होशेया सफू
म्हसीका
आमोस अगमवक्ता लिपा होशे अगमवक्तां इस्राएलय् प्रचार यात। उत्तर इस्राएल देशया राजधानी सामरियाया पतन जुइ न्ह्यः संकट जुयाच्वंबलय्, ई.पू. ७२२ लय् प्रचार याःगु खः। उबलय् होशे अगमवक्तां प्रचार यानाच्वंबलय् हे इस्राएलीतय्सं थः परमेश्वरयात ल्वमंकाः मूर्ति पुजापाखें वंगुया विरोधय् हे वं प्रचार याःगु खः।
होशे अगमवक्तां छम्ह व्यभिचारी मिसानापं याःगु ब्याहाया दसु बियाः मनूतय्त परमेश्वर प्रति विश्वासघात याःगु खँया बारे साहस यानाः ब्याख्या याःगु खँ थ्व सफुलिइ च्वयातःगु दु। गथे वया कलाः गोमेरं वनापं विश्वासघात याःगु खः, अथे हे परमेश्वरया प्रजां परमप्रभुयात विश्वासघात यानाः वय्कःयात त्वःतूगु खः।
अथे जुयाः इस्राएलीतय्के दण्ड वल। अय्नं परमेश्वरं थः प्रजातय्त न्ह्याबलें माया यानादिल।
लिपतय् व जातियात वय्कलं हाकनं थःपाखे हे स्वकादी अले इमिगु थथःगु हे बाचा न्हापायागु थें हे चिनादी। थ्व सफुलिइ नुगलय् थीगु खँग्वःत थुकथं ब्याख्या यानातःगु दु, “अय् इस्राएल, जिं छिमित गुबलें त्वःते फइ ला? गुकथं जिं छिमित त्वःते फइ? अथे यायेत जिगु मन मानय् जुइ मखु। छिपिंनापं दुगु जिगु माया तसकं क्वात्तु” (११:८)।
धलः पौ
होशेया ब्याहा व वया परिवार १:१–३:५
परमप्रभुं इस्राएलीतय्त द्वपं ब्यूगु ४:१–१३:१६
पश्चात्ताप व बचंया बुखँ १४:१-९
होशे
1
होशेया कलाः व काय्म्ह्याय्पिं
1 यहूदाया*१:१ यहूदाया थुपिं पेम्ह जुजुपिन्सं ई.पु. ७९२-६८७ तक शासन यात, स्वयादिसँ, २ राज १५:१-७; १५:३२–१६:२०; १८:१–२०:२१; २ इति २६:१–३२:३३ जुजुपिं उज्जियाह✡१:१ २ इति २६:१-२३; यशै ६:१, योताम✡१:१ २ राज १५:५-७; १५:३२-३८; २ इति २७:१-९, आहाज✡१:१ २ राज १६:१-२०; २ इति २८:१-२७ व हिजकिया✡१:१ २ राज १८:१–२०:२१; २ इति २९:१–३२:३३ अले येहोआशया काय् इस्राएलया जुजु यारोबामं✡१:१ २ राज १४:२३-२९ राज्य यानाच्वंबलय् परमप्रभुया वचन बेरीया काय् होशेयाथाय् वल।
2 परमप्रभुं होशेपाखें दकलय् न्हापा नवानादीबलय्, परमप्रभुं होशेयात धयादिल, “हुँ, वनाः छम्ह वेश्यालिसें ब्याहा या। वयागु वेश्या ज्यां बूम्ह सन्तानयात थः नाला का, छाय्धाःसा इस्राएलं परमप्रभुया ल्यू वनेगु त्वःताः वेश्यायागु थें यक्व ज्या याःगु दु।” 3 अथे जुयाः वं वनाः दिब्लैमया म्ह्याय् गोमेरयात ब्याहा यात। अले व प्वाथय् दयाः वपाखें छम्ह काय्मचा बुइकल।
4 अले परमप्रभुं होशेयात धयादिल, “वयागु नां यिजरेल ति, छाय्धाःसा जिं याकनं हे येहूया घरानायात यिजरेलय् जूगु हत्याया सजाँय बी।✡१:४ २ राज १०:११ इस्राएलया राज्य अन्त यानाबी। 5 उबलय् जिं इस्राएलया सिपाइँतय्गु शक्तियात यिजरेलया ब्यासिइ नाशयानाबी।”
6 गोमेरया हाकनं प्वाथय् दत अले वं छम्ह म्ह्याय् बुइकल। अले परमप्रभुं होशेयात धयादिल, “वयागु नां लो-रूहामा†१:६ लो-रूहामा थुकिया अर्थ दया मदु ति, छाय्धाःसा इस्राएलया घरानायात हाकनं जिं गुबलें दया यानाः क्षमा बी मखुत। 7 अय्नं जिं यहूदाया घरानायात माया याये। इमिगु उद्वार धनुष, तरवार, लडाइँ व सलगइपिंपाखें मखु, तर परमप्रभु इमि परमेश्वरपाखें याये।”
8 गोमेरं म्ह्याय्यात दुरु त्वंकेगु दिके धुंकाः वया हाकनं प्वाथय् दत अले मेम्ह काय् बुइकल। 9 परमप्रभुं होशेयात धयादिल, “वयागु नां लो-अम्मी‡१:९ लो-अम्मी थुकिया अर्थ जिमि मनूत मखु ति, छाय्धाःसा इस्राएली मनूत जिगु प्रजा मखु अले जि इमि परमेश्वर मखु।”
10 “अथे जूसां इस्राएलीतय्गु ल्याः समुद्रया सिथय् च्वंगु फि थें जुइ, सुयात न नापय् याये फइ, न ल्याः खाये फइ। गन इमित थथे धाःगु खः, ‘छिपिं जिमि प्रजा मखु,’ अन इमित थथे धकाः धाइ, ‘छिपिं म्वाःम्ह परमेश्वरया सन्तान खः।’✡१:१० रोम ९:२६ 11 यहूदा व इस्राएलया मनूत मिले जुइ। अले इमिसं थःगु निंतिं छम्ह नायः ल्यइ, अले इपिं कैदी जुयाच्वंगु थासं लिहां वइ। धात्थें हे यिजरेलया§१:११ यिजरेल थुकिया अर्थ “परमेश्वरं ह्वलादी” व दिं छगू तःधंगु दिं जुइ।
*1:1 १:१ यहूदाया थुपिं पेम्ह जुजुपिन्सं ई.पु. ७९२-६८७ तक शासन यात, स्वयादिसँ, २ राज १५:१-७; १५:३२–१६:२०; १८:१–२०:२१; २ इति २६:१–३२:३३
✡1:1 १:१ २ इति २६:१-२३; यशै ६:१
✡1:1 १:१ २ राज १५:५-७; १५:३२-३८; २ इति २७:१-९
✡1:1 १:१ २ राज १६:१-२०; २ इति २८:१-२७
✡1:1 १:१ २ राज १८:१–२०:२१; २ इति २९:१–३२:३३
✡1:1 १:१ २ राज १४:२३-२९
✡1:4 १:४ २ राज १०:११
†1:6 १:६ लो-रूहामा थुकिया अर्थ दया मदु
‡1:9 १:९ लो-अम्मी थुकिया अर्थ जिमि मनूत मखु
✡1:10 १:१० रोम ९:२६
§1:11 १:११ यिजरेल थुकिया अर्थ “परमेश्वरं ह्वलादी”