1 Ngkungur ile Godowe enggun winmir, wyirrewarre, ruwe. 2 Tarno nunkeri ruwe, pek ellin ityan ruwe; maratulde ellin ityan ruwe. Yonguldye bahrekangk. Pangari Godald yelkulun itye bahrekangk.

3 Yarnin itye Godowe luku, Pink el oura, lare el kar tyelyerar; winmir ile yan nunkalowe. 4 God ile nakkir ityan kalatte; kitye nunkeri. Wunyile Godowe threttin nunkalowe ananyiril yonguldye.

5 Krunkun ile ityan nunkalowe, day: yonguldye krunkun ile ityan, night. Wunyitye yonguldye, wunyitye trelin ngreye. Yammalaitye nungge.

6 Yarnin itye Godowe, ngurn winmani yan wyirre, tarangk bahrekengk, wunyel itye threttin bahreke ananyiril bahreke. 7 God ile winmir ityan wyirre, threttin ityebahrekem aremuntunt, ananyiril bahreke, war wyirreungai. Luk itye ellir. 8 Krunkun ile ityan wyirre, heaven. Wunyitye yonguldye wunyitye trelin ngreye. Ningkaiengk nunggengk.

9 Yarnin itye Godowe, tanpundun an bahrekar mare muntunt wyirre, wunyitye ruwe terpulani. Luk itye ellir. 10 Krunkun ile ityan tyiwe ruwe, ngruwar bahrekar krunkun ile an yarluwar. Nakkin itye harnakar nunkerar.

11 Yarnin itye Godowe, ruwe pund el elour an kaiye, ngune seedungai, lamatyeri fruitungai, kinungai seedowe: kar harnakar malde, seedowe kinungai ruwungai; Iuk itye ellir. 12 Punden itye ruwe kaiye, ngune seedungai, lamatyeri fruitungai, kinungai seedowe: kar harnakar maldar. Godowe itye nakkin harnakar nunkerar.

13 Wunyitye yonguldye, wunyitye trelin ngreye; nepaldar nunggar.

14 Yarnin itye Godowe, mare el ar tyelyerar wyirreungai, threturamb an nungge ananyiril yenguldye, wunyar el ellani reyuramb lowalde, yorte, markerar, nunggar. 15 Kar el ellani nungge markeri wyirreungai, klarturamb kin ambe ruwambe; luk itye ellir. 16 God ile winmir hengenekengk grauwengk, nungge, markeri; grauwe nungge itye klarturamb nunkungai; muralappe markeri itye klarturamb yonguldyungai. Kile an winmir tuldar. 17 Godowe ile an yuppir wyirreungai klarturamb ruwangk. 18 Kile an yuppir, haranekar reyuramb, nungge, yonguldye, threturamb nungge inanyiril yonguldye. Wunyitye Godowe itye nakkin harnakar nunkerar.

19 Wunyitye yonguldye, wunyitye trelin ngreye; four nunggar.

20 Yarnin itye Gedowe; Bahrekar pund el, elour an miningkar, malkin ar tumbewallin, pulyerar ngartin warre wyirrewar. 21 God ile winmir grauwar kondarlar; ngruwar harnakar yelkulun: bahrekar punden an ngruwar tumbar; kar harnakar maldar. Wunyitye Godowe nakkin harnakar nunkerar. 22 Nunkowarrin yarnin itye Godowe anangk, luku, pund our an ngruwar, wunyar bahrekar yarluwungar yalkin, wunyel ellani ngruwar pulyerar ruwungai.

23 Wunyitye yonguldye, wunyitye trelin ngreye. Five nunggar.

24 Yarnin itye Godowe, ruwe itye pund el elour an tumbar, kar harnakar malde; cattle, tyelyar malkin; windawityerar ruwungai, kar harnakar maldar. Luk itye ellir. 25 God ile an winmir, windawityeri, kar harnakar maldar: ngruwar malkin ruwungai, kar harnakar maldar; wunyitye Godowe itye nakkin harnakar nunkerar.

26 Wunyile Jehovah yarnin luku. Ngurn al yan winmin korn lun ellin arnan. Kitye nglalin arnan Wunyitye korn ellin itye masterowe an ambe harnakar, mame yarluwan, pulyerar maiyald, windawityeri ruwald, ngruwar tyelyar yare ar malkin toonangk.

27 Wunyile Jehovah winmin ityan korn lun ellin kityeon; lun ellin Jehovah ile winmir ityan; korn, mimine winmir ile enggun. 28 Wunyile yarnin Jehovah, nunkeri ellin enggun korn mimine; luku yarnin ile Jehovah plowatyeri el ellani enggun. Ngruwar porlar palli el ellani enggunanyir ruwald. Ngurla masterengk an ambe harnakar ellani, mame yarluwan, pulyeri maiyald, ngruwar ar tumbewallin ar ngoppun ruwald. 29 Wunyile Jehovah yarnin “Nak our,” ngate pempir an lomanyir ngune ruwald, lamatyeri fruitald. Ngurla el takkani an fruitowe. 30 Ngate pempir an kaiye, ngune an angk windawityeri ruwald, pulyeri, ngruwar an yare ar malkin an ruwald tumbewallin kar ellin.

31 Wunyile Jehovah nakkin an ngruwar yar ile an winmir; kar nunkowallin ngruwar. Wunyitye yonguldye wunyitye trelin ngreye.