11
विश्वास
1 आशा यानागु खँ दइ धकाः ढुक्क जुइगु व मखंगु खँ धात्थें दु धकाः धायेगु हे विश्वास खः। 2 विश्वासं यानाः हे न्हापायापिं मनूतय्त परमेश्वरं यय्कादिल।
3 विश्वासं हे झीसं सीके फु, परमेश्वरं उजं बियादीगुलिं संसारयागु सृष्टि जुल, अले थुकथं खने मदुगुलिं खनेदयावल।✡११:३ उत १:१; भज ३३:६,९; यूह १:३
4 विश्वासं हे हाबिलं परमेश्वरयात कयिनयागु स्वयाः भिंगु बलि छाल। विश्वास यानाः हे व परमेश्वरया न्ह्यःने ठीक ठहरय् जुल। अले वं छाःगु नं परमेश्वरं यय्कादिल। विश्वास यानाः हे हाबिल सी धुंकूसां झीपिंलिसे नवानाच्वंगु दु।✡११:४ उत ४:३-१०
5 विश्वासं हे हनोकयात मसीकं स्वर्गय् थत यंकल। परमेश्वरं हे थत यंकादीगुलिं वयात सुनानं लुइके मफुत। वयात थत यंके न्ह्यः वं परमेश्वरयात लय्ताय्कूगु खः।✡११:५ उत ५:२१-२४ 6 विश्वास मयाय्कं परमेश्वरयात लय्ताय्के फइ मखु। वय्कःयाथाय् वइम्ह मनुखं परमेश्वर दि, अले वय्कःयात मालिपिन्त वय्कलं इनाम बियादी धकाः विश्वास याये हे माः।
7 विश्वासं हे नोआं परमेश्वरयागु खँ न्यन। परमेश्वरं वयात गुब्सं मखंनिगु, लिपा जुइतिनिगु खँ धयादीगु खः। परमेश्वरं धयादी थें वं सिँयागु तःग्वःगु जहाज दय्कल। अले उकी हे च्वनाः वं थः जहानपिन्त बचय् यात। थुकथं विश्वास यानाः वं संसारं द्वंकूगु खँ क्यनाबिल, अले व थः परमेश्वरया न्ह्यःने ठीक ठहरय् जुल।✡११:७ उत ६:१३-२२
8 विश्वासं हे अब्राहामं परमेश्वरयागु खँ न्यन। परमेश्वरं वयात सःताः थःम्हं बी धकाः धयादीगु देशय् हुँ धकाः उजं बियादिल। गन वनेगु धकाः मसीकं हे वं थःगु देश त्वःतावन।✡११:८ उत १२:१-५ 9 विश्वासं हे अब्राहाम परमेश्वरं बियादी धकाः धयादीगु देशय् वन, अले अन परदेशी थें जुयाः पाल ग्वयाः च्वन। अथे हे वया काय् इसहाक, अले छय् याकूब नं परमेश्वरं बियादी धकाः धयादीगुलिं पाल ग्वयाः च्वंच्वन।✡११:९ उत ३५:२७ 10 अब्राहाम ला सदां दयाच्वनीगु जगय् परमेश्वरं हे दय्कादीगु शहरय् च्वनेत पियाच्वंम्ह खः।
11 विश्वासं हे बुरा जुइ धुंकाः नं अब्राहाम अबु जुइ फत। बाचा चिनादीम्ह परमेश्वरयात विश्वास याःगुलिं बुरी जुइ धुंकूसां साराया प्वाथय् दत।✡११:११ उत १८:११-१४; २१:२ 12 थुकथं सीत्यःम्ह बुराम्ह अब्राहामपाखें आकाशय् च्वंगु नगु थें यक्व, अले फिसलय् च्वंगु फि थें ल्याः खाये मफय्क सन्तान दत।✡११:१२ उत १५:५; २२:१७; ३२:१२
13 इपिं फुक्कं विश्वास जक यानाः परमेश्वरं बी धकाः धयादीगु काये मखंकं सिनावन। अथेसां परमेश्वरं बी धकाः धयादीगु खँय् इमिसं विश्वास याः। इमिसं थःपिन्त पृथ्वीया लँजुवाःत जक ताय्कल।✡११:१३ उत २३:४; १ इति २९:१५; भज ३९:१२ 14 थथे धया जुइपिन्सं थःगु देश मालाच्वंगु दु धकाः सी दु। 15 इमिसं थःपिन्सं त्वःता वंगु देश लुमंकूगु जूसा इपिं हानं व हे देशय् लिहां वने दइगु खः। 16 तर इमिसं व स्वयाः भिंगु व बांलाःगु स्वर्गयागु देशय् वनेगु मनंतुनाच्वंगु दु। उकिं परमेश्वरं नं थःत इमि परमेश्वर खः धकाः धयादीत लज्या चायामदी, छाय्धाःसा वय्कलं इमिगु निंतिं छगू शहर हे दय्कादीगु दु।
17 अब्राहामयात जाँचय् याःबलय् वं विश्वास यानाः थः हे काय् इसहाकयात बलि बीत स्वत। परमेश्वरं बियादी धकाः धयादीगु खँय् विश्वास यानाः हे वं थः याकः काय्यात बलि बीत्यंगु खः।✡११:१७ उत २२:१-१४ 18 थ्वयागु हे बारे परमेश्वरं वयात थथे धयादिल – “इसहाकयापाखें हे छं सन्तान दयावइ।”✡११:१८ उत २१:१२ 19 परमेश्वरं सीम्ह मनूयात हानं म्वाकादी फु धकाः अब्राहामं विश्वास यानाः थथे इसहाकयात बलि बीत्यंगु खः। उकिं अब्राहामयात ला छगूकथं इसहाक सिनाः म्वानावःम्ह थें हे जुल।
20 विश्वासं हे इसहाकं याकूब व एसावयात लिपा जुइतिनिगु खँयागु निंतिं आशिष बिया थकल।✡११:२० उत २७:२७-२९,३९-४०
21 विश्वासं हे याकूबं सीत्यय्काः तुतामं चुयाः परमेश्वरयात तःधंकाः योसेफया निम्ह काय्पिन्त आशिष बिया थकल।✡११:२१ उत ४७:३१; ४८:२०
22 विश्वासं हे योसेफं सीत्यय्काः इस्राएलीतय्त परमेश्वरं मिश्र देशं लिगना यंकादी धकाः धया थकल। अले थःगु सीम्हयात कनान देशय् थुने यंकि धकाः नं धया थकल।✡११:२२ उत ५०:२४-२५; प्रस १३:१९
23 विश्वासं हे मोशा बूबलय् बांलाःगुलिं वया मांबौपिन्सं जुजुयागु उजं खनाः मग्यासे मचायात बुयाः स्वला तक सुचुका तल।✡११:२३ प्रस २:२; १:२२
24 विश्वासं हे मोशां तःधिकः जुइ धुंकाः फारोहया म्ह्याय्या काय् मखु धकाः धाल।✡११:२४ प्रस २:१०-१२ 25 पापय् च्वनाः पलख मोजमज्जा यायेगु स्वयाः परमेश्वरया मनूतलिसे दुःखकष्ट फयेगु हे वं यय्कल। 26 मिश्रयागु दक्व सम्पत्ति स्वयाः मुक्ति बीम्ह ख्रीष्टया निंतिं हेला याका जुइगु हे वं तःधं ताय्कल, छाय्धाःसा व परमेश्वरं बीगु सिरपाः कायेत पियाच्वंम्ह खः। 27 विश्वासं हे जुजुयागु तं खनाः मग्यासे मोशां मिश्र देश त्वःतावन। अले खने मदुम्ह परमेश्वरयात खं थें च्वंक नुगः क्वात्तुकाच्वन।✡११:२७ प्रस २:१५ 28 दक्वसिबय् न्हापां बूपिन्त स्याइम्हय्सिनं इस्राएलीतय् न्हापा बूपिन्त मथीमा धकाः मोशां विश्वासं हे छुत्काराया नखः मानय् यात, अले लुखाय् हि छ्वाकल।✡११:२८ प्रस १२:२१-३०
29 विश्वासं हे इस्राएलीत बँय् न्यासि वने थें लाल समुद्र छिनावन। मिश्र देशय् च्वंपिं नं अथे हे समुद्र छिनाः वंबलय् दुनाः सित।✡११:२९ प्रस १४:२१-३१
30 विश्वासं हे न्हय्न्हु तक चाः हुले धुंकाः यरीहोया पःखाः दुनावन।✡११:३० यहो ६:१२-२१
31 विश्वासं हे राहाब धाःम्ह वेश्या परमेश्वरयात मानय् मयाःपिं नाप सिनावने म्वाःल, छाय्धाःसा वं चिवा काय्के छ्वयाहःपिं मनूतय्त लसकुस यात।✡११:३१ यहो २:१-२१; ६:२२-२५
32 थुलिं अप्वः छु धाये? गिदोन, बाराक, शिमशोन, यिप्ता, दाऊद, शमूएल व अगमवक्तातय्गु खँ ल्हानाः ब्याइ मखु।✡११:३२ न्याय ६:११–८:३२; ४:६–५:३१; १३:२–१६:३१; ११:१–१२:७; १ शमू १६:१–१ राज २:११; १ शमू १:१–२५:१ 33 विश्वासं हे इमिसं देश देश त्याका काल। विश्वासं हे इमिसं बांलाक राज्य याना वन, अले विश्वासं हे परमेश्वरं बी धकाः धयादीगु काये खन। विश्वासं हे इमिसं सिंहतय्गु म्हुतुप्वाः तिकल।✡११:३३ दान ६:१-२७ 34 ह्वाना ह्वाना च्यानाच्वंगु मिं नं इमित छुं याये मफुत। तरवारं पालाः स्यायेत्यंबलय् नं इपिं बचय् जुल। बमलाःपिं इपिं, आः तसकं बल्लाना वल। भचा मग्यासे ल्वानाः इमिसं पिनें वःपिं शत्रुतय्त बिसिका छ्वत।✡११:३४ दान ३:१-३० 35 विश्वासं हे मिसातय्सं सीपिं थः मनूतय्त म्वानावःगु खन। मेपिन्सं नं गुब्सं सीम्वाय्क म्वाना वये दयेमा धकाः दुःखकष्ट फयाः हे सिनावन।✡११:३५ १ राज १७:१७-२४; २ राज ४:२५-३७
36 गुलिसिनं हेस्याकाः जुइ माल, गुलिसिनं कोर्रां दाय्के माल, अले गुलिसिनं चिकाः झ्यालखानाय् कुंके माल।✡११:३६ १ राज २२:२६-२७; २ इति १८:२५-२६; यर २०:२; ३७:१५; ३८:६ 37 अले गुलिसितं ल्वहँतं कय्काः स्यात, गुलिसितं निकू जुइक कःतिं फायाबिल, गुलिसितं तरवारं पालाः स्यात। अले गुलि मनूतय्सं ला फै व दुगुयागु छेंगूयागु वसः दय्काः पुनाजुल। अले चीमि जुयाः, दुःखकष्ट सियाः, क्वत्यय्काः जुइ माल।✡११:३७ २ इति २४:२१ 38 संसार इपिं च्वने बहःगु मजुल। इपिं मरुभूमिं मरुभूमिं, पहाडं पहाडं बिस्युं जुइ माल। अले गुफा गुफाय्, पाक्व पाक्वय् सुलाः जुइ माल।
39 विश्वासं यानाः हे इमिसं थथे सह याये फुगु खः। अय्नं इमिसं परमेश्वरं बी धकाः धयादीगु काये मखं। 40 परमेश्वरं झीत अज्ज भिंगु व बांलाःगु बियादीगु ग्वसाः ग्वयादीगु दु। झीनापं तुं इपिं नं सिद्ध जुइमा धकाः परमेश्वरं मनंतुनादीगु खः।
✡11:3 ११:३ उत १:१; भज ३३:६,९; यूह १:३
✡11:4 ११:४ उत ४:३-१०
✡11:5 ११:५ उत ५:२१-२४
✡11:7 ११:७ उत ६:१३-२२
✡11:8 ११:८ उत १२:१-५
✡11:9 ११:९ उत ३५:२७
✡11:11 ११:११ उत १८:११-१४; २१:२
✡11:12 ११:१२ उत १५:५; २२:१७; ३२:१२
✡11:13 ११:१३ उत २३:४; १ इति २९:१५; भज ३९:१२
✡11:17 ११:१७ उत २२:१-१४
✡11:18 ११:१८ उत २१:१२
✡11:20 ११:२० उत २७:२७-२९,३९-४०
✡11:21 ११:२१ उत ४७:३१; ४८:२०
✡11:22 ११:२२ उत ५०:२४-२५; प्रस १३:१९
✡11:23 ११:२३ प्रस २:२; १:२२
✡11:24 ११:२४ प्रस २:१०-१२
✡11:27 ११:२७ प्रस २:१५
✡11:28 ११:२८ प्रस १२:२१-३०
✡11:29 ११:२९ प्रस १४:२१-३१
✡11:30 ११:३० यहो ६:१२-२१
✡11:31 ११:३१ यहो २:१-२१; ६:२२-२५
✡11:32 ११:३२ न्याय ६:११–८:३२; ४:६–५:३१; १३:२–१६:३१; ११:१–१२:७; १ शमू १६:१–१ राज २:११; १ शमू १:१–२५:१
✡11:33 ११:३३ दान ६:१-२७
✡11:34 ११:३४ दान ३:१-३०
✡11:35 ११:३५ १ राज १७:१७-२४; २ राज ४:२५-३७
✡11:36 ११:३६ १ राज २२:२६-२७; २ इति १८:२५-२६; यर २०:२; ३७:१५; ३८:६
✡11:37 ११:३७ २ इति २४:२१