Sasuri Paulus
hia jumaꞌat-jumaꞌat ètu propensi
Galati
1
Lii mahoꞌo
1-2 Lii mahoꞌo nèti jaꞌa, Paulus. Jaꞌa paꞌadhu sasuri ne asa aꞌari aaꞌi-aaꞌi dhu parcaya Yesus Kristus ètu jumaꞌat-jumaꞌat ètu propensi Galati. Aꞌari dhu sama-sama dènge jaꞌa ètu neꞌe, paꞌadhu lii mahoꞌo kahèi hia miu.
Jaꞌa pasanèdꞌe miu, na, Ama Lamatua dènge Yesus Kristus ka dhu pua-paleha jaꞌa. Nèti boe dhèu rai-haha ne. Yesus Kristus èèna, nuka Dhèu dhu Ama Lamatua pua mai le. Kristus madhe, te ngaa Lamatua pamamuri hari Ne. Hèia Ra pua-paleha jaꞌa, ho laku peka-padhai Lii Lolo Beꞌa dènge dhèu-dhèu.
Jaꞌa sabajꞌa mi Ama èdhi, Ama Lamatua, aa Kètu èdhi, Yesus Kristus. Jaꞌa manèngi ho Rèngu padꞌelo dꞌara hua iia Ra mi miu, sèna ka miu mamuri padame èci dènge èci. Kristus madhe, sèna ka saku eele aaꞌi sasala èdhi aa pakajꞌèu èdhi nèti bhabhelu-katubꞌa rai-haha ne. Aaꞌi-aaꞌi dhu Kristus adꞌu-ue sèra, madhutu dadꞌèi Ama Lamatua. Nèti èèna ka, èdhi hudꞌi koa-kio Ne taruu! Dhu lèke kèna!
Paulus nasa, lula dhèu Galati pusi-pahae boe Lii Lolo Beꞌa dhu lèke
Aꞌari aaꞌi-aaꞌi! Jaꞌa keꞌa heka tao miu sa mia! Ama Lamatua hagꞌe nare le miu, lula Na neo ho miu meꞌa dꞌara hua iia Na. Te ngaa tasamia ka miu malai titu kèna lami madhutu lii lolo leo dhu lèke boe? Uuru èèna, jaꞌa ajꞌa le dhu mola-mola Lii Lolo Beꞌa nèti Yesus Kristus. Te ngaa limuri ne, dhèu kapodꞌe-kabèli sèra mai pakapodꞌe Lii Lolo Beꞌa èèna, toke miu malaa-maloha.
Sanèdꞌe, ee! Te bèli-camèdꞌa Lamatua huku dhèu dhu ajꞌa Lii Lolo Beꞌa dhu sama boe dènge dhu jiꞌi ajꞌa-nori uru èèna. Masi ka dhèu nèti jiꞌi do, ana pajuu nèti sorga do, hudꞌi laa Lamatua hia ne mamadhe-mamopo! Jiꞌi dhu peka le karèi nèti uru ka. Te ngaa limuri ne, jaꞌa neo hari pasanèdꞌe sèmi neꞌe: ladhe abhu dhèu dhu ajꞌa leo nèti Lii Lolo Beꞌa dhu miu abhu le uru èèna, hudꞌi laa Lamatua hia ne mamadhe-mamopo.
10 Jaꞌa bani peka sèmi èèna, lula jaꞌa neo pakarejꞌe dꞌara Ama Lamatua, neo boe pakarejꞌe dhèu rai-haha ne. Miu ngee, na, jaꞌa tenge kolongara nèti dhèu rai-haha, do? Aadꞌo! Te ladhe jaꞌa tao sèmi èèna, jaꞌa pantas boe jꞌajꞌi ana pua-paleha nèti Kristus.
Paulus lole hari tasamia ka na jꞌajꞌi dhèu pajuu-paleha Lamatua Yesus
11 Aꞌari aaꞌi-aaꞌi! Jaꞌa peka paledꞌa dènge miu, na, Lii Lolo Beꞌa dhu jaꞌa ajꞌa-nori miu, nèti boe tatao dhèu rai-haha. 12 Jaꞌa abhu boe nèti dhèu rai-haha, aa abhu boe ca dhèu sa dhu ajꞌa-nori jaꞌa. Te Yesus Kristus mesa Na ka dhu bhoke sasoa na mi jaꞌa.
13 Tatu miu tadèngi le lii lolo nèti jꞌara mamuri jaꞌa, lodꞌo jaꞌa madhutu agama Yahudi era, si? Lodꞌo èèna, jaꞌa pajꞌèra titu kèna dhèu-dhèu unu Lamatua, aa neo paꞌele iie aaꞌi si. Lii Lolo nèti Dhèu Pajuu-paleha 8:3, 22:4-5, 26:9-11 14 Aa lodꞌo èèna kahèi, dꞌara jaꞌa neo titu kèna ajꞌa jꞌara-jꞌara agama Yahudi, risi nèti dhèu Yahudi dhu leo dhu ca dadena dènge jaꞌa. Aa jaꞌa ne majꞌèni risi pakako adꞌa bèi-baki èdhi dènge atora agama aaꞌi-aaꞌi. Lii Lolo nèti Dhèu Pajuu-paleha 22:3
15-16 Masi ka sèmi èèna, Ama Lamatua dhu pamaꞌète nare le ho patadhe Ana Na mi jaꞌa. Ina ku dhae nara iisi mèka jaꞌa, te Nèngu dhu hagꞌe mema le jaꞌa, lula Na neo padꞌelo dꞌara hua iia Na mi jaꞌa. Nèngu kahèi pua jaꞌa ho laku peka-padhai dènge dhèu Yahudi boe sèra. Lodꞌo Na pua jaꞌa èèna, laku boe manèngi aꞌabhu nèti dhèu leo. Lii Lolo nèti Dhèu Pajuu-paleha 9:3-6, 22:6-10, 26:13-18 17 Aa laku boe paraga dènge dhèu heka-dhèu heka Kristen dhu jꞌajꞌi mema le dhèu pajuu-paleha Yesus ètu kota Yerusalem. Te ngaa laku dènge ka asa rai Arab. Èle ka, jaꞌa lèpa hari asa kota Damsik.
18 Hèia lalu eele tèlu tèu ku, heka laku paraga dènge Petrus* Lii Yunani dhu suri ètu ayat neꞌe pake ngara Kefas. Èèna ngara leo nèti Petrus madhutu lii Aram. Petrus ne, ngara madhutu lii Yunani. Te ngaa dua ngara se, sasoa na èci èèna ka, nuka “hadhu”. ètu Yerusalem, ho pakarèi jꞌara-jꞌara nèti nèngu. Ka jaꞌa manubha taha canguru lèmi lodꞌo ètu nèi. Lii Lolo nèti Dhèu Pajuu-paleha 9:26-30
19 Lodꞌo èèna, jaꞌa paraga kahèi dènge Yakobis, ari dꞌèlu Lamatua Yesus. Te ngaa jaꞌa paraga boe dènge dhèu pajuu-paleha Lamatua dhu leo sèra. Dhoka dua ra di. 20 Ngaa dhu jaꞌa suri ne, mema tareꞌa sèmi èèna! Jaꞌa kapodꞌe boe! Lamatua neꞌa aaꞌi!
21 Èle èèna, hèia jaꞌa laku asa propensi Siria dènge propensi Kilikia. 22 Lodꞌo èèna, dhèu-dhèu unu Kristus ètu propensi Yudea, dhae tadhe mèka jaꞌa. 23 Dhèu seꞌe dhoka tadèngi lii palolo, dhu peka na, “Dhèu dhu uru èèna pajꞌèra èdhi, limuri ne nuka ajꞌa Lii Lolo Beꞌa Kristus. Nèngu ka dhu uru èèna, neo paꞌele iie aaꞌi èdhi.” 24 Ropa ra tadèngi sèmi èèna, aaꞌi-aaꞌi ra koa-kio Ama Lamatua, lula jaꞌa parcaya le Yesus Kristus.

1:13 Lii Lolo nèti Dhèu Pajuu-paleha 8:3, 22:4-5, 26:9-11

1:14 Lii Lolo nèti Dhèu Pajuu-paleha 22:3

1:15-16 Lii Lolo nèti Dhèu Pajuu-paleha 9:3-6, 22:6-10, 26:13-18

*1:18 Lii Yunani dhu suri ètu ayat neꞌe pake ngara Kefas. Èèna ngara leo nèti Petrus madhutu lii Aram. Petrus ne, ngara madhutu lii Yunani. Te ngaa dua ngara se, sasoa na èci èèna ka, nuka “hadhu”.

1:18 Lii Lolo nèti Dhèu Pajuu-paleha 9:26-30