मीकाया सफू
म्हसीका
मीका व यशैया अगमवक्तात छगू हे इलय्यापिं मनूत खः। मीका दच्छिनय् च्वंगु राज्य यहूदाया छगू गामय् च्वंम्ह खः। उत्तरय् च्वंगु राज्यय् तच्वःगु विपत्ति वइतिनि धकाः आमोस अगमवक्तां अगमवाणी याःगु खः, ठीक व थें हे यहूदाय् नं विपत्ति वये धुंकल धकाः मीकायात परमेश्वरं क्यनादिल। आमोस स्वया मीकां अझ अप्वः लिपाया आशाया बारे अगमवाणी नवात। थ्व सफुलिइ लुमंके माःगु मू मू खँ थुपिं हे खः –
परमेश्वरया अधीनय् विश्व-शान्तिया किपा ४:१-४
दाऊदया सन्तानपाखें छम्ह तःधंम्ह जुजु वइतिनि अले वं हे देशय् शान्ति थापं यानादी धयागु खँया अगमवाणी ५:२-५, अले छगू हे पदय् इस्राएलया अगमवक्तातय्सं छु धायेमाःगु दु उकिया मू खँ।
“छपाखें परमप्रभुं छु यय्कादी? खःकथं ज्या यायेगु, मायायात यय्केगु, थः परमेश्वरलिसें क्वमिलु जुयाः जुयेगु।” ६:८
धलः पौ
इस्राएल व यहूदायागु न्याय-दण्ड १:१–३:१२
हाकनं थापं याःगु व शान्ति ४:१–५:१५
ख्याच्वः व आशाया बुखँ६:१–७:२०
मीका
1
1 यहूदाया जुजुपिं*१:१ यहूदाया थुपिं पेम्ह जुजुपिन्सं ई.पु. ७४०-६८७ तक शासन यात, उगु इलय् यशैया यरूशलेमय् अगमवक्ता खः। स्वयादिसँ, २ राज १५:३२–१६:२०; १८:१–२०:२१; २ इति २७:१–३२:३३ योताम, आहाज व हिजकियां राज्य यानाच्वंबलय् मोरेशेत शहरय् च्वंम्ह मीकायाथाय् वःगु परमप्रभुया वचन†१:१ परमप्रभुया वचन स्वयादिसँ थुपिं सफूत, यशै १:१०; यर १:२; इज १:३; होशे १:१; योए १:१; योना १:१; सप १:१; हाग १:१; जक १:१; मला १:१, थ्व दर्शन वं सामरिया व यरूशलेमयागु बारे खंगु खः।
2 हे जात जातियापिं सकलें मनूत, थ्व खँ न्यँ।
हे पृथ्वी व अन च्वंपिं फुक्क मनूत, ध्यान बियाः न्यँ।
परमप्रभु परमेश्वरं छिमिगु विरोधय् साक्षी बियादी।
न्यँ, वय्कलं थःगु पवित्र देगलं न्ववानादी।
सामरिया व यरूशलेमया विरोधय् न्याय
3 स्वः! परमप्रभु वय्कः च्वनादीगु थासं झायाच्वंगु दु,
वय्कः क्वहां झायाः पृथ्वीयागु दकलय् तज्जाःगु थासय् न्यासि जुयादी।
4 वय्कःया क्वय् पहाडत नायावनी,
अले ब्यासित निब्व जुइ।
पहाडत मिइ मैन नायावं थें नायावनी,
भीरं लः क्वहां वः थें ल्वहंत सुल्ल क्वहां वनी।
5 थुपिं फुक्व याकूबया अपराध
व इस्राएलया घरानाया पापया कारणं जूगु खः।
याकूबया अपराध छु खः लय्?
छु व सामरिया मखु ला?
यहूदाया द्यःपुजा याइगु थाय् गन दु?
छु व यरूशलेम मखु ला?
6 “अथे जुयाः जिं सामरियायात ल्वहंया कुचाकाचाया द्वँ दय्काबी,
अले दाखया क्यब दय्काबी।
जिं उकिया ल्वहंत ब्यासिइ वांछ्वयाबी।
अले उकिया जग प्वलाबी।
7 वयागु फुक्क मूर्तितय्त कुचा कुचा याइ।
वयागु दक्व देगःया क्वस्यालित मिइ छ्वय्काछ्वइ।
अले वयागु फुक्क मूर्तित जिं नाश यानाबी।
उपिं क्वस्यालित वेश्याया ज्या यानाः वं मुंकूगु खः,
अले उपिं वेश्याया ज्याला थें हाकनं छ्यली।”✡१:७ व्य २३:१७-१८
ख्वख्वं विलाप याःगु
8 अथे जुयाः जिं ख्वख्वं विलाप याये।
जि खालि तुति व नांगा जुयाः थुखे उखे जुये।
जि ध्वंचा थें हाले अले न्हिकांझंगः थें ख्वये।
9 सामरियायागु घाः लनी मखु।
व यहूदाय् नं वःगु दु, यरूशलेमया ध्वाखा तक नं थ्यंगु दु।
10 थ्व खँ छिमिसं गातय्‡१:१० गात हिब्रू भाषाय् थ्व गात नां खँग्वःया अर्थ “धयाब्यु” खः। गात पलिश्तीतय्गु राजधानीत मध्ये छगू खः। वनाः कने मते
अले ख्वये मते। बेथ-ओप्राया§१:१० बेथ-ओप्रा हिब्रू भाषां बेथ-ओप्राया अर्थ “धूया छेँ” खः। धुलय् ग्वारा ग्वारा तु।✡१:१० २ शमू १:२०
11 हे शाफीरय् च्वंपिं मनूत,
नांगा जुयाः लज्या चायाः पिहां वा।
सानानय् च्वंपिं पिहां वइ मखु।
बेथ-एजेल ख्वयाच्वंगु दु,
वयागु शरण कायेगु थाय् छिमिगुपाखें यंकूगु दु।
12 मारोतया मनूत नुगः खुलखुल मिंका
उद्धार पियाच्वंगु दु।
तर परमेश्वरयापाखें विपत्ति
यरूशलेमयागु ध्वाखाय् तक थ्यंकः वःगु दु।
13 हे लाकीशय् च्वंपिं मनूत,
छिमिसं सलत रथय् च्यु।
म्ह्याय् सियोनया पापया शुरु छिपिं हे खः।
छाय्धाःसा इस्राएलया अपराधत छिमिके हे लुत।
14 अथे जुयाः मोरेशेत-गातयात*१:१४ मोरेशेत-गात थ्व मोरेशेत शहरया मेगु नां खः गुकियात मीकाया छेँ धाइगु खः।
छिमिसं कोसेलि बियाः बिदा बी।
अक्जीबया†१:१४ अक्जीब हिब्रू भाषां अक्जीब नांया अर्थ “छल” खः। शहरपाखें
इस्राएलया जुजुपिन्सं धोखा नइ।
15 हे मारेशाय् च्वंपिं मनूत
छिमित बुकीम्ह छम्हय्सित जिं हये।
इस्राएलया महिमा
अदुल्लाम गुफाय् वये माली।
16 थःयःपिं मस्तय्गु लागि दुखं च्वनाः
थःगु छेनय् च्वंगु सँ खा।
थःत गिद्ध थें पाचु छ्यं दय्की।
छाय्धाःसा छिमि मस्तय्त ज्वनाः छिमिगुपाखें तापाक यंकी
*1:1 १:१ यहूदाया थुपिं पेम्ह जुजुपिन्सं ई.पु. ७४०-६८७ तक शासन यात, उगु इलय् यशैया यरूशलेमय् अगमवक्ता खः। स्वयादिसँ, २ राज १५:३२–१६:२०; १८:१–२०:२१; २ इति २७:१–३२:३३
†1:1 १:१ परमप्रभुया वचन स्वयादिसँ थुपिं सफूत, यशै १:१०; यर १:२; इज १:३; होशे १:१; योए १:१; योना १:१; सप १:१; हाग १:१; जक १:१; मला १:१
✡1:7 १:७ व्य २३:१७-१८
‡1:10 १:१० गात हिब्रू भाषाय् थ्व गात नां खँग्वःया अर्थ “धयाब्यु” खः। गात पलिश्तीतय्गु राजधानीत मध्ये छगू खः।
§1:10 १:१० बेथ-ओप्रा हिब्रू भाषां बेथ-ओप्राया अर्थ “धूया छेँ” खः।
✡1:10 १:१० २ शमू १:२०
*1:14 १:१४ मोरेशेत-गात थ्व मोरेशेत शहरया मेगु नां खः गुकियात मीकाया छेँ धाइगु खः।
†1:14 १:१४ अक्जीब हिब्रू भाषां अक्जीब नांया अर्थ “छल” खः।