14
परमेश्वर मदु ला?
दाऊदया भजन
1 मूर्खतय्सं नुगलय्
“परमेश्वर द हे मदु”
धकाः धाइ।
इमिगु मति मभिंगु दु।
इमिसं घच्चाइपुगु ज्या जक
यानाच्वंगु दु।
भिंगु ज्या याइपिं सुं हे मदु।
2 भिंपिं सुं दु ला,
अले परमेश्वरयात मालाजुइपिं
सुं दु ला धकाः
परमेश्वरं स्वर्गं क्वय्
मनूतय्थाय् स्वयादी।
3 इपिं मखुगु लँय् वने धुंकल।
इपिं स्यनावने धुंकल।
भिंगु याइपिं छम्ह हे
मदये धुंकल।* १४:१-३ रोम ३:१०-१२
4 थुपिं मभिंगु यानाजुइपिन्सं
गुबलें हे सय्की मखु ला?
इमिसं जिमि मनूतय्त
मरि नये थें नयाच्वन।
अले परमप्रभुया नां हे काइ मखु।
5 इमिके ग्याःभय दयाच्वनी
छाय्धाःसा परमेश्वर थःत
मानय् याइपिंलिसे जक दी।
6 दुष्टतय्सं मगाःमचाःपिनिगु
ग्वसाः स्यंकाबी
तर परमप्रभु इमित
शरण बीम्ह खः।
7 इस्राएलया मनूतय्गु उद्धार
सियोन पर्वतं वःगु जूसा
गुलि बांलाइ!
गुबलय् परमप्रभुं
थः मनूतय्गु दुःख मदय्कादी,
उबलय् इस्राएलया मनूत
लय्तायाः हाली।* १४:१-७ भज ५३