1 Maranai Jacob i nonori kata kam Egypt kamonai i mamana wai, natunatuna sebasebare kurisi i wona, “Awaika kairavina ko bimatabagiyana? Ko vera baba! 2 A nonori kata Egypt kamonai kam e mamana. Ko gakira nakai ba grain kairavita kona gimona kata tana yawasa ba kega wai tana rabobo.”*Acts 7:12

3 Damanina ba Joseph tuwatuwana, asi 10 si gakira ku Egypt grain sita gimona. 4 Saba Jacob kega Joseph teina, Benjamin tuwatuwana yabata i poraisi, basuna i nagara kata awaika goyona kurina ita kayo tupuwa. 5 Canaan kupurina wai yebo gomara, wai pipiya mutusi si nenae wai Israel natunatuna yabata si nae kam sita gimona.

6 Joseph wai Egypt kupurina kana bada kaikapona, ba kona grain i koyakoyaga ba pipiya ereonowasi kurisi i bigimona, kata maranai tuwatuwana si verakasibau wai si rudune, naosi si gakira ku tano. 7 Maranai Joseph tuwatuwana i kinanisi wai i vera kita taveyisi, ba i wosei bage kona tadam ba kurisi i kaomainimaini, “Komi memena ko botu?”

Ba si kaobeyei, si wona, “Yakai Canaan kupurinai ka botu, kam kana gimona.”

8 Ba Joseph wai tuwatuwana i kita taveyisi, saba kosi si buruburuwei. 9 Damanina ba i bomeumeuvisi wai i notapanani,*Genesis 37:5-10 ba kurisi i wona, “Komi wai ko bokibukibuikai! Komi ko botu ko bikupura nanaga kata memena yakai kega ka bimaragata.”

10 Ba si kaobeya, “Kega, bada! Am saibisaibirisi si botu kam wata sina gimona.”

21 Kosi wata si pone guguwana, “Bisuwona rorowa awaika Joseph kurina ta wosei, ba i tou binuwana ana yawasa kairavina, saba kega ta nonori wai kona kairavina niko birana ta yuyauni.”

22 Damanina ba Reuben i wona, “A wonim kata kega goyona sebarei kei kurina kota wosei,*Genesis 37:21,22 saba kega ko nonori wai karaku tarana sarobina ta yuyauni.” 23 Kosi kega si kuiri kata awaika, si bisisiyei wai Joseph i kuiri, basuna kona ana sisiya wai pipiya kesana ibi garubonei kurisi.