21
God atrivimɨn akurazɨ, an an ziam fe
Devit onger akar kam osiri.
A gumazir onger akabar faragha zuim gɨnɨghnɨgha an osiri.
1 O Ikiavɨra Itir God, nɨ gavgavim isa atrivim ganɨngizɨ, a bizir kam bagha bar akonge.
Nɨ a gamizɨ, a uan apanibav sogha me abɨra,
bizir kam bagha a guizbangɨra bar akonge.
2 Bizir a uan navir averiamɨn ifongeziba
nɨ a ganɨgha gɨfa.
Bizir a iniasa nɨn azarazir kam,
nɨ an anogoroghezir puvatɨ.
(Ighiam gamua an suiam
atugha avughsegha ua
ighiam gami.)
atugha avughsegha ua
ighiam gami.)
3 Nɨ a bagha iza bizir aghuiba isa a ganɨga,
atrivimɨn dapanir asuar me golɨn aghuimɨn ingarizim isa,
an dapanim garu.
4 Onger Akaba 61:5-6; 91:16A ikɨrɨmɨrir aghuim bagha nɨn azarazɨma, nɨ a isa a ganɨngi.
Guizbangɨra, ikɨrɨmɨrir a ikiamin dughiaba, da bar ruaragh ikɨ,
mamaghɨra ikiam.
5 Nɨ an akurazɨma, a gavgavim ko ziar ekiam iti.
Nɨ uabɨ gavgavir ekiam ko ziar ekiar kam a ganɨngi.
6 Onger Akaba 16:11; 45:7; Aposel 2:28Bar guizbangɨra, nɨ bar deraghavɨrama a gami,
egh nɨ deravɨram a damu kamaghɨra ikiam.
Nɨ an boroghɨra ikɨtɨ,
a bizir kam bagh bar akuegham.
7 Onger Akaba 16:8Atrivim nɨghnɨzir gavgavim Ikiavɨra Itir Godɨn iti.
Godɨn Bar Pɨn Itir kam, an apangkuvighavɨra iti,
kamaghɨn atrivim tugh gavgavigh mamaghɨra ikiam.
8 Nɨ uan agharimɨn uan apanibar suigham.
Nɨ uan agharir guvimɨn, nɨ gifongezir puvatɨzir darazir suigham.
9 Onger Akaba 18:8; Aisaia 26:11; Malakai 4:1An azenaram otogh izamin dughiamɨn,
avim bizibar isia da gevi moghɨn, a me agɨvagham.
Guizbangɨra, Ikiavɨra Itir God puv men ataram,
mati gumazim bizim tuvaremezɨ a bar iraghuzɨ moghɨn, God me agɨvagham.
An anɨngagharim avimɨn mɨn men isi bar me gasɨghasigham.
10 Nɨ, men ovavir borir nguazir kamɨn gɨn otivamiba, nɨ bar me mɨsueghtɨ me arɨmɨghiregham.
Eghtɨ men boritam ua nguazir kamɨn ikian kogham.
11 Onger Akaba 2:1Me arazir kuratabar pazɨ nɨ damuasa, nɨghnigha akam akɨrigha gɨfa.
Eghtɨ men nɨghnɨzir kam, a dagheba puvatɨgham.
12 Guizbangɨra, nɨ uan bariba men guamɨn dagh asavamangɨtɨ,
me raghɨregh arɨ mangegham.
13 O Ikiavɨra Itir God, nɨ dɨkavigh uan gavgavim sara izɨtɨ,
e ighiaba bangɨ nɨn gavgavir ekiam fam.