3 सच्‍छि व स्‍वीदँ दुबलय्‌ आदमया थःथें तुं च्‍वंम्‍ह काय्‌ बुल। वं वयागु नां शेत तल। 4 अनंलि आदम ८०० दँ तक म्‍वात। थुलिया दुने वया मेमेपिं नं काय्‌पिं व म्‍ह्याय्‌पिं बुल। 5 थुकथं आदम ९३० दँ तक म्‍वानाः सित।

6 शेत १०५ दँ दुबलय्‌ वया एनोश धाःम्‍ह काय्‌ बुल। 7 अनंलि शेत ८०७ दँ तक म्‍वात। थुलिया दुने वया मेमेपिं नं काय्‌पिं व म्‍ह्याय्‌पिं बुल। 8 थुकथं शेत ९१२ दँ तक म्‍वानाः सित।

9 एनोश ९० दँ दुबलय्‌ वया केनान धाःम्‍ह काय्‌ बुल। 10 अनंलि व मेगु ८१५ दँ म्‍वात। वया मेमेपिं नं काय्‌पिं व म्‍ह्याय्‌पिं बुल। 11 थुकथं एनोश ९०५ दँ तक म्‍वानाः सित।

12 केनान ७० दँ दुबलय्‌ वया महलालेल धाःम्‍ह काय्‌ बुल। 13 अनंलि व मेगु ८४० दँ म्‍वात। वया मेमेपिं नं काय्‌पिं व म्‍ह्याय्‌पिं बुल। 14 थुकथं केनान ९१० दँ म्‍वानाः सित।

15 महलालेल ६५ दँ दुबलय्‌ वया येरेद धाःम्‍ह काय्‌ बुल। 16 अनंलि व मेगु ८३० दँ म्‍वात। वया मेमेपिं नं काय्‌पिं व म्‍ह्याय्‌पिं बुल। 17 थुकथं महलालेल ८९५ दँ म्‍वानाः सित।

18 येरेद १६२ दँ दुबलय्‌ वया हनोक धाःम्‍ह काय्‌ बुल। 19 अनंलि व मेगु ८०० दँ म्‍वात। वया मेमेपिं नं काय्‌पिं व म्‍ह्याय्‌पिं बुल। 20 थुकथं येरेद ९६२ दँ म्‍वानाः सित।

21 हनोक ६५ दँ दुबलय्‌ वया मतूशेलह धाःम्‍ह काय्‌ बुल। 22 अनंलि व ३०० दँ तक परमेश्‍वरं धाःथे जुइम्‍ह जुयाः जुल। वया मेमेपिं नं काय्‌पिं व म्‍ह्याय्‌पिं बुल। 23 हनोक मुक्‍कं ३६५ दँ म्‍वात। 24 वं म्‍वातले परमेश्‍वरं धाःथे यानाः जुल। अले व तनावन छाय्‌धाःसा परमेश्‍वरं वयात थःनापं यंकादिल।

25 मतूशेलह १८७ दँ दुबलय्‌ वया लेमेख धाःम्‍ह काय्‌ बुल। 26 अनंलि व ७८२ दँ म्‍वात। वया मेमेपिं नं काय्‌पिं व म्‍ह्याय्‌पिं बुल। 27 थुकथं मतूशेलह ९६९ दँ तक म्‍वानाः सित।

28 लेमेख १८२ दँ दुबलय्‌ वया काय्‌ बुल। 29 वं वयागु नां “परमप्रभुं सराः ब्‍यूगु बँय्‌ झीसं यानाच्‍वनागु ज्‍यापाखें थ्‍वं झीत छुत्‍कारा बी” धकाः नोआ†5:29 हिब्रू भासय्‌ नूह खँग्‍वः ‘नुगः याउँये’ खँग्‍वःलिसे ज्‍वः लाः। तल। 30 लेमेख मेगु ५९५ दँ म्‍वात। वया मेमेपिं नं काय्‌पिं व म्‍ह्याय्‌पिं बुल। 31 थुकथं लेमेख ७७७ दँ म्‍वानाः सित।

32 नोआ ५०० दँ दुबलय्‌ वया शेम, हाम व येपेत†5:32 हिब्रू भासय्‌ येपेत खँग्‍वः ‘यक्‍व दये’ खँग्‍वःलिसे ज्‍वः लाः। नांयापिं स्‍वम्‍ह काय्‌ बुल।