mk 9:35, Lu 9:48, 1 Pi 5:3
22:26: Matyu 23:11; Mak 9:35; Luk 9:48; 1 Pita 5:3
22:27: Mt 20:28, Lu 12:37, Jo 13:12-15, Fl 2:7
22:27: Matyu 20:28; Luk 12:37; Jon 13:12-15; Filipai 2:7
22:28: 2 Ko 1:7, 2 Ti 2:12, Hi 4:15
22:28: 2 Korin 1:7; 2 Timoti 2:12; Hibru 4:15
22:29: Lu 12:32
22:29: Luk 12:32
22:30: Sng 49:14, Mt 19:28, 1 Ko 6:2, MAA 3:21
22:30: Onger Akaba 49:14; Matyu 19:28; 1 Korin 6:2; Akar Mogomem 3:21
22:31: Amo 9:9, 2 Ko 2:11, 1 Pi 5:8
22:31: Amos 9:9; 2 Korin 2:11; 1 Pita 5:8
22:32: Sng 51:13, Jo 17:9-11, 17:15, 17:20, 21:15-17
22:32: Onger Akaba 51:13; Jon 17:9-11; 17:15; 17:20; 21:15-17
22:33: Lu 22:54
22:33: Luk 22:54
22:34: Mt 26:34, Mk 14:30, Jo 13:38
22:34: Matyu 26:34; Mak 14:30; Jon 13:38
22:35: Mt 10:9-10, Mk 6:8-9, Lu 9:3, 10:4
22:35: Matyu 10:9-10; Mak 6:8-9; Luk 9:3; 10:4
22:36: Lu 22:49
22:36: Luk 22:49
22:37: Ais 53:12, Mk 15:28, Lu 22:52
22:37: Aisaia 53:12; Luk 22:52
22:39: Lu 21:37, Jo 18:1
22:39: Luk 21:37; Jon 18:1
22:40: Mt 6:13, 26:41, Mk 14:38, Lu 22:46
22:40: Matyu 6:13; 26:41; Mak 14:38; Luk 22:46
22:42: Mt 6:10, Jo 5:30, 6:38
22:42: Matyu 6:10; Jon 5:30; 6:38
22:44: Jo 12:27, Hi 5:7
22:44: Jon 12:27; Hibru 5:7
‡22:44: Fofozir gumazir maba kamaghɨn nɨghnɨsi, vezɨn kamɨn itir akaba, Luk uabɨ da osirizir puvatɨ. Gumazir igharazim gɨn a da osiri.
22:47: Matyu 26:47; Mak 14:43; Jon 18:3
22:49: Lu 22:36
22:49: Luk 22:36
22:52: Lu 22:37, Jo 7:30, 8:20, Kl 1:13
22:52: Luk 22:37; Jon 7:30; 8:20
22:53: Lu 19:47, 21:37, Jo 12:27
22:53: Luk 19:47; 21:37; Jon 12:27; Kolosi 1:13
22:54: Sng 31:11, Lu 22:33
22:54: Onger Akaba 31:11; Luk 22:33
22:56: Ap 4:13
22:56: Aposel 4:13
22:61: Lu 22:34
22:61: Luk 22:34
22:67: Jo 3:12, 8:45, 10:24
22:67: Jon 3:12; 8:45; 10:24
22:69: Ap 7:56, Hi 1:3, 8:1
22:69: Aposel 7:56; Hibru 1:3; 8:1
22:70: Lu 4:3, 4:9
22:70: Luk 4:3; 4:9