18 Kata Bada Moses kurina i wona, “Nun natuna Joshua*Exodus 24:13 au kanuma i bonuwei wai ke yauni ba yarom ku gayamina ke terei. 19 Ke botuwei priest Eleazar ba pipiya ereonowasi naosi yai ini misiri ba kuni yonayona kata karaku, kona pipiya ini naovisi. 20 Am bibadana maragasina mutuna ki garubonei kurina kata Israel biyisi ereonowasi sina bosisirei. 21 Kona wai priest Eleazar naoni i nimsiri ba kona kairavina Urim ina toirubai awaika wata Bada naonai ina wose. Kata kona ina kaotuneisi wai Israel biyisi ereonowasi sina kasibau ba yebo sina riu.”

22 Moses mekabage Bada i kaotunei wai i wosei. Joshua i yauni ba priest Eleazar ba Israel biyisi ereonowasi naosi yai i msiri. 23 Damanina ba yarona gayamina tepanai i terei ba i yoneyonei Bada Moses i kaobiyoyobani wai nanakasike.