8
Iesus lepa itir gumazim gamizɨ,
a ua dera
a ua dera
(Mak 1:40-44; Luk 5:12-14)
1 Egha Iesus mɨghsɨam ategha ghuaghirima avɨrir ekiam an gɨn zui.*Nɨ Akar Matyu 5:2ɨn itimɨn gan. 2 Mt 9:18, Mk 1:40-44, Lu 5:12-14, Ap 10:25Mak 1:40-44; Luk 5:12-14Ezɨ gumazir lepa itir mam, Iesus bagha iza uan tevimning apɨrigha a mɨgɨa ghaze, “Ekiam, nɨ fueghɨva na damightɨ, kɨ Godɨn damazimɨn zuegh ua deraka.”†Moses osirizir akaba mɨgɨa ghaze, gumazim o amizir lepan arɨmariam itim, a Godɨn damazimɨn mɨze. An arɨmariam gɨvaghtɨma a ua mangɨ uabɨ isɨva, ofa gamir gumazibar akagh, eghtɨ me an gantɨ an arɨmariam gɨvagham, eghtɨ me a mɨkɨm suam, a Godɨn damazimɨn zuegha ua dera. Nɨ Ofa Gami sapta 13 ko 14ɨn gan.
3 Ezɨ Iesus uan agharim isa gumazir kam gatɨgha ghaze, “Kɨ ifonge. Nɨn mɨkarzim zuegh, egh ua deragh.” A kamaghɨn mɨgɨavɨra itima, gumazir kamɨn lepan arɨmariam zuamɨra anetaghizɨma gumazim ua dera.‡Judabar akar mam ghaze, gumazim lepan arɨmariam ikɨtɨ nɨ an suiragh, nɨ uaghan Godɨn damazimɨn mɨze. Ezɨ Iesus uan dafarim isava gumazir lepa itir kam gatɨ, egha Godɨn damazimɨn mɨzezir puvatɨ. A gumazimɨn arɨmariam a gɨfa, ezɨ gumazim ua dera.
4 Wkp 14:1-32, Mt 9:30, Mk 5:43, 7:36, Lu 5:14, 17:14Ofa Gami 14:1-32; Matyu 9:30; Mak 5:43; 7:36; Luk 5:14; 17:14Ezɨ Iesus a mɨgɨa ghaze, “Nɨ oragh, nɨ batozir bizir kamɨn gun mɨkɨman markɨ. Nɨ mangɨ uan mɨkarzim isɨ ofa gamir gumazimɨn akagh, egh Moses fomɨra e mɨkemezɨ moghɨn, nɨ ua bagh Godɨn ofa damu. Eghtɨ gumazamiziba fogh suam, nɨn arɨmariam gɨfa.”
Iesus mɨdorozir gumazimɨn ingangarir gumazimɨn arɨmariam a gɨfa
(Luk 7:1-10)
5 Jo 4:47Jon 4:47Egha Iesus ghua nguibar ekiam Kaperneamɨn aven ghu. Ezɨ 100plan mɨdorozir gumazibar garir gumazir dapanim iza, Iesus gaghora ghaze, 6 “Ekiam, nan ingangarir gumazim arɨava muna dɨpenimɨn iti. An soroghafariba bar amɨra, ezɨ a mɨzazir kuram barasi.”
7 Ezɨ Iesus ghaze, “Kɨ mangɨ a damightɨ, a ua deragham.”
8 Ezɨ mɨdorozir gumazir dapanim Iesusɨn akam ikaragha a mɨgɨa ghaze, “Ekiam, kɨ gumazir aghuir manam, nɨ nan dɨpenimɨn aven izam? Markɨ. Nɨ pura mɨkɨmtɨma, nan ingangarir gumazim deragham. 9 Kɨ uabɨ mɨdorozir gumazir mabar apengan iti, egha uabɨ mabar garima, me nan apengan iti. Egh kɨ me mɨkɨm suam, ‘Ia mangɨ,’ eghtɨ me mangam. O, kɨ me mɨkɨm suam, ‘Ia izɨ.’ Eghtɨ me izam. Egh kɨ uan ingangarir gumazir mam mɨkɨm suam, nɨ ingangarir kam damu, eghtɨ an a damuam. Egha kɨ fo, nɨ mɨkɨmtɨ, nan ingangarir gumazim ua deragham.”
10 Mt 15:28Matyu 15:28Ezɨ Iesus mɨgɨrɨgɨar kam baregha, dɨgavir kuram gami. Egha ragha a ko izir gumazamizibav gɨa ghaze, “Kɨ bar guizbangɨra ia mɨgei, kɨ Israelɨn aven kamaghɨn nɨghnɨzir gavgavim itir gumazitamɨn ganizir puvatɨ.
11 Sng 107:3, Lu 13:29Onger Akaba 107:3; Luk 13:29“Kɨ ia mɨgei, gumazamizir avɨriba uan nguibar aruem anadi naghɨn itiba ko aruem ghuaghiri naghɨn itiba ategh izɨ, Abraham ko Aisak ko Jekop dukuagh, God Bizibagh Ativamin Dughiamɨn aven dakozimɨn daperagh damam. 12 Mt 13:42, 21:43, 22:13, 25:30, Lu 13:28, 2 Pi 2:17, Ju 13Matyu 13:42; 21:43; 22:13; 25:30; Luk 13:28Eghtɨ God faragh uan Nguibamɨn ikiasa mɨsevezir darasi, God me batuegh me isɨva danganir mɨtatem me akunigham. Eghtɨ me tuangɨva arangɨva atariba kuskugh danganir kamɨn ikiam.”
13 Egha Iesus 100plan mɨdorozir gumazibar garir gumazir dapanimɨn mɨgɨa ghaze, “Nɨ mangɨ. Bizir nɨ nɨghnɨzir gavgavim itim, a nɨ bagh otogham.” Dughiar kamra, gumazir kamɨn ingangarir gumazim ua dera.
Iesus Pitan ivozir amizim gamizɨ,
a ua dera
a ua dera
(Mak 1:29-31; Luk 4:38-39)
14 Mk 1:29-34, Lu 4:38-41, 1 Ko 9:5Mak 1:29-34; Luk 4:38-41; 1 Korin 9:5Ezɨ Iesus ghua Pitan dɨpenimɨn aven ghua garima, Pitan asamimɨn mɨkarzim an feima, an aria dakozim girɨghav iti. 15 Ezɨ Iesus an dafarimɨn suirazɨma, an arɨmariam maghɨram anetaghizɨma, a dɨkavigha Iesus bagha isai.
Iesus gumazamizir avɨrim gamizɨ,
me ghuamaghe
me ghuamaghe
(Mak 1:32-34; Luk 4:40-41)
16 Mk 1:32, Lu 4:40-41Mak 1:32; Luk 4:40-41Ezɨ aruem gevima, me gumazamizir avɨrir duar kuraba apazaziba inigha, Iesus bagha izi. Ezɨ Iesus duar kurar kabav gɨa me batozima, me an akamɨn gumazamiziba ataghɨrasi. Ezɨ Iesus arɨmariaba itir gumazamiziba bar men arɨmariaba agɨfa. 17 Ais 53:4, 1 Pi 2:24Aisaia 53:4; 1 Pita 2:24Godɨn akam inigha izezir gumazim Aisaia ghaze, “A uabɨ, e bagha en osɨmtɨziba ko mɨzaziba isa da ateri, ezɨ da ghue.” Iesus Aisaian akam damightɨ, an otivasa, arazir kabagh ami.
Iesus uabɨn gɨn mangamin arazibav gei
(Luk 9:57-60)
18 Egha Iesus garima, avɨrir ekiam anekufa. Ezɨ a uan suren gumazibav gɨa ghaze, “E dɨpar kam abigh an vongɨn mangam.”
19 Lu 9:57-58Luk 9:57-58Ezɨ Judan Arazibagh fozir gumazir mam iza, kamaghɨn Iesus mɨgei, “Tisa, nɨ danganir manamɨn mangam, kɨ uaghan nɨ ko mangam.”
20 2 Ko 8:92 Korin 8:9Ezɨ Iesus a mɨgɨa ghaze, “Afiar atiaba nguazir toribar itima, kuaraziba mɨkonibar iti, ezɨ Gumazamizibar Otarim, dakuamin danganiba puvatɨ.”
21 1 Kin 19:20, Lu 9:59-60, Jo 5:251 Atriviba 19:20; Luk 9:59-60Ezɨ gumazir mam, a uaghan Iesusɨn suren gumazim, a kamaghɨn Iesus mɨgei, “Ekiam, nɨ faragh nan amamangatɨghtɨ, kɨ mangɨ uan afeziam mozim dafaka.”
22 Ezɨ Iesus a mɨgɨa ghaze, “Markɨ. Nɨ nan gɨn izɨ, gumazir ovengeziba uari uan gumazir kuabar afɨ.”
Iesus mɨgeima, amɨnir ekiam gɨfa
(Mak 4:36-41; Luk 8:22-25)
23 Ezɨ Iesus botɨn anabozɨ, an suren gumaziba an gɨn zui. 24 Sng 4:8Onger Akaba 4:8Me ghua ongarimɨn torimɨn amɨnir bar ekiam dɨkava ongarim gamima, a dɨpɨra kurim avasava ami. Ezɨ Iesus akuavɨra iti. 25 Ezɨ an suren gumaziba a gaghuragha a mɨgei, “Ekiam, nɨ en akuragh, e arɨmɨghiregham!”
26 Sng 65:7, 89:9, 107:29, Mt 14:31, 16:8Onger Akaba 65:7; 89:9; 107:29; Matyu 14:31; 16:8Ezɨ a kamaghɨn me mɨgei, “Ian nɨghnɨzir gavgavim bar sufi. Ia tizim bagha atiati?” Egha a dɨkavigha amɨnim ko ongarim mɨgɨrɨgɨar gavgavim aning ganɨngizɨ, amɨnim gɨvazɨ, dɨpam uam amɨraghirɨ.
27 Ezɨ an suren gumaziba nɨghnɨzir avɨribagh amua ghaze, “Kar gumazir manmaghɨn amizim? A mɨgeima, amɨnim ko dɨpavsɨzim an akam barasi!”
Iesus gumazir pumuningɨn
duar kuraba batoke
duar kuraba batoke
(Mak 5:1-17; Luk 8:26-37)
28 Mk 5:1-2, Lu 8:26-27Mak 5:1-2; Luk 8:26-27Ezɨ Iesus ghua Galilin Dɨpar Akaremɨn vongɨn oto. Kar Gadaran nguazir asɨzim. A iza duar kuraba apazazir gumazir pumuning bato. Aning matmatiamɨn tongɨn ikegha izi. Egha aning bar ikuvizɨma, gumazamiziba aningɨn atiatigha tuavir kam garuir puvatɨ. 29 Mk 1:24, Lu 4:34, 4:41Mak 1:24; Luk 4:34; 4:41Ezɨ aning pamten dɨa ghaze, “Nɨ Godɨn Otarim, nɨ manmaghɨn ga damuasa? Dughiam tɨgharɨ, nɨ kagh izɨ ga gasɨghasɨghasa?” 30 Ezɨ dar bɨzir ekiar mam mong saghon apa iti.
31 Ezɨ duar kurar kaba pamten Iesus gakaghora ghaze, “Nɨ e batueghsɨ, kamaghɨn nɨ e ateghtɨ, e mangɨ dar okoruar munamɨn aven mangam.”
32 Ezɨ Iesus duar kurar kabav gɨa ghaze, “Ia mangɨ.” Ezɨ duar kuraba gumazir kamning ategha ghua dabar aven ghue. Ezɨ dar bɨzir ekiar kam puv ara ghua davarir kurar mamɨn ghuaghira dɨpam apa bar ariaghire. 33 Ezɨ gumazir dabar gariba dar ganigha ara ghua, nguibar ekiamɨn otivigha bizir kabar gun gumazamizibagh eghari. Me uaghan gumazir duar kuraba apazazir pumuning bativizir bizibagh eghari. 34 Kamaghɨn amizɨ, nguibar ekiar kamɨn itir gumazamiziba Iesus bagha izi. Me iza an gara a gakaghora ghaze, a men nguazim ategh danganir igharazitamɨn mangɨ.
*8:1: Nɨ Akar Matyu 5:2ɨn itimɨn gan.
8:2: Mt 9:18, Mk 1:40-44, Lu 5:12-14, Ap 10:25
8:2: Mak 1:40-44; Luk 5:12-14
†8:2: Moses osirizir akaba mɨgɨa ghaze, gumazim o amizir lepan arɨmariam itim, a Godɨn damazimɨn mɨze. An arɨmariam gɨvaghtɨma a ua mangɨ uabɨ isɨva, ofa gamir gumazibar akagh, eghtɨ me an gantɨ an arɨmariam gɨvagham, eghtɨ me a mɨkɨm suam, a Godɨn damazimɨn zuegha ua dera. Nɨ Ofa Gami sapta 13 ko 14ɨn gan.
‡8:3: Judabar akar mam ghaze, gumazim lepan arɨmariam ikɨtɨ nɨ an suiragh, nɨ uaghan Godɨn damazimɨn mɨze. Ezɨ Iesus uan dafarim isava gumazir lepa itir kam gatɨ, egha Godɨn damazimɨn mɨzezir puvatɨ. A gumazimɨn arɨmariam a gɨfa, ezɨ gumazim ua dera.
8:4: Wkp 14:1-32, Mt 9:30, Mk 5:43, 7:36, Lu 5:14, 17:14
8:4: Ofa Gami 14:1-32; Matyu 9:30; Mak 5:43; 7:36; Luk 5:14; 17:14
8:5: Jo 4:47
8:5: Jon 4:47
8:10: Mt 15:28
8:10: Matyu 15:28
8:11: Sng 107:3, Lu 13:29
8:11: Onger Akaba 107:3; Luk 13:29
8:12: Mt 13:42, 21:43, 22:13, 25:30, Lu 13:28, 2 Pi 2:17, Ju 13
8:12: Matyu 13:42; 21:43; 22:13; 25:30; Luk 13:28
8:14: Mk 1:29-34, Lu 4:38-41, 1 Ko 9:5
8:14: Mak 1:29-34; Luk 4:38-41; 1 Korin 9:5
8:16: Mk 1:32, Lu 4:40-41
8:16: Mak 1:32; Luk 4:40-41
8:17: Ais 53:4, 1 Pi 2:24
8:17: Aisaia 53:4; 1 Pita 2:24
8:19: Lu 9:57-58
8:19: Luk 9:57-58
8:20: 2 Ko 8:9
8:20: 2 Korin 8:9
8:21: 1 Kin 19:20, Lu 9:59-60, Jo 5:25
8:21: 1 Atriviba 19:20; Luk 9:59-60
8:24: Sng 4:8
8:24: Onger Akaba 4:8
8:26: Sng 65:7, 89:9, 107:29, Mt 14:31, 16:8
8:26: Onger Akaba 65:7; 89:9; 107:29; Matyu 14:31; 16:8
8:28: Mk 5:1-2, Lu 8:26-27
8:28: Mak 5:1-2; Luk 8:26-27
8:29: Mk 1:24, Lu 4:34, 4:41
8:29: Mak 1:24; Luk 4:34; 4:41