3
वेदी हाकनं दय्कूगु
1 न्हय्गूगु ला क्यंबलय्*३:१ न्हय्गूगु ला क्यंबलय् थ्व अक्टोबर, सेप्टेम्बर ५३७ ई.पु. खः थथःगु शहरय् च्वनेधुंकूपिं इस्राएलीत सकलें छप्पँ जुयाः यरूशलेमय् मुंवल।✡३:१ नहे ८:१ 2 योसादाकया काय् येशूअ व वया थःथिति पुजाहारीत अले शालतिएलया काय् यरूबाबेल व वया थःथितिनापं मिलय् जुयाः परमेश्वरया मनू मोशाया व्यवस्थाय् च्वया तः थें होमबलि छायेत इस्राएलया परमेश्वरया वेदी दय्कल। 3 थः जःखः च्वनाच्वंपिं मनूत खनाः इपिं ग्याःसां इमिसं वेदी न्हापायागु थासय् हे दय्कल। अले इमिसं उकी परमप्रभुया निंतिं न्हियान्हिथं सुथय्सियागु व बहनीयागु होमबलि छायेगु याना हल।✡३:३ गन्ती २८:१-८
4 इमिसं नियमकथं बल्चाबाय्या नखः हन। नखःया छन्हु छन्हुया निंतिं क्वःछिनातःगु ल्याःकथं इमिसं होमबलि छाल।✡३:४ गन्ती २९:१२-३८ 5 थुपिं बाहेक न्हियान्हिथंया होमबलि, अमाइ-बलि व परमप्रभुं क्वःछिनादीगु दँय्दसं मानय् यायेमाःगु फुक्क पवित्र नखःचखःया निंतिं देछा छाल। थुपिंनापं परमप्रभुया निंतिं थथःगु इच्छां हःगु फुक्क भेटी छाल।✡३:५ गन्ती २८:११-१५ 6 उबलय् परमप्रभुया देगःयागु जग तःगु मदुनिसां इमिसं न्हय्गूगु लाया न्हापांगु दिनंनिसें†३:६ न्हय्गूगु लाया न्हापांगु दिनंनिसें थथे धयागु ई.पु. ५३७ खः। परमप्रभुयात होमबलि छायेगु याना हल।
देगः दय्केगु ज्या हाकनं शुरु जूगु
7 इमिसं दकःमि व सिकःमितय्त धिबा अले सीदोन व टुरोसय् च्वंपिं मनूतय्त लेबनानं समुद्रया लँपु जुयाः योप्पा तक देवदारुया सिँ हयेत नयेगु नसा त्वँसा व चिकं बिल। छाय्धाःसा फारसयाम्ह जुजु कोरेसं थथे यायेत मन्जुरी ब्यूगु खः।
8 यरूशलेमय् परमेश्वरया देगलय् इपिं थ्यंकः वःगु निगूगु दँया निगूगु लाय्‡३:८ निगूगु दँया निगूगु लाय् यरूशलेमय् परमेश्वरया देगलय् इपिं थ्यंकः वःगु निगूगु दँया निगूगु लाय् एप्रिल-मे ई.पु.५३७ य् खः। शालतिएलया काय् यरूबाबेल, योसादाकया काय् येशूअ, पुजाहारीत, लेवीत अले बेबिलोनं लिहांवःपिं सकसिनं ज्या शुरु यात। परमप्रभुया देगः दय्काच्वंगु ज्या स्वयेत निइदँ व व स्वयां च्वय्यापिं लेवीतय्त इमिसं ल्यल। 9 लेवी येशूअ, वया काय्पिं व किजापिं अले कादमीएल व वया काय्पिं (होदबिया सन्तान) अले हेनादाद वंशयापिं लेवीत सकल मिलय् जुयाः परमेश्वरया देगः दय्केगु ज्या याइपिन्त स्वयेगु ज्या यात।
10 परमप्रभुया देगः दय्कीपिन्सं जग तयेधुंकाः पुजाहारीत थथःगु वसः फिनाः तुरही ज्वनाः अले आसापया वंशयापिं लेवीत थथःगु भुस्याः ज्वनाः न्हापा इस्राएलयाम्ह जुजु दाऊदं आज्ञा ब्यू थें परमप्रभुयागु प्रशंसा यायेत दन। 11 इमिसं परमप्रभुयात प्रशंसा यानाः व सुभाय् बियाः थथे धकाः भजन हाल,
“वय्कः भिंम्ह खः,
इस्राएलया निंतिं वय्कःया दयामाया सदां दयाच्वनी
न्ह्याबलें दयाच्वनी।”
अले सकलें मनूतय्सं तसलं हालाः परमप्रभुयात तःधंकल, छाय्धाःसा देगःया जग तये धुंकूगु खः।
12 न्हापायागु देगः खंपिं बुरापिं पुजाहारीत, लेवीत व परिवार परिवारया नायःत थ्व देगःया जग तःगु खनाः ह्वाँय्ह्वाँय् ख्वल। मेपिन्सं धाःसा लय्लय्तायाः जयजय यात। 13 सुनानं लसतां हाःगु सः व ख्वःगु सः पाके मफुत छाय्धाःसा मनूतय्गु सः तसकं तःसः अले सः यक्व तापाक तक ताये दु।
*3:1 ३:१ न्हय्गूगु ला क्यंबलय् थ्व अक्टोबर, सेप्टेम्बर ५३७ ई.पु. खः
✡3:1 ३:१ नहे ८:१
✡3:3 ३:३ गन्ती २८:१-८
✡3:4 ३:४ गन्ती २९:१२-३८
✡3:5 ३:५ गन्ती २८:११-१५
†3:6 ३:६ न्हय्गूगु लाया न्हापांगु दिनंनिसें थथे धयागु ई.पु. ५३७ खः।
‡3:8 ३:८ निगूगु दँया निगूगु लाय् यरूशलेमय् परमेश्वरया देगलय् इपिं थ्यंकः वःगु निगूगु दँया निगूगु लाय् एप्रिल-मे ई.पु.५३७ य् खः।