6-7 Kana Bethlehem Joseph mubba Mary djawa bi-djarrekiya keyarda barra-yurdama, korla ngarra barra-ngebana barra-yuna kana yad kana bulikang kakaya workkaya kardaba yingawa ba-djarra bangiyaka na-mindja. Kardaba yingawa belamabba-nina dayeka ngiyaka Mary djawa yekadjawa kelakkuna. Ngikabba kadjawana kelakkuna. Kardaba yingawa ngiyakabba birlbbana nakabba marnburrba nayena yingawa barnyangiya na-keyala yuna kana na-mindja ba-djarra. 8 Koria na-karrakarra yingawa baraka-nina karrabarna kelaya barribana kana kombangka djina kana keyarda kibana badjina djib. 9 Kardaba yingawa balbal-liya na-waka nakaya kakarda-kawa balminydjabba badjina ba-berrabba, yingawa rrakiybiyana nakabba bakama nayanayana kunabardaddjiyana ba-berrawa, yingawa ba-berrabba ba-warakumarda. 10 Ngarra balbal liya wakana, “Koria nurr-bawarakuma. Nawa rdordbalk liya nganakaya nu-berrawa na-keyarda nurr-baninda. 11-12 Kirra kindjaka na-wara kadadjawana kelakkuna kardabba kana Bethlehem, kana keyarda David djarralmarda. Nu-berrabba nurrbi-djeba kardabba nu-berraoba nurri-naya birlbbngiya marnburrba yurda barr-barr kana namindja badjarra. Karda nurrbi-kelewa djawa kara na-wokka ngay-waka nu-berrawa bamumawa. Nakabba kardaba yingawa ye-djeba nunbi-kaddjawa liya nu-berra rru-mana-kelaya. Nakabba ngardawa-niya Bakama na-waka barnya-ngiya djawa nakundadji-ngiya ngu-berrawa ngurrbikaka.”