10
Taamada o denga huaahenua
(1 Ch 1.5-23)
1 Gai aanei aamuli o Noah ma ana dama daane: go Shem, ma Ham, aama Japheth. Gai gilaadeu ne hagadili hogi hanu dama i dua tolona.
Hagadiilinga o Japheth
2 Dama daane a Japheth: go Gomer, ma Magog, ma Madai, ma Javan, ma Tubal, ma Meshek, aama Tiras.
3 Gai dama daane a Gomer: go Ashkenaz, ma Riphath aama Togarmah.
4 Dama daane a Javan: go Elishah, ma Tarshish, ma Kittim aama Dodanim. 5 (Gai denga huaadangada i tagudai nei ne hai ga dohu olaadeu vaaenga i olaadeu hagadiilinga ma olaadeu huaahenua, gai dahi huaadangada nei ma ana muna.)
Hagadiilinga o Ham
6 Dama daane a Ham: go Cush, ma Egypt,*Egypt, aabe go Mizraim (diiloo hogi de gubu e 13). ma Put, aama Canaan.
7 Dama daane a Cush: go Seba, ma Havilah, ma Sabtah, ma Raamah, aama Sabteca.
Dama daane a Raamah: go Sheba ma Dedan.
8 Cush ne hagadili Nimrod; gai Nimrod go se daane mmahi i henua i lalo. 9 Gai ia gi se daane e abo i de dili manu i mada luu mada o Tagi Maolunga; deelaa ai, e hai ange, “Koe e bei dagodo o Nimrod, taane abo i de dili manu i mada luu mada o Tagi Maolunga.” 10 Taamada age o dono nohoanga hodooligi go Babel, ma Erek, ma Accad, ma Calneh, i de henua go Shinar.†Shinar e bei go Babylon. 11 Gai ia ne humai i de henua laa ga hano gi Assyria ne hagaduu age ai Nineveh, ma Rehoboth Ir, ma Calah, 12 ma Resen i magavaa o Nineveh ma Calah, go de aduhale laumalie.
13 Egypt ne hagadili de gau Lud, de gau Anam, de gau Lehab, de gau Naphtuh, 14 de gau Pathrus, de gau Casluh (ne hagadili ai laa de gau Philistia) aama de gau Caphtor.
15 Canaan ne hagadili de gau Sidon, dana dama madua, ma de gau Heth, 16 ma de gau Jebus, ma de gau Amor, ma de gau Girgash, 17 ma de gau Hiv, ma de gau Erek, ma de gau Sin, 18 ma de gau Arvad, ma de gau Zemar, aama de gau Hamath.
Muli mai gai hagadiilinga o Canaan ne mavaevae saele. 19 Gai de henua o de gau Canaan ne hano gi Sidon gai e dae gi Gerar, gai e hano hogi ga dae gi Gaza ma Sodom ma Gomorrah, ma Admah, ma Zeboiim, gai e ngado mai i Lasha.
20 Gai aanei dama daane a Ham, ma olaadeu hagadiilinga, ma alaadeu muna, ma olaadeu henua, aama olaadeu huaahenua.
Hagadiilinga o Shem
21 Ne hanu hogi dama a Shem; gai go ia tamana o denga dama a Eber,‡denga dama a Eber, aabe go de gau Hebrew. gai go taina daane madua o Japheth.
22 Dama daane a Shem: go Elam, ma Asshur, ma Arpaxad, ma Lud, aama Aram.
23 Dama daane a Aram: go Uz, ma Hul, ma Gether, ma Mash.§Mash, aabe go Meshek.
24 Arpaxad ne hagadili Shelah, gai Shelah ne hagadili Eber.
25 Eber ne hagadili e dogolua dama daane. De ingoo o dahi go Peleg,*Peleg i muna Hebrew e bei go de vvae. (go hiidinga dangada o henua i lalo ne mavaevae i dono masavaa), gai de ingoo o dono daina go Joktan.
26 Joktan ne hagadili Almodad, ma Sheleph, ma Hazarmaveth, ma Jerah, 27 ma Hadoram, ma Uzal, ma Diklah, 28 ma Obal, ma Abimael, ma Sheba, 29 ma Ophir, ma Havilah, aama Jobab. Aanei dama alodahi a Joktan.
30 Gai de mommee olaadeu e nnoho ai e daamada mai i Mesha ga hano gi Sephar ma de mommee iai duuduu i de henua i baasi i dua.
31 Aanei dama daane a Shem ma olaadeu hagadiilinga, ma alaadeu muna, ma olaadeu henua aama olaadeu huaahenua.
32 Aanei hagadiilinga o dama a Noah, ma de hagatauanga o olaadeu huaahenua, ma aamuli olaadeu ne loomai ai. Gai denga huaahenua alodahi ne loomai i denga hagadiilinga nei i dua tolona laumalie laa.