इतिहासया न्‍हापांगु सफू
म्‍हसीका
शमूएल व जुजुपिनिगु सफुलिइ च्‍वयातःगु धटनाया खँ अप्‍वः यानाः इतिहासया सफुलिइ नं च्‍वयातःगु दु, तर च्‍वमिं भचा पाकः च्‍वःगु दु। इतिहासया सफुलिइ जुजुपिनिगु इतिहासया खँ मू निगू तातुनां च्‍वःगु दु –
१. इस्राएल व यहूदा देशय् विपत्तित वःगु जूसां परमेश्‍वरं इस्राएली जातियात ब्‍यूगु बचं पूवंका च्‍वनादीगु दु व थःमनूतय्‌गु निंतिं थःगु ग्वःसायात यहूदा देशय् च्‍वनाच्‍वंपिंपाखें सुथां लाका च्‍वनादीगु दु धइगु क्‍यनेत। थ्‍व खँया लिधंसाकथं च्‍वमिं दाऊद व सोलोमनं याःगु ततःधंगु ज्‍या, यहोशापात, हिजकियाह व योशियाह जुजुपिन्‍सं याःगु भिंके ज्‍या अले परमेश्‍वरयात विश्‍वास यायेबहः जूपिं मनूतय्‌त स्‍वइ।
२. यरूशलेमया देगलय् परमेश्‍वरया आराधना गथे यानाः शुरु जुल, अले खास यानाः आराधनाया ज्‍या याइपिं पुजाहारीत व लेवीतय्‌गु व्‍यवस्‍था गय् च्‍वं धकाः क्‍यनेत। देगः दय्‌कूम्‍ह सोलोमन खःसां दाऊदयात देगः व अन याइगु आराधना विधि थापं याःम्‍ह कथं क्‍यनातःगु दु।
न्‍हापांगु व निगूगु इतिहासया सफू एज्रां च्‍वःगु खः धकाः यहूदीतय्‌गु धापू दु। थुपिं सफूत ई.पु. ४५० निसें ४२५ या दथुइ च्‍वःगु खः।
धलः पौ
वंशावली व नां धलः १:१–९:४४
शाऊल सीगु १०:१-१४
दाऊदं शासन याःगु
१. ज्‍या पूवंगु व कष्‍टत ११:१–२२:१
२. देगः दय्‌केत तयार याःगु २२:२–२९:३०
१ इतिहास
1
आदमंनिसें नोआया सन्‍तान तक
आदम, शेत, एनोश, केनान, महलालेल, येरेद हनोक, मतूशेलह, लेमेक व नोआ।
नोआया काय्‌पिं – शेम, हाम व येपेत खः।
येपेतया सन्‍तान
येपेतया काय्‌पिं – गोमेर, मागोग, मादे, यावान, तूबल, मेशेक व तीरास खः।
गोमेरया काय्‌पिं – अशकनज, रीपत व तोगर्मा खः।
यावानया काय्‌पिं – एलीशाह, तर्शीश, कित्तीम व रोदानीम मनूत खः।
हामया सन्‍तान
हामया काय्‌पिं – कूश, मिश्रइम, पूत व कनान खः।
कूशया काय्‌पिं – सेबा, हवीला, सब्‍त, रामाह व सब्‍तका खः। रामाहया काय्‌पिं – शेबा व ददान खः।
10 कूश निम्रोदया बाः खः, निम्रोद पृथ्‍वीइ न्‍हापांम्‍ह वीर खः।
11 मिश्रइम धाःसा लूदीत, अनामीत, लहाबीत व नप्‍तूहीत, 12 पत्रुसीत, कस्‍लूहीत (पलिश्‍तीत थुपिंपाखें वःपिं खः) व कप्‍तोरीतय् पुर्खा खः।
13 कनान वया जेठाम्‍ह काय् सीदोन, हित्तीत, 14 यबूसीत, एमोरीत, गिर्गाशीत, 15 हिव्‍वीत, अरकीत, सिनीत, 16 अर्वादीत, समारीत व हमातीतय् नं बाः खः।
शेमया सन्‍तान
17 शेमया काय्‌पिं – एलाम, अश्‍शूर, अर्पक्षद, लूद व अराम खः। आरामया काय्‌पिं – ऊज, हुल, गेतेर व मेशेक खः।
18 अर्पक्षद शेलहया बाः खः, अले शेलह एबेरया बाः खः।
19 एबेरया*१:१९ एबेर पेलेगया अर्थ ब्‍वथःगु निम्‍ह काय्‌पिं दु, छम्‍ह काय्‌यागु नां पेलेग खः, छाय्‌धाःसा वयागु इलय् पृथ्‍वीयात ब्‍वथःगु खः। मेम्‍ह काय्‌यागु नां योक्तान खः।
20 योक्तान अल्‍मोदद, शेलेप, हसर्मवित, येरह, 21 हदोरम, ऊजाल, दिक्‍ला, 22 ओबाल, अबमाएल, शेबा, 23 ओपीर, हवीला व योबाबया बाः खः। थुपिं सकलें योक्तानया काय्‌पिं खः।
24 शेमंनिसें अब्राहाम तकया वंश थुपिं हे खः – शेम, अर्पक्षद, शेलह,
25 एबेर, पेलेग, रऊ,
26 सरूग, नाहोर, तेरह,
27 अले अब्राम (अब्रामयात अब्राहाम नं धाः)।
अब्राहामया सन्‍तान
28 अब्राहामया काय्‌पिं इसहाक व इश्‍माएल खः।
29 इश्‍माएलया काय्‌पिं झ्‍वःलिंक थुपिं हे खः – जेठाम्‍ह नबायोत अनंलिपा केदार, अदबेल, मिब्‍साम, 30 मिश्‍मा, दुमा, मस्‍सा, हदद, तेमा, 31 यतूर, नापीश व केदमा। थुपिं इश्‍माएलया काय्‌पिं खः।
कतूराया सन्‍तान
32 अब्राहामया कतूरा धाःम्‍ह छम्‍ह मथ्‍याःम्‍ह कलाः दु। वं जिम्रान, योक्षान, मदान, मिद्यान, यिशबाक व शूहयात बुइकल। योक्षानया काय्‌पिं – शेबा व ददान खः।
33 मिद्यानया काय्‌पिं – एपा, एपेर, हानोक, अबीदा व एल्‍दा खः। थुपिं सकलें कतूराया सन्‍तान खः।
इसहाकया सन्‍तान
34 अब्राहाम इसहाकया बाः खः। इसहाकया काय्‌पिं – एसाव व इस्राएल।
एसावया सन्‍तान
35 एसावया काय्‌पिं – एलीपज, रुएल, येऊश, यालाम व कोरह खः।
36 एलीपजया काय्‌पिं – तेमान, ओमार, सपो, गालाम, कनज व अमालेक खः। अमालेक धाःसा तीम्‍नपाखें दुम्‍ह खः।
37 रूएलया काय्‌पिं – नहत, जेरह, शम्‍मा व मिज्‍जा खः।
एदोमय् सेइरयापिं मनूत
38 सेइरया काय्‌पिं – लोतान, शोबाल, सिबोन, अना, दीशोन, एसेर व दीशान खः।
39 लोतानया काय्‌पिं – होरी व हेमाम खः। लोतानया केहेँ तीम्‍न खः।
40 शोबालया काय्‌पिं – अल्‍बान, मानहत, एबाल, शपो व ओनाम खः। सिबोनया काय्‌पिं – अय्‌या व अना खः।
41 अनाया काय् दीशोन खः। दीशोनया काय्‌पिं – हेमदान, एश्‍बान, यित्रान व करान खः।
42 एसेरया काय्‌पिं – बिल्‍हान, जावान व अकान।
दीशानया काय्‌पिं – ऊज व आरान खः।
एदोमया शासकत
43 इस्राएलय् जुजु दये न्‍ह्यः एदोमय् शासन याःपिं जुजुपिं थुपिं हे खः – बओरया काय् बेला, अले वयागु शहर दिन्‍हावा खः।
44 बेला सीधुंकाः बोज्रायाम्‍ह जेरहया काय् योबाब जुजु जुल।
45 योबाब सीधुंकाः तेमानीतय्‌गु देशयाम्‍ह हूशाम जुजु जुल।
46 हूशाम सीधुंकाः बददया काय् हदद जुजु जुल। वं मोआब देशय् मिद्यानीतय्‌त बुकल। वयागु शहर अवीत खः।
47 हदद सीधुंकाः मास्रेकायाम्‍ह सम्‍ला जुजु जुल।
48 सम्‍ला सीधुंकाः यूफ्रेटिस खुसिया सिथय् च्‍वंगु रहोबोतयाम्‍ह शौल जुजु जुल।
49 शौल सीधुंकाः अक्‍बोरया काय् बाल-हानान जुजु जुल।
50 बाल-हानान सीधुंकाः हदद जुजु जुल। वया शहरया नां पाऊ खः। वया कलाःया नां महेतबेल खः गुम्‍ह मत्रेदया म्‍ह्याय् व मे-जहाबया छय् खः।
51 हदद नं सित।
एदोमयापिं नायःत थुपिं हे खः – तीम्‍न, अल्‍वा, यतेत,
52 ओहोलीबामा, एलाह, पीनोन,
53 कनज, तेमान, मिब्‍सार,
54 मग्‍दीएल व ईराम खः। एदोमयापिं नायःत थुपिं हे खः।

*1:19 १:१९ एबेर पेलेगया अर्थ ब्‍वथःगु