इजकिएलया सफू
म्‍हसीका
ई.पू. ५८६ लय् यरूशलेम नाश जुइ न्‍हापा व लिपाया इलय् इजकिएल अगमवक्ता बेबिलोनय् कैदी जुयाः च्‍वनाच्‍वंगु खः। वयात बेबिलोनया जुजुं ज्‍वनाः बेबिलोनय् यंकूगु खः। कैदी जुयाः बेबिलोनय् च्‍वनाच्‍वंपिं व यरूशलेमय् च्‍वनाच्‍वंपिनिगु निंतिं वं थ्‍व बुखँ ब्‍यूगु खः।
थ्‍व सफुलिइ खुगू मू खँत दु –
१. इजकिएलयात अगमवक्ता जुइत परमेश्‍वरं सःतूगु
२. परमेश्‍वरया सजाँय व लिपा वइगु यरूशलेमया पतन अले विनाशया बारे यहूदीतय्‌त ख्‍याच्‍वः
३. थः प्रजायात अत्‍याचार याइपिं व मखुगु लँय् यंकूपिं थीथी कथंयापिं अन्‍यजातितय्‌त परमप्रभुया सजाँयया सुचं।
४. यरूशलेम नाश जुइ धुंकाः इस्राएलयात सान्‍त्‍वनाया वचन व वइतिनिगु इलय् बांलाइगु खँया निंतिं बाचा
५. गोगया विरोधय् अगमवाणी
६. हाकनं देगः व देश थापं यायेगु बारे इजकिएलयात क्‍यंगु किपा।
इजकिएल तसकं विश्‍वास दुम्‍ह व दर्शन खनीम्‍ह मनू खः। दर्शनय् वं यक्‍व दुग्‍यांत नं काःगु खः। अले यक्‍व खँत बांलाक सिइदय्‌क व चिंकथं काःगु दु। मनूतय्‌गु आत्‍मा व नुगलय् दुने शुद्ध व थःगु पापया निंतिं फुक्‍क मनूतय्‌सं थःम्‍हं हे जिम्‍मा कायेमा धकाः इजकिएलं थ्‍व सफुलिइ बःबियातःगु दु। मनूतय्‌त शुद्ध यायेगु बारे नं वं थःत आशा दुगु खँ नं थुकी च्‍वयातःगु दु। थः पुजाहारी व अगमवक्ता जूगु कारणं हे देगः व मनूतय्‌त पवित्रता मदय्‌कं मगाःगु खँ खः धकाः च्‍वयातःगु दु।
धलः पौ
इजकिएलयात परमेश्‍वरं सःतादीगु १:१–३:२७
यरूशलेमया नाश जुइगु अगमवाणी ४:१–२४:२७
जाति जातितय्‌त सजाँय २५:१–३२:३२
थः प्रजायात परमप्रभुया बाचा ३३:१–३७:२८
गोगया विरोधय् अगमवाणी ३८:१–३९:२९
लिपायागु देगः व देशया दर्शन ४०:१–४८:३५
इजकिएल
1
इजकिएलं दर्शनय् प्राणीत खंगु
स्‍विगूगु दँया प्‍यंगूगु लाया न्‍यान्‍हु दुखुन्‍हु*१:१-२ ३१ जुलाई ५९३ बी.सी. जि यहूदां ज्‍वनाहःपिंनापं कबार खुसिया सिथय् दुबलय् स्‍वर्ग चाल अले जिं परमेश्‍वरया दर्शनत खना।१:१ प्रे ७:५६; प्रका १९:११
लाया न्‍यान्‍हु दुखुन्‍हु, थ्‍व यहोयाकीन जुजुयात ज्‍वनाः बेबिलोनय् हःगु न्‍यागूगु दँ खः,१:२ २ राज २४:१०-१६; २ इति ३६:९-१० बेबिलोन देशया कबार खुसिया१:३ कबार खुसिया थ्‍व मनूतय्‌सं दय्‌कूगु नहर खः सिथय् परमप्रभुया वचन बूजीया काय् इजकिएल पुजाहारीयाथाय् वल। अन परमप्रभुयागु शक्ति वयाके खनेदत।
जिं स्‍वया, जिं उत्तरपाखें वाफय् वयाच्‍वंगु खना। छगू तःधंगु सुपाँचय् मि प्‍वालाक प्‍वालाक्‍क च्‍यानाच्‍वंगु दु। उकिया प्‍यखें तसकं थीगु जः दु, अले मिया दथुइ ज्‍वाल्‍लच्‍वंगु धातु थें छुं दु। सुपाँय्‌या दथुं प्‍यम्‍ह म्‍वाःपिं प्राणीत थें च्‍वंपिं छुं पिहां वल। इपिं मनू थें खने दु,१:५ प्रका ४:६ तर इपिं फुक्‍कसिके प्‍यपा प्‍यपा ख्‍वाः व प्‍यपु प्‍यपु पपू दु। इमिगु तुति तप्‍यं, इमिगु तुतिपालि साचायागु तुतिपालि थें च्‍वं। उपिं ज्‍वाल्‍ल थीकातःगु कँय् थें हे ज्‍वाल्‍ल थीगु। इमिगु पपूया क्‍वय् प्‍यखें मनूयागु थें ल्‍हाः दु। अले उपिं प्‍यम्‍हं प्राणीतय्‌के ख्‍वाः व पपू दु, इमिगु पपू छगुलिं मेगुयात थीगु दु। गनं वनीबलय् इपिं फुक्‍क तप्‍यंक न्‍ह्यज्‍याइगु, इमिसं थुखे उखे फहिली मखु।
10 इमिगु ख्‍वाः थथे च्‍वं– उपिं प्‍यम्‍हं प्राणीतय्‌गु छपा ख्‍वाः मनूयागु थें च्‍वं। इमिगु जव पाखेया ख्‍वाः धाःसा सिंहयागु थें, खव पाखेयागु ख्‍वाः द्वहंयागु थें व ल्‍युने पाखेयागु ख्‍वाः इमायागु थें च्‍वं।१:१० इज १०:१४; प्रका ४:७ 11 इमिगु ख्‍वाः थथे हे च्‍वं। इमिगु पपू च्‍वय्‌पाखे चक्‍कंगु दु। छम्‍ह छम्‍हय्‌सिगु निपा पपुतिं छम्‍हय्‌सिगु पपुतिं मेम्‍हय्‌सिगु पपूयात थ्‍यूगु दु। मेगु निपा पपुतिं थथःगु म्‍ह त्‍वपुयातःगु दु। 12 इपिं तप्‍यंक वनीगु। आत्‍मा गन गन वन इपिं नं अन हे वनीगु। इपिं थुखे उखे मस्‍वसें वनीगु।
13 उपिं म्‍वाःपिं प्राणीतय्‌गु रूप च्‍यानाच्‍वंगु हेंग्‍वाः वा मिप्‍वाः थें च्‍वं। मि उपिं प्राणीतय्‌गु दथुइ गुलिं थुखें उखे व उखें थुखे वनाच्‍वंगु खने दु; मि ज्‍वाल्‍ल थी, व प्‍वालाक्‍क प्‍वालाक्‍क च्‍याइगु।१:१३ प्रका ४:५ 14 उपिं प्राणीत हाबलासा त्‍वःगु थें थुखें उखे व उखें थुखे हथासं वनाच्‍वंगु दु।
घःचाःत
15 जिं उपिं म्‍वाःपिं प्राणीतय्‌त स्‍वयाच्‍वनाबलय् हे उपिं प्‍यपा ख्‍वाः दुपिं छम्‍ह छम्‍ह प्राणीया लिक्‍क जमिनय् छचाः छचाः घःचाः खना।१:१५-२१ इज १०:९-१३ 16 उपिं घःचाःत प्‍वालप्‍वाल थियाच्‍वंगु पुखराज थें खनेदय्‌कः दय्‌कातःगु दु – उपिं फुक्‍कं उत्‍थें च्‍वं। उपिं घःचाः छगूया दुने मेगु दु थें खने दु। 17 उकिं यानाः उपिं घःचाःत फःमह्युस्‍य प्‍यखेरं वने फु। उपिं प्राणीत वनीबलय् उपिं घःचाःत थुखे उखे हिली मखु। 18 प्‍यचाः हे घःचाःया घेरा तःधं व ग्‍यानापुस्‍से च्‍वं, अले उमिगु प्‍यंगू हे घेराय् प्‍यखें मिखाया मिखा दु।१:१८ प्रका ४:८
19 उपिं प्राणीत थुखे उखे सनीबलय् उपिं घःचाःत नं नापनापं वनीगु। उपिं म्‍वाःपिं प्राणीत जमिनं च्‍वय् थाहां वनीबलय् घःचाःत नं थाहां वनीगु। 20 आत्‍मा गन वन इपिं नं अन हे वनीगु, उपिं घःचाःत नं इपिंनापं हे दनीगु, छाय्‌धाःसा उपिं म्‍वाःपिं प्राणीतय्‌गु आत्‍मा व हे घःचालय् दु। 21 इपिं सनीबलय् थुपिं नं सनीगु, इपिं झ्‍वातां दनीबलय् थुपिं नं झ्‍वातां दनीगु, इपिं जमिनं च्‍वय् थाहां वनीबलय् घःचाःत नं च्‍वय् थाहां वनीगु। छाय्‌धाःसा उपिं प्राणीतय्‌गु आत्‍मा घःचालय् दु।
आकाश
22 उपिं म्‍वाःपिं प्राणीतय्‌गु छ्यंया च्‍वय् गुम्‍बज थें छुं दु, च्‍वापु थें थीगु व ग्‍यानापुगु।१:२२ प्रका ४:६ 23 व गुम्‍बजया क्‍वय् इमिगु पपू, छम्‍हय्‌सिगु पपुतिं मेम्‍हय्‌सिगु पपूयात थीक तप्‍यंक न्‍यनावंगु दु। इपिं प्‍यम्‍हं प्राणीतय्‌गु निपा निपा पपुतिं थथःगु म्‍ह त्‍वपुयातःगु दु। 24 इपिं वंबलय् इमिगु पपूया सः यक्‍व लःया सः, दकलय् तःधंम्‍हय्‌सिगु सः, सेनाया हलचलयागु सः थें जिं ताया। इपिं झ्‍वातां दनीबलय् इमिसं थथःगु पपू क्‍वय् क्‍वकाइगु।१:२४-२८ प्रका १:१४-१५; १९:६ 25 थःगु पपू क्‍वकयाः इपिं दनाच्‍वंबलय् इमिगु छ्यंया च्‍वय्‌यागु गुम्‍बजं छगू सः पिहां वल।
सिंहासन
26 इमिगु छ्यं च्‍वय्‌यागु गुम्‍बजया दकलय् च्‍वय् छगू सिंहासन थें दु। स्‍वय्‌बलय् व नीलम थें खने दु, अले सिंहासनय् च्‍वंम्‍हय्‌सिगु रूप मनूयागु थें च्‍वं।१:२६ इज १०:१; प्रका ४:२-३ 27 वयागु जंनिसें च्‍वय् वयागु ख्‍वाः ज्‍वाल्‍लच्‍वंगु धातु थें जिं खना, प्‍यखेरं मिं जाःगु थें। जंनिसें क्‍वय् नं वयागु ख्‍वाः मि थें खनेदत, अले वयागु छचाःखेरं थीगु जः दु।१:२७ इज ८:२ 28 वा वइबलय् आकाशय् इन्‍द्रेणी खनेदुगु थें वयागु छचाःखेरं दुगु जः नं अथे हे खने दु।
परमप्रभुया महिमाया रूप थथे हे च्‍वं। व खनाः जिं छ्यं क्‍वछुकाः। जिं सुं न्‍वंवानाच्‍वंगु सः ताल।

*1:1 १:१-२ ३१ जुलाई ५९३ बी.सी.

1:1 १:१ प्रे ७:५६; प्रका १९:११

1:2 १:२ २ राज २४:१०-१६; २ इति ३६:९-१०

1:3 १:३ कबार खुसिया थ्‍व मनूतय्‌सं दय्‌कूगु नहर खः

1:5 १:५ प्रका ४:६

1:10 १:१० इज १०:१४; प्रका ४:७

1:13 १:१३ प्रका ४:५

1:15 १:१५-२१ इज १०:९-१३

1:18 १:१८ प्रका ४:८

1:22 १:२२ प्रका ४:६

1:24 १:२४-२८ प्रका १:१४-१५; १९:६

1:26 १:२६ इज १०:१; प्रका ४:२-३

1:27 १:२७ इज ८:२