87
ယေရုရှလင်မြို့ကိုထောမနာပြုခြင်း4 * ဟေဗြဲခေါင်းစဉ်။ ကောရ၏သားများစပ်ဆိုသောဆာလံသီချင်း။
1 ထာဝရဘုရားသည်မိမိ၏မြို့တော်ကို
သန့်ရှင်းမြင့်မြတ်သည့်တောင်5 * သန့်ရှင်းမြင့်မြတ်သည့်တောင်။ ၂:၆ ကိုကြည့်ပါ။ ပေါ်တွင် တည်ဆောက်တော်မူ၏။
2 ကိုယ်တော်သည်ယေရုရှလင်မြို့ကြီးကို
ဣသရေလနိုင်ငံရှိအခြားမြို့အပေါင်းတို့ထက် ပို၍နှစ်သက်မြတ်နိုးတော်မူ၏။
3 အို ဘုရားသခင်၏မြို့တော်၊
သင်၏အကြောင်းကိုယ်တော်ယခုမိန့်တော် မူသော အံ့သြဖွယ်ရာများကိုနားထောင်လော့။
4 ကိုယ်တော်မိန့်တော်မူသည်မှာ
``ငါ၏စကားကိုနားထောင်သည့်နိုင်ငံများ
စာရင်းကိုယူသောအခါအီဂျစ်ပြည်နှင့် ဗာဗုလုန်ပြည်ကိုငါထည့်သွင်းမည်။
ဖိလိတ္တိပြည်၊တုရုပြည်နှင့်ဆူဒန်ပြည်မှ
လူတို့သည်လည်းယေရုရှလင်မြို့သားများ စာရင်းတွင်ငါဖော်ပြမည်။''
5 ဇိအုန်တောင်အားလူမျိုးအပေါင်းတို့ဖွားမြင်ရာ မိခင်ဟူ၍လည်းကောင်း၊
အမြင့်မြတ်ဆုံးဖြစ်တော်မူသောဘုရားသည်
ထိုတောင်ကိုခိုင်ခံ့စေတော်မူလိမ့်မည် ဟူ၍လည်းကောင်းလူတို့ပြောဆိုကြ လိမ့်မည်။
6 ထာဝရဘုရားသည်လူမျိုးတို့ကိုစာရင်း ပြုစုတော်မူလိမ့်မည်။
ယင်းစာရင်းတွင်ပါရှိသောသူအပေါင်း တို့ကို
ယေရုရှလင်မြို့သားများအဖြစ်ဖြင့်ထည့်သွင်း ရေးမှတ်တော်မူလိမ့်မည်။
7 ထိုသူအပေါင်းတို့သည်ကခုန်လျက် ``ဇိအုန်တောင်သည်
ငါတို့ခံစားရသောကောင်းချီးမင်္ဂလာအပေါင်း စီးဆင်းရာဖြစ်ပေသည်'' ဟုသီဆိုကြ၏။