3
Nɨghnɨzir aghuim dabirabir aghuim nɨ danɨngam
1 Ua Me Ini 20:6; Godɨn Araziba 30:16; Onger Akaba 119:61Nan borim, kɨ nɨn sure damuamin akar gavgavir kam nɨ a bakɨnɨghnɨghan markɨ.
Nɨ zurara a gɨnɨghnɨgh a damu.
2 Onger Akaba 91:16; 119:165; Aghuzir Akaba 11:10; 11:27Nɨ akar kamɨn gɨn mangɨva, egh nɨ dughiar ruarimɨn nguazimɨn ikɨva,
bar deraghvɨra daperagham.
3 Egh nɨ gumazir igharazibagh ifongezir arazim ko, igharaziba ko poroghav itir arazim ataghɨraghan markɨ.
Egh nɨ arazir kamɨn gɨn mangɨtɨ, a mati kurukazir aghuimɨn mɨn nɨn fɨrimɨn ikiam. Egh nɨ deraghvɨra arazir kam isɨ uan navim datɨgh.
4 Luk 2:52Egh nɨ kamaghɨn damigh, God ko gumazamizibar damazimɨn ziar ekiam iniam,
eghtɨ me nɨ gifongegham.
5 Onger Akaba 37:3-5; Aghuzir Akaba 23:4; Jeremaia 9:23Nɨ nɨghnɨzir gavgavim Ikiavɨra Itir Godɨn ikɨ.
Egh kamaghɨn nɨghnɨghan markɨ, nan fofozimra nan akurvagham.
6 1 Eghaghaniba 28:9; Aghuzir Akaba 16:3; Aisaia 45:13Bizir nɨ bar amiba, nɨ Ikiavɨra Itir Godra nɨghnɨgh egh dar amu,
eghtɨ a tuavir aghuir nɨ mangamimra nɨn akagham.
7 Rom 12:16Nɨ suam, nan fofozimra a guizbangɨn bizim. Puvatɨ.
Nɨ Ikiavɨra Itir Godɨn apengan ikɨva an atiating, egh arazir kuraba akɨrim ragh dagh asaragh.
8 Nɨ kamaghɨn damutɨ, arazir kam bar deraghvɨra nɨn akuragham,
mati marasin nɨn mɨkarzimɨn akurvazima, nɨ deraghavɨra iti.
9 Egh nɨ uan azenimɨn faragha mɨtɨghizir dagheba inigh ofan mɨn da isɨ Ikiavɨra Itir God danɨngigh,
egh uaghan biziba ko dagɨaba abigh God danɨng, egh bizir kamɨn ziar ekiam God danɨngam.
10 Egh nɨ kamaghɨn damutɨ, Ikiavɨra Itir God nɨn azenibar daghebar amutɨ da otiv, dagher avɨriba ikiam.
Eghtɨ nɨ uan dagher dɨpenibar aghutɨ da izɨvaghtɨ, nɨn wainɨn mɨneba wainɨn dɨpam bar izɨvagh egh fasfagham.
nɨ osɨmɨva egh ataran markɨ.
12 Godɨn Araziba 8:5; Aghuzir Akaba 13:24; Akar Mogomem 3:19Guizbangɨra, gumazamizir Ikiavɨra Itir God ifongeziba a me akɨrmɨsi,
mati afeziam uan otarir a bar ifongezim akɨri.
13 Gumazim nɨghnɨzir aghuim ko fofozim ini,
a bar akongegh.
14 Guizbangɨra, nɨghnɨzir aghuim bar deragha
silva ko gol gafira.
15 Nɨghnɨzir aghuim, dagɨar aghuir bar pɨn koziba bar dagh afira.
Egha uaghan bizir igharazir nɨ bar ifongeziba bar dagh afira.
16 Nɨghnɨzir aghuim nɨn akurvaghtɨ, nɨ dughiar ruarimɨn nguazimɨn ikiam.
Egh ziar ekiam nɨ danɨngɨva egh bizir avɨriba nɨ danɨngam.
17 Nɨghnɨzir aghuim zurara nɨn navim damutɨ an amɨragh ikiam.
Egh nɨn dabirabim damutɨ a deraghvɨram otogham.
18 Nɨghnɨzir aghuim, mati temer ikɨrɨmɨrir aghuim anɨdimɨn mɨn iti.
Kamaghɨn, gumazir nɨghnɨzir aghuimɨn suiraziba, me ikɨrɨmɨrir aghuimɨn ikia egha bar akonge.
19 Ikiavɨra Itir God nɨghnɨzir aghuimɨn nguazir kamɨn ingari,
egha a fofozir aghuimɨn overiamɨn ingari.
20 Egha nɨghnɨzir aghuimɨn dɨpar ekiar nguazir averiamɨn itim gamizɨ an akariaghɨrɨgha anabo.
Egha ghuariabagh amima, da uari akuvima amozim izi.
21 Nan borim, nɨ bar deragh gan, egh uan nɨghnɨzir aghuim ko tuaviba tuisɨzir arazimɨn suiragh gavgavigh,
egh tuavir aghuimɨn gɨn mangɨ. Nɨ aning ataghɨraghan markɨ.
22 Nɨghnɨzir aghuim ko fofozim ikɨrɨmɨrir ruarim nɨ danɨngɨva,
egh kurukazir aghuimɨn mɨn nɨn fɨrimɨn ikiam.
23 Eghtɨ nɨ deraghvɨra tuavimɨn mangɨtɨ,
bizitam nɨn dagarim mɨtɨghtɨ nɨ irɨghan kogham.
24 Jop 11:19; Onger Akaba 3:5; Aghuzir Akaba 6:22Egh nɨ akuir dughiamɨn nɨ atiatingan kogham.
Nɨ bar deraghvɨra dakuam.
25 Eghtɨ dughiar kuram zuamɨram otogh gumazir kurabagh asɨghasɨghtɨ, nɨ atiatingan markɨ.
Dughiar kamagh gariba izam, mati amozir dafaba ko amɨnir gavgaviba izi, eghtɨ nɨ nɨghnɨzir avɨribar amuan markɨ.
26 Nɨ fo, nɨ nɨghnɨzir gavgavim Ikiavɨra Itir Godɨn ikɨ,
eghtɨ a nɨ ekɨarugh egh nɨn ganam, eghtɨ apaniba uan ivebar nɨ inighan kogham.
27 Rom 13:7; Galesia 6:10Eghtɨ gumazitam bizitam puvatɨgh egh uabɨ danɨngɨsɨ nɨn azangsɨghtɨ,
nɨ kamaghɨn mɨkɨman markɨ, “Puvatɨ.” Nɨ a damuamin tuavim ikɨtɨ, nɨ a danɨngigh.
28 Eghtɨ nɨ uan namakamɨn akurvaghamin tuavitam ikɨva, nɨ datɨrɨghɨn an akurvagh. Nɨ kamaghɨn a mɨkɨman markɨ,
“Nɨ tong orarkegh.
Nɨ gurumzaraghan izɨtɨ, kɨ nɨ danɨngam.”
29 Nɨn namakar nɨn boroghɨra itiba, nɨ pazɨ me damusɨ nɨghnɨghan markɨ.
Me kamaghɨn nɨghnɨsi, nɨ men namakar aghuim.
30 Nɨ gumazir arazir kuratam nɨ gamizir puvatɨzir tam,
nɨ puram an atar akabar a gasan markɨ.
31 Nɨ igharaz darazigh asɨghasɨsir gumazamizibar ganɨva men biziba bagh navim dɨkavan markɨ.
Egh nɨ men tuavimɨn gɨn mangan markɨ.
32 Guizbangɨra, Ikiavɨra Itir God uabɨ gumazir arazir kurabagh amibagh ifongezir puvatɨ.
Egha gumazir aghuiba, a me gifuegha egha men boroghɨra izi.
33 Ikiavɨra Itir God ghaze, gumazir kuraba uan amuiroghboriba sara bar arɨghiregham.
Egha a gumazir aghuiba uan amuiroghboriba ko deraghavɨra me gamua, egha men gari.
34 Jems 4:6; 1 Pita 5:5Gumazir uari fava dɨbovir akabar igharaz daraziv geiba, God dɨbovir akaba me mɨkɨm me ikarvagham.
Egha gumazir uan ziaba dɨkabɨriba God bar deravɨra me gami.
35 Gumazamizir nɨghnɨzir aghuiba itiba, ziar ekiaba iniam.
Eghtɨ gumazamizir nɨghnɨzir aghuiba puvatɨziba, me uari uan ziabagh asɨghasɨgh aghumsɨgham.
3:1: Ua Me Ini 20:6; Godɨn Araziba 30:16; Onger Akaba 119:61
3:2: Onger Akaba 91:16; 119:165; Aghuzir Akaba 11:10; 11:27
3:4: Luk 2:52
3:5: Onger Akaba 37:3-5; Aghuzir Akaba 23:4; Jeremaia 9:23
3:6: 1 Eghaghaniba 28:9; Aghuzir Akaba 16:3; Aisaia 45:13
3:7: Rom 12:16
3:11: Jop 5:17
3:11: Hibru 12:5-6
3:12: Godɨn Araziba 8:5; Aghuzir Akaba 13:24; Akar Mogomem 3:19
3:24: Jop 11:19; Onger Akaba 3:5; Aghuzir Akaba 6:22
3:27: Rom 13:7; Galesia 6:10
3:34: Jems 4:6; 1 Pita 5:5