27
De hodooligi o Jotham i Judah
(2 Ki 15.32-38)
1 Jotham gu madalua ma lima ono ngadau i de masavaa oona ne dae ange ai ga hodooligi, gai ia ne hodooligi i Jerusalem i e madaangahulu ma ono ngadau. Gai de ingoo o dono dinana go Jerushah, tamaa hine a Zadok. 2 Gai ia ne hai hegau i de heohi i mada luu mada o Tagi Maolunga, bei dagodo hegau a dono damana go Uzziah, gai ia tee ulu i de temple o Tagi Maolunga bei dagodo hegau a dono damana ne hai. Aagai dangada ne duudagi de hai denga dahulinga hakino gee. 3 Gai Jotham ne hagaduu age ange de haitoga e mua gi lunga o de hale o Tagi Maolunga, ma de hai hegau ange ga hagaduu age de buibui o Ophel. 4 Ia ne hagatuu hogi denga aduhale i mommee iai mounga o Judah, ma mommee buibui makaga aama denga hale dagitilo maolunga i lodo henua.
5 Gai ia ne hebagi ange gi de hodooligi o de gau Ammon ga hagadee kii gilaadeu. De ngadau laa gai de gau Ammon ne gaavange gi de ia e lau talent*100 talente bei se 3¾ dana. selevaa, ma e dahisemada cor†10,000 coragu made se 1½ dana.wheat, ma e dahisemada corbarley. Gai ne dolu ngadau a de gau Ammon ne hagao ange ai mee nei gi de ia.
6 Gai Jotham gu kona mmao de mmahi, go hiidinga ia ne daudali i lodo o Tagi Maolunga dono Maadua.
7 Gai hegau a Jotham ange laa ma ana hebagi ne hai, aama ana mee alodahi ne hai, gu sisi i lo te beebaa o denga hodooligi o Israel aama Judah. 8 Gai ia gu madalua ma lima ono ngadau i de masavaa oona ne dae ange ai ga hodooligi, gai ia ne hodooligi i e madaangahulu ma ono ngadau i Jerusalem. 9 Gai Jotham ne magau bei ono dubuna, gai gilaadeu ga danu ia i de aduhale o David. Gai dana dama daane go Ahaz ga sui ia ga hodooligi ai.