23
परमप्रभु जिमि जवाः
दाऊदया भजन
1 परमप्रभु जिमि जवाः खः,
जितः छुं मगाःमचाः
जुइ मखु।
2 वय्कलं जितः
वाउँगु घाँसय् थ्यनादी,
वय्कलं जितः
सफागु लःया पुखुलिइ
यंकादी।*२३:२ प्रका ७:१७
3 वय्कलं जितः
न्हूगु जीवन बियादी,
वय्कलं थःगु नांया निंतिं
जितः धार्मिकताया लँय्
यंकादी।
4 न्ह्याथे हे खिउँसे च्वंगु लं
वनेमाःसां
जि छतिं हे ग्याये मखु, प्रभु!
छाय्धाःसा छि जिलिसे दी,
छिगु कथिं व तुतामं नं
जितः ब्वलंकाबी।
5 जिमि शत्रुतय् न्ह्यःने
छिं जिगु निंतिं
भ्वय् ज्वरय् यानादी,
छिं जिगु छ्यं चिकनं
अभिषेक यानादीगु दु,
जिगु ख्वला जायाः भय्बी।
6 जिं स्यू जिगु पलाः पतिकं
छिं जितः माया
व भिं यानाच्वनि।
अले परमप्रभुया छेँय्
जि सदां च्वनेदइ।