4
Ɛ Jon yɛn ɛ bó nyaa mbense ɛ̂ Nyo' fowe
1 Ɛjim jo mwɛɛm mwɛ, ɛ me mbvuu ntaa, nɛ n'yɛn kembuŋ e fowe ɛ kí nu keyɛ. Ɛ diɛw yɛ yì me mbe n'yaw wase ɛ n'yuw ɛ yí jemyi ɛ̂ me diɛwɛ soŋ e, bvuu gay ɛ̂ me lɛ, “Bencɛ eto fɛn ɛ́ me enduŋcɛ mwɛɛm mvù kɛŋke keekooy ɛjim jo kefew kin ɛ̂ wo.” 2 5:7; Mben 11:4; 103:19Kaŋ mwaaŋ, ɛ me nɛ no nu can Keyoy ke Nyo' le, mum n'yɛn kawla le ɛ wvú nu fowe, ɛ wee ɛ shii yî dvú le. 3 Ɛsek 1:26-28Wee wvudvu to lawkene diɛwɛ kfuu ɛta yomew yò lumte yò bó teŋe lɛ jasba noo yò bó teŋe lɛ kanelia, ɛ kela ɛ daa ɛ kɛɛkɛɛ kawla wvudvu lawkene tɛn diɛwɛ tɛ dì bó teŋe lɛ ɛmelaal e. 4 5:5, 8, 10; 7:11, 13; 11:16; 14:3; 19:4; Yɛsa 24:23; 6:11Bokawla bomew mbaanfiɛɛ ncow bonɛw to nu ɛ kɛɛkɛɛ kawla wvudvu, ɛ bocɛ' bo bonyii le bomew ɛ shiiyɛn yî dvú le mbaanfiɛɛ ncow bonɛw ɛ bó ɛ jise ndvú yì baa, ɛ bon bifo bi bvunfon e ɛ bó kene bô ketwaa ke bigew e kè yɛɛle. 5 8:5; 11:19; 16:18; 17:9; Ksm 9:24; 19:16; Ɛsek 1:13-14Jaŋ yì lawkene to buyte yî kawla wɛ le, baykene, dvûmte, ɛ bin'yeese bɛɛnci fwe dvu kawla wvudvu bisooshwiy bì ɛ̀ nu biyoy bi Nyo' le bi bisooshwiy. 6 15:2; Ɛsek 1:22; 5:6, 8, 11; 6:1; 7:11; 14:3; 15:7; 19:4; Ɛsek 1:5-12; 10:14Fiɛɛ fimew to nu tɛn fwe dvu kawla wvudvu fieesene joo yi baay mi yì yuule naa nɛn sakasaka diɛwɛ kenlɛɛy e.
Mwɛɛm mvu mvuyuum mvumew mvunɛm to nu ɛ leem kɛɛkɛɛ kawla wvudvu biba bicii ɛ ɛjisɛ ɛ yiŋsɛn lo yî mvú le fwe bô ɛjim. 7 Fiɛɛ fi fiyuum fi fwe to fieesene bvule, ɛ fì bii fó fieesene waa na' wvù diemsɛn, ɛ fì bvuu bii fó kɛŋke bvushiw diɛwɛ bvu wee le, ɛ fi ɛjim fieesene nfaanduŋ fò wvú bile. 8 1:17; 11:17; Yɛsa 6:2-3; Ɛsek 1:18; 10:12Mwɛɛm mvu mvuyuum mvu mvunɛm mvudvu to kɛŋke bibɛ bisoocaan bisoocaan, ɛ mvú ɛ yiŋsɛn lo bô ɛjisɛ ɛwe bô ɛkuse. Mwɛɛm mvudvu to ké no yemte ɛntaŋ bô ɛmvunsheeŋ yaa luu kɛ. Mvú to ké no yemte lɛ,
“Nyo' yuule lo! Nyo' yuule lo! Nyo' yuule lo!
Ɛ̀ nu wvú Tata Nyo' wvù Kɛŋke Mvuŋgay Mvunciim.
Ɛ̀ nu wvú wvù to nu wase, ɛ ɛ̀ nu wvú wvù nu, ɛ wvú nu ke eto.”
9 Mwɛɛm mvu mvuyuum mvudvu to ké dioo tumte moŋkum mo Nyo' le nyaa n'wvum bô keyoone ɛ̂ wvú wvudvu wvù nu ɛ shii yî kawla le wvù nu dvú sekecii sɛ ŋka, 10 ɛ bocɛ' bo bonyii le bo mbaanfiɛɛ ncow bonɛw ba mum gbwe gɛn fwe dvu wvú wvù nu ɛ shii yî kawla le, nya mbense wvu baay ɛ̂ wvú wvuwɛ wvù nu dvú sekecii sɛ ŋka. Ɛ́ bó dioo gee nonɛn mum no baayi bifo bibole bi bvunfon e, jiwse fwe dvu kawla yemte lɛ,
11 Keŋ 1:1, 31; Mwm 5:9, 12; 11:15, 17; 12:10; 15:3-4; 19:6“Wo wvù nu Tata, nu Nyo' wese,
wo nu ɛ kocɛn wvù bó etumte moŋkum muw,
nyaa n'wvum ɛ̂ wo,
bɛnse mvuŋgay mwuw,
njefo ɛ̀ to bom wo mwɛɛm mvunciim,
ɛ ɛ̀ to koŋ wo sɛ bom mvú, mvú ɛ no nu dvú.”
4:2 5:7; Mben 11:4; 103:19
4:3 Ɛsek 1:26-28
4:4 5:5, 8, 10; 7:11, 13; 11:16; 14:3; 19:4; Yɛsa 24:23; 6:11
4:5 8:5; 11:19; 16:18; 17:9; Ksm 9:24; 19:16; Ɛsek 1:13-14
4:6 15:2; Ɛsek 1:22; 5:6, 8, 11; 6:1; 7:11; 14:3; 15:7; 19:4; Ɛsek 1:5-12; 10:14
4:8 1:17; 11:17; Yɛsa 6:2-3; Ɛsek 1:18; 10:12
4:11 Keŋ 1:1, 31; Mwm 5:9, 12; 11:15, 17; 12:10; 15:3-4; 19:6