5
Iesus mɨghsɨamɨn akam akuri
1 Iesus gari avɨrir ekiam an gɨn izima, a mɨghsɨar mamɨn ghuanabogha apera. Ezɨ an suren gumaziba a bagha izi.*Judabar arazim, men tisaba apiava akam akuri. (Nɨ Matyu 13:2 ko 24:3 ko Luk 4:20ɨn gan.)
Iesus gumazamizibar sure gami
(Luk 6:20-23)
2 Ezɨ Iesus kamaghɨn uan suren gumazibar sure gamua ghaze:†Matyu 4:23-25 ko 9:35 ghaze, Iesus ingangarir pumuning gami. A faragha gumazamizibar sure gamigha gɨn men arɨmariaba batosi. Kamaghɨn e Matyu sapta 5ɨn ikegha ghua sapta 7ɨn tu Iesus, God Bizibagh Ativamin akabar men sure gami. Egha gɨn Matyu sapta 8 ko 9 e gari, Iesus men arɨmariaba batosi. Matyun Osirizir Akar Aghuimɨn aven Iesus mɨgɨrɨgɨar bar ruarir 5pla akuni, sapta 5--7ɨn itir mɨgɨrɨgɨar ruarim a 5plan kabar faragha otifi, ezɨ 4pla ikiavɨra iti. Akar sapta 5--7ɨn itiba a mɨghsɨar mamɨn ikia da akuni.
 
3  Sng 51:17, Ais 57:15, Lu 6:20Onger Akaba 51:17; Aisaia 57:15; Luk 6:20“Ia Godɨn damazimɨn ia fo, ia an bizibagh asa,
ia God Bizibagh Ativamin Dughiamɨn aven mangam.
Kamaghɨn ian naviba deragh.
4  Ais 61:2, Lu 6:121, MAA 7:17Aisaia 61:2; Luk 6:21; Akar Mogomem 7:17Ia datɨrɨghɨn azia itir gumazamiziba,
ia bar akuegham.
Kamaghɨn ian naviba deragh.
5  Sng 37:11, Ais 29:19Onger Akaba 37:11; Aisaia 29:19Ia gumazamizir uari abɨra aghumra itiba,
God nguazim bar ia danɨngam.
Kamaghɨn ian naviba deragh.
6  Ais 55:1-2, 65:13Aisaia 55:1-2; 65:13Ia gumazamizir arazir aghuiba baghavɨra ikia egha mati gumazim mɨtiriam an azi, egha mati gumazim kuarim an pɨri,
God ian mɨtiriam a gɨvagham.
Kamaghɨn ian naviba deragh.
7  Mt 6:14, Mk 11:25, Hi 6:10, Je 2:13Jems 2:13Ia gumazamizir igharaz darazir apangkuviba,
God ian apangkuvam.
Kamaghɨn ian naviba deragh.
8  Sng 15:2, 24:3-4, 51:10, 73:1, 1 Ko 13:12, Hi 12:14, 1 Jo 3:2-3Onger Akaba 15:2; 24:3-4; 51:10; 73:1; 1 Korin 13:12; Hibru 12:14; 1 Jon 3:2-3Ia gumazamizir navir averiaba zueziba,
ia Godɨn ganam.
Kamaghɨn ian naviba deragh.
9  Mt 5:45, Lu 6:35, Ro 14:19Matyu 5:45; Luk 6:35; Rom 14:19Ia gumazamizir adariba ko mɨdoroziba ageviba,
me ‘Godɨn Boriba,’ ia darɨgham.
Kamaghɨn ian naviba deragh.
10  2 Ko 4:17, 2 Ti 2:12, Hi 12:4, 1 Pi 3:142 Korin 4:17; 2 Timoti 2:12; Hibru 12:4; 1 Pita 3:14Ia gumazamizir arazir aghuibagh amiba, ezɨ me arazir kam bagha osɨmtɨziba ko mɨzaziba ia ganɨdi,
God Bizibagh Ativamin Dughiam, a iana.
Kamaghɨn ian naviba deragh.
11  Lu 6:22, Je 1:2, 1 Pi 4:14Luk 6:22; Jems 1:2; 1 Pita 4:14Me ian gari ia na ko iti, ezɨ bizir kam bangɨn me paza ia gamua osɨmtɨziba ko mɨzaziba ia ganɨdi,
egha mɨgɨrɨgɨar ifavarir avɨriba ia gasi,
kamaghɨn ian naviba deragh.
12  2 Sto 36:16, Lu 6:23, Ap 5:41, 7:52, 1 Te 2:15, Hi 11:32-38, Je 5:10, 1 Pi 4:132 Eghaghaniba 36:16; Luk 6:23; Aposel 5:41; 7:52; 1 Tesalonika 2:15; Hibru 11:32-38; Jems 5:10; 1 Pita 4:13Ivezir bar ekiam ia mɨzua Godɨn Nguibamɨn iti.
Godɨn akam inigha izir gumazir ian faragha ghueziba, me uaghan kamaghɨra osɨmtɨziba ko mɨzaziba me ganɨngi.
Kamaghɨn ia naviba deragh bar akongegh.”
Ia amangsɨzim ko angazangarimɨn mɨn iti
(Mak 9:50; Luk 14:34-35)
13  Mt 9:50, Lu 14:34-35Mak 9:50; Luk 14:34-35Egha Iesus ua me mɨgɨa ghaze, “Ia nguazir kamɨn itir gumazamiziba bar me bagha, amangsɨzimɨn mɨn iti. Ia fo, amangsɨzim uan isɨngtɨzim ateghtɨ, ia manmaghɨn a damightɨ a ua sɨngigham? Amangsɨzir kamaghɨn otiviba ingangariba puvatɨ. Me a isɨ nguazimɨn anekunigh a dɨkabɨnam. 14  Snd 4:18, Jo 8:12, 9:5, Fl 2:15Aghuzir Akaba 4:18; Jon 8:12; 9:5; Filipai 2:15Ia mati nguazir kamɨn angazangarim. Ia kamagh nɨghnɨgh! Nguibar ekiatam mɨghsɨamɨn ikɨ modoghan kogham. 15  Mk 4:21, Lu 8:16, 11:33Mak 4:21; Luk 8:16; 11:33Egha gumazitam lamɨn tam gaborogha a isa mɨnetamɨn aven anetɨzir puvatɨ. An a isɨ dakozim dafaghtɨma, an angazangarim gumazamizir dɨpenimɨn itiba bar me gisiragham. 16  Jo 15:8, 1 Ko 14:25, Ef 5:8-9, 1 Pi 2:12Jon 15:8; 1 Korin 14:25; Efesus 5:8-9; 1 Pita 2:12Nɨn angazangarim kamaghɨra isiraghtɨma, gumazamiziba bar an ganam. Egh me ian arazir aghuir kabar ganɨva ian Afeziar uan Nguibamɨn itim, me an ziam fam.”
Moses Osirizir Arazibar akaba
17  Mt 3:15, 9:13, 10:34-35, Ro 3:31, 10:4, Ga 3:24Rom 3:31; 10:4; Galesia 3:24Egha Iesus ua mɨgɨa ghaze, “Ia kamaghɨn nɨghnɨghan markɨ, egh suam, kɨ Moses Osirizir Araziba ko Godɨn akam inigha izir gumazibar akaba batoghasa ize. Puvatɨ. Kɨ izɨ dar amutɨ dar dagheba guizɨn otivam. 18  Lu 16:17, 21:33Luk 16:17; 21:33Kɨ bar guizbangɨra ia mɨgei, Moses Osirizir Arazibar akar muziaritam gɨvaghan kogh, mangɨ nguazim ko overiam gɨvaghamin dughiam otogham. Dar osizirir otevir muziariba ko ababanir me osiriziba, da kamaghɨra ikɨ mangɨ bizir otivamiba bar otivigham. 19  Je 2:10Jems 2:10Kamaghɨn amizɨ, gumazir manam Moses Osirizir Arazitamɨn kuragh suam, a pura bizim, egh kamaghɨra igharaz darazir sure damuam, gumazir kamaghɨn amim, God Bizibagh Ativamin Dughiamɨn an ziam bar gɨn ikiam. Eghtɨma gumazir manam Moses Osirizir Arazibar gɨn mangɨva egh kamaghɨra ua igharaz darazir men sure damutɨ me an mɨn arazir kabar gɨn mangɨtɨ, gumazir kamaghɨn amizim, God Bizibagh Ativamin Dughiam, a ziar bar ekiam iniam. 20  Ro 9:31, 10:3Rom 9:31; 10:3Kamaghɨn amizɨ, kɨ ia mɨgei, ia Godɨn ifongiamɨn gɨntɨghan koghɨva, ian arazir aghuiba Judan Arazibagh fozir gumaziba ko Farisibar arazir aghuibagh afiraghan koghtɨ, ia God Bizibagh Ativamin Dughiamɨn aven mangan kogham.”
Iesus akabar kɨrir arazim mɨgei
(Luk 12:57-59)
21  Kis 20:13, 21:12, Wkp 24:17, Lo 5:17Ua Me Ini 20:13; 21:12; Ofa Gami 24:17; Godɨn Araziba 5:17Egha Iesus ua kamaghɨn mɨgei, “Ia mɨgɨrɨgɨar ian ovaviba iniziba, ia da baregha gɨvagha dagh fo, ia tav mɨsueghtɨma an aremeghan markɨ. Ian tav gumazitam mɨsueghtɨma an aremegham, a kotiamɨn otivam. 22  Je 1:19, 1 Jo 3:15Jems 1:19; 1 Jon 3:15Ezɨ kɨ kamaghɨn ia mɨgei, gumazir manam uan aveghbuamɨn atari, a kotiamɨn mangam. Egh gumazitam mɨgɨrɨgɨar kurabar uan aveghbuam mɨkɨm suam, a Kotiar Ekiamɨn otivam. Egh gumazitam gumazir mamɨn atar suam, a gumazir onganim, a helɨn avir ekiamɨn mangam.
23  Mt 8:4, 23:19, Mk 11:25Matyu 8:4; 23:19; Mak 11:25“Egh nɨ ofa damusɨ ofa gamir dakozimɨn mangɨ, egh nɨ nɨghnɨgham, nɨ uan aveghbuam ko mɨgɨrɨgɨar osɨmtɨzim iti, 24  Mt 18:15-20, 1 Ti 2:8, 1 Pi 3:8Matyu 18:15-20; 1 Timoti 2:8; 1 Pita 3:8egh nɨ uan ofaba ofa gamir dakozimɨn dar atɨgh. Egh uamategh mangɨ aveghbuam ko mɨgɨrɨgɨabar kɨrigh. Gua dar kɨrigh, egh nɨ datɨrɨghɨn mangɨ uan ofa isɨ God danɨng.
25  Mt 6:14-15, 18:34-35Matyu 6:14-15; 18:34-35“Eghtɨ nɨn apanim nɨ inigh kotiamɨn mangɨtɨ, nɨ a ko osɨmtɨzir kam akɨrsɨ tuavimɨn a mɨkɨm mangɨ. Puvatɨghtɨma, a nɨ inigh jasɨn damazimɨn mangam. Eghtɨ jas nɨ inigh polisɨn agharim datɨghtɨma, polis nɨ inigh kalabuziam datɨgham. 26 Ezɨ kɨ guizbangɨra nɨ mɨgei, nɨ azenim giran kogham, ikɨ mangɨ nɨ ivezim bar anekɨrighamin dughiamɨn gɨn, azenim giram.”
Iesus poroghamiba uari bakeir arazibav gei
27  Kis 20:14, Lo 5:18Ua Me Ini 20:14; Godɨn Araziba 5:18Egha Iesus ua kamaghɨn mɨgei, “Ia kamaghɨn oraki, me fomɨra ghaze, ia poroghamiba uari bakeir arazim, damuan markɨ. 28  2 Sml 11:2, Snd 6:25, 2 Pi 2:142 Samuel 11:2; Aghuzir Akaba 6:25; 2 Pita 2:14Ezɨ kɨ kamaghɨn ia mɨgei, nɨ gumazitam nɨ amizir mamɨn gara paza a gɨnɨghnɨsi, nɨ poroghamiba uari bakeir arazim uan navir averiamɨn aven, a ko a gamigha gɨfa.
29  Mt 18:9, Mk 9:47, 1 Ko 9:27, Kl 3:5Matyu 18:9; Mak 9:47; 1 Korin 9:27; Kolosi 3:5“Eghtɨ nɨn damazir guvimɨn itim nɨ damutɨ, nɨ arazir kuram damightɨ, nɨ anesigh a makunigh. Kamaghɨn deragham, nɨ uan mɨkarzitam atugh, egh arazir kuratam damighan kogham. Puvatɨghtɨma, me nɨn mɨkarzim bar a isɨva helɨn anekunigham. 30  Mt 18:8, Mk 9:43Matyu 18:8; Mak 9:43Eghtɨ nɨn dafarir guvim nɨ damutɨ nɨ arazir kuratam damightɨ, nɨ anetugh a makunigh. Kamaghɨn dera, nɨn mɨkarzitam dutugh deragham, egh nɨ arazir kuratam damuan kogham. Puvatɨghtɨma, me nɨn mɨkarzim bar a isɨ helɨn anekunigham.”
Iesus ghaze, gumaziba uan amuiba ataghɨraghan kogham
(Matyu 19:9; Mak 10:11-12; Luk 16:18)
31  Lo 24:1-4, Jer 3:1, Mt 19:7, Mk 10:4Godɨn Araziba 24:1-4; Jeremaia 3:1; Matyu 19:7; Mak 10:4Egha Iesus ua mɨgɨa ghaze, “Me fomɨra kamaghɨn mɨgei, ‘Gumazir manam uan amuim ataghɨraghsɨ, an a bagh akɨnafarim osirigh egh anetegham.’ 32  Mt 19:9, Mk 10:11-12, Lu 16:18, Ro 7:3, 1 Ko 7:10-11Matyu 19:9; Mak 10:11-12; Luk 16:18; Rom 7:3; 1 Korin 7:10-11Ezɨ kɨ kamaghɨn ia mɨgei, Gumazir manam uan amuimɨn garima, a gumazir igharazitam ko akuizir puvatɨzɨ a puram anetaki, gumazir kam uan amuim gamima a poroghamiba uari bakeir arazim gami. Eghtɨ amizir kam gumazir igharazitamɨn ikiam, a poroghamiba uari bakeir arazim gami. Eghtɨ gumazitam amizir pam ataghizimɨn ikɨva, egh gumazir kam uaghan poroghamiba uari bakeir arazim gami.”
Iesus ghaze, ia bizibav kɨm egh guizbangɨra darɨgh Godɨn Nguibamɨn akakaghan markɨ
33  Kis 20:7, Wkp 19:12, Nam 30:2, Lo 23:21Ua Me Ini 20:7; Ofa Gami 19:12; Dɨboboniba 30:2; Godɨn Araziba 23:21Egha Iesus ua kamaghɨn mɨgei, “Mɨgɨrɨgɨar mam ian ovaviba a inizɨ ia a baraki, a kara, ‘Ia ifarɨva Godɨn Nguibamɨn akakagh mɨkɨman markɨ. Ia Ekiamɨn damazimɨn mɨgeir akamɨn mɨrara mangɨ, arazir kam deragh a damu.’ 34  Ais 66:1, Mt 23:22, Ap 7:49, Je 5:12Aisaia 66:1; Matyu 23:22; Aposel 7:49; Jems 5:12Ezɨ kɨ ia mɨgei, uan mɨgɨrɨgɨaba gavgavim dar anɨngsɨ, bizir katamɨn akakagh mɨkɨman markɨ. Bar markiam. Ia Godɨn Nguibamɨn akakagh egh mɨkɨm suam, ‘Bar guizbangɨra,’ ia kamaghɨn damuan markɨ. Bar markiam. Kar Godɨn Atrivir Dabirabim. 35  Sng 48:2, Ais 66:1Onger Akaba 48:2; Aisaia 66:1Ia uan mɨgɨrɨgɨaba gavgavim dar anɨngsɨ, nguazir kam dɨponan markɨ. God nguazimɨn uan suemning arɨsi. Egh ia uan mɨgɨrɨgɨaba gavgavim dar anɨngsɨ, Jerusalem dɨponan markɨ. Jerusalem Atrivir Ekiamɨn nguibar ekiam. 36 Egh ia uan mɨgɨrɨgɨaba gavgavim dar anɨngsɨ uan dapanibar akakaghan markɨ. Ia fo, ian tav uan dapanir arɨzitam damutɨ a pigham, o ghurghurighan kogham. 37  Kl 4:6, Je 5:12Kolosi 4:6; Jems 5:12Ia pura kamaghɨn mɨkɨm, ‘Guizbangɨra,’ o ‘Puvatɨ.’ A kamaghɨn dera. Ezɨ mɨgɨrɨgɨar igharazir isafuraziba, da Satanɨn otivaghirir mɨgɨrɨgɨaba.”
Iesus ghaze, ia arazir kuraba
ikarvaghan markɨ
(Luk 6:29-30)
38  Kis 21:24, Wkp 24:20, Lo 19:21Ua Me Ini 21:24; Ofa Gami 24:20; Godɨn Araziba 19:21Egha Iesus ua kamaghɨn mɨgei, “Ia oraki, me fomɨra ghaze, ‘Tav igharaz tavɨn damazim a gasɨghasightɨ, me uaghan an damazim gasɨghasigham. Eghtɨ tav tavɨn ataritam asightɨ, me uaghan an ataritam asigham.’ 39  Wkp 19:18, Ais 50:6, Lu 6:29, Jo 18:22-23, Ro 12:17-19, 1 Ko 6:7, 1 Pi 3:9Ofa Gami 19:18; Aisaia 50:6; Luk 6:29; Jon 18:22-23; Rom 12:17-19; 1 Korin 6:7; 1 Pita 3:9Ezɨ kɨ kamaghɨn ia mɨgei, gumazim arazir kuratam ia damightɨma, ia a ikarvaghan markɨ. Egh gumazitam ian koviatam apezeghtɨ, ia koviar vuem sara a danɨngigh. 40  1 Ko 6:71 Korin 6:7Eghtɨ tav ian korotiar azenan azuim bagh ia isɨ kotiam datɨghtɨ, ia uaghan uan aven azuir korotiam saram a danɨngigh. 41 Eghtɨ tav uan biziba iniasa nɨ bagha gavgava ghaze, nɨ an biziba ater an aku tuavir asɨzitamɨn mangam, eghtɨ nɨ an aku tuavir asɨzir ruarir pumuningɨn mangɨ. 42  Lo 15:8-10, Lu 6:30, 6:35Godɨn Araziba 15:8-10; Luk 6:30; 6:35Eghtɨ tav biziba bagh ian azangsɨghtɨ, ia a danɨngigh. Eghtɨ gumazitam pura ia da biziba iniasa ian azai, ia akɨrim ragh a gasan markɨ.”
Iesus ghaze, ia uan apanibagh ifongegh
(Luk 6:27-28; 6:32-36)
43  Lo 23:6, Sng 41:10Godɨn Araziba 23:6; Onger Akaba 41:10Egha Iesus ua kamaghɨn mɨgei, “Ia kamaghɨn oraki, me fomɨra kamaghɨn mɨgei, ‘Ia uan namakabagh ifongegh, egh pazɨ uan apanibar amu.’‡Mɨgɨrɨgɨar uan namakabara ifongeghamim, a Ofa Gami 19:18ɨn iti. Ezɨ akar uan apanibagh ifongeghan koghamim itir danganim e a gɨfozir puvatɨ. Nɨ Godɨn Araziba 7:2, ko 20:16, ko Onger Akaba 139:21-22ɨn gan. 44  Kis 23:4-5, Lu 23:34, Ap 7:60, Ro 12:14, 12:20, 1 Ko 4:12-13, 1 Pi 2:23Ua Me Ini 23:4-5; Luk 23:34; Aposel 7:60; Rom 12:14; 12:20; 1 Korin 4:12-13; 1 Pita 2:23Ezɨ kɨ kamagh ia mɨgei, ia uan apanibagh ifongegh, egh me bagh Godɨn azangtɨ, God gumazir osɨmtɨziba ko mɨzaziba ia ganɨdibar apangkuvam. 45  Jop 25:3, Ef 5:1Jop 25:3; Efesus 5:1Arazir kam kamaghɨn ian akagham, ia guizbangɨra uan Afeziar uan Nguibamɨn itimɨn boribara. Guizbangɨra, an aruem gamima, a gumazir kuraba ko aghuiba bar me gisɨsi. Egha an amozim gamima, a gumazir aghuiba ko gumazir arazir kurabagh amiba sara me gizi. 46 Eghtɨ ia gumazir ia gifongezibara ifueghɨva ia ivezir aghuir manatam iniam? Puvatɨ. Gumazir dagɨaba isiba uaghan arazir kabagh ami. 47 Egh ia dughiam isɨ uan adarazir anɨng, egh ian arazir manam igharaz darazir arazim gafiragham? Gumazir God gɨfozir puvatɨziba ti uaghan ia amir arazibagh ami! 48  Wkp 11:44, 19:2, Lo 18:13, Lu 6:36, Kl 1:28, 1 Pi 1:15-16Ofa Gami 11:44; 19:2; Godɨn Araziba 18:13; Luk 6:36; Kolosi 1:28; 1 Pita 1:15-16Kamaghɨn amizɨ, ia uan Afeziar uan Nguibamɨn itim, an arazir aghuibagh ami moghɨn, ia uaghan arazir aghuibar amu.”

*5:1: Judabar arazim, men tisaba apiava akam akuri. (Nɨ Matyu 13:2 ko 24:3 ko Luk 4:20ɨn gan.)

†5:2: Matyu 4:23-25 ko 9:35 ghaze, Iesus ingangarir pumuning gami. A faragha gumazamizibar sure gamigha gɨn men arɨmariaba batosi. Kamaghɨn e Matyu sapta 5ɨn ikegha ghua sapta 7ɨn tu Iesus, God Bizibagh Ativamin akabar men sure gami. Egha gɨn Matyu sapta 8 ko 9 e gari, Iesus men arɨmariaba batosi. Matyun Osirizir Akar Aghuimɨn aven Iesus mɨgɨrɨgɨar bar ruarir 5pla akuni, sapta 5--7ɨn itir mɨgɨrɨgɨar ruarim a 5plan kabar faragha otifi, ezɨ 4pla ikiavɨra iti. Akar sapta 5--7ɨn itiba a mɨghsɨar mamɨn ikia da akuni.

5:3: Sng 51:17, Ais 57:15, Lu 6:20

5:3: Onger Akaba 51:17; Aisaia 57:15; Luk 6:20

5:4: Ais 61:2, Lu 6:121, MAA 7:17

5:4: Aisaia 61:2; Luk 6:21; Akar Mogomem 7:17

5:5: Sng 37:11, Ais 29:19

5:5: Onger Akaba 37:11; Aisaia 29:19

5:6: Ais 55:1-2, 65:13

5:6: Aisaia 55:1-2; 65:13

5:7: Mt 6:14, Mk 11:25, Hi 6:10, Je 2:13

5:7: Jems 2:13

5:8: Sng 15:2, 24:3-4, 51:10, 73:1, 1 Ko 13:12, Hi 12:14, 1 Jo 3:2-3

5:8: Onger Akaba 15:2; 24:3-4; 51:10; 73:1; 1 Korin 13:12; Hibru 12:14; 1 Jon 3:2-3

5:9: Mt 5:45, Lu 6:35, Ro 14:19

5:9: Matyu 5:45; Luk 6:35; Rom 14:19

5:10: 2 Ko 4:17, 2 Ti 2:12, Hi 12:4, 1 Pi 3:14

5:10: 2 Korin 4:17; 2 Timoti 2:12; Hibru 12:4; 1 Pita 3:14

5:11: Lu 6:22, Je 1:2, 1 Pi 4:14

5:11: Luk 6:22; Jems 1:2; 1 Pita 4:14

5:12: 2 Sto 36:16, Lu 6:23, Ap 5:41, 7:52, 1 Te 2:15, Hi 11:32-38, Je 5:10, 1 Pi 4:13

5:12: 2 Eghaghaniba 36:16; Luk 6:23; Aposel 5:41; 7:52; 1 Tesalonika 2:15; Hibru 11:32-38; Jems 5:10; 1 Pita 4:13

5:13: Mt 9:50, Lu 14:34-35

5:13: Mak 9:50; Luk 14:34-35

5:14: Snd 4:18, Jo 8:12, 9:5, Fl 2:15

5:14: Aghuzir Akaba 4:18; Jon 8:12; 9:5; Filipai 2:15

5:15: Mk 4:21, Lu 8:16, 11:33

5:15: Mak 4:21; Luk 8:16; 11:33

5:16: Jo 15:8, 1 Ko 14:25, Ef 5:8-9, 1 Pi 2:12

5:16: Jon 15:8; 1 Korin 14:25; Efesus 5:8-9; 1 Pita 2:12

5:17: Mt 3:15, 9:13, 10:34-35, Ro 3:31, 10:4, Ga 3:24

5:17: Rom 3:31; 10:4; Galesia 3:24

5:18: Lu 16:17, 21:33

5:18: Luk 16:17; 21:33

5:19: Je 2:10

5:19: Jems 2:10

5:20: Ro 9:31, 10:3

5:20: Rom 9:31; 10:3

5:21: Kis 20:13, 21:12, Wkp 24:17, Lo 5:17

5:21: Ua Me Ini 20:13; 21:12; Ofa Gami 24:17; Godɨn Araziba 5:17

5:22: Je 1:19, 1 Jo 3:15

5:22: Jems 1:19; 1 Jon 3:15

5:23: Mt 8:4, 23:19, Mk 11:25

5:23: Matyu 8:4; 23:19; Mak 11:25

5:24: Mt 18:15-20, 1 Ti 2:8, 1 Pi 3:8

5:24: Matyu 18:15-20; 1 Timoti 2:8; 1 Pita 3:8

5:25: Mt 6:14-15, 18:34-35

5:25: Matyu 6:14-15; 18:34-35

5:27: Kis 20:14, Lo 5:18

5:27: Ua Me Ini 20:14; Godɨn Araziba 5:18

5:28: 2 Sml 11:2, Snd 6:25, 2 Pi 2:14

5:28: 2 Samuel 11:2; Aghuzir Akaba 6:25; 2 Pita 2:14

5:29: Mt 18:9, Mk 9:47, 1 Ko 9:27, Kl 3:5

5:29: Matyu 18:9; Mak 9:47; 1 Korin 9:27; Kolosi 3:5

5:30: Mt 18:8, Mk 9:43

5:30: Matyu 18:8; Mak 9:43

5:31: Lo 24:1-4, Jer 3:1, Mt 19:7, Mk 10:4

5:31: Godɨn Araziba 24:1-4; Jeremaia 3:1; Matyu 19:7; Mak 10:4

5:32: Mt 19:9, Mk 10:11-12, Lu 16:18, Ro 7:3, 1 Ko 7:10-11

5:32: Matyu 19:9; Mak 10:11-12; Luk 16:18; Rom 7:3; 1 Korin 7:10-11

5:33: Kis 20:7, Wkp 19:12, Nam 30:2, Lo 23:21

5:33: Ua Me Ini 20:7; Ofa Gami 19:12; Dɨboboniba 30:2; Godɨn Araziba 23:21

5:34: Ais 66:1, Mt 23:22, Ap 7:49, Je 5:12

5:34: Aisaia 66:1; Matyu 23:22; Aposel 7:49; Jems 5:12

5:35: Sng 48:2, Ais 66:1

5:35: Onger Akaba 48:2; Aisaia 66:1

5:37: Kl 4:6, Je 5:12

5:37: Kolosi 4:6; Jems 5:12

5:38: Kis 21:24, Wkp 24:20, Lo 19:21

5:38: Ua Me Ini 21:24; Ofa Gami 24:20; Godɨn Araziba 19:21

5:39: Wkp 19:18, Ais 50:6, Lu 6:29, Jo 18:22-23, Ro 12:17-19, 1 Ko 6:7, 1 Pi 3:9

5:39: Ofa Gami 19:18; Aisaia 50:6; Luk 6:29; Jon 18:22-23; Rom 12:17-19; 1 Korin 6:7; 1 Pita 3:9

5:40: 1 Ko 6:7

5:40: 1 Korin 6:7

5:42: Lo 15:8-10, Lu 6:30, 6:35

5:42: Godɨn Araziba 15:8-10; Luk 6:30; 6:35

5:43: Lo 23:6, Sng 41:10

5:43: Godɨn Araziba 23:6; Onger Akaba 41:10

‡5:43: Mɨgɨrɨgɨar uan namakabara ifongeghamim, a Ofa Gami 19:18ɨn iti. Ezɨ akar uan apanibagh ifongeghan koghamim itir danganim e a gɨfozir puvatɨ. Nɨ Godɨn Araziba 7:2, ko 20:16, ko Onger Akaba 139:21-22ɨn gan.

5:44: Kis 23:4-5, Lu 23:34, Ap 7:60, Ro 12:14, 12:20, 1 Ko 4:12-13, 1 Pi 2:23

5:44: Ua Me Ini 23:4-5; Luk 23:34; Aposel 7:60; Rom 12:14; 12:20; 1 Korin 4:12-13; 1 Pita 2:23

5:45: Jop 25:3, Ef 5:1

5:45: Jop 25:3; Efesus 5:1

5:48: Wkp 11:44, 19:2, Lo 18:13, Lu 6:36, Kl 1:28, 1 Pi 1:15-16

5:48: Ofa Gami 11:44; 19:2; Godɨn Araziba 18:13; Luk 6:36; Kolosi 1:28; 1 Pita 1:15-16

© 2020 PBT