8
परमेश्वरयागु नां संसार न्यंक तःधं
दाऊदया भजन, लय् तइम्हसिया निंतिं –
गित्तिया कथं
गित्तिया कथं
1 हे परमप्रभु, जिमि प्रभु।
संसार न्यंक छिगु नां
गुलि तःधं।
छिगु महिमा आकाशय् थ्यंगु दु।
2 छिं थः विरोधीतय्गु कारणं यानाः
शत्रुतय्गु म्हुतुप्वाः तिकेत
मस्त व ह्याउँमस्तय्गु म्हुतुं
थःत तःधंकादिल।✡८:२ मत्ती २१:१६
3 गुबलय् जिं छिगु ल्हाःया ज्या –
आकाश, तिमिला
व नगुतय्त स्वये,
अले जिं बिचाः याये,
4 मनू छु हे खः धकाः
छिं वयात बिचाः यानाच्वनेत?
मनू छु हे खः धकाः
छिं वयात लुमंकाच्वनेत?✡८:४ अयू ७:१७-१८; भज १४४:३; हिब २:६-८
5 छिं वयात स्वर्गया दूतत स्वयाः
भचा जक क्वय् तयादिल।
नापं छिं वयात इज्जत व मान नं
बियादिल।
6 छिं वयात दय्कादीगु फुक्कयागु
अधिकार नं बियादिल।✡८:६ १ कोर १५:२७; एफि १:२२; हिब २:८
7 सा द्वहं, फै-च्वलय्नापं फुक्क
जंगली पशुत नं,
8 आकाशय् ब्वइपिं झंगःत
व लखय् जुइपिं न्यात,
अज्ज ला समुद्रया फुक्क
जन्तुत नं।
9 हे परमप्रभु, जिमि प्रभु,
छिगु नां संसार न्यंक
गुलि तःधं।