91
God e geghuvir gumazim
1 Onger Akaba 31:20; 121:5; Aisaia 25:4; 32:2Gumazim, Godɨn Bar Pɨn Itim, deragh an gansɨ an a bagh mangɨtɨ,
God deragh an ganam.
A Godɨn Gavgaviba Bar Itimɨn boroghɨn ikɨtɨ,
God dughuazimɨn mɨn anevaragham.
2 Onger Akaba 14:6; 18:2; 56:4; Jeremaia 16:19Gumazir kam Ikiavɨra Godɨn mɨkɨm suam,
“Nɨ nan dɨvazir gavgavimɨn mɨn itima,
kɨ nɨn aven uabɨ moga deravɨra iti.
Nɨ nan God.
Kɨ nɨghnɨzir gavgavim nɨrara iti.”
3 1 Atriviba 8:37; Onger Akaba 124:7; Aghuzir Akaba 6:5Bar guizbangɨra, God bar deragh nɨ geghuv nɨn gantɨ,
Bizir kuratam azuazimɨn mɨn modogh ikɨ,
nɨn suiragh nɨ gasɨghasighan kogham.
Nɨ an dafarimɨn aven ikɨtɨ,
arɨmariar kuratam nɨ inightɨ,
nɨ aremeghan kogham.
4 Onger Akaba 36:7; 40:11; 63:7; Aisaia 51:16A tuarir amebam uan nguziba ave moghɨn,
uan avɨzimningɨn nɨ avaraghtɨ nɨ aven ikiam.
Kamaghɨra, nɨ Ikiavɨra Itir God, an apengan ikɨtɨ
a deravɨra nɨ modogh nɨ geghuv nɨn ganam.
A ifarir puvatɨ.
A zurara uan akar a mɨkemezibar gɨn mangɨ,
nɨn oramɨn mɨn ikɨ,
deravɨra nɨn ganam.
5 Jop 5:19-23; Onger Akaba 23:4; 27:1Dɨmagaribar aruir duar kuraba, nɨ dar atiatingan markɨ.
Nɨ aruemɨn, bizir zuamɨra nɨ gasɨghasɨzi tamɨn atiatingan kogham.
6 2 Atriviba 19:35; Jop 5:22Nɨ arɨmariar ekiar dɨmangan nɨ bativamiba,
ko bizir kurar aruemɨn nɨ gasɨghasɨghamibar
atiatingan kogham.
7 Josua 14:10Gumazir 1,000pla nɨn boroghɨn arɨmɨghireghtɨ,
10,000pla nɨn agharir guvimɨn arɨghiregham, eghtɨ nɨ deragham.
Bizir kuratam nɨn boroghɨn izan kogham.
8 Onger Akaba 37:34; 58:10Nɨ gantɨ arazir kurar gumaziba nɨ gamiba,
God uam ada ikarvagham.
9 Nɨ bizir kurabar atiatia Ikiavɨra Itir God bagha zui.
Godɨn Bar Pɨn Itim, a nɨn dɨvazimɨn mɨn ikia,
guizbangɨra nɨ geghuva nɨn gari.
10 Kamaghɨn, bizir kuratam nɨ bagh izan kogham.
Arɨmariar ekiatam nɨn dɨpenimɨn boroghɨn mangan kogham.
11 Onger Akaba 34:7; Matyu 4:6; Luk 4:10Nɨ daruamin dughiabar,
Ikiavɨra Itir God, nɨ bagh uan enselba Akar Gavgavim me mɨkɨmtɨma,
me deraghvɨra nɨn ganam.
12 Matyu 4:6; Luk 4:11Egh me uan dafaribar nɨ fueghtɨ,
nɨ uan dagarim dagɨatamɨn aneseghan kogham.
13 Gumazir Dapaniba 14:6; Daniel 6:22; Luk 10:19Nɨ laionba ko, kuruziba ko, laionɨn igiaba ko,
kuruzir kurar ekiaba dɨkabɨnam.
14 Onger Akaba 9:10; 59:1; 145:20God kamaghɨn mɨgɨa ghaze,
“Gumazir nan ziam gɨfogha na gifongegha nan poroziba,
kɨ ua me inigh,
deragh me geghuv men ganam.
15 1 Samuel 2:30; Jop 12:4; Jon 12:26Eghtɨ me na ko mɨkɨmtɨ, kɨ me baragham.
Egh osɨmtɨzim me batoghtɨ kɨ me ko ikɨva,
ua me inigh ziar ekiam me danɨngam.
16 Egh kɨ men ikɨrɨmɨrim men ivezimɨn mɨn a damightɨ
a mangɨ ruaragham, egh kɨ uamategh me inigh me ko ikiam.
Egh kɨ ua me inigh
men Akurvazir Gumazimɨn ikiam.”
91:1: Onger Akaba 31:20; 121:5; Aisaia 25:4; 32:2
91:2: Onger Akaba 14:6; 18:2; 56:4; Jeremaia 16:19
91:3: 1 Atriviba 8:37; Onger Akaba 124:7; Aghuzir Akaba 6:5
91:4: Onger Akaba 36:7; 40:11; 63:7; Aisaia 51:16
91:5: Jop 5:19-23; Onger Akaba 23:4; 27:1
91:6: 2 Atriviba 19:35; Jop 5:22
91:7: Josua 14:10
91:8: Onger Akaba 37:34; 58:10
91:11: Onger Akaba 34:7; Matyu 4:6; Luk 4:10
91:12: Matyu 4:6; Luk 4:11
91:13: Gumazir Dapaniba 14:6; Daniel 6:22; Luk 10:19
91:14: Onger Akaba 9:10; 59:1; 145:20
91:15: 1 Samuel 2:30; Jop 12:4; Jon 12:26