3
होशे थः कलाःनापं मिलय् जूगु
1 परमप्रभुं जितः धयादिल, “हुँ, हाकनं वनाः थः कलाःयात माया या। खः ला वयात मेम्ह मिजंनं माया याः अले व व्यभिचारिणी खः। परमप्रभुं इस्राएलीतय्त दया माया यानादी थें वयात दया माया या, खः ला इपिं मेपिं द्यःतपाखे फहीगु दु अले इमिसं मूर्तितय्त किसमिस छानाः पुजा यायेगु यानाच्वंगु दु।”
2 अथे जुयाः जिं झिंन्यागू शेकेल तौल वहः व सछि व नेय्गू किलोग्राम तछ्व बिया व मिसायात न्यानाः लिफ्याना। 3 अले जिं वयात धया, “छ यक्व दिं तक जि नाप च्वनेमाः। छं वेश्याया ज्या याये मते, सुं मिजंनापं भेलय् बुया जुइ मते अले जिं नं छन्त अथे हे याये।”
4 थुकथं इस्राएलीत यक्व दिं तक राजा वा राजकुमार मदय्क बलिदान व पुजा यायेगु ल्वहंया थां मदय्क व एपोद*३:४ एपोद दकलय् तःधंम्ह पुजाहारीं पुनीगु थानातःगु वसः (प्रस २८:६-१५,३०) व छेँया द्यःत†३:४ छेँया द्यःत हिब्रूभाषाय् “तेराफिम” द्यःत वा सीपिं पुर्खातय्गु आत्मायात प्रतिनिधित्व याइगु चिचीधंगु छेँया मूर्तितय्त थुकिं क्यनी। मनूतय्सं छु यायेमा धकाः इमिके सल्लाह काइगु मदय्काः च्वनी। 5 अनंलि इस्राएलीत लिहां वइ, इमिसं परमप्रभु थः परमेश्वरयात व जुजु दाऊदया सन्तानयात‡३:५ दाऊदया सन्तान धयागु बाचा यानातःम्ह मसीह खः माली। लिपांगु दिनय् इमिसं परमप्रभुया भय काइ अले वय्कःपाखे वयाः सुवाः काइ।
*3:4 ३:४ एपोद दकलय् तःधंम्ह पुजाहारीं पुनीगु थानातःगु वसः (प्रस २८:६-१५,३०)
†3:4 ३:४ छेँया द्यःत हिब्रूभाषाय् “तेराफिम” द्यःत वा सीपिं पुर्खातय्गु आत्मायात प्रतिनिधित्व याइगु चिचीधंगु छेँया मूर्तितय्त थुकिं क्यनी। मनूतय्सं छु यायेमा धकाः इमिके सल्लाह काइगु
‡3:5 ३:५ दाऊदया सन्तान धयागु बाचा यानातःम्ह मसीह खः